Gálatas 3

1 ¡Jñò xi nangui Galacia tsa̱jòn, mé ta tòndo̱ânò! ¿Yá xi kiskoòna̱cha̱nânò? ¿A mì bítsjeènânò koni s’ín nga nguì ndaà tsibèno̱jmíyaânòje̱n nga jè Jesucristo ya̱á k’enât’aà krò xi kjo̱ndaà tsa̱jòn? 2 Tà koií kjoa̱ kjònanguiânò: ¿A koií kjoa̱âla̱ nga kinìkitasòn kjo̱tíxoma nga kitjoéânò Ini̱ma̱ Tsjeèâla̱ Nainá, o xi koiíâné nga mokjeiínânò ‘énâla̱ Nainá koni s’ín kina’yà? 3 Jñò, nga sa̱ ítjòn, tsibìts’ia̱ko̱ânò kjo̱hítsjeènâla̱ Ini̱ma̱ Tsjeèâla̱ Nainá; ko̱ i̱’ndei̱, mejènânò nga tà kjo̱hítsjeènâla̱ xi̱ta̱ si̱kjehet’aàânò. ¡Mé ta tòndo̱ânò! 4 Jñò, tseé kjo̱’in tsatojioòn nga kòkjeiínânò ‘én ndaàâla̱ Nainá. ¿A tà kjo̱tjòâne nga tse kjo̱’in tsatojioòn? Majìn, mìâla kiì ndaà tjín. 5 K’e̱ nga Nainá kitsjaàânò Ini̱ma̱ Tsjeèâla̱ ko̱ kis’iìn kjo̱xkón xi ndaà tjín i̱jiìn na̱xa̱ndá tsa̱jòn, ¿méâne k’oa̱s’ín kis’iìnâne? ¿A koiâné nga ndaà kinìkitasòn kjo̱tíxoma? Majìn, koiíâné nga kòkjeiínânò ‘én ndaàâla̱ Nainá. 6 Koni jè xi̱ta̱ jchíngaâná xi ki’mì Abraham kòkjeiínâla̱ i̱t’aà ts’e̱ Nainá; k’oa̱á komàâne nga xi̱ta̱ kixi̱ kitsòâla̱ Nainá. 7 Jñò, k’oa̱á s’ín ndaà kàtasijiìnânò: Jñà xi mokjeiínâla̱, jñàâné xi tje̱âla̱ Abraham. 8 Nga ti̱sa̱ kjòtseé, jyeé k’oa̱s’ín kitsjaà ‘én Nainá koni s’ín tíchja̱ Xo̱jo̱nâla̱ nga síkixi̱âné jñà xi mìtsà xi̱ta̱ judío k’e̱ nga mokjeiínâla̱ i̱t’aà ts’e̱. Ya̱á tíchja̱ ñánda jè Nainá tje̱n kitsjaà ítjònâla̱ Abraham jñà ‘én ndaàâla̱ xi tsò: “Ngats’iì na̱xa̱ndá xi tjín i̱sò’nde, i̱t’aà tsi̱jií ko̱chikonât’in." 9 K’oa̱á maâne nga ngats’iì xi̱ta̱ xi mokjeiínâla̱ i̱t’aà ts’e̱ Nainá ngásòn ko̱chikonât’in ko̱ Abraham nga jè Abraham kòkjeiínâla̱ i̱t’aà ts’e̱ Nainá. 10 Ngats’iì xi̱ta̱ xi jè ma’ñót’aà takòn koni s’ín nchisíkitasòn kjo̱tíxoma, kjo̱’iín tjínèâla̱, nga mìtsà kixi̱ kjoa̱ nga ndaà síkitasòn ngats’iì kjoa̱ xi ya̱ tjít’aà. Nga k’oa̱á s’ín tíchja̱ Xo̱jo̱nâla̱ Nainá nga tsò: “Kàtasinèâla̱ kjo̱’in jè xi mì kixi̱ síkitasòn ngats’iì kjoa̱ xi tjít’aà jè xo̱jo̱n ts’e̱ kjo̱tíxoma." 11 O̱kixi̱âné nga ni̱jngoò xi̱ta̱ xi kixi̱ kíjna nga nguixko̱n Nainá nga kjo̱tíxoma síkitasòn. Nga̱ jè ‘énâla̱ Nainá tsòâné: “Jè xi xi̱ta̱ kixi̱, jè kjoa̱ xi mokjeiínâla̱ kíjnakonâne." 12 Jñà xi̱ta̱ xi kjo̱tíxoma síkitasòn mìtsà Nainá ma’ñót’aà ikon. Nga k’oa̱á s’ín tíchja̱ Xo̱jo̱nâla̱ Nainá, nga tsò: “Xi̱ta̱ xi kjo̱tíxoma síkitasòn, k’oa̱á s’ín tjínèâla̱ nga k’oa̱s’ín si̱ìjchá yijoâla̱ koni tsò kjo̱tíxoma." 13 Jè Cristo tsibíchjítjìâná kjo̱’in xi ya̱ titsa̱jnajñaá nga kjo̱tíxoma titsa̱nìkitasoán nga jè kisìkjeiín kjo̱’in xi jé tsa̱ján; nga k’oa̱á s’ín tíchja̱ xo̱jo̱n nga tsò: “Kjo̱’iín si̱nèâla̱ ngats’iì xi krò sit’aà." 14 Jè Cristo, koií o̱kis’iìnâne méâne nga jñà kjoa̱ machikonât’in xi kitjoéâla̱ Abraham ti̱koa̱ tjoé yijeâla̱ ngats’iì na̱xa̱ndá xi tjín i̱sò’nde nga jñà kjoa̱ machikonât’in, ya̱á nchrobáâne i̱t’aà ts’e̱ Cristo méâne nga i̱t’aà ts’e̱ kjoa̱ xi mokjeiínâná, tjoéâná Ini̱ma̱ Tsjeèâla̱ Nainá xi jye k’oa̱s’ín kitsjaà tso’ba Nainá nga tsjáâná. 15 Jñò ’ndsè ko̱ tichjaá, kèno̱jmí jngoòânò kjo̱tíxoma xi ts’e̱ i̱sò’nde. K’e̱ nga sindaàjiìn jngoò kjoa̱ nga xo̱jo̱n tjámiì’nga, nga jye ma firma ko̱ sasénâla̱ sello, mì ti̱ kiì ko̱ma ki̱ts’ónâyaâne koni s’ín sindaàjiìn, ti̱koa̱á mì ti̱ kiì ko̱ma si̱ìt’aàsònâìsaâla̱ ‘én xi kj’ei̱í tsò koni s’ín jye kasindaàjiìn. 16 K’oa̱á s’ín kitsjaàâla̱ tso’ba Nainá jè Abraham ko̱ jè xi̱ta̱ tje̱âla̱. Jè Xo̱jo̱nâla̱ Nainá mìtsà tsò “jñà xi̱ta̱ tje̱âla̱”, ta tsòâné: “jè tje̱âlè.” Nga mìtsà kjín ma tje̱âla̱ Abraham xi kitjoéâla̱ koni tsò ‘én xi kitsjaàâla̱ Nainá, ta jngoó maâne. Nga jè tíhoxki̱t’aà Cristo. 17 Jè kjoa̱ xi tìbeno̱jmiá, kiís’ín tjín: Nainá ko̱ Abraham tsibíndaàjiìn jngoò kjoa̱, i̱kjoàn kisìkixi̱ya [koni ma k’e̱ nga jye ma firma]. K’e̱ nga jye tsato ñijòn sìndo̱ ko̱ katé nó, j’iì kjo̱tíxoma ts’e̱ Moisés; ta̱nga jè kjo̱tíxoma mìkiì ma síkits’óña jè kjoa̱ xi jye kisindaàjiìn ko̱ mìkiì ma ki̱tjongui xi Nainá jye k’oa̱s’ín kitsjaà tso’ba. 18 Jè Nainá k’e̱ nga tsjáâná kjo̱ndaàâla̱, mìtsà koi kjoa̱âla̱ nga nìkitasoán kjo̱tíxoma, koiâné nga jye k’oa̱s’ín kitsjaà tso’ba. Nga Nainá, tà kjo̱tjò kitsjaàâla̱ kjo̱ndaà Abraham nga jyeé k’oa̱s’ín kitsjaàâla̱ tso’ba. 19 Ta̱nga jè kjo̱tíxoma, ¿mé xá kitjeiâne? Koií k’oa̱s’ín kitjeiâne koií kjoa̱âla̱ nga ch’o nchis’ín xi̱ta̱. K’oa̱á s’ín kisijna skanda k’e̱ nga j’iì tje̱âla̱ Abraham xi Nainá xó k’oa̱s’ín kitsjaàâla̱ tso’ba. Jè kjo̱tíxoma, jñà àkja̱le̱ j’iìko̱ ko̱ jè Moisés tsasìjnajiìn osen nga kisìkatoya ‘én ko̱ kiìchja̱tjì xi̱ta̱ nguixko̱n Nainá. 20 K’e̱ nga jngoò xi̱ta̱ osìjnajiìn osen, mìtsà ta jngoò xi̱ta̱ fìt’aàâla̱, fìt’aàâla̱ ngajò. Ta̱nga jè Nainá ta jè ta̱jngoó kitsjaàâla̱ ‘én Abraham. 21 Nainá, k’e̱ nga kitsjaà kjo̱tíxoma, mìtsà kondra̱ kiìâla̱ koni s’ín jye kitsjaàâla̱ tso’ba Abraham. Tsà jèâlaâne kjo̱tíxoma maâla̱ síkítsa̱jnakon xi̱ta̱, maáâla kixi̱ kítsa̱jna xi̱ta̱ nga kjo̱tíxoma síkitasòn. 22 Ta̱nga jè Xo̱jo̱nâla̱ Nainá, k’oa̱á tsò nga ngats’iì xi̱ta̱ sa̱á jé títsa̱jnajiìn. K’oa̱á maâne nga jñà xi̱ta̱ xi mokjeiínâla̱ i̱t’aà ts’e̱ Jesucristo, tjoéâla̱ kjoa̱binachon xi Nainá jye k’oa̱s’ín kitsjaà tso’ba nga tsjáâla̱ jñà xi̱ta̱ nga mokjeiínâla̱. 23 K’e̱ nga ti̱kj’eè f’iì jè kjoa̱ xi mokjeiínâná, jè kjo̱tíxoma kitsobà’ñóâná koni tsà nda̱yá tsibìtsa̱jna’yaâná skanda jè na̱chrjein k’e̱ nga ki’yaâla̱ jè kjoa̱ xi mokjeiínâná. 24 Ko̱ jè kjo̱tíxoma kisìkinda̱âná koni s’ín makinda̱ jñà i̱xti, skanda k’e̱ nga j’iì Cristo, méâne k’e̱ nga mokjeiínâná i̱t’aà ts’e̱ Cristo, kixi̱ ki̱tsa̱jnaá nga nguixko̱n Nainá. 25 I̱’ndei̱ nga jye j’iì kjoa̱ xi mokjeiínâná, mì ti̱ ya̱á titsa̱jna’ñóâná i̱t’aà ts’e̱ kjo̱tíxoma. 26 Jñò, ngats’ioò, saà i̱xtiâla̱ Nainá maá koi kjoa̱âla̱ nga mokjeiínânò i̱t’aà ts’e̱ Cristo Jesús. 27 K’e̱ nga ya̱ titsa̱jnakjoòko̱o Cristo nga komà bautizar, k’e̱é jahatjìyaânò koni jngoò xi̱ta̱ xi síkjatjìya nikjeâla̱. Jè sobá Cristo xi komà nikje xi̱tse̱ânò. 28 Mì ti̱ kiì mochjeénâne nga tjájiìn xi̱ta̱ yáâné xi xi̱ta̱ judío ko̱ yáâné xi mìtsà xi̱ta̱ judío, yá xi chi̱’nda’ñó títsa̱jna ko̱ yá xi títsa̱jnandei̱í, yáâné xi x’i̱n ko̱ yáâné xi chjo̱ón. Ngats’ioò ta̱ jngoò yijo maânò nga ya̱ titsa̱jnakjoòko̱o Cristo Jesús. 29 Jñò, nga xi̱ta̱âla̱ Cristo ma, kixi̱í kjoa̱ nga tje̱âla̱ Abraham ma, ti̱koa̱ tjoéânò kjo̱tjò koni s’ín kitsjaàâla̱ tso’ba Nainá jè Abraham.