Gálatas 2

1 K’e̱ nga jye komà i̱skan nga jye ijchò te ñijòn nó, kiaà ìjngoò k’a ján Jerusalén ko̱ Bernabé; ti̱koa̱ kiìkoa̱a jè Tito. 2 Koií kiìâna̱ nga Nainá k’oa̱s’ín kisìkichi̱yaâna̱ nga tjínèâna̱ nga kjián. Jñà xi̱ta̱ xi xá ’nga tjínâla̱ ya̱ na̱xa̱ndáâla̱ Cristo i̱t’aà xìn tsibeno̱jmíâla̱ kó tsò ‘én ndaàâla̱ Nainá xi kjoa̱ ts’e̱ Cristo xi ‘a̱n chjàyaâla̱ jñà xi mìtsà xi̱ta̱ judío. Majìnâna nga jñà xi̱ta̱ koi ki̱tso̱âna nga ni̱mé chjíâla̱ xá xi ‘a̱n tìs’iaàn ko̱ xi jye kis’iaàn. 3 Jè Tito na̱s’ín xi̱ta̱ griego nga ya̱ tji̱ko̱âna, mìtsà yá xi kjo̱’ñó kis’iìnâla̱ nga kisit’aà chibaâla̱ yijoâla̱ kjoa̱ ts’e̱ circuncisión. 4 Ta̱nga tjín i’nga xi̱ta̱ ndiso xi jahas’enâjiìn chijé nga tsò nga ti̱koa̱ jè Cristo fìt’aàâla̱; ta jè xi mejènâla̱ nga kotsejèn chijé kós’ín titsa̱’né jñá xi mokjeiínâná i̱t’aà ts’e̱ Cristo Jesús nga jye titsa̱jnandia̱á kjoa̱ ts’e̱ kjo̱tíxoma xi kitjoéâla̱ Moisés, ko̱ mejènâla̱ nga kjo̱’ñó s’i̱inâná nga si̱kitasoán kjo̱tíxoma. 5 Ta̱nga ngaje̱n ni̱ i̱tsé kinìs’inâla̱je̱n méâne nga jè kjoa̱ kixi̱ xi ts’e̱ ‘én ndaàâla̱ Nainá xi kjoa̱ ts’e̱ Cristo, ya̱á kàtìjnajiìnânò nga kjit’aà na̱chrjein. 6 Jñà xi̱ta̱ xi xá ’nga tjínâla̱ ni̱mé kjoa̱ xi̱tse̱ kitsjaàâìsaâna koni tsò ‘én xi ‘a̱n okoòya. Ta̱nga mìtsà ‘a̱n tjínâna kinda̱ tsà xi̱ta̱ ítjònâné ko̱ tsà majìn. Nga Nainá mìtsà faájiìn xi̱ta̱ yáâne xi títsa̱jna ítjòn ko̱ yáâne xi títsa̱jna tji̱ngui. 7 Ta sa̱á kòkjeiínâla̱ nga jè sobà Nainá kitsjaàâna xá nga ‘a̱n kichjàyajiìnâla̱ ‘én ndaàâla̱ Nainá xi kjoa̱ ts’e̱ Cristo jñà xi mìtsà xi̱ta̱ judío xi mìkiì tjít’aà chi̱ba̱ yijoâla̱ kjoa̱ ts’e̱ circuncisión. Ko̱ jè Pedro kitjoéâla̱ xá nga jè kiìchja̱yajiìnâla̱ jñà xi nguì xi̱ta̱ judío xi tjít’aà chi̱ba̱ yijoâla̱ kjoa̱ ts’e̱ circuncisión. 8 Nainá, koni kisìko̱ Pedro nga jè tsibíxáyaâla̱ nga kiìchja̱yajiìnâla̱ ‘én ndaàâla̱ Nainá xi kjoa̱ ts’e̱ Cristo jñà xi nguì xi̱ta̱ judío, ‘a̱n, k’oa̱á ti̱ kisìko̱âna nga ‘a̱án tsibíxáyaâna nga kichjàyajiìnâla̱ ‘én ndaàâla̱ Nainá xi kjoa̱ ts’e̱ Cristo jñà xi mìtsà xi̱ta̱ judío. 9 Jacobo, Cefas [xi ti̱koa̱ Pedro ‘mì] ko̱ Juan, xi ko̱s’ín beèxkón xi̱ta̱ nga jñà títsa̱jna ítjòn ya̱ na̱xa̱ndáâla̱ Cristo, kijtseè nga Nainá kitsjaàâna kjo̱ndaà koi. Kjòjngoò ikon, i̱kjoàn kitsjaàâna̱je̱n tsja, ‘a̱n ko̱ Bernabé, méâne nga ki’yaâla̱ nga ta jngoó xá titsa̱’nèâje̱n. Ndaà kisaseènâla̱ nga tsanguì nìxáâla̱je̱n jñà xi mìtsà xi̱ta̱ judío, koa̱ jñà, kisìxáko̱ jñà xi nguì xi̱ta̱ judío. 10 Tà koií kjoa̱ xi kisìjéâna̱je̱n nga ko̱chját’aàâla̱ xi̱ta̱ i̱ma̱. Jñà kjoa̱ koi, ti̱koa̱á ‘a̱n, jyeé ko̱s’ín tìbìnèâla̱ yijoâna̱ nga k’oa̱ tìs’iaàn. 11 Jngoò k’a k’e̱ nga jè Cefas [xi ti̱koa̱ Pedro ‘mì] j’iì i̱ na̱xa̱ndá Antioquía, tsakatíkoa̱ nga nguixko̱n xi̱ta̱ k’e̱ nga kijtseè nga mìkiì ndaà tjín kjoa̱ xi tís’ín. 12 K’e̱ nga sa̱ ítjòn, ya̱á tsakjènâko̱ jñà xi̱ta̱âla̱ Cristo xi mìtsà xi̱ta̱ judío. Nga komà i̱skan, k’e̱ nga j’iì xi̱ta̱ judío xi ti̱koa̱ mokjeiínâla̱ i̱t’aà ts’e̱ Cristo, xi̱ta̱ xi ts’e̱ Jacobo, k’e̱é mì ti̱ kiì ya̱ tsakjènâko̱âne; tsasìt’aàxìnâné nga majìnâla̱ nga ch’o kíjnako̱ jñà xi̱ta̱ koi nga kjo̱’ñó mejènâla̱ nga sit’aà chi̱ba̱âla̱ jñà xi mìtsà xi̱ta̱ judío. 13 Ti̱koa̱á jñà xi̱ta̱ judío xi i’nga xi mokjeiínâla̱ ‘énâla̱ Nainá, k’oa̱á ti kis’iìn koni jè Pedro nga kisìs’inâla̱ kjoa̱ xi jò i̱sén tjínâla̱, skanda jè Bernabé k’oa̱á ti kis’iìn. 14 ‘A̱n, k’e̱ nga kìjtseè nga mì k’oa̱á s’ín nchisíkitasòn koni s’ín tjín kjoa̱ kixi̱âla̱ ‘én ndaàâla̱ Nainá xi kjoa̱ ts’e̱ Cristo, k’oa̱á kixanâla̱ jè Cefas [xi ti̱koa̱ Pedro ‘mì] nga nguixko̱n ngats’iì xi̱ta̱: “Ngaji̱ nga xi̱ta̱ judío ‘mìâlè, k’oa̱á s’ín tìnìjchí yijoâlè koni tsà mìtsà xi̱ta̱ judío. ¿Méâne kjo̱’ñó ’nèâla̱ jñà xi mìtsà xi̱ta̱ judío nga k’oa̱s’ín kàtasíjchá yijoâla̱ koni tsà nguì xi̱ta̱ judío?" 15 ‘Na̱s’ín kixi̱ kjoa̱ nga tje̱âla̱ xi̱ta̱ judío ‘mìâná nga mì ya̱á kits’iìnâjiìnâlá jñà xi mìtsà xi̱ta̱ judío xi xi̱ta̱ jé ‘mìâlá, 16 ta̱nga ‘yaâná nga jñà xi̱ta̱, mìtsà kixi̱ kítsa̱jna nga nguixko̱n Nainá nga ta koi kjoa̱âla̱ nga síkitasòn Kjo̱tíxoma xi kitjoéâla̱ Moisés; ta jèâné nga mokjeiínâla̱ i̱t’aà ts’e̱ Cristo. Jñá, jyeé kòkjeiínâná i̱t’aà ts’e̱ Jesucristo, ko̱ jè Nainá kixi̱ síkíjnaâná koi kjoa̱âla̱ nga jye ya̱ kòkjeiínâná i̱t’aà ts’e̱ Cristo, mìtsà koií kjoa̱âla̱ nga nìkitasoán kjo̱tíxoma. Ni̱jngoò xi̱ta̱ xi kixi̱ kíjna nga nguixko̱n Nainá nga ta koi kjoa̱âla̱ nga síkitasòn Kjo̱tíxoma. 17 ‘I̱’ndei̱ k’oa̱á s’ín chiñáâlá nga kixi̱ ki̱tsa̱jnaá ya̱ nguixko̱n Nainá ta koií kjoa̱âla̱ nga mokjeiínâná i̱t’aà ts’e̱ Cristo, [mìtsà koiâne nga kjo̱tíxoma titsa̱nìkitasoán]. K’oa̱á maâne nga xi̱ta̱ jé tí’mìâná [koni jñà xi mìtsà xi̱ta̱ judío]. Ta̱nga, ¿a tsòâne kjoa̱ nga jè Cristo bít’inâná nga binchaàtsjiaá jé? Majìn, mì k’oa̱á s’ín tjín. 18 Tsà jè kjo̱tíxoma xi ‘a̱n tsachrjekànguia nga sa̱ ítjòn, ko̱ tsà ìjngoò k’a sìkitasoàn, jé tìhotsjià. 19 Jè kjo̱tíxoma xi kitjoéâla̱ Moisés, jè kisìk’enâna. I̱’ndei̱ tìjna̱ndei̱íâná kjoa̱ ts’e̱ kjo̱tíxoma méâne ma kóti̱jnakonâna nga sìkitasònâla̱ Nainá. 20 K’e̱ nga k’enât’aà krò Cristo, ‘a̱n, ti̱koa̱á ya̱ k’enât’aàkoa̱. Ko̱ mìtsà ti̱’a̱nâna xi tìjna̱koan, jè Cristo xi tíjnajiìn ini̱ma̱âna̱. I̱’ndei̱, koií tìjna̱konâna̱ nga jè Ki’ndíâla̱ Nainá ma’ñót’aà takoàn nga ‘ñó kjòtsjakeèâna skanda jè kitsjaà kjo̱tjò yijoâla̱ nga k’en ngajoâna. 21 Majìnâna nga ochrjekànguia kjo̱ndaàâla̱ Nainá. Tsà i̱t’aà ts’e̱ kjo̱tíxoma xi kitjoéâla̱ Moisés, kixi̱ ki̱tsa̱jnaá nga nguixko̱n Nainá, mìâla mé chjíâla̱ nga k’en Cristo.