Hechos 11

1 Jñà xi̱ta̱ xi tsibíxáyaâla̱ Jesús ko̱ xi̱ta̱ xíkjín xi ’ndse̱ joó i̱t’aà ts’e̱ Cristo xi títsa̱jna nangui Judea, kiì’nchré nga jñà xi mìtsà xi̱ta̱ judío ti̱koa̱á jye kòkjeiínâla̱ ‘énâla̱ Nainá. 2 Jñà xi̱ta̱ judío xi mokjeiínâla̱ i̱t’aà ts’e̱ Cristo tsohótiko̱ Pedro, k’e̱ nga ijchòâne ján Jerusalén. 3 Kitsòâla̱: â¿Méâne ya̱ kiìâne ni’yaâla̱ xi ta̱xki̱ xi̱ta̱ xi mìtsà xi̱ta̱ judío, skanda ya̱á chichikoi̱i? 4 Jè Pedro k’e̱é tsibíts’ia̱ nga ndi̱yá ndi̱yá tsibéno̱jmí yijeâla̱ koni s’ín komàt’in; kitsòâla̱: 5 âK’e̱ nga tìjna̱a ján na̱xa̱ndá Jope, nga tìchjàt’aàâla̱ Nainá, tsatsejèn jngoòâna kjoa̱ koni tsà nijñá tí’biìâna, jngoò nikje kìjtseè xi ‘ñó te kji, tjí’ñó nga ñijòn chrja̱ngui̱âla̱ xi ngajmiì inchrobàjenâne, j’iì skanda ñánda tìjna̱a. 6 K’e̱ nga kiskoòtsejènâla̱, ndaà kìjtseè nga títsa̱jnaya cho̱ xi tjín i̱ i̱t’aà nangui xi ñijòn ma ndso̱ko̱ ko̱ cho̱ ts’e̱n xi tjín i̱jiìn ijñá, ko̱ cho̱ xi bífejno yijoâla̱ nangui, ngats’iì cho̱ xi jnga̱á tjínâla̱ xi tjímajiìn i̱sén. 7 Ki’nchrè jngoaà ‘én xi kitsòâna: “Pedro, ti̱sítji̱in, ti̱k’iìn cho̱ koi, chi̱ni̱i." 8 ‘A̱n kixanâla̱: “Majìn Na̱’èn, ‘a̱n, ni̱ saà jngoò k’a tsojmì tjé kíne̱e xi xkón tjín i̱t’aà ts’e̱ kjo̱tíxoma." 9 Xi maâne jò k’a, ìjngoò k’a kiìchja̱âna ján ngajmiì kitsòâna: “Tsojmì xi Nainá jye kisìtsjeè nga ma chji̱ne̱, kì tsojmì tjé ‘mìâla̱." 10 Jè kjoa̱ koi, jàn k’a o̱komà. I̱kjoàn tsijin yije ìjngoò k’aâne ján ngajmiì. 11 Ti̱jèâne hora, jàn xi̱ta̱ ijchò kátsjiâna ya̱ ni’ya ñánda tìjna̱a xi ján inchrobàâne Cesarea xi xó kisatiìxáâla̱. 12 Jè Ini̱ma̱ Tsjeèâla̱ Nainá kitsòâna: “Tikoi̱i xi̱ta̱ koi; kì jò beèâla̱ takoìn nga tsjáhijtakoi̱i; ti̱koa̱á tsobáhijtako̱âna jñà xi̱ta̱ ’ndsè xi joòn maâne xi i̱ títsa̱jna; ijchòâje̱n ya̱ ni’yaâla̱ jè xi̱ta̱ xi kiskinìkjaáâna, i̱kjoàn tsitjaàs’enâje̱n ni’yaâla̱." 13 Xi̱ta̱ jè tsibéno̱jmíâna̱je̱n nga jngoò xó àkja̱le̱ kijtseè ya̱ ni’yaâla̱ xi kitsò xóâla̱: “Ti̱kasín xi̱ta̱ ján na̱xa̱ndá Jope nga kàtìkjaá jè xi̱ta̱ xi ‘mì Simón xi ti̱koa̱ Pedro ‘mì. 14 Jè tsjáâlè ‘én nga ki̱tjokàjñoò kjo̱’in kjoa̱ ts’e̱ jéânò, ngaji̱ ko̱ ngats’iì xi̱ta̱ ni’yaâlè." 15 K’e̱ nga tsibíts’ia̱ nga tsibéno̱jmíâla̱, jè Ini̱ma̱ Tsjeèâla̱ Nainá, ni̱to̱ón itjojenânè jñà xi̱ta̱ koi koni s’ín komàt’iaán jñá nga sa̱ tàts’enâla̱ kjoa̱. 16 K’e̱é tsibítsjeènâna koni s’ín kitsò Na̱’ènâná Jesús nga kitsò: “Jè Juan, nandá kis’iìnâne bautizar, ta̱nga jñò, ko̱ó Ini̱ma̱ Tsjeèâla̱ Nainá ko̱maânò bautizar." 17 Tsà Nainá k’oa̱s’ín sasénâla̱ nga ti̱koa̱ tsjá kjo̱tjòâla̱ jè Ini̱ma̱ Tsjeèâla̱ koni s’ín kitsjaàâná jñá k’e̱ nga kòkjeiínâná i̱t’aà ts’e̱ Na̱’ènâná Jesucristo, ¿‘a̱n, méâne kondra̱ kóti̱jnaâla̱ Nainá? 18 K’e̱ nga kiì’nchré ‘én koi, jyò tsibìtsa̱jna. Jeyaá kisìkíjna Nainá, kitsò: â¡Kixi̱íâla kjoa̱ nga jñà xi mìtsà xi̱ta̱ judío, ti̱koa̱ tsjáâla̱ kjo̱ndaà Nainá méâne nga si̱ìkájnoâne jéâla̱ ko̱ mì ti̱ jé ko̱hótsjiâne méâne nga s’e̱âla̱ kjoa̱binachon ts’e̱ ini̱ma̱âla̱! 19 K’e̱ nga jye k’en Esteban, jñà xi̱ta̱ xi mokjeiínâla̱ i̱t’aà ts’e̱ Jesús kitsjohoba, koií kjoa̱âla̱ nga ‘ñó kiìtji̱nguikeè xi̱ta̱. Tjín xi kiì ján nangui Fenicia ko̱ Chipre ko̱ na̱xa̱ndá Antioquía. Xi̱ta̱ koi, k’e̱ nga ijchò i̱’nde koi, tsibéno̱jmíâla̱ ‘énâla̱ Cristo jñà xi̱ta̱ judío xi ya̱ títsa̱jna ta̱nga xi ta̱xki̱ xi̱ta̱, majìn. 20 Jñà xi̱ta̱ xi kitsjohoba, tjín i’nga xi ján i̱’ndeâla̱ nangui Chipre ko̱ na̱xa̱ndá Cirene. K’e̱ nga ijchò ya̱ na̱xa̱ndá Antioquía ti̱koa̱á tsibéno̱jmíâla̱ jñà xi̱ta̱ xi mìtsà xi̱ta̱ judío ‘én ndaàâla̱ Nainá xi kjoa̱ ts’e̱ Jesús xi otíxomaâná. 21 Nainá kitsjaàâla̱ nga’ñó; kjìn xi̱ta̱ koi kòkjeiínâla̱ i̱t’aà ts’e̱ Cristo, jahatjìyaâla̱ kjo̱hítsjeènâla̱, kiìt’aàâla̱ Na̱’ènâná. 22 Jñà xi̱ta̱ na̱xa̱ndáâla̱ Cristo xi títsa̱jna Jerusalén kiì’nchré koni s’ín tíma ján Antioquía. Kisìkasén jè Bernabé. 23 Bernabé, k’e̱ nga ijchò Antioquía, kijtseè nga jè Nainá ndaà tísíchikonât’in xi̱ta̱ koi. Tsja jchán komàâla̱. K’e̱é ìsa̱ ndaà tsibít’in yijeâla̱ nga ko̱ ini̱ma̱âla̱ ìsa̱ ndaà kàtjìt’aàâla̱ Na̱’ènâná. 24 Jè Bernabé, ‘ñó ndaà xi̱ta̱; ndaà tíjiìn ini̱ma̱âla̱ Ini̱ma̱ Tsjeèâla̱ Nainá; ti̱koa̱á ndaà mokjeiínâla̱ i̱t’aà ts’e̱ Nainá. K’oa̱á s’ín komàâne nga ìsa̱ kjiìn xi̱ta̱ jahas’enât’aàâla̱ Na̱’ènâná Jesús. 25 Nga komà i̱skan, Bernabé kiì ján Tarso nga kiì kátsji Saulo. 26 K’e̱ nga jye kisakòâla̱, kiìko̱ ján Antioquía. Jngoò nó tsibìtsa̱jnako̱ jñà xi̱ta̱ na̱xa̱ndáâla̱ Cristo; koií xá kis’iìn nga kjìn xi̱ta̱ tsakóyaâla̱. Ya̱á kisit’aà ‘ín ítjòn nga xi̱ta̱âla̱ Cristo ‘mì ngats’iì xi̱ta̱ xi kota’yàt’aàâla̱ Cristo. 27 Na̱chrjein koi ijchò i’nga xi̱ta̱ xi kiìchja̱ ngajoâla̱ Nainá ján Antioquía xi inchrobàâne Jerusalén. 28 Jngoò xi̱ta̱ xi ‘mì Agabo, tsasìjna kixi̱, kiìchja̱ nga jè Ini̱ma̱ Tsjeèâla̱ Nainá tsibít’inâla̱, kitsò nga tíjtsa i̱sò’nde kjinchrá ‘ñó kjoi̱í. ‘Ãn jè, k’oa̱á s’ín tsitasòn k’e̱ nga tsibìjna xi̱ta̱xá ítjòn ján Roma jè xi ‘mì Claudio. 29 Jñà xi̱ta̱ xi kota’yàt’aàâla̱ Cristo xi títsa̱jna Antioquía tsajoóyaâne nga si̱ìkasénâla̱ nga’ñó xi̱ta̱ xíkjín xi títsa̱jna nangui Judea koni kji bijchó nga’ñóâla̱ nga jngoò ìjngoò. 30 Koni s’ín tsajoóyaâne, k’oa̱á s’ín kisìkitasòn. Jè Bernabé ko̱ Saulo, kiìko̱ kjo̱tjò jè ján nangui Judea nga kisìnga̱tsja jñà xi̱ta̱ jchínga xi tjínâla̱ xá ts’e̱ na̱xa̱ndáâla̱ Cristo.