Hechos 12

1 Ti̱jñàâne na̱chrjein koi, jè Herodes xi xi̱ta̱xá ítjòn tíjna, kitsjaà o̱kixi̱ nga kitsobà’ñó i’nga xi̱ta̱ na̱xa̱ndáâla̱ Cristo méâne nga ko̱ma skoe̱toònâne. 2 Tsatíxá nga ki̱cha̱ ndojò kisìk’enâne Jacobo, ’ndse̱ Juan. 3 Jè Herodes, k’e̱ nga kijtseè nga tsja komàâla̱ jñà xi̱ta̱ judío nga jye k’en Jacobo, i̱kjoàn kitsobà’ñó Pedro jè na̱chrjein k’e̱ nga bitjo s’eí nga kjèn i̱nchra̱jín xi tsjìnâla̱ na̱’yo̱ san. 4 Kiskinìs’en nda̱yá. Chrj’oòn jngoò soldado kisìkinda̱ ya̱ i̱ya nda̱yá; ñijòn kisìkinda̱ nga indiaà indiaà. Kjo̱hítsjeènâla̱ Herodes, jèâné k’e̱ nga jye kjoe̱het’aà s’eí Paxko̱ ko̱chrje nda̱yá méâne jñà xi̱ta̱ na̱xa̱ndá tsjá ‘én nga ki̱yá Pedro. 5 Jè Pedro, ndaá tímakinda̱ i̱ya nda̱yá; ko̱ jñà xi̱ta̱ na̱xa̱ndáâla̱ Cristo, mìkiì jyò tsibìtsa̱jna nga ‘ñó ndaà nchisíjét’aàâla̱ Nainá i̱t’aà ts’e̱ Pedro. 6 Jè na̱chrjein k’e̱ nga mejènâla̱ Herodes nga si̱ìnga̱tsja xi̱ta̱ na̱xa̱ndá jè Pedro, ti̱jèâne ni̱tje̱n, kjijnafè’nchò osenâla̱ jò soldado; jò na’ñó ki̱cha̱ cadena tjít’aà’ñóâne; jñà soldado xi i’nga ya̱á nchisíkinda̱ xotjoa̱ nda̱yá. 7 Tà ni̱to̱ón tsatsejèn jngoò àkja̱le̱âla̱ Nainá ya̱ i̱ya nda̱yá; kjòhiseèn yije kóho̱kji; jè àkja̱le̱ kisìhiníyáâla̱ Pedro nga kisìkjaáâla̱; kitsòâla̱: â¡Ni̱to̱n ti̱sítji̱in! Jñà na’ñó ki̱cha̱ cadena xi tjít’aà’ñóâne tsja Pedro chixòt’aà nangui. 8 Jè àkja̱le̱ kitsòâla̱: âChi̱kjeí nikjeâlè, tsjayi xo̱jtéâlè. Jè Pedro, k’oa̱á s’ín kis’iìn. I̱kjoàn kitsò àkja̱le̱: âChi̱kjeí na̱chro̱kisònâlè, nchrobátji̱nguiâná. 9 Pedro itjo tji̱nguiâla̱ jè àkja̱le̱; mìkiì machi̱yaâla̱ tsà kixi̱í kjoa̱ xi tísíko̱ àkja̱le̱; jè Pedro k’oa̱á maâla̱ koni tsà nijñá tí’biìâla̱. 10 Jahat’aàâla̱ jè soldado xi síjna ítjòn, ti̱koa̱ jahat’aàâla̱ xi maâne jò; k’e̱ nga ijchò xotjoa̱âla̱ nda̱yá xi nguì ki̱cha̱ nga jye bitjoaá calle, tà ta̱jngoò kitáx’a̱; i̱kjoàn itjo; tsato’nchò jngoò calle; tà ni̱to̱ón kichijà jè àkja̱le̱; jè Pedro, ta̱jngoò kisasijna. 11 Jè Pedro, k’e̱é ndaà kjòchi̱yaâla̱ nga kixi̱ kjoa̱ xi tímat’in, kitsò: âKixi̱í kjoa̱, mokjeiínâna nga Nainá kàsíkasén àkja̱le̱âla̱ nga kàsíkíjnandei̱íâna i̱t’aà ts’e̱ Herodes ko̱ ngats’iì kjoa̱ xi ch’o tjín xi nchikoñaâla̱ xi̱ta̱ judío nga si̱ìko̱âna Herodes. 12 Jè Pedro, k’e̱ nga ndaà kjòchi̱yaâla̱ kjoa̱ koi, kiì ni’yaâla̱ María, nea̱âla̱ Juan xi ti̱koa̱ Marcos ‘mì. Ya̱ ni’ya jè, kjìn xi̱ta̱ chixoña xi nchibítsi’baâla̱ Nainá. 13 Kiìchja̱, kisìkjane xotjoa̱âla̱ ni’ya; k’e̱é itjo katsejèn jngoò tsòti xi ‘mì Rode nga mejènâla̱ skoe̱ yáâné xi tíchja̱. 14 K’e̱ nga kiì’nchré jta̱âla̱ nga jè Pedro xi tíchja̱, tsja jchán komàâla̱ skanda mì ti̱ kiì kiskíx’a̱âla̱ xotjoa̱ ni’ya; ta̱ sa̱á tsangachikon i̱ya ni’ya; kisìkí’nchré ñánda títsa̱jna xíkjín nga jè Pedro síjnajto xotjoa̱ ni’ya. 15 Jñà xi̱ta̱ xíkjín kitsòâla̱: â¡Skáâlè! Ta̱nga jè tsòti tákó k’oa̱á tsò nga kixi̱í kjoa̱ jè Pedro xi tíchja̱. Ta̱nga jñà xi̱ta̱ kitsòâla̱: âJèâla àkja̱le̱âla̱. 16 Jè Pedro, tákó tíchja̱âne, síkjane xotjoa̱ ni’ya. K’e̱ nga kiskíx’a̱âla̱ xotjoa̱ ni’ya, kijtseèxkon nga jè Pedro; jñà xi̱ta̱ xíkjín, tà kjòxkónâla̱. 17 Kiskímiìtje̱n tsja Pedro nga kitsòâla̱ jyò titsa̱jnaà; i̱kjoàn tsibéno̱jmíâla̱ kó s’ín komàt’in nga Nainá tsachrjeâne nda̱yá. Kitsòâla̱: âK’oa̱á s’ín tèno̱jmíâlà jè Jacobo ko̱ xi̱ta̱ xinguia̱á xi i’nga. I̱kjoàn itjo ni’ya; xìn i̱’nde kiì. 18 K’e̱ nga kis’e i̱sén ngats’iì soldado xi nchisíkinda̱, mì tà k’oa̱á kji kjoa̱siì kis’eâla̱ nga mìkiì tíjiìnâla̱ kó s’ín komà nga itjo nda̱yá Pedro. 19 Jè Herodes kitsjaà o̱kixi̱ nga tsohótsji Pedro ta̱nga mìkiì kisakòâla̱. K’e̱ nga jye kiskònanguiâla̱ ngats’iì soldado xi kisìkinda̱, jñà kiskaànèâla̱ nga tsjìn Pedro; i̱kjoàn kitsjaà o̱kixi̱ nga kàtiyaà jñà soldado. Herodes itjokàjiìn ya̱ Judea. Ján kiì kijna na̱xa̱ndá Cesarea. 20 Herodes kjoa̱sií tjínâla̱ ko̱ xi̱ta̱ na̱xa̱ndá Tiro ko̱ Sidón. Xi̱ta̱ na̱xa̱ndá koi, tsajoóyaâne nga inchrobàkon Herodes. Ta̱nga ítjòn ndaà tsajoóko̱ Blasto xi ti̱koa̱ xá tjínâla̱ ya̱ ni’yaâla̱ Herodes xi xi̱ta̱xá ítjòn tíjna. Ko̱ jè Blasto kiìchja̱tjì na̱xa̱ndá koi nga kàtas’e kjoa̱’nchán. Koií k’oa̱s’ín kis’iìnâne jñà na̱xa̱ndá koi, nga ya̱ nanguiâla̱ Herodes otse tsojmì xi kine. 21 Jè na̱chrjein k’e̱ nga chixoña xi̱ta̱ nga kisijna junta, jè Herodes, tsohòkjá nikjeâla̱ xi ts’e̱ xi̱ta̱xá ítjòn; tsibìjnasòn íxi̱le̱âla̱, i̱kjoàn kiìchja̱jiìnâla̱ xi̱ta̱ na̱xa̱ndá. 22 Jñà xi̱ta̱ na̱xa̱ndá, k’e̱ nga kiì’nchréâla̱, tsibíts’ia̱ nga ‘ñó kiìchja̱ kitsò: â¡Jè xi tíchja̱, jngoò xi̱ta̱ xi nainá, mìtsà ta̱xki̱ xi̱ta̱! 23 Ti̱k’e̱âne j’iì àkja̱le̱âla̱ Nainá xi kitsjaà ch’inâla̱; kjòxk’én, chi̱’ndoó kisìkje, i̱kjoàn k’en, koií kjoa̱âla̱ nga mìkiì jeya kisìkíjna Nainá. 24 Ta̱nga jè ‘énâla̱ Nainá ìsa̱á ndaà tíhobísòn k’oa̱ ìsa̱á ndaà tímakjìn xi̱ta̱ xi mokjeiínâla̱. 25 Jè Bernabé ko̱ Saulo, k’e̱ nga jye kjòngásòn xáâla̱, inchrobàâne Jerusalén, kiìâne ján Antioquía. Tji̱ko̱ Juan xi ti̱koa̱ Marcos ‘mì.