Hechos 10

1 Ya̱ na̱xa̱ndá Cesarea tsibìjna jngoò xi̱ta̱ xi ‘mì Cornelio, jè xi xi̱ta̱ sko̱âla̱ ts’e̱ soldado xi jngoò sìndo̱ maâne xi ya̱ chja̱âne xi ‘mì Italiano. 2 Jè Cornelio, ngats’iì xi̱ta̱ ni’yaâla̱, ndaà beèxkón Nainá, ti̱koa̱á tsakjónâkeè Nainá. Ndaà síchját’aàâla̱ jñà xi̱ta̱ i̱ma̱ xi nì mé tjínâla̱. Kjit’aà na̱chrjein bítsi’baâla̱ Nainá. 3 Jngoò na̱chrjein, ijchòâla tsà xi jàn nga nguixòn, tsatsejèn jngoòâla̱ kjoa̱ koni tsà nijñá tí’biìâla̱ nga jahas’en jngoò àkja̱le̱âla̱ Nainá ya̱ ni’ya ñánda tíjna; kitsòâla̱: â¡Cornelio! 4 Jè Cornelio, k’e̱ nga kiskoò’an àkja̱le̱, tà kitsakjònâla̱, kitsòâla̱: â¿Mé xi mejènâlè na̱’èn? Jè àkja̱le̱ kitsò: âJyeé ijchò kaàt’aàâla̱ Nainá jè kjoa̱ bítsi’baâlè ko̱ kjoa̱ nga nìchját’aàâla̱ xi̱ta̱ i̱ma̱ xi nì mé tjínâla̱. Jè Nainá ndaà sasénâla̱. 5 Ti̱kasín xi̱ta̱âlè ján na̱xa̱ndá Jope; kàtìkjaá Simón xi ti̱koa̱ Pedro ‘mì. 6 Ya̱ tíjna ni’yaâla̱ xi̱ta̱ xi ti̱koa̱ Simón ‘mì xi chrjoa̱âla̱ cho̱ síhinda. Jè ni’yaâla̱ ya̱á kijnandiì ndáchikon. Jè ke̱èno̱jmíâlè mé xi s’i̱in. 7 K’e̱ nga jye kiìâne àkja̱le̱âla̱ Nainá xi tíchja̱ko̱ Cornelio, kiìchja̱ jòâla̱ xi̱ta̱ chi̱’ndaâla̱ koa̱ jngoò soldado xi ndaà beèxkón Nainá xi ya̱ síxát’aàâla̱. 8 K’e̱ nga jye tsibéno̱jmí yijeâla̱ ngats’iì kjoa̱ xi kiì’nchré, i̱kjoàn kisìkasén ján na̱xa̱ndá Jope. 9 K’e̱ nga komà nchijòn, ijchòâla tsà nchisen, jñà xi̱ta̱ koi, jyeé kjo̱meè bijchó chrañàâla̱ na̱xa̱ndá Jope. Ti̱jèâne hora jè Pedro, tsijin i̱sò’nga ni’ya nga kiì kítsi’baâla̱ Nainá. 10 Pedro, jyeé ‘ñó kjòhojòâla̱; mejènâla̱ nga ko̱kje̱n, ta̱nga tíkoñaáâla̱, k’e̱é tísindaà tsojmì xi ski̱ne̱; tsatsejèn jngoòâla̱ kjoa̱ koni nijñá tí’biìâla̱. 11 Kijtseè nga ti̱xá ngajmiì; inchrobàjen jngoò nikje skanda i̱t’aà nangui xi ‘ñó teè kji, tjít’aà’ñó nga ñijòn chrja̱ngui̱âla̱. 12 Jè nikje, ya̱á títsa̱jnaya yije cho̱ xi tjín i̱ i̱t’aà nangui xi ñijòn ma ndso̱ko̱ ko̱ jñà cho̱ xi bífejno yijoâla̱ nangui, ngats’iì cho̱ xi tjínâla̱ jnga̱á xi tjíma i̱jiìn i̱sén. 13 Jè Pedro kiì’nchré jngoò ‘én xi kitsòâla̱: âPedro, ti̱sítji̱in, ti̱k’in cho̱ koi, chi̱ni̱i. 14 Kitsò Pedro: âNa̱’èn, majìn; ni̱ saà jngoò k’a tsojmì tjé kíne̱e xi xkón tjín i̱t’aà ts’e̱ kjo̱tíxoma. 15 Pedro, ìjngoò k’a kiì’nchré ‘én xi kitsòâla̱: âTsojmì xi Nainá jye kisìtsjeè nga ma chji̱ne̱, kì tsojmì tjé ‘mìâla̱. 16 Jè kjoa̱ ts’e̱ nikje, jàn k’a o̱komà. I̱kjoàn tsijin ìjngoò k’aâne ján ngajmiì. 17 Pedro, tísíkítsjeèn kó tsòyaâne jè kjoa̱ xi kijtseè. Ti̱k’e̱éâne ijchò kinchajto xotjoa̱ ni’ya jñà xi̱ta̱ xi kisìkasén Cornelio nga jye kiskònangui ñándaâne ni’yaâla̱ Simón. 18 Kiskònangui, a ya̱á tíjna jngoò xi̱ta̱ xi Simón ‘mì, ti̱koa̱ tjít’aàsòn ‘ínâla̱ nga Pedro ‘mì. 19 Jè Pedro, tákó k’e̱é tísíkítsjeèn jè kjoa̱ xi kijtseè, jè Ini̱ma̱ Tsjeèâla̱ Nainá kitsòâla̱: âJàn ma xi̱ta̱ xi ji̱ ótsjiâlè. 20 Ti̱sítji̱in, titjo̱ji̱in, kì jò ‘beéâla̱ takoìn nga ‘mìkoi̱i; jñà xi̱ta̱ koi, ‘a̱án kàsíkasén. 21 Jè Pedro inchrobàjen ñánda ’ncha xi̱ta̱ xi kisìkasén Cornelio, kitsòâla̱: â‘A̱nâná xi binchaàtsjiâná; ¿mé xá xi kòf’i̱ânò? 22 Jñà xi̱ta̱ koi kitsò: âJè kisìkasénânaje̱n xi̱ta̱ sko̱âla̱ soldado xi ‘mì Cornelio, jngoò xi̱ta̱ kixi̱ xi ndaà beèxkón Nainá, ti̱koa̱ jè, ndaà yaxkón i̱t’aà ts’e̱ na̱xa̱ndá Israel. Jngoò xó àkja̱le̱âla̱ Nainá k’oa̱ kitsòâla̱ nga ngaji̱ ski̱nìkjaáâlè nga k’oín ni’yaâla̱ méâne nga kéno̱jmíyaâla̱ ‘én xi ji̱ tìhokoòyi. 23 Jè Pedro kisìkas’en ni’yaâla̱; ya̱á kisìkjáyako̱ jngoò ni̱tje̱n. Xi komà nchijòn, kiìko̱ xi̱ta̱ koi; ti̱koa̱á tsobáhijtako̱ i’nga xi̱ta̱ xi mokjeiínâla̱ i̱t’aà ts’e̱ Cristo xi títsa̱jna ya̱ Jope. 24 Xi komà nchijòn ijchò Cesarea; jyeé tíkoña jè Cornelio; jyeé títsa̱jna xi̱ta̱ xíkjín ko̱ amigoâla̱ xi ndaà óko̱ xi xó kisìkí’nchréâne. 25 K’e̱ nga jye ijchò Pedro, jè Cornelio itjo ni’ya nga kisìhixat’aà; tsasìxkó’nchit’aàâla̱ nga kijtseèxkón. 26 Ta̱nga jè Pedro kisìkasítje̱n, kitsòâla̱: âTi̱sítji̱in; ‘a̱n, ti̱koa̱á ta xi̱ta̱âná koni ngaji̱. 27 Jè Pedro, nga tíhóko̱ Cornelio, jahas’en ni’ya; kijtseè nga ‘ñó kjìn maâne xi̱ta̱ xi ya̱ títsa̱jna. 28 Pedro kitsòâla̱: âJñò, tíjiìnânò nga jñà xi̱ta̱ judío mìkiì tjí’ndeâla̱ nga jñà xi̱ta̱ xi xìn i̱’ndeâla̱ si̱ìngásònâko̱, mìkiì ma kjoa̱s’en ni’yaâla̱ xi mìtsà xi̱ta̱ judío. Ta̱nga Nainá tsibéno̱jmíyaâna nga ni̱jngoò xi̱ta̱ xi ko̱ma xánâla̱: jñò, ta̱xki̱ xi̱ta̱ânò ko̱ xi̱ta̱ tjéânó nga nguixko̱n Nainá. 29 Koií kjoa̱âla̱ k’e̱ nga ijchò nokjoàâná, mìkiì kisìtájaàjñaà, ni̱to̱ón inchrobà. Jè xi kjònanguia, ¿mé xá xi nokjoàâná? 30 Cornelio kitsò: âTjínâla̱ ñijòn na̱chrjein, ti̱jèâne hora jè nga xi jàn nga nguixòn, k’e̱ nga tìchjàt’aàâla̱ Nainá i̱ ni’yaâna̱, tà ni̱to̱ón tsatsejèn jngoò xi̱ta̱ xi tsasìjna nguixkoaàn; ‘ñó ote kji nikjeâla̱. 31 Kitsòâna: “Cornelio, jè kjoa̱ bítsi’baâlè jye kina’yàâla̱ ko̱ jye ki’yaâla̱ nga nguixko̱n Nainá koni s’ín nìchját’aàâla̱ xi̱ta̱ i̱ma̱ xi nì mé tjínâla̱. 32 Ti̱kasín xi̱ta̱âlè ján na̱xa̱ndá Jope, kàtìkjaá Simón xi ti̱koa̱ Pedro ‘mì. Ya̱ tíjna ni’yaâla̱ xi̱ta̱ xi ti̱koa̱ Simón ‘mì xi chrjoa̱âla̱ cho̱ síhinda. Jè ni’yaâla̱ ya̱á kijnandiì ndáchikon." 33 K’oa̱á komàâne nga ni̱to̱n kiskinìkjaáâlè. Ndaà kà’nèâne nga kànchroboì. Kóho̱tjínâje̱n i̱í titsa̱jnaâje̱n nga nguixko̱n Nainá méâne nga ki̱ná’ya yijeâje̱n mé o̱kixi̱ xi kitsjaàâlè Nainá nga kéno̱jmíânáje̱n. 34 Pedro tsibíts’ia̱ nga kiìchja̱, kitsò: âKixi̱í kjoa̱, tíbeâná nga Nainá mìkiì faájiìn ni̱ta̱ yá xi̱ta̱âne, tà ngásòn fìko̱ yije. 35 Nainá kjoétjòâné ni̱ta̱ yá xi̱ta̱âne ni̱ta̱ ñándaâne i̱’ndeâla̱ xi beèxkón Nainá xi ti̱koa̱ s’ín kjoa̱kixi̱. 36 Nainá kisìkasén ‘énâla̱ ya̱ na̱xa̱ndá Israel; tsibéno̱jmíyaâla̱ ‘én ndaàâla̱ nga ’nchán ki̱tsa̱jnakoa̱á Nainá i̱t’aà ts’e̱ Cristo, jè xi otíxomaâla̱ ngats’iì xi̱ta̱ xi tjín i̱sò’nde. 37 Jñò, ndaà tíjiìnânò koni s’ín komà kóho̱kji nanguiâla̱ xi̱ta̱ judío, kjòts’ia̱âne i̱’nde Galilea k’e̱ nga jye kiìchja̱ya Juan xi kjoa̱ ts’e̱ bautismo. 38 Tíjiìnânò nga jè Jesús xi Nazaret ts’e̱, Nainá xó jaàjiìnâne nga kitsjaàâla̱ Ini̱ma̱ Tsjeèâla̱ ko̱ nga’ñó. Ni̱ta̱ ñándaâne nga tsajmeè Jesús, ndaà tjín kjo̱ndaà xi kis’iìn; kisìndaàâne xi̱ta̱ xi kjo̱’in nchisíkjeiín i̱t’aà ts’e̱ xi̱ta̱ nei̱í. Koií k’oa̱s’ín kis’iìnâne nga jè Nainá tíjnako̱. 39 K’oa̱á maâne bèno̱jmíâje̱n nga xko̱ón ki’yaânaje̱n ngats’iì kjo̱ndaà xi kis’iìn Jesús ya̱ nanguiâla̱ xi̱ta̱ judío ko̱ Jerusalén. K’e̱ nga komà i̱skan, jñà xi̱ta̱ kisìk’en Jesús, tsibítjo̱hónguit’aà krò. 40 Ta̱nga nga ijchò jàn na̱chrjein Nainá kisìkjaáyaâla̱ ko̱ k’oa̱á s’ín kis’iìn nga kiyaxkon ìjngoò k’aâla̱ nga jye jaáyaâla̱. 41 Mìtsà ngats’iì xi̱ta̱ na̱xa̱ndá kijtseèxkon, tà ngaje̱nânáje̱n xi xó kjòtseé kitjaàjiìnânaje̱n méâne nga ko̱ma kéno̱jmíâje̱n xi i̱t’aà ts’e̱, ngaje̱nânáje̱n xi chichiko̱âje̱n ti̱koa̱ ki’yòko̱âje̱n k’e̱ nga jye jaáyaâla̱. 42 Jè Jesús tsibít’inânaje̱n nga ki̱nókjoa̱yaâje̱n ko̱ kéno̱jmí kixi̱âla̱je̱n xi̱ta̱ na̱xa̱ndá nga jè Jesús, k’oa̱á s’ín kisìkíjna Nainá koni xi̱ta̱xá ítjòn nga jè bíndaàjiìnâla̱ xi̱ta̱ xi títsa̱jnakon ko̱ xi jye k’en. 43 Ngats’iì xi̱ta̱ xi kiìchja̱ ngajoâla̱ Nainá, k’oa̱á s’ín tsjá ‘én nga ngats’iì xi̱ta̱ xi mokjeiínâla̱ i̱t’aà ts’e̱ Cristo, i̱t’aà ts’e̱âné nga jcha̱t’aàâla̱ jéâla̱. 44 Tákó ti̱k’e̱é tíchja̱ ìsa̱ Pedro, ngats’iì xi̱ta̱ xi nchi’nchréâla̱ itjojenânè Ini̱ma̱ Tsjeèâla̱ Nainá. 45 Jñà xi̱ta̱ judío xi tji̱ko̱ Pedro [xi ti̱koa̱ jye mokjeiínâla̱ i̱t’aà ts’e̱ Cristo], tà k’oa̱á komàâla̱ k’e̱ nga kijtseè nga jñà xi mìtsà xi̱ta̱ judío, ti̱koa̱ ndaà itjojenânè jè Ini̱ma̱ Tsjeèâla̱ Nainá. 46 Nga kiì’nchréâla̱ nga chja̱ xi kj’ei̱í ‘én, ti̱koa̱ chja̱t’aàâla̱ Nainá nga ‘ñó jeya síkíjna. 47 K’e̱é kitsò Pedro: âMìâla kiì ko̱ma ki̱chakjáyaâlà jñà xi̱ta̱ koi nga ko̱ma bautizar nga jyeé kàtjoéâla̱ Ini̱ma̱ Tsjeèâla̱ Nainá koni s’ín kitjoéâná jñá. 48 Jè Pedro kitsjaà o̱kixi̱ nga ko̱ma bautizar xi̱ta̱ koi i̱t’aà ts’e̱ Na̱’ènâná Jesucristo. I̱kjoàn jñà xi̱ta̱ tsibítsi’baâla̱ Pedro nga kàtìjnako̱ chiba na̱chrjein ìsa̱.