2 Corintios 9

1 Jè kjoa̱ ts’e̱ nga’ñó xi maxkót’aàâla̱ jñà xi̱ta̱ tsjeèâla̱ Nainá xi ko̱chjeénâla̱ jè nga’ñó, mì ti̱ kiì mochjeénâne nga ‘a̱n skiìâìsaânò. 2 Beâná nga titsa̱jnandaà nga mejènânò si̱kitasòn. K’oa̱á xanâla̱ jñà xi̱ta̱ xi nangui Macedonia ts’e̱ nga jñò xi Acaya tsa̱jòn, titsa̱jnandaàânò skanda jè nó xi tsato nga mejènânò si̱kasén nga’ñó. K’e̱ nga kiì’nchré jñà xi̱ta̱ Macedonia koni s’ín titsa̱’nè, kjìn maâne xi matsjaâla̱ i̱t’aà tsa̱jòn ti̱koa̱á kjòtsjaâla̱ nga mejènâla̱ si̱ìchját’aà. 3 Koií xá tìsìkasénânò jñà ’ndseé koi, méâne ‘a̱n mì ch’o kóti̱jnaâna̱ tsà koi na̱chrjeinâla̱ tsà ta ‘én ndiso ko̱maâne koni s’ín ndaà síkítsa̱jnaânò i̱t’aà ts’e̱ kjoa̱ koi, méâne jñò titsa̱jnandaà koni s’ín kixan. 4 Kós’ín ko̱maâne tsà koi na̱chrjeinâla̱ kji̱ko̱ i’ngaâna̱ xi̱ta̱ Macedonia. K’e̱ nga ki̱jchò skoe̱ânò nga kj’eè kiì titsa̱jnandaà nga’ñó xi si̱kasén. Tsà k’oa̱s’ín ko̱ma kjoa̱ koi, ngaje̱n ko̱sobáânaje̱n, ko̱ jñò, ìsa̱á ‘ñó ko̱sobàâanò. Nga ngaje̱n, i̱t’aà tsa̱jòn ‘ñó ndaà nìkítsa̱jnaânòje̱n. 5 Koií kjoa̱âla̱ k’oa̱á s’ín tìsìkítsjeèn nga tsibìtsi’baâla̱ jñà ’ndseé nga kisìkasén ítjoàn, méâne nga kàtìkonânò koa̱ kàtasíchját’aàânò nga kàtíxkóko̱ânò to̱n kjo̱tjò xi jye k’oa̱s’ín kits’ioò ndso̱baà, méâne k’e̱ nga jye tíjnandaà kjo̱tjòânò jcha̱âla̱ nga i̱jiìn ini̱ma̱ânò inchrobàjiìnâne; mìtsà kjo̱’ñó komàânò. 6 Ti̱kítsjeèn jè ‘én xi tsò: Jè xi chiba tsojmì bítje̱, chibaá tsojmì majcháâla̱; jè xi tse tsojmì bítje̱, kjìn tsojmì majcháâla̱. 7 Nga jngoò ìjngoò, k’oa̱á kji kàtatsjá koni kji kosònâla̱ ini̱ma̱âla̱. Mìtsà ko̱ kjo̱baâla̱ nga tsjá, ni̱ mìtsà kjo̱’ñó ko̱maâla̱, nga Nainá tsjakeèâné xi ko̱ kjo̱tsjaâla̱ tsjá. 8 Nainá ko̱maâla̱ tsjá yijeânò kjo̱ndaà xi tjínâla̱, méâne nga kjit’aà na̱chrjein s’e̱ yijeânò xi mochjeénânò, skanda kininguiíânò méâne ko̱ma si̱chját’aà ts’e̱ xá xi ndaà tjín. 9 K’oa̱á s’ín tíchja̱ Xo̱jo̱nâla̱ Nainá nga tsò: Kisìka’bíâla̱ xi̱ta̱ i̱ma̱ nga kitsjaàâla̱ mé xi mochjeénâla̱. Kjoa̱kixi̱âla̱, mìkiì kjoe̱het’aà ni̱ta̱ kjéâne. 10 Nainá tsjá tje̱âla̱ tsojmì xi sitje̱, ti̱koa̱ tsjá tsojmì xi chineé. Tsjá yijeânò xi mochjeénânò nga kìtje̱e; ti̱koa̱á síjchá tsojmì xi bìtje̱e. Kjìn sko̱ya kjo̱ndaà sa̱kòânò k’e̱ nga ko̱ kjoa̱kixi̱ânò ‘bioò kjo̱tjòânò. 11 Jñò, s’e̱ yijeânò ngats’iì kjoa̱ nchi̱ná xi tjín, méâne nga ko̱ kjo̱ndaàânò ma si̱chját’aàâlà xi̱ta̱ xi kj’ei̱í, nga si̱kasénâlà kjo̱tjò xi ngaje̱n onguíko̱âje̱n. K’e̱ nga tjoéâla̱ jñà xi̱ta̱ ’ndseé, tsjáâla̱ kjo̱ndaà Nainá. 12 Jñà tsojmì kjo̱tjò xi titsa̱nìkasénâlà jñà xi̱ta̱ ’ndseé, mìtsà ta koi kjoa̱âla̱ nga ko̱chját’aàâla̱ mé xi chijaâla̱, ti̱koa̱ koiíâné nga ìsa̱ kjìn ko̱ma xi̱ta̱ xi tsjáâla̱ kjo̱ndaà Nainá. 13 Jñà xi̱ta̱ koi, k’e̱ nga tjoéâla̱ tsojmì kjo̱tjò, jeya si̱ìkíjna Nainá. K’oa̱á s’ín skoe̱âne nga kixi̱í kjoa̱ nga jñò nìkitasònânò ‘én ndaàâla̱ Nainá xi kjoa̱ ts’e̱ Cristo koni s’ín mokjeiínânò. Jñà xi̱ta̱ koi skoe̱xkón Nainá i̱t’aà ts’e̱ tsojmì kjo̱tjò xi ‘biìâlà ko̱ xi ‘biìâlà jñà xi̱ta̱ xi kj’ei̱í. 14 Ko̱ó ini̱ma̱âla̱ ki̱chja̱t’aàâla̱ Nainá i̱t’aà tsa̱jòn, nga ‘ñó tse kjo̱ndaà tísakóânò xi tsjáânò Nainá. 15 ¡Ndaà chjíâla̱ Nainá nga ‘ñó tse kjo̱ndaà tsjáâná, skanda tsjìnâná ‘én kós’ín k’oi̱âlá kjo̱ndaà!