2 Corintios 10

1 ‘A̱n xi Pablo ‘mìâna, bìtsi’bàânò i̱t’aà ts’e̱ Cristo xi tjínâla̱ kjo̱ndaà, ko̱ xi indaà tíjna ini̱ma̱âla̱. Tjín xi̱ta̱ xi tsòâna nga i̱ma̱ kjoa̱ xó s’iaàn k’e̱ nga ya̱ tìjna̱jiìnânò, ko̱ ‘ñó xó ts’e̱n s’iaàn k’e̱ nga kjiìn tìjna̱a. 2 Ti̱koa̱ bìtsi’bàânò k’e̱ nga kjíkonânò, jñò, ítjòn jchi̱bàyaânò kjoa̱ xi tjínânò, méâne k’e̱ nga kìjchoa, kì kiì bìnèânáje̱n nga ‘ñó kichjàkoa̱a jñà xi̱ta̱ xi k’oa̱s’ín nchitsò nga k’oa̱á s’ín titsa̱’nèâje̱n koni s’ín xi ta̱xki̱ xi̱ta̱ i̱sò’nde. Ta̱nga ‘a̱n, tìjna̱ ndaàâná nga ko̱jtikoa̱a jñà xi̱ta̱ xi chja̱jnoânaje̱n. 3 Kixi̱í kjoa̱ nga xi̱ta̱ i̱sò’nde ‘mìânaje̱n, ta̱nga mì k’oa̱s’ín bixkánâje̱n koni s’ín kjaán jñà xi ta̱xki̱ xi̱ta̱ i̱sò’nde. 4 Ki̱cha̱ xi nìkjeénâje̱n, mìtsà ki̱cha̱ ts’e̱ i̱sò’nde. Nga’ñó ts’e̱ Naináâné xi maâla̱ síkixòña nga’ñóâla̱ xi̱ta̱ nei̱í xi bíchjoà ikònâla̱ ‘énâla̱ Nainá. 5 Nìkixòñaânáje̱n ngats’iì kjo̱hítsjeèn xi ch’o tjín ko̱ kjoa̱ ’nga takòn xi kondra̱ ts’e̱ kjoa̱chji̱ne̱âla̱ Nainá. Ndobà’ñóânáje̱n ngats’iì kjo̱hítsjeèn méâne ko̱ma ki̱tasònâla̱ Cristo koni s’ín mejènâla̱. 6 Titsa̱jnandaàânáje̱n nga k’oi̱âla̱je̱n kjo̱’in xi̱ta̱ ni̱ta̱ mé kjoa̱âne xi mìkiì ndaà bitasònâla̱, k’e̱ nga jye jcha̱âla̱ nga jñò kixi̱ nìkitasòn. 7 Jñò, tà k’oa̱á s’ín chìtsejènâlà koni s’ín ‘yaâla̱ jñà xi̱ta̱. Tsà tjín i’nga xi̱ta̱ xi tsòâla̱ yijoâla̱ nga jè Cristo kisìkasén, ndaà kàtasíkítsjeèn, ti̱koa̱ ngaje̱n jè sobà Cristo kisìkasénânaje̱n. 8 Mìkiì masobàâna nga ndaà síkíjna yijoâna̱ i̱t’aà ts’e̱ kjo̱tíxoma xi kisìnga̱tsjaânaje̱n Cristo méâne ko̱ma si̱chját’aàânò nga ìsa̱ ‘ñó ki̱tsa̱jnaà; ko̱ mìtsà koiâne nga ‘a̱n sikits’ónâjiìnânò. 9 Majìnâna̱ nga k’oa̱s’ín si̱kítsjeèn nga ‘a̱n mejènâna̱ binchaxkónânò k’e̱ nga xo̱jo̱n tìsìkasénânò. 10 Tjín i’nga xi̱ta̱ xi tsò: “Xo̱jo̱nâla̱, ‘ñó jchán tjín, ‘ñó tíchja̱, ta̱nga k’e̱ nga i̱ tíjnajiìnâná mìtsà ‘ñó xkón kji. ‘Ãn xi chja̱, mì yá xi ndaà beèxkón." 11 Jñà xi̱ta̱ xi k’oa̱ tsò, ndaà kàtasíkítsjeèn koni tsò xo̱jo̱n xi nìkasénâje̱n k’e̱ nga kjiìn titsa̱jnaâje̱n. K’oa̱á ti̱s’ín s’e̱nâje̱n k’e̱ nga ya̱ titsa̱jnajiìnânòje̱n. 12 Kixi̱í kjoa̱, ngaje̱n, majìnânaje̱n nga siìngásònâkjoòko̱âje̱n jñà xi̱ta̱ xi ti̱ yijoâla̱ ndaà síkítsa̱jnaâne. Jñà xi̱ta̱ xi k’oa̱s’ín s’ín, xi̱ta̱ tòndo̱âné. Tsjìnâla̱ kjo̱hítsjeèn nga ti̱ chi̱ba̱ ts’e̱é síchi̱ba̱âne yijoâla̱. Ti̱koa̱ ti̱ xíkjín síchi̱ba̱kjoòâne. 13 Ngaje̱n, mìkiì si̱katonèâla̱je̱n chi̱ba̱âla̱ nga ndaà si̱kítsa̱jnaâje̱n yijoânaje̱n. K’oa̱á kji koni kji tsjá chi̱ba̱ Nainá i̱t’aà ts’e̱ xáânaje̱n. Jè Nainá kitsjaàânaje̱n xá xi ijchòko̱ânòje̱n skanda ján Corinto. 14 Ko̱ tsà mìâlà ngaje̱n ijchò ítjònâje̱n, kixi̱í kjoa̱ kinìkatonèâla̱je̱n chi̱ba̱âla̱ i̱’nde koni kji kitjò’ndeânaje̱n. Ta̱nga ngaje̱nânáje̱n xi ijchòko̱ ítjònânòje̱n ‘én ndaàâla̱ Nainá xi kjoa̱ ts’e̱ Cristo. 15 Mìtsà ji̱n ndaà nìkítsa̱jnaâje̱n yijoânaje̱n i̱t’aà ts’e̱ xá xi nchis’ín xi̱ta̱ xi kj’ei̱í. Mìtsà titsa̱nìkatonèâla̱je̱n chi̱ba̱âla̱ koni kji xá xi oko̱ânaje̱n. Chiñàkjoa̱ânáje̱n, koni s’ín ìsa̱ ‘ñó ndaà ko̱kjeiínânò, ko̱ ìsa̱á ko̱tseya xá xi titsa̱’nèâje̱n. Ta̱nga ta k’oa̱á kji si̱xáâje̱n koni s’ín tje̱n chi̱ba̱âla̱. 16 K’oa̱á s’ín kéno̱jmíyaâje̱n ‘én ndaàâla̱ Nainá jñà na̱xa̱ndá xi fìâìsa ñánda kijna na̱xa̱ndá tsa̱jòn. Ta̱nga mì ya̱ ki̱tjás’e̱nâjiìnâje̱n i̱’nde ñánda jye nchisíxá xi̱ta̱ xi kj’ei̱í nga mì ji̱n ndaà si̱kítsa̱jnaâje̱n yijoânaje̱n xá xi nchis’ín xi̱ta̱ xi kj’ei̱í. 17 Jè xi jeya síkíjna yijoâla̱, ta sa̱á Nainá jeya kàtasíkíjna. 18 Mìtsà jè xi ndaà bitjongui xi ti̱ yijoâla̱ ndaà síkíjnaâne i̱t’aà ts’e̱ mé kjoa̱ xi s’ín. Jè Nainá xi k’oa̱ ki̱tso̱ tsà kixi̱ kjoa̱ nga ndaà xi̱ta̱.