1 Juan 2

1 Jñò xi koni tsà ndí i̱xtiâna̱ xanânò, koií xá tìkjiìânò Xo̱jo̱n jè, méâne nga mì ti̱ jé ki̱nchátsjiâlá yijoânò. Ta̱nga tsà tjín jngoò xi̱ta̱ xi tíhótsji jéâla̱ yijoâla̱, jè Nainá si̱ìjchàat’aàâla̱, nga̱ tíjna jngoòâná xi̱ta̱ xi chja̱tjìâná ya̱ nguixko̱n Nainá, jè xi ‘mì Jesucristo xi nguì xi̱ta̱ kixi̱. 2 Jesucristo kitsjaà kjo̱tjò yijoâla̱ nga k’en ngajoâná, méâne ko̱ma si̱ìjchàat’aàâná jñà jéâná, ta̱nga mìtsà tà jñá xi si̱ìjchàat’aàâná; ti̱koa̱á si̱ìjchàat’aà yijeéâla̱ ngats’iì xi̱ta̱ xi tjín nga tíjtsa i̱sò’nde. 3 Tsà ndaà si̱kitasoán kjo̱tíxomaâla̱, maá kíjngoòâlá takoán nga jyeé ndaá yaxkoaán. 4 Tsà tjín xi̱ta̱ xi tsò: “‘A̱n, jyeé ndaà bexkoan Nainá”, ta̱nga tsà mìkiì ndaà síkitasòn kjo̱tíxomaâla̱, xi̱ta̱ ndisoâné; tsjìnâla̱ kjoa̱ kixi̱. 5 Ta̱nga tsà ndaà nìkitasoán koni tsò ‘énâla̱, jyeé ‘ñó ndaà tjínâná kjo̱tsjachaâla̱ Nainá ko̱ k’oa̱á s’ín maâne nga ‘yaâla̱ nga kixi̱í kjoa̱ nga jè Cristo titsa̱jnakoa̱á. 6 Jè xi̱ta̱ xi tsò nga ya̱ tíjnako̱ Cristo, mochjeénâné nga k’oa̱s’ín kàtasíjchá yijoâla̱ koni s’ín kis’iìn Jesucristo. 7 Jñò ndí ’ndsè, jè kjo̱tíxoma xi tìkjiìânò, mìtsà nguì kjo̱tíxoma xi̱tse̱; ti̱jèâne kjo̱tíxoma xi kits’iìânò k’e̱ nga sa̱ ítjòn k’e̱ nga ti̱sa̱ kòkjeiínânò. Jè kjo̱tíxoma jchínga jè, ti̱jèâne ‘én xi kina’yà jñò nga ti̱sa̱ ítjòn. 8 Ta̱nga i̱’ndei̱ k’oa̱á s’ín tìkjiìânò koni tsà jngoò kjo̱tíxoma xi̱tse̱. Nga̱ i̱t’aà ts’e̱ Cristo ki’yaâla̱ nga xi̱tse̱âné ko̱ ti̱koa̱á tí’yaáâla̱ xi i̱t’aà tsa̱jòn. Nga̱ jyeé tífahato kjoa̱ xi jñò choòn, ko̱ jyeé tí’yaâla̱ xi nguì kjoa̱ iseènâla̱ Nainá. 9 Tsà jngoò xi̱ta̱ k’oa̱s’ín títsò nga k’oa̱á s’ín tísíjchá yijoâla̱ koni s’ín tjín kjoa̱ iseènâla̱ Nainá, ta̱nga tsà majtikeè xíkjín xi ti̱koa̱ i̱t’aà ts’e̱ Cristo mokjeiínâla̱, mìtsà kixi̱ kjoa̱ nga iseèn tísíjchá yijoâla̱, ta̱kó ya̱á tíjnajiìn ñánda jñò choòn. 10 Jè xi̱ta̱ xi matsjakeè xi̱ta̱ xíkjín xi ti̱koa̱ i̱t’aà ts’e̱ Cristo mokjeiínâla̱, k’oa̱á s’ín tísíjchá yijoâla̱ koni s’ín tjín kjoa̱ iseènâla̱ Nainá. Jè xi̱ta̱ jè, mìtsà ti̱ mé tjínâne xi ma ko̱hótsji jéâla̱. 11 Ta̱nga jè xi̱ta̱ xi majtikeè xi̱ta̱ xíkjín xi ti̱koa̱ i̱t’aà ts’e̱ Cristo mokjeiínâla̱, ya̱á tíjna, ko̱ ya̱á tsó’baya ya̱ ndi̱yá ñánda jñò choòn. Mìkiì beè ñánda tífì, nga̱ jè kjoa̱ jñò, bíchjoà xko̱n. 12 Jñò xi ndí i̱xti ‘mìânò, tìkjiìânò Xo̱jo̱n jè, nga̱ i̱t’aà ts’e̱ Cristoâné nga jye kisìjchàat’aàânò Nainá jñà jé xi tjínânò. 13 Jñò xi xi̱ta̱ jchínga ‘mìânò, tìkjiìânò Xo̱jo̱n jè, nga̱ jyeé kiyaxkoòn jè Jesucristo xi tíjna skanda ti̱sa̱ tàts’enâla̱ kjoa̱. Jñò i̱xti xi sa̱ titsa̱nìjchá yijoânò, tìkjiìânò Xo̱jo̱n jè, nga̱ jyeé kinìkijneâlà jè xi̱ta̱ nei̱í. Jñò xi ndí i̱xti ‘mìânò, jyeé kiskiìânò Xo̱jo̱n jè nga̱ jye kiyaxkoòn Nainá xi Na̱’èn ‘mìâlaà. 14 Jyeé kiskiìânò xo̱jo̱n, jñò xi xi̱ta̱ jchínga ‘mìânò, koií kjoa̱âla̱ nga̱ jyeé kiyaxkoòn Jesucristo xi tíjna skanda ti̱sa̱ tàts’enâla̱ kjoa̱. Ti̱koa̱á jyeé kiskiìânò jñò i̱xti xi sa̱ titsa̱nìjchá yijoânò, koií kjoa̱âla̱ nga̱ tjínânò nga’ñó ko̱ jyeé ya̱ tíjnajiìn ini̱ma̱ânò jè ‘énâla̱ Nainá ko̱ jyeé kinìkijneâlà jè xi̱ta̱ nei̱í. 15 Kì jñà matsjacha jñà kjoa̱ xi tjín i̱sò’nde. Tsà yá xi̱ta̱ xi matsjakeè jñà kjoa̱ xi tjín i̱sò’nde, mìtsà kixi̱ kjoa̱ nga matsjakeè Nainá xi Na̱’èn ‘mìâlaà. 16 Ngats’iì kjoa̱ ch’o xi jè i̱sò’nde bít’aàâná, mìtsà ya̱ nchrobáâne i̱t’aà ts’e̱ Nainá xi Na̱’èn ‘mìâlaà. Ti̱ya̱á tísindaàâne i̱ i̱sò’nde. Jñà kjoa̱ ch’o koi, xi tjín i̱sò’nde: jñàâné kjoa̱ ch’o xi síjé yijoâná, kjoa̱ xi tsejènâla̱ xkoaán nga mejénâná tsa̱ján ko̱ma, ko̱ kjoa̱ ’nga takòn xi ts’e̱ kjoa̱ nchi̱ná. 17 Ngats’iì kjoa̱ ch’o xi tjín i̱sò’nde, ko̱ kjoa̱ xi ya̱ fahajiìnâná, jyeé tífehet’aà, ta̱nga jè xi̱ta̱ xi síkitasòn koni s’ín mejènâla̱ Nainá, kíjnakonâné ni̱ta̱ kjéâne. 18 Jñò xi ndí i̱xti xanânò, jyeé tífehet’aà na̱chrjein. Jyeé tíjiìnânò nga kjoi̱í jngoò xi̱ta̱ xi nguì kondra̱ tíjnaâla̱ Cristo. Ko̱ na̱chrjein i̱’ndei̱ jyeé ‘ñó kjìn maâne xi kondra̱ nchifìâla̱ Cristo. K’oa̱á maâne nga k’oa̱s’ín machi̱yaâná nga jyeé tífehet’aà na̱chrjein. 19 Jñà xi̱ta̱ koi, ti̱ i̱í itjokàjiìnâná, ta̱nga xi kjoa̱ kixi̱, mìtsà nguì xi̱ta̱ tsa̱ján ma; tsà kixi̱í kjoa̱ nga xi̱ta̱ tsa̱ján, i̱íâlà títsa̱jnako̱âná. Ta̱nga koií k’oa̱s’ín itjokàjiìnâná jñà xi̱ta̱ koi méâne nga ndaà kàta’yaâla̱ nga ngats’iì xi̱ta̱ xi k’oa̱s’ín kondra̱ fìâla̱ Cristo, mìtsà nguì xi̱ta̱ tsa̱ján. 20 Jè Jesucristo, xi xi̱ta̱ tsjeè, jyeé kitsjaàânò jè Ini̱ma̱ Tsjeèâla̱ Nainá; k’oa̱á maâne nga ngats’ioò jyeé ndaà tíjiìnânò kós’ín tjín xi kjoa̱ kixi̱. 21 K’oa̱á maâne nga k’oa̱s’ín tìkjiìânò xo̱jo̱n jè, nga̱ jyeé ndaà tíjiìnânò xi kjoa̱ kixi̱; mìtsà koiâne nga kj’eè tíjiìnânò. Ko̱ jyeé ndaà tíjiìnânò nga ni̱jngoò ‘én ndiso xi ya̱ nchrobát’aàâne i̱t’aà ts’e̱ kjoa̱ kixi̱. 22 ¿Yáâne xi xi̱ta̱ ndiso? Jèâné xi bí’ma nga tsò: “Jè Jesús mìtsà jè xi Cristo, [mìtsà Nainá kisìkasén].” Jè xi̱ta̱ jè xi kondra̱ fìâla̱ Cristo nga̱ jngoò k’a mìkiì mokjeiínâla̱ i̱t’aà ts’e̱ Nainá xi Na̱’ènâná ma ko̱ i̱t’aà ts’e̱ Jesucristo xi Ki’ndíâla̱ Nainá ma. 23 Ngats’iì xi̱ta̱ xi jngoò k’a mìkiì mokjeiínâla̱ i̱t’aà ts’e̱ Ki’ndíâla̱ Nainá, mìtsà Nainá xi Na̱’ènâná ma tíjnako̱. Ta̱nga jè xi̱ta̱ xi mokjeiínâla̱ ti̱koa̱ tsjá ‘énâla̱ nga jè Jesús, jè xi Ki’ndíâla̱ Nainá, ya̱á tíjnako̱ Nainá xi Na̱’ènâná ma. 24 Koií k’oa̱s’ín xanânò, ndaá kàtasijiìn ini̱ma̱ânò jè ‘én xi i̱t’aà ts’e̱ Cristo xi jye kina’yà nga ti̱sa̱ tàts’enâla̱ kjoa̱. Tsà k’oa̱s’ín ndaà si̱jiìn ini̱ma̱ânò, ti̱koa̱á ndaá ki̱tsa̱jnako̱o Nainá xi Na̱’ènâná ma ko̱ Ki’ndíâla̱. 25 Jesucristo k’oa̱á s’ín kitsjaà ‘énâla̱ nga tsjáâná kjoa̱binachon xi mìkiì fehet’aà ni̱ta̱ kjéâne. 26 Koií xá tìkjiìânò xo̱jo̱n jè méâne nga ma jcha̱xkonânò jñà xi mejènâla̱ kona̱cha̱nânò. 27 Ta̱nga jñò, jyeé tíjiìn ini̱ma̱ânò jè Ini̱ma̱ Tsjeèâla̱ Nainá xi kitsjaàânò Jesucristo. Mì ti̱ kiì mochjeénâne tsà yá xi ko̱kòyaânò. Nga̱ ti̱jèâne Ini̱ma̱ Tsjeèâla̱ Nainá ke̱èno̱jmíyaânò kós’ín tjín ngats’iì kjoa̱ xi ndaà tjín. Koni s’ín ko̱kòyaânò, ‘én kixi̱âné, mìtsà ‘én ndiso. K’oa̱á s’ín ndaà titsa̱jnako̱o kjit’aà Jesucristo, koni s’ín síkíchi̱yaânò Ini̱ma̱ Tsjeèâla̱ Nainá. 28 Jñò xi ndí i̱xti xanânò, k’oa̱á s’ín ndaà titsa̱jnako̱o Cristo, méâne nga ‘ñó tjínâne takoán ko̱ mìkiì ko̱sobàâná k’e̱ nga jè xi ki̱tjojen ìjngoò k’aâne ngajmiì. 29 Koni s’ín jye tíjiìnânò nga jè Cristo, xi̱ta̱ kixi̱âné nga nguixko̱n Nainá, k’oa̱á ti̱s’ín ndaà kàtasijiìnânò, nga ngats’iì xi̱ta̱ xi kjoa̱ kixi̱ s’ín nga nguixko̱n Nainá, ki’ndíâla̱ Naináâné.