1 Corintios 12

1 Ndí ’ndsè ko̱ tichjaá, ‘a̱n mejènâna kàtasijiìnânò jñà kjoa̱ chji̱ne̱ xi tsjá Ini̱ma̱ Tsjeèâla̱ Nainá. 2 Jñò, ndaà tíjiìnânò k’e̱ nga ti̱kj’eè mokjeiínânò ‘énâla̱ Nainá, ya̱á tsanguìt’aàâlà xkósòn xi mìkiì ma chja̱ nga xìn ndi̱yá kiìko̱ânò nga mìtsà kixi̱ kjoa̱ nga Nainá. 3 K’oa̱á xanânò, ni̱yá xi̱ta̱ xi ko̱ma ki̱tso̱âla̱ Jesús: “¡Ch’o kàtamat’in!”, tsà i̱t’aà ts’e̱ Ini̱ma̱ Tsjeèâla̱ Nainá tíchja̱. Ti̱koa̱á tsà mìtsà nga’ñó ts’e̱ Ini̱ma̱ Tsjeèâla̱ Nainá tíchja̱, mìkiì ko̱ma ki̱tso̱âla̱: “¡Ji̱âné Jesús xi otìxomai!" 4 Ya̱ i̱jiìn na̱xa̱ndáâla̱ Nainá, kjìn ska̱ya kjoa̱ chji̱ne̱ tjín kjoa̱ ts’e̱ xá xi síkitasòn xi̱ta̱, ta̱nga jè xi tsjá kjoa̱ chji̱ne̱, ti̱jèâne Ini̱ma̱ Tsjeèâla̱ Nainá. 5 Jñà xi̱ta̱, kjìn ska̱ya xá tjínâla̱ nga si̱ìxáâla̱ Na̱’ènâná, ta̱nga ti̱jèâne Na̱’ènâná xi maxáâla̱. 6 Kjìn ska̱ya nga’ñó tjín kós’ín maxá, ta̱nga ti̱jèâne nga’ñóâla̱ Nainá xi síxájiìnâla̱ ngats’iì xi̱ta̱. 7 Nga jngoò ìjngoò xi̱ta̱, tjoéâla̱ jngoò kjoa̱ chji̱ne̱ xi okó nga ya̱á tíjnajiìn ini̱ma̱âla̱ Ini̱ma̱ Tsjeèâla̱ Nainá méâne nga ngats’iì xi̱ta̱ na̱xa̱ndáâla̱ Nainá ko̱chjeénâla̱ kjo̱ndaà xi tjoéâla̱. 8 Xi i̱t’aà ts’e̱ Ini̱ma̱ Tsjeèâla̱ Nainá tjín xi̱ta̱ xi ‘biìâla̱ ‘én xi tjínâla̱ kjo̱hítsjeèn; koa̱ tjín i’nga xi ‘biìâla̱ ‘én xi tjínâla̱ kjoa̱ chji̱ne̱, nga ti̱jèâne Ini̱ma̱ Tsjeèâla̱ Nainá tsjá. 9 Tjín xi tjoéâla̱ kjoa̱chji̱ne̱ nga ndaà mokjeiínâla̱ nga ti̱jèâne Ini̱ma̱ Tsjeèâla̱ Nainá tsjáâla̱, ti̱koa̱á tjín xi tjoéâla̱ kjoa̱chji̱ne̱ nga síndaàâne xi̱ta̱ xi xk’én, nga ti̱jèâne Ini̱ma̱ Tsjeèâla̱ Nainá tsjáâla̱. 10 Tjín xi tjoéâla̱ kjoa̱chji̱ne̱ nga maâla̱ s’ín kjo̱xkón xi ndaà tjín, ko̱ xi maâla̱ chja̱ ngajoâla̱ Nainá, ko̱ xi machi̱yaâla̱ mé ini̱ma̱ xi tísíxájiìn ini̱ma̱âla̱ xi̱ta̱ xi chja̱. Ko̱ tjín xi tjoéâla̱ nga maâla̱ chja̱ ‘én xi kj’ei̱í tsò xi mì yá xi̱ta̱ fìyaâla̱, ti̱koa̱ tjín xi maâla̱ síkatoya ‘én xi kj’ei̱í tsò xi mì yá xi̱ta̱ fìyaâla̱. 11 Ti̱jè ta jngoóâne Ini̱ma̱ Tsjeèâla̱ Nainá xi síxá i̱t’aà ts’e̱ ngats’iì kjoa̱ koi nga síka’bíâla̱ nga jngoò ìjngoò xi̱ta̱ kjoa̱chji̱ne̱ xi jè mejènâla̱ nga tsjáâla̱. 12 Yijo tsa̱ján, kjìn jchán ska̱ya tjínâla̱; ta̱nga koni s’ín tíkjoò, ta̱ jngoò maâne yijo. Na̱xa̱ndáâla̱ Cristo, k’oa̱á ti̱s’ín tjín, ta jngoò maâne. 13 Jñà xi xi̱ta̱ judío ko̱ xi mìtsà xi̱ta̱ judío, xi xi̱ta̱ chi̱’nda títsa̱jna ko̱ xi̱ta̱ xi títsa̱jnandei̱í ta jngoò maâne. Ngats’iaá jñá, tà ngásòn komaá bautizar i̱t’aà ts’e̱ xi ti̱jèâne Ini̱ma̱ Tsjeèâla̱ Nainá nga jngoò na̱xa̱ndáâla̱ Nainá ko̱maá koni tsà jngoò yijo. Nga jngoò ìjngoaá, Nainá kitsjaàâná xi ti̱jèâne Ini̱ma̱ Tsjeèâla̱. 14 Jè yijoâná, mìtsà tà jngoò ska̱ya tjínâne; kjìn jchán ska̱ya tíkjoòya. 15 Tsà jè ndso̱koaá ki̱tso̱: “‘A̱n, mìtsà tsja xi̱ta̱ ma, mìtsà ya̱ chjàâna jè yijo.” Mìtsà koi kjoa̱âla̱ nga o̱ki̱tso̱ nga mì ya̱ chja̱âne yijo. 16 Tsà jñà líká ki̱tso̱: “‘A̱n, mìtsà xko̱n xi̱ta̱ ma, mìtsà ya̱ chjàâna jè yijo.” Mìtsà koi kjoa̱âla̱ nga o̱ki̱tso̱ nga mì ya̱ chja̱âne yijo. 17 Tsà kóho̱kji yijoâná, tsà nguì xkoaán ko̱ma, ¿kós’ín ki̱ná’yaâná? Tsà jè yijoâná, tsà nguì líká ko̱ma, ¿kós’ín ki̱jne̱âná? 18 Ta̱nga Nainá nga jngoò ìjngoò ska̱ya yijoâná, ya̱á kisìkítsa̱jna i̱’ndeâla̱ yijoâná ñánda nga jè kjòmejènâla̱. 19 Yijoâná tsà tà jngoò sko̱ya ko̱ma, mìâla tsà yijo xi nguì tíjngoò. 20 Kixi̱í kjoa̱ na̱s’ín kjìn ska̱ya tíkjoòya yijoâná, ta̱nga ta̱jngoò maâne. 21 Jñà xkoaán mìkiì ko̱ma ki̱tso̱âla̱ jñà ndsa̱á: “Mìkiì mochjeénâna̱.” Jè skoaá ti̱koa̱á mìkiì ko̱ma ki̱tso̱âla̱ jñà ndso̱koaá: “Mìkiì mochjeénâna̱." 22 Ta̱nga i̱t’aà ts’e̱ yijoâná, tjínâné xi ‘mìâlá nga chiba nga’ñó tjínâla̱ ta̱nga ìsa̱á ndaà mochjeén. 23 I̱t’aà ts’e̱ yijoâná xi ‘mìâlá nga mìkiì ndaà tsejèn, jñàâné xi nìkakjá nikje méâne nga ìsa̱ ndaà ko̱tsejènâne. Bíjtsa’maâné jè yijoâná, jñà xi mìkiì tjí’ndeâla̱ nga jcha̱âla̱. 24 Mìkiì mochjeén nga sijtsa’ma yijoâná xi tsejèn. Nainá jye k’oa̱s’ín tsibíndaà nga ìsa̱ ndaà jcha̱xkón jè xi ‘mìâlá nga ìsa̱ chiba chjíâla̱, 25 méâne nga mì ko̱jòyaâne. Ta̱ sa̱á nga jngoò ìjngoò ska̱ya kàtasíkinda̱ xíkjín. 26 Tsà tjín jngoò ska̱ya yijoâná ñánda ijò ma, ok’ín yijeâla̱ xíkjín kóho̱kji nga ma ijò. Koa̱ tsà tjín ñánda ndaà tíyaxkón, ndaá s’e yijeâla̱ kóho̱kji yijo. 27 Jñò, k’oa̱á ngayaâla̱ koni yijoâla̱ Cristo. Katjín, katjín xá xi kitjoéânò ya̱ i̱jiìn na̱xa̱ndáâla̱ Nainá. 28 Nainá k’oa̱á s’ín kiskoòsònâla̱ mé xá xi s’i̱in xi̱ta̱: jñà títsa̱jna ítjòn xi̱ta̱ xi bíxáyaâla̱ Nainá; xi maâne jò, xi̱ta̱ xi chja̱ ngajoâla̱ Nainá; xi maâne jàn, xi̱ta̱ xi okóya ‘énâla̱ Nainá. Ti̱koa̱ tjín xi maâla̱ s’ín kjo̱xkón xi ndaà tjín. Ko̱ tjín xi maâla̱ síndaàâne xi̱ta̱ xi xk’én; tjín xi maâla̱ síchját’aà; tjín xi otíxoma mé kjoa̱ xi ko̱ma; ko̱ tjín xi chja̱ ‘én xi kj’ei̱í tsò xi mì yá xi̱ta̱ fìyaâla̱. 29 Mìtsà ngats’iì nga ma bíxáyaâla̱ Nainá. Mìtsà ngats’iì nga Nainá chja̱ ngajoâla̱. Mìtsà ngats’iì nga maâla̱ okóya ‘énâla̱ Nainá. Mìtsà ngats’iì nga maâla̱ s’ín kjo̱xkón xi ndaà tjín. 30 Ko̱ mìtsà ngats’iì nga maâla̱ síndaàâne xi̱ta̱ xk’én. Mìtsà ngats’iì nga maâla̱ chja̱ ‘én xi kj’ei̱í tsò xi mì yá xi̱ta̱ fìyaâla̱. Mìtsà ngats’iì maâla̱ síkatoya ‘én xi kj’ei̱í tsò xi mì yá xi̱ta̱ fìyaâla̱. 31 Ta̱nga jñò, mochjeénâné nga ti̱nchátsjioò jñà kjoa̱chji̱ne̱ xi ìsa̱ ndaà tjín. Ta̱nga i̱’ndei̱ ‘a̱án kokoòânò jngoò ndi̱yá xi ìsa̱ ndaà tjín kó s’ín si̱jchá yijoânò.