1 Corintios 11

1 Koni s’ín s’iaàn ‘a̱n nga kjinguìâla̱ Cristo, k’oa̱ ti̱s’ín chjínguìâná. 2 Ndí ’ndsè ko̱ tichjaá, ndaà ’nèânò nga nìkítsjeèn i̱t’aà ts’a̱n ngats’iì kjoa̱ xi s’iaàn; ti̱koa̱ nìkitasòn kjo̱tíxoma xi ‘a̱n kisìkatoyaânò. 3 Ta̱nga mejènâna nga kàtasijiìnânò nga jngoò ìjngoò xi̱ta̱ x’i̱n, jè Cristo xi sko̱âla̱ ma, ko̱ jè chjo̱ón, jè xi̱ta̱ x’i̱n xi sko̱âla̱ ma, koni jè Cristo, jè Nainá xi sko̱âla̱ ma. 4 Tsà jngoò xi̱ta̱ x’i̱n xi tíjtsa sko̱ k’e̱ nga chja̱t’aàâla̱ Nainá, o k’e̱ nga chja̱ya ‘énâla̱ Nainá, mìkiì beèxkón Cristo nga jè tíjna sko̱âla̱. 5 Ta̱nga tsà jngoò chjo̱ón, tsà mìkiì bíjtsa sko̱ k’e̱ nga chja̱t’aàâla̱ Nainá, o k’e̱ nga chja̱ya ‘énâla̱ Nainá, mìkiì beèxkón x’i̱nâla̱ nga jè tíjna sko̱âla̱. K’oa̱á ngayaâla̱ koni tsà kisijnoâla̱. 6 Tsà jngoò chjo̱ón xi majìnâla̱ bíjtsa sko̱, ti̱koa̱áâne kàtasijnoâla̱ tsja̱ sko̱. Ko̱ tsà masobàâla̱ nga sijnoâla̱, kàtíjtsa sko̱. 7 Jè xi̱ta̱ x’i̱n, mìkiì tjí’nde nga ki̱ìjtsa sko̱, nga k’oa̱á s’ín ‘yaâla̱ koni Nainá, ko̱ i̱t’aà ts’e̱ xi̱ta̱ x’i̱n, ‘yaáâla̱ kjoa̱jeyaâla̱ Nainá; ta̱nga i̱t’aà ts’e̱ chjo̱ón ‘yaáâla̱ kjoa̱jeyaâla̱ x’i̱nâla̱. 8 Jè x’i̱n, mìtsà ya̱ itjokàt’aàâne ts’e̱ chjo̱ón; jè chjo̱ón xi i̱t’aà ts’e̱ xi̱ta̱ x’i̱n itjokàt’aàâne. 9 Jè xi̱ta̱ x’i̱n, mìtsà kjoa̱ ts’e̱ chjo̱ón kisindaàâne; ta̱nga jè chjo̱ón, kjoa̱ ts’e̱ x’i̱ín kisindaàâne. 10 Koií kjoa̱âla̱ jè chjo̱ón tjínèâla̱ nga ki̱ìjtsa sko̱, señaâné nga beèxkón x’i̱nâla̱, méâne nga ti̱koa̱ skoe̱âne jñà àkja̱le̱. 11 Ta̱nga koni s’ín tjíndaàâla̱ Na̱’ènâná, tsà tsjìn chjo̱ón, mìkiì tíjna x’i̱n; ko̱ tsà tsjìn x’i̱n, mìkiì tíjna chjo̱ón. 12 Koni s’ín komà nga jè chjo̱ón, i̱t’aà ts’e̱ x’i̱ín kisindaàâne; ti̱koa̱á jè x’i̱n, i̱t’aà ts’e̱ chjo̱ón ts’iìn. Ta̱nga i̱t’aà ts’e̱ Nainá nchrobá yijeâne. 13 Jñò, ndaà ti̱kítsjeèn: ¿A ndaà tjín tsà mìkiì tíjtsa sko̱ jñà íchjín k’e̱ nga chja̱t’aàâla̱ Nainá? 14 Ti̱jéâne i̱sò’nde, béno̱jmíyaâná nga kjoa̱sobàâné k’e̱ nga jè xi̱ta̱ x’i̱n síndojò tsja̱ sko̱. 15 Ta̱nga ndaà tsejèn k’e̱ nga jngoò chjo̱ón xi ndojò kjoàn tsja̱ sko̱. Kjoa̱jeya ts’e̱âné. Koií xá kits’iìâla̱ tsja̱âla̱ nga ndojò kjoàn, méâne nga ki̱ìjtsaâne sko̱ koni tsà payo̱. 16 Tsà tjín xi̱ta̱ xi mìkiì tíjngoò ikon koni bixónâje̱n, k’oa̱á s’ín kàtasijiìnâla̱, ngaje̱n ko̱ na̱xa̱ndáâla̱ Cristo, nguì k’oa̱á s’ín ’nèâje̱n, tsjìn xi kj’ei̱í s’ín. 17 Nga tìkjiì ìsa̱ânò, mìkiì ndaà síkítsa̱jnaânò, koií kjoa̱âla̱ nga mìkiì ndaà titsa̱’nè k’e̱ nga maxkóya; ch’o titsa̱’nè. 18 Jè kjoa̱ xi tíjna ítjòn i̱t’aà tsa̱jòn, k’oa̱á s’ín ki’nchrè, jñò xi na̱xa̱ndáâla̱ Cristo ‘mìânò, k’e̱ nga maxkóya, jò xó ya maà. Mejèn tsà mokjeiínâna tsà koií na̱chrjeinâla̱ tsà k’oa̱á s’ín titsa̱’nè. 19 Ta xó k’oa̱áâla ko̱mat’inânò nga s’e̱é xi̱ta̱ xinguio̱o xi si̱ìjòyaânò, méâne nga jcha̱âla̱ yáâne xi tjínâla̱ o̱kixi̱. 20 K’e̱ nga maxkóya nga bichioò, koni s’ín tsakóya Cristo, mìtsà kixi̱ kjoa̱ nga jè nìkítsjeènâyaà koni s’ín komàt’in Na̱’ènâná k’e̱ nga k’en. 21 K’e̱ nga bichioò, tjín i’nga xi̱ta̱ xi ítjòn kjèn tsojmì xi bijchóko̱; mìkiì koñaâla̱ xíkjín nga tsjá i̱tséâla̱; skanda tjín xi mach’i̱. Ta̱nga jñà xi̱ta̱ xi i’nga, i̱ma̱á ijòâla̱ nga mìkiì tsjá i̱tséâla̱. 22 Jñò, ¿a tsjìnânò ni’ya ñánda nga bichioò ko̱ nga ‘yò? ¿Méâne nachrjekànguiânò xi̱ta̱ na̱xa̱ndáâla̱ Cristo koa̱ nìsobàâlà xi̱ta̱ i̱ma̱ xi tsjìnâla̱ tsojmì xi kine? K’e̱ nga k’oa̱s’ín ’nè, ¿kó s’ín xánânò? ¿A ndaà síkítsa̱jnaânò? Majìn, mìkiì ndaà síkítsa̱jnaânò. 23 Koni s’ín tsakóyaâna Na̱’ènâná, ti koiíâne xi ‘a̱n tsakoòyaânò. Jè ni̱tje̱n k’e̱ nga Na̱’ènâná Jesús kitsobà’ñó xi̱ta̱, kiskoé i̱nchra̱jín, 24 kitsjaàâla̱ kjo̱ndaà Nainá, i̱kjoàn kisìxkoa̱ya, kitsò: “Chjoé, jèâné xi yijoâna̱ nga tìtsjaà kjo̱tjò nga ki̱yá xi kjo̱ndaà tsa̱jòn. K’oa̱ ti̱ s’ín t’e̱en nga ti̱xkoa̱ya i̱nchra̱jín, méâne nga si̱kítsjeènânò i̱t’aà ts’a̱n." 25 K’oa̱á ti̱s’ín kis’iìn k’e̱ nga jye tsakjèn, kiskoé chi̱tsín, kitsò: “Vino xi tjíya chi̱tsín jè, jè jníâna xi síkixi̱ya kjoa̱ xi̱tse̱ xi bìndaàjiìnâko̱ânò. Jñò, k’e̱ nga ìjngoò ìjngoò k’a s’io̱o, k’oa̱á s’ín t’e̱en méâne nga si̱kítsjeènânò i̱t’aà ts’a̱n." 26 K’e̱ nga ìjngoò ìjngoò k’a ki̱chioò i̱nchra̱jín jè, koa̱ s’io̱ya vino chi̱tsín jè, i̱t’aà ts’e̱é kjoa̱biyaàâla̱ Na̱’ènâná ki̱nókjoa̱ya, skanda k’e̱ nga kjoi̱í ìjngoò k’a Cristo. 27 Ni̱ta̱ yá xi̱ta̱âne xi ko̱kje̱n i̱nchra̱jín jè, o xi skoíya chi̱tsín ts’e̱ Na̱’ènâná, tsà mìkiì skoe̱xkón k’e̱ nga ko̱kje̱n, jé tíhótsji i̱t’aà ts’e̱ Na̱’ènâná nga tíhochrjengui yijoâla̱ ko̱ jníâla̱. 28 Koií kjoa̱âla̱, ítjòn ndaà ti̱kítsjeèn i̱jiìn ini̱ma̱ânò kós’ín titsa̱jnako̱o Nainá ko̱ xi̱ta̱ xinguio̱o. I̱skan ti̱chioò i̱nchra̱jín koa̱ t’io̱ya chi̱tsín ts’e̱ Na̱’ènâná. 29 Tsà yá xi̱ta̱ xi ko̱kje̱n i̱nchra̱jín koa̱ skoí vino xi tjíya chi̱tsín, tsà mìkiì si̱ìkítsjeèn nga jè yijoâla̱ Na̱’ènâná, xi̱ta̱ jè, kjo̱’iín tíbínèâla̱ yijoâla̱. 30 K’oa̱á maâne kjìn xi̱ta̱ xinguio̱o xi ch’in bít’aàâla̱ koa̱ tjín xi indaàkjoa̱ títsa̱jna, skanda jye kjò kjìn biyaà. 31 Tsà ndaà si̱kítsjeén kós’ín titsa̱jnakoa̱á Nainá ko̱ xi̱ta̱ xinguia̱á, Na̱’ènâná mìkiì kjo̱’in tsjáâná. 32 Ta̱nga tsà jè Na̱’ènâná tsjáâná kjo̱’in, koiâné nga mejènâla̱ síkixi̱yaâná méâne mìkiì ko̱ko̱t’aàâná kjo̱’in xi mìkiì fehet’aà ni̱ta̱ kjéâne xi tjoéâla̱ jñà xi̱ta̱ i̱sò’nde xi mìkiì beèxkón Nainá. 33 K’oa̱á maâne jñò ndí ’ndsè k’e̱ nga maxkóya nga bichioò, chíñakjoa̱âlà xinguio̱o. 34 Tsà tjín i’nga xi ‘ñó ijòâla̱, ti̱chioò ni’yaânò, méâne k’e̱ nga ko̱xkóya mì kjo̱’in tsjáânò Na̱’ènâná. Jñà kjoa̱ xi i’nga xi tjín ìsa̱ânò, k’e̱ kìjchokonânò kíndaàjñaá.