1 Corintios 10

1 Jñò ndí ’ndsè ko̱ tichjaá, kì nìjchàajiìnâjèn nga jñà xi̱ta̱ jchínga kjiìnâná, [k’e̱ nga itjojiìn na̱xa̱ndá Egipto], ya̱á tsibítsa̱jnangui yije i̱jiìn ifi [nga tsakóâla̱ ndi̱yá], ti̱koa̱á ngats’iì tsatojiìn ndáchikon. 2 K’oa̱á ngayaâla̱ koni tsà komà bautizar ya̱ i̱jiìn ifi ko̱ i̱jiìn ndáchikon méâne nga xi̱ta̱âla̱ Moisés ko̱maâne. 3 K’oa̱á ti̱s’ín jngoò ska̱ya tsojmì kiskine xi kjo̱xkón ndaà ts’e̱ Nainá. 4 Ti̱koa̱á ta jngoò ska̱ya nandá kits’iì xi kjo̱xkón ndaà ts’e̱ Nainá, jè nandá xi ya̱ na̱xi̱ itjoâne nga jè Nainá kitsjaàâla̱. Jè na̱xi̱, jè ngayaâla̱ Cristo nga jè tsajmeèyako̱ ndi̱yá ñánda chinchimaya. 5 Ta̱nga jñà xi̱ta̱ jchínga koi, kjìn jchán k’en ya̱ ñánda nangui kixì choòn nga Nainá mìkiì kisaseènâtakòn koni s’ín kis’iìn ngats’iì xi̱ta̱ jchínga koi, ta chibaá tsininguiâne. 6 Jñà kjoa̱ xi k’oa̱s’ín komà, jñà okóyaâná nga mì jñà si̱kjaàjñaá kjoa̱ xi ch’o tjín koni kis’iìn jñà xi̱ta̱ jchíngaâná. 7 Kì k’oa̱ s’ín sando̱ xkósòn yaxkón koni kis’iìn i’nga xi̱ta̱ jchínga koi, nga k’oa̱á s’ín tíchja̱ Xo̱jo̱nâla̱ Nainá nga tsò: “Jñà xi̱ta̱ na̱xa̱ndá tsibìtsa̱jna nga tsakjèn koa̱ kits’iì, i̱kjoàn tsasítje̱n nga kitè [nga jè kisìtsjako̱ xkósòn]." 8 Ti̱koa̱á mìkiì kjoa̱ chijngui s’e̱én koni s’ín kis’iìn i’nga xi̱ta̱ jchínga koi, nga tà jngoò na̱chrjein kaàn jàn jmiì xi̱ta̱ k’en. 9 Mì kì ta̱xki̱ chít’aá Na̱’ènâná koni s’ín kis’iìn i’nga xi̱ta̱ jchínga koi; k’oa̱á komàâne nga k’en nga kiskineâla̱ ye̱. 10 Ti̱koa̱á kì í’ñóâìsa tsajét’aàâlà Nainá koni s’ín kis’iìn i’nga xi̱ta̱ jchínga koi. K’oa̱á komàâne nga jè àkja̱le̱âla̱ kjoa̱biyaà kisìk’en xi̱ta̱ koi. 11 Ngats’iì kjoa̱ koi, k’oa̱á s’ín komàt’in jñà xi̱ta̱ jchíngaâná ko̱ k’oa̱á s’ín kisijna chi̱ba̱ méâne si̱jiìnâná. Kisit’aà Xo̱jo̱nâla̱ Nainá nga jcha̱á jñá mé kjo̱’in xi si̱nèâná tsà k’oa̱ ti̱s’ín s’e̱én jñá xi titsa̱jnakoaán na̱chrjein xi jye tífehet’aà. 12 K’oa̱á maâne jè xi ko̱s’ín síkítsjeèn nga kixi̱ tíjna, kàtasíkinda̱ yijoâla̱ nga mì jé sakóâla̱. 13 Jñò, kj’eè mé kjoa̱ xi mat’ioòn nga tíchìt’aàânò xi ìsa̱ ‘ñó ‘in tjín koni mat’in xi̱ta̱ xi kj’ei̱í. Nainá, xi̱ta̱ kixi̱âné, jè kàta’ñót’aà takòn nga mìkiì tsjá’nde nga ìsa̱ tsato chít’aàânò koni kji chíkjoa̱ko̱ânò. Ti̱jèâne Nainá ko̱kò ndi̱yá kós’ín ki̱chìkjoa̱ânò koni s’ín tíchìt’aàânò skanda k’e̱ nga kjoe̱het’aà kjoa̱. 14 Jñò ndí ’ndsè, ni̱ i̱tsé kjoa̱ ts’e̱ xkósòn nìkítsjeèn nga mejènânò jcha̱xkón. 15 ‘A̱n, k’oa̱á s’ín tìchjàânò koni xi̱ta̱ xi tjínâla̱ kjo̱hítsjeèn. Jchósònâlà ‘én xi xánânò, a kixi̱í kjoa̱. 16 K’e̱ nga ‘yoaá vino xi tjíya chi̱tsín nga nìjét’aàâlá Nainá nga kàtasíchikonât’in, ¿a mìtsà ya̱ nìngásònâkoa̱á ko̱ jníâla̱ Cristo? Ko̱ k’e̱ nga nìxkoa̱yaá i̱nchra̱jín, ¿a mìtsà ya̱ nìngásònâkoa̱á ko̱ yijoâla̱ Cristo? 17 Jñá, na̱s’ín ‘ñó kjìn maâná, jè i̱nchra̱jín xi bichiaá, ta jngoò maâne; k’oa̱á maâne nga ngats’iaá, ta jngoò yijo maâná. 18 Chítsejènâlà xi̱ta̱ na̱xa̱ndá Israel, jñà xi kine yijoâla̱ cho̱ xi biyaà ya̱ i̱’nde tsjeè nga tsjáâla̱ kjo̱tjò Nainá. Xi̱ta̱ koi, ya̱á síngásònâko̱ kjo̱tjò xi tsjáâla̱ Nainá ya̱ i̱’nde tsjeè. 19 K’e̱ nga k’oa̱ xanânò, mìtsà xanânò nga tjínâla̱ o̱kixi̱ jñà xkósòn ko̱ tsojmì xi sinchát’aàâla̱. 20 Jñà ‘én xi xanânò, jñà kjo̱tjò xi fìko̱ jñà xi̱ta̱ xi mìkiì beèxkon Nainá, jñà fìko̱âla̱ ini̱ma̱ ch’oâla̱ nei̱í, mìtsà jè sobà Nainá. ‘A̱n, majìnâna̱ nga ya̱ sìngásònâko̱o ini̱ma̱ ch’oâla̱ nei̱í. 21 Mìkiì ndaà tjín, k’e̱ nga jye ‘yò vino xi ts’e̱ Jesús, xi otíxomaâná, i̱kjoàn s’io̱o xi ts’e̱ ini̱ma̱ ch’oâla̱ nei̱í. Ti̱koa̱á mìkiì ndaà tjín, k’e̱ nga jye bichioò i̱nchra̱jín xi ts’e̱ Jesús, i̱kjoàn bichioò xi ts’e̱ ini̱ma̱ ch’oâla̱ nei̱í. 22 ¿A xi mejènânò si̱kjànâlà Na̱’ènâná nga kàtachi̱ni̱? ¿A ìsa̱á tjínânò nga’ñó mì k’oa̱âne Nainá? 23 Tsò jñà xi̱ta̱: “Tjí’ndeâné ni̱ta̱ mé xi s’e̱én.” Kixi̱í kjoa̱ tjí’ndeâné, ta̱nga mìtsà ngats’iì kjoa̱ nga ndaà tjín. Tjí’ndeâné ni̱ta̱ mé kjoa̱ xi s’e̱én, ta̱nga mìtsà ngats’iì kjoa̱ tsjáâná nga’ñó. 24 Mìtsà tà kjo̱ndaà tsa̱jòn binchaàtsjioò ítjòn, jè ti̱nchátsjioò ítjòn kjo̱ndaà ts’e̱ xi̱ta̱ xi kj’ei̱í. 25 Maá chi̱ne̱e ni̱ta̱ mé yijo xi satíjna ya̱ ñánda biyaà cho̱. Kì kiì chjinanguio ñánda j’iìâne méâne nga mì ch’o ko̱maâla̱ kjo̱hítsjeènânò. 26 Nga ts’e̱é Na̱’ènâná jè nangui ko̱ ngats’iì tsojmì xi tjínâla̱. 27 Tsà jngoò xi̱ta̱ xi mìkiì mokjeiínâla̱ ‘énâla̱ Nainá, ki̱chja̱ânò nga ki̱chiko̱o, tsà mejènânò nga onguió, chji̱ne̱e yijeânò xi tsjáânò. Kì mé xi chjinanguio nga mì ch’o ko̱maâla̱ kjo̱hítsjeènânò. 28 Tsà jngoò xi̱ta̱ xi ki̱tso̱ânò: “Jñà tsojmì koi, ya̱á kisinchaàt’aàâla̱ xkósòn.” Jè kjoa̱âla̱ xi̱ta̱ xi o̱kitsòânò, kì kiì chine, méâne nga mì ch’o ko̱maâla̱ kjo̱hítsjeènâla̱. 29 Mìtsà kjo̱hítsjeèn tsa̱jòn xi tìxanânò, ts’e̱é xi̱ta̱ xi o̱kitsò. Ta̱nga tsà tjín i’nga xi̱ta̱ xi sko̱nangui nga ki̱tso̱: “¿Méâne mì tjí’ndeâna nga s’iaàn ni̱ta̱ mé kjoa̱ xi mejènâna nga ta koi kjoa̱âla̱ nga mì ch’o ko̱maâla̱ kjo̱hítsjeènâla̱ xi̱ta̱ xi kj’ei̱í? 30 ‘A̱n, tsà tsjaàâla̱ kjo̱ndaà Nainá i̱t’aà ts’e̱ tsojmì xi kíne̱e, mìkiì ndaà tjín tsà ch’o ki̱tso̱âla̱ xi̱ta̱ jñà tsojmì xi jye kàtsjaàâla̱ kjo̱ndaà Nainá." 31 Ta̱nga jñò, k’e̱ nga bichioò ko̱ tsà ‘yò, ni̱ta̱ mé kjoa̱ xi ’nè, k’oa̱á s’ín t’e̱en nga jeya kàtìjna Nainá. 32 Kì jé binchaàtsjiâlà jñà xi̱ta̱ judío, ko̱ xi mìtsà xi̱ta̱ judío, ko̱ jñà xi̱ta̱ na̱xa̱ndáâla̱ Nainá. 33 ‘A̱n, k’oa̱á s’ín s’iaàn yije koni s’ín sasénâla̱ xi̱ta̱ xi kj’ei̱í. Mìtsà jè otsjià ítjoàn xi kjo̱ndaà ts’a̱n, jè otsjià ítjoàn kjo̱ndaà ts’e̱ xi̱ta̱ xi kj’ei̱í méâne nga ki̱tjokàjiìnâne kjo̱’in.