1 Corintios 9

1 ‘A̱án tsibíxáyaâna Cristo. Tìjna̱ndei̱íâná. Xkoaàn kijtseèâna jè Jesús xi otíxomaâná. Nga̱ xáâla̱ Na̱’ènâná tìs’iaàn, i̱’ndei̱ jñòânò xi xi̱ta̱âla̱ Cristo maà. 2 K’oa̱á xó tsò i’nga xi̱ta̱ xi kj’ei̱í nga mì xó tsà ‘a̱n tsibíxáyaâna Cristo, ta̱nga jñò, ndaà tíjiìnânò nga ‘a̱án kisìxáyaâna, nga i̱t’aà ts’a̱nâná nga mokjeiínânò ‘énâla̱ Nainá. K’oa̱á s’ín bitjo kixi̱ kjoa̱. 3 K’e̱ nga jngoò xi̱ta̱ kjònanguiâna xi kondra̱ ts’a̱n, ‘a̱n, kií xanâla̱ nga ósi̱koa̱a yijoâna̱: 4 ¿A mìtsà tjí’ndeânaje̱n nga k’oi̱ânaje̱n tsojmì xi chineâje̱n ko̱ xi s’io̱âje̱n nga xáâla̱ Nainá titsa̱’nèâje̱n? 5 ¿A mìtsà tjí’ndeânaje̱n nga ki̱tjáko̱ jngoòâje̱n xi chjo̱ónânaje̱n ma xi ‘énâla̱ Nainá mokjeiínâla̱, koni s’ín xi̱ta̱ xi i’nga xi tsibíxáyaâla̱ Cristo koni jñà ’ndse̱ Na̱’ènâná ko̱ Cefas [xi ti̱koa̱ Pedro ‘mì]? 6 ¿A tà ‘a̱nâná ko̱ Bernabé xi tjínèânaje̱n nga kj’ei̱í xá s’e̱nâje̱n méâne nga sa̱kòâna̱je̱n tsojmì xi chi̱ne̱âje̱n? 7 ¿A tjín xi̱ta̱ xi soldado síkitasòn xi ti̱jé bíchjíâla̱ yijoâla̱? ¿A tjín xi̱ta̱ xi bítje̱ tsojmì tjé, koa̱ mìkiì kine toò xi ojàâla̱? ¿A tjín xi̱ta̱ xi cho̱ síjchá, koa̱ mìkiì ‘biì tsjìn xi ochrje? 8 Kì k’oa̱á s’ín nìkítsjeèn nga tà kjo̱hítsjeèn ts’a̱n koni s’ín tìxan. Ti̱koa̱á tíchja̱á kjo̱tíxoma ts’e̱ Moisés. 9 Kjo̱tíxomaâla̱ Nainá xi kiskiì Moisés, k’oa̱á s’ín tíchja̱ nga tsò: “Jñà nchra̱ja̱ xi bínchi, kì na̱’ya bì’a tso’ba.” ‘Ãn koi mìtsà tsòâne kjoa̱ nga Nainá ‘ñó síkinda̱ nchra̱ja̱, 10 jñáâná xi síkinda̱âná Nainá; nga i̱t’aà tsa̱ján tíchja̱ kjo̱tíxoma. Jè xi síkínchi nchra̱ja̱ ko̱ xi sítsjeè tsojmì xi majcháâla̱, nchikoñaáâla̱ nga tjoé chi̱ba̱âla̱ tsojmì xi majcháâla̱. 11 ‘Ãn ndaàâla̱ Nainá xi kjoa̱ ts’e̱ Cristo xi ji̱n tsakoòyaânòje̱n jè ngayaâla̱ koni tachó xi kisìtje̱ i̱jiìn ini̱ma̱ânò. ¿A mì ndaà s’e̱ tsà tjoé chibaânaje̱n tsojmì xi majcháânò? 12 Tsà jñà xi kj’ei̱í xi̱ta̱ tjoé chibaâla̱ tsojmì xi tsa̱jòn, ngaje̱n, ¿a mìtsà ìsa̱ ndaà tjí’ndeânaje̱n nga ti̱koa̱ tjoéânaje̱n? Ta̱nga mì k’oa̱á s’ín titsa̱’nèâje̱n koni s’ín tjí’ndeânaje̱n méâne nga mìkiì ko̱ma sichjoà ikonâla̱ ‘én ndaàâla̱ Nainá xi kjoa̱ ts’e̱ Cristo. 13 Jñò, ndaà ‘yaà, jñà xi̱ta̱ xi ya̱ síxá ya̱ I̱ngo̱ Ãtjònâla̱ Nainá, koií tsojmì kine xi tjín ya̱ i̱’nde jè; ko̱ jñà xi ya̱ síxá i̱’nde tsjeèâla̱ Nainá ya̱ ñánda binchásòn kjo̱tjò xi tsjáâla̱ Nainá jñà xi̱ta̱, oko̱ó chibaâla̱ yijoâla̱ cho̱ xi ya̱ binchásòn. 14 Nainá k’oa̱á s’ín kitsjaà o̱kixi̱: jñà xi chja̱ya ‘én ndaàâla̱ Nainá xi kjoa̱ ts’e̱ Cristo ya̱á sa̱kòâla̱ tsojmì xi ski̱ne̱. 15 ‘A̱n, mì k’oa̱á s’ín tìsìkjeén jñà kjoa̱ xi tjí’ndeâna. Ti̱koa̱á mìtsà koi xá tìkjiìânò nga ko̱s’ín síko̱âná. Ãsa̱áâla ndaà tjín tsà kàtiyaà mì k’oa̱áâne tsà tjín xi̱ta̱ xi kjoa̱áxìnâna̱ kjo̱tsja xi tjínâna nga ta kjo̱tjò ‘a̱n chjàya ‘én ndaàâla̱ Nainá xi kjoa̱ ts’e̱ Cristo. 16 Nga ‘én ndaàâla̱ Nainá xi kjoa̱ ts’e̱ Cristo chjàya, mìkiì tsà jeya síkíjna yijoâna̱. ‘A̱n, xó k’oa̱á s’ín tjínèâna nga ‘a̱n kichjàya; i̱ma̱ xóâna tsà mìkiì kichjàya jè ‘én ndaàâla̱ Nainá xi kjoa̱ ts’e̱ Cristo. 17 Tsà tà kjo̱hítsjeèn ts’a̱ánâlà nga ko̱s’ín tìs’iaàn, tjínèâla nga ko̱chjíâna, ta̱nga mìtsà tà kjo̱hítsjeèn ts’a̱n, jè tìsìkitasoàn xá xi kisìnga̱tsjaâna Nainá. 18 Jè chjí xi tísakóâna̱, jèâné nga tsja tjínâna̱ nga chjàya ‘én ndaàâla̱ Nainá xi kjoa̱ ts’e̱ Cristo nga mìtsà chjíâna̱ sìjé, na̱s’ín tjí’ndeâna nga jè ‘én ndaàâla̱ Nainá xi kjoa̱ ts’e̱ Cristo kóti̱jnakonâna. 19 ‘A̱n tìjna̱ndei̱íâná, ta̱nga i̱’ndei̱, k’oa̱á s’iaàn koni tsà chi̱’ndaâla̱ ma ngats’iì xi̱ta̱, méâne nga ìsa̱ kjìn xi̱ta̱ ko̱ma kichjàâla̱ ‘énâla̱ Cristo nga ko̱kjeiínâla̱. 20 K’e̱ nga ya̱ tìjna̱jiìnâla̱ jñà xi̱ta̱ xinguia̱a judío, k’oa̱á s’ín s’iaàn koni s’ín xi̱ta̱ judío méâne nga ko̱ma kichjàâla̱ ‘énâla̱ Cristo nga ko̱kjeiínâla̱. Kixi̱í kjoa̱ nga ‘a̱n, mìkiì kjo̱’ñó tjínèâna nga ko̱s’ín sìkitasoàn koni tsò kjo̱tíxoma xi kiskiì Moisés, ta̱nga k’e̱ nga ya̱ tìjna̱jiìnâla̱ jñà xi̱ta̱ judío xi kjo̱tíxomaâla̱ Moisés títsa̱jnajiìn, ‘a̱n k’oa̱á ti s’iaàn, ta jè xi mejènâna nga ko̱ma kichjàâla̱ ‘én ndaàâla̱ Nainá xi kjoa̱ ts’e̱ Cristo nga ko̱kjeiínâla̱. 21 K’e̱ nga ya̱ tìjna̱jiìnâla̱ jñà xi̱ta̱ xi mìtsà ya̱ títsa̱jnajiìn kjo̱tíxomaâla̱ Moisés, ‘a̱n, k’oa̱á ti s’iaàn koni tsà mì ya̱ tìjna̱jñaà kjo̱tíxoma méâne nga ko̱ma kichjàâla̱ ‘énâla̱ Cristo nga ko̱kjeiínâla̱ xi̱ta̱ xi mì ya̱ títsa̱jnajiìn kjo̱tíxoma. Mìtsà tsòâne kjoa̱ nga tìjna̱t’aà xìnâla̱ kjo̱tíxomaâla̱ Nainá. Ya̱á tìjna̱jñaà kjo̱tíxomaâla̱ Cristo. 22 K’e̱ nga ya̱ tìjna̱jiìnâla̱ jñà xi̱ta̱ xi indaàjiìn tjín kjo̱hítsjeènâla̱, ‘a̱n, k’oa̱á s’iaàn koni tsà ti̱koa̱á indaàjiìn tjín kjo̱hítsjeènâna méâne nga ko̱ma kichjàâla̱ ‘énâla̱ Cristo xi̱ta̱ koi. Ya̱á sìngásòn yijekoa̱a mé kjoa̱ xi títsa̱jnajiìn ngats’iì xi̱ta̱ méâne nga ko̱ma ko̱chrjekàjiìn i’ngaâna kjo̱’in kjoa̱ ts’e̱ jéâla̱. 23 K’oa̱á s’iaàn xi kjo̱ndaà ts’e̱ ‘én ndaàâla̱ Nainá xi kjoa̱ ts’e̱ Cristo méâne nga s’e̱âna kjoa̱ machikonât’in i̱t’aà ts’e̱ ‘én. 24 Jñò, jyeé tíjiìnânò k’e̱ nga síská xi̱ta̱ xi ongachikon, ngats’iìâné nga ongachikon, ta̱nga ta jngoòâné xi tjoéâla̱ kjo̱tjò, ta jè xi síkijne. Jñò, k’oa̱á s’ín ti̱jchá yijoânò nga xi̱ta̱âla̱ Cristo ‘mìânò koni jngoò xi̱ta̱ xi ongachikon méâne nga tjoéânò kjo̱tjò xi Nainá tsjáânò. 25 Jñà xi̱ta̱ xi sískákjoò nga mejènâla̱ si̱ìkijne, ítjòn bìtsa̱jnandaà nga mì ti̱jñà si̱ìkjeénâne tsojmì xi ch’o síko̱; koi k’oa̱s’ínâne nga mejènâla̱ tjoé jngoòâla̱ kjo̱tjò. K’e̱ nga jye ma i̱skan, jè kjo̱tjò xi tjoéâla̱, ta bits’onâné. Ta̱nga jñá bitsa̱jnandaá nga tjoé jngoòâná kjo̱tjò xi mìkiì bits’on ni̱ta̱ kjéâne. 26 ‘A̱n, mìtsà k’oa̱s’ín ongachikoa̱n [kjoa̱ ts’e̱ xáâla̱ Nainá] koni jngoò xi̱ta̱ xi mìkiì beè ñánda ki̱jchò. Ti̱koa̱á mìtsà k’oa̱s’ín [sìxá i̱t’aà ts’e̱ Nainá] koni s’ín xi̱ta̱ xi ta ‘beéjiìn i̱sén k’e̱ nga kjaánâko̱ xíkjín. 27 ‘A̱n, k’oa̱á s’ín bìnèâla̱ yijoâna̱ nga kàtas’eâna kjo̱’in méâne k’e̱ nga kjoe̱het’aà na̱chrjein nga okoòyaâla̱ xi̱ta̱ ‘én ndaàâla̱ Nainá xi kjoa̱ ts’e̱ Cristo, Nainá mì ki̱tso̱âna: “Nì mé chjíâla̱ xáâlè."