Zabbuli 14

¹ Omusirusiru ayogera mu mutima gwe nti, “Tewali Katonda.” Aboogera bwe batyo boonoonefu, bakola ebitasaana tekuli n’omu ku bo akola kirungi.

² Mukama atunuulira abantu bonna mu nsi ng’asinziira mu ggulu, okulaba obanga mulimu mu bo ategeera, era abanoonya Katonda.

³ Naye bonna bakyamye boonoonese; teri akola kirungi, era teri n’omu.

⁴ Abo bonna abakola ebibi tebaliyiga? Kubanga basaanyaawo abantu bange ng’abalya emmere; so tebakoowoola Mukama.

⁵ Balitya nnyo! Kubanga Katonda abeera wamu n’abatuukirivu.

⁶ Mulemesa entegeka z’omwavu, songa Mukama kye kiddukiro kye.

⁷ Singa obulokozi bwa Isirayiri butuuse mu kiseera kino nga buva mu Sayuuni! Mukama bw’alirokola abantu be, Yakobo alijaguza ne Isirayiri alisanyuka.