Nɨawari 129

1 Hikɨta ‘ixaheritsixi mɨpaɨ meke’utiyuani: —Yumɨiretɨ mepɨnetsi’uhiweritɨa temaikɨyaritsie paitɨtɨ, 2 yumɨiretɨ mepɨnetsi’uhiweritɨa temaikɨyaritsie paitɨtɨ, peru yemekɨ mepɨkanetsiha’iwawe. 3 Newaritsie hararu mepukahatɨkɨ, xuruku meputiwewi heukatetewame. 4 Peru Yawé, heitseriemekɨ yamɨtikamie, kaneniuxɨna ‘axateyuruwamete menetsihɨakaku. 5 Mekeha’iwarieni meke’utewiyatsitɨarieni yunaitɨ kemɨ’ane Kerutsareme memaye’unie. 6 Tupiriya kii heima mieme hepaɨ meke’ɨyɨni, kataweriwetɨ mɨtiwauke, 7 tixitekeme tixaɨtɨ pɨkati’axe meta ‘ihuruwame tixaɨtɨ pɨkati’axe. 8 Wa’aurie memuyekɨka xewitɨ tɨma mɨpaɨ pɨkatiwarahɨaweni: «Yawé xeme ‘aixɨa kexeyurieka, Yawé tepɨwawirie ‘aixɨa mɨxeyuriekakɨ».