Nɨawari 128

1 ‘Aixɨa mepɨ’itɨarie kemɨ’ane Yawé memayemakaxe, kehate huyetana memuhu. 2 Peti’uximayatɨ tita pemɨtiukaxexeiyani, mɨkɨkɨ pepɨti’amikwani, ‘aixɨa ‘iyari xepu’uwani meta xepɨte’ukaxexeiyani. 3 ‘A’ɨya ‘akie pukani, kaxie nanari witsimɨtixuawe hepaɨ pɨ’aneni, ‘amexatsie ‘aniwema meputiteni, witsimepɨteyuxexeiyani huriwu yɨrameyari hepaɨ. 4 Mɨkɨ pɨhɨkɨ tewi ‘aixɨa kemu’itɨarieni kemɨ’ane Yawé mayemakaxe. 5 Yawé ‘aixɨa kemetsiyurieka Tsiyuni paitɨ, meta peke’uniere Kerutsaremetsie ke’aixɨa mɨtiyɨaneni kepaɨmexɨa tukari pemɨyurieni. 6 ‘Aniwema waniwema pemɨwaxeiyakɨ peke’uyeikani. ‘Ixaheri kwieyaritsie kayuwatɨ ke’umaka.