KÖLFEL 125

¹ Chokewe mi apilükülükü ewe Samol mi Lapalap ra usun chök ewe chuk Sion, esap tongeni mwökütüküt, nge epwe chök nonom tori feilfeilachök.

² Usun ekewe chuk ra nom pwelin ünükün Jerusalem, iei usun ewe Samol mi Lapalap a nom pwelin ünükün nöün aramas seni ei fansoun tori feilfeilachök.

³ Än ekewe aramasangau nemenem esap nonomopos won ewe fanü mi inet ngeni ekewe chon pwüng, pun mürin, ekewe chon pwüng repwe pwal föri mine a ngau.

⁴ Ai Samol mi Lapalap, kopwe föri mine a mürina ngeni chokewe mi föri mine a mürina, pwal ngeni chokewe mi wenechar lon leluker.

⁵ Nge chokewe mi rikila ngeni ekewe al mi pwor kopwe asechirela fiti ekewe chon föföringau. Kinamwe epwe nom lon Israel.