KÖLFEL 126

¹ Lupwen ewe Samol mi Lapalap a aliwinisefälikich ngeni Sion seni ach oola, sa usun chök chon tan.

² Lon ena fansoun kich sa takirikir. Sa mweireir fän pwapwa. Mürin, chon ekewe mwü ra apasa lefiler, “Ewe Samol mi Lapalap a föri föför mi amwarar fän iter.”

³ Ellet, ewe Samol mi Lapalap a föri föför mi amwarar fän itach, iei popun sa pwapwa.

⁴ Ai Samol mi Lapalap, kopwe aliwinisefälieto ekewe chon oola meinisin, usun chök ekewe chanpupu lon Nekep ra lölösefäl ren üt.

⁵ Chokewe mi fofot fän kechü repwe kinikin fän mweireiren pwapwa.

⁶ Eman mi feila fän kechü o uwei föün irä pwe epwe fotuki, epwe liwinto fän mweireiren pwapwa o uwato kinian ua.