San Lucas 10

1 Lijou’ma ÆaÆPoujna Jesús i’huijf’e’mola’ ocuenaye ts’ilihuequi. IÆniya lam fanej nuxans quimbama’. Umme’mola’ tiyeÆe oquexi’ oquexi’ ÆiÆeloÆya’. Tiyef’coÆaitsa ate’a, tijouÆa’ tuyaicota Jesús. 2 Timila’: âItsiya lixhuaita litine cafot’Æeya. Tipa’a acueca’ lanic’, ahuata lan xanuc’ nafot’Æeyacu. ToÆsahue’eÆe ÆaPoujna camats’ tummetsola’ no’eyacu canic’ petsi Æipammaita Æemats’. 3 Imanc’ laixanuc’ ti’onÆcospolhuo’ to lam mot’Æ, iÆne aimi’iya mipa’neyacoÆtsi. Iya’ cummelhuo’ tonÆeÆe pe lomana’ lan xanuc’ lo’onÆcospola’ to lam lobo, iÆne oyac’la quinneja. 4 AimoÆtai’me loÆponta. Jouc’a aimoÆtai’me loÆmorral, ni ÆoÆc’ejí. AimoÆpalaic’otola’ lan xanuc’ loÆtalecufyacola’ lane. 5 Lajut’Æ pe loÆtsuflaiyacu toÆmitsola’: “ȽanDios tipaxnetsolhuo’ imanc’ noÆmana’ fa’a lajut’Æ”. 6 Ja’ni tipa’a anuli cal c’a xans jiÆpe lajut’Æ, ȽanDios tipaxne’ma. Ja’ni ailopa’a, ȽanDios tipaxne’molhuo’ ma le’a imanc’. 7 Petsi lapenufinyacolhuo’ maÆpiya tolunxac’eta. Ƚapi’inyacolhuo’ toÆteta, toÆsnata. AimoÆcua’me: “Aimi’iya maÆtejacu. Ailopa’a caÆtomí.” Cal xans no’epa lanic’ tipa’a lapi’inyacu. Imanc’ toÆ‘eyi lipenic’ ȽanDios, jouc’a tipa’a lapi’inyacolhuo’. 8 ‘ȽiÆeloÆya’ pe loÆtsuflaiyacu, ja’ni lan xanuc’ tepenuftsolhuo’ toÆtetsa lapi’inyacolhuo’. 9 ToÆxaÆ‘metsola’ lafcualÆay. ToÆmitola’ lan xanuc’: “Ma fa’a pe loÆmana’ icuai’ma ȽanDios cal Rey”. 10 ‘ȽiÆeloÆya’ pe loÆtsuflaiyacu ja’ni aimepenufinnilhuo’, toluyalaicotsa Æaneya iÆpe liÆya’, monÆeyi toluya’ata: 11 “Illanc’ ni Æepi camats’ lotaÆijmpa laÆ‘mitsi’ fa’a loÆpiÆya’ aimaÆtaiyacu. ToÆsinÆe, lunafnayi, tipanenni fa’a. Tama aluyalai’me illanc’, ti’iÆa’ coÆsina’ imanc’: ȽanDios cal Rey icuai’ma fa’a pe loÆmana’." 12 Iya’ camilhuo’: Al Cuecaj Quitine locuaicoya tama ȽanDios titeÆ‘mi’mola’ lun Sodoma, xonca acueca’ titeÆ‘mi’mola’ lan xanuc’ iÆpe liÆya’ petsi aimepenufinnilhuo’. 13 ‘Ima’ miÆya’ Corazín, acueca’ lofteÆcoya. Ima’ miÆya’ Betsaida acueca’ lofteÆcoya jouc’a. JiÆne loÆxanuc’ joupa iximpá al cueca’ lo’epa ȽanDios. AiquiÆsuej’meya. Luyaipa quitine Tiro y Sidón coÆa’ ixim’me toÆta’a, lan xanuc’ limajmpá coÆa’ tixhuej’menacu, coÆa’ ticutshuoÆai’me tixhueÆco’me, tipo’no’me liÆpijahua’ ayolca, timets’Æi’me capi’ liÆ‘a, timujco’moÆtsi ixhuej’menamma liÆjunac’. 14 Al Cuecaj Quitine locuaicoya tama ȽanDios titeÆ‘mi’mola’ lun Tiro y lun Sidón, xonca acueca’ titeÆ‘mi’molhuo’ imanc’ unc’iÆeloÆya’ Corazín y Betsaida jouc’a loÆxanuc’. 15 Ima’ miÆya’ Capernaum, ¿te to’nof’e’moxi xonca al toncay? ¿Te ti’onÆto’ to ȽanDios? A’i. Ti’oc’em’mo’. Toxinnoxi jiÆpe al muf. 16 ‘Imanc’ ts’alihuequi, iya’ camilhuo’: Ja’ni anuli cal xans tiquimf’elhuo’, iÆque cal xans aÆquimf’enga’ iya’, imanc’. Ja’ni anuli cal xans tetets’ilhuo’, iÆque cal xans latets’inga’ iya’, imanc’. Ja’ni anuli cal xans latets’i iya’, iÆque cal xans latets’inga’ iya’ y ȽanDios Ƚalummepa. 17 Ipalunca lam fanej nuxans quimbamaj ts’ilihuequi Jesús, uya’ahuo’me. Lijou’ma ipailinamma. Licuainatsa pe lopa’a Jesús tixoqui quileta, timiyi: âMaÆ‘ailli’, aÆcuaj’mihuo’me lopuftine toÆta’a lontahue lihuejcoponga’, ipalumma. 18 Jesús timila’: âȽonta’a Satanás itsiya ailopa’a pu’hua lema’a. Joupa ecangimpa. Iya’ aiximpa lecangemma to lixcuaflay. 19 AÆcuec’eÆa’ imanc’. Iya’ nepi’ipolhuo’ loÆmane, ti’i’ma toÆ‘huailets’uf’mola’ lainofat’Æ jouc’a linnaispó. Tama icueya quimane Satanás aimi’iya mulijyacolhuo’ imanc’. Ailopa’a co’eyacolhuo’. 20 Imanc’ tixoqui cunlata lipalunca lontahue loÆcuxe’e’mola’. Itsiya camilhuo’: Xonca tixojla’ cunlata, ȽanDios timetsaicolhuo’. ȽoÆpuftine iniÆingiya jiÆpe liniÆingiya ÆiÆpuftine lixanuc’ ȽanDios. 21 MaÆpe al ‘hora cal Espíritu Santo juaiconapa ixoc’i’ma queta Jesús. IÆque ipalaic’o’ma ȽanDios, timi: âMai’Ailli’, ima’ maPoujna lema’a y li’a Æamats’. Cax’najtsi’ihuo’ lof’epa. Tomuc’ila’ laixanuc’, iÆne lo’onÆcospola’ to la’uhuay. Mepi’ipola’ liÆpicuejma’ ticuec’eÆe laitaiqui’. Lan xanuc’ ts’iÆsina’, xonca nixhuepá, aicomepi’ila’ toÆta’a liÆpicuejma’. IÆne iximpá ipime laitaiqui’, to emiya. Aimi’i muhuaÆcufyi. AÆinca mai’Ailli’, toÆta’a loxpic’epa, toÆiya latenÆcocopo’ ima’. 22 Jesús ti’hua tipalay, ticua: âCai’Ailli’ jahuay lapi’ipa cacuxe’etsola’. Iya’ i’Hua ȽanDios, lan xanuc’ aimi’iya maÆsingufya iya’ laipicuejma’. Ma le’a cai’Ailli’ aÆsingufi. Lan xanuc’ jouc’a aimi’iya mixingufyacu cai’Ailli’ lipicuejma’. Ma le’a iya’ Æi’Hua, Æinca aixingufi. ‘Iya’ caxpic’e naiÆne laifmuc’iyacola’, iÆne camuc’ila’ te ts’i’ic’ lipicuejma’ cai’Ailli’. IÆne Æinca timetsaicoyi cai’Ailli’. 23 Lijou’ma, Jesús ipalaic’o’mola’ ts’ilihuequi quiÆtuca’, timila’: âImanc’ aÆinca tuluyalaicoyi al c’a, tolahuelojnyi lo’epa ȽanDios. 24 Iya’ camilhuo’: Luyaipa quitine axpela’ lan xanuc’ tijanajyi coÆa’ tixinÆe loÆsimpa itsiya imanc’. IÆniya lam profeta jouc’a lan rey aiquixim’me. Ijanaj’me coÆa’ tiquimf’eÆe loÆquimf’epa itsiya imanc’. Aicu’innila’ jiÆiya lataiqui’. 25 Lijou’ma itsahuenni anuli Æomxi nomuc’iyalepa locuxepa ȽanDios, tehuai’ma Jesús. Icuis’e’ma, timi: âMomxi, aipic’a culijla’ al ts’e laipitine aimijouya. ¿Te caif’eya? 26 Jesús timi: âLataiqui’ LiniÆingiya loya’apa locuxepa ȽanDios, ¿te cocuapa? 27 Ƚomxi italai’e’e’ma, timi: â“To’nujuaisla’ ȽanDios ÆoPoujna, iÆque omenDios. Taihuejla’ jahuay Æomunxajma’, jahuay Æo’alma, jahuay lopujfxi, jahuay lopicuejma’. Ima’ to’eyoxi capic’a, ma toÆta’a to’eÆa’ capic’a Æof’as xans, naitsi Æoftalecufya." 28 Jesús timi: âAl c’a aÆtalai’e’epa. ToÆta’a to’e’ma, tapenuf’ma lopitine. 29 Ƚomxi timiyoxi: “TixinÆa’ Jesús iya’ aipicuejma’”. Icuis’econa’ma Jesús, timi: â¿Naitsi xans caif’eya capic’a? 30 Jesús italai’e’e’ma, timi: âAnuli cal xans ipanni liÆya’ Jerusalén, imunni lane Jericó. Mi’hua lane lan namats’ linma’ahuale i’noÆ‘me, umets’ai’me, untaf’me, exic’e’e’me lipijahua’, ipo’no’me tocomma joupa tima’ma. Inulna’me. 31 JiÆpe al ‘hora anuli Æa’ailli’ ti’hua maÆpe lane. Lixim’ma ÆixcaiyoÆpa cal xans aiquicoÆ‘ma, uyai’ma locuena liju’ lane. 32 Ma’ anuli i’e’ma Æocuena cal xans notoc’ipa ca’ailli’. Icuaitsi huejnca ÆixcaiyoÆpa cal xans. Lixim’ma aiquicoÆ‘ma, uyai’ma locuena liju’ lane. 33 ‘Anuli cal xans Æas Samaria jouc’a ti’hua maÆpe lane. Icuaitsi huejnca ÆixcaiyoÆpa cal xans. Lixim’ma, ixim’ma cuanuc’. 34 IÆoc’huai’ma pe lopa’a cal xans, ic’ef’i’ma laceite jouc’a al vino iÆe lehui. Ifi’e’ma lehui. Lijou’ma ipulaf’ma enaf’i’ma Æiburro, ileco’ma anuli lajut’Æ pe lonxac’eyoyacu. JiÆpe i’e’ma cuenna. 35 Lihuequi litine ai’a tuyai’ma, cal xans ipa’a’ma liponta oque’ al tomí plata, (lolijpa cal xans oquej quitine), epi’i’ma Æipoujna cajut’Æ, timi: “IÆca’a cal xans to’e’ma cuenna. Ja’ni aimixhuaicospa iÆta’a al tomí laifnepi’ipo’, ima’ taipa’a’ma lotomí, to’naco’ma lahue’eya. AimoxhueÆmot’Æe’ma. Cacuaiyoconno, ca’najtse’ena’mo’." 36 ‘Afantsi lan xanuc’ niximpá iÆque ÆixcaiyoÆpa cal xans. ¿Naitsi nihuejcopa iÆe lataiqui’ loya’apa: “To’eÆa’ capic’a Æof’as xans, naitsi Æoftalecufya”? 37 Ƚomxi italai’e’e’ma, timi: âIÆque Æiximpa cuanuc’. Jesús timi: âNe’. Ima’ to’huaÆa’, to’etsi ma to li’epa iÆque cal xans. 38 Miyeyi lane Jerusalén Jesús jouc’a ts’ilihuequi icuaitsa anuli laca’hua quiÆya’. JiÆpe tipa’a anuli Æaca’no’ cuftine aMarta. Marta epenuf’ma lejut’Æ. 39 Tipa’a Æipima caca’no’ cuftine aMaría. María icutsingai’ma li’mitsi’ Jesús. Tiquimf’e litaiqui’. 40 Marta tipa’a acueca’ lipenic’. Tihuejnyoxi. TixhueÆmot’Æe juaiconapa. IÆoc’huai’ma pe lopa’a Jesús. Ipalaic’o’ma, timi: âMaipoujna, ¿te aicoxina’ lo’ipa fa’a? Ƚaipepo aÆpo’nohua. Iya’ ca’ay jahuay lanic’. TomiÆa’: “Totoc’itsi Æopima”. 41 ȽaÆPoujna Jesús italai’e’e’ma, timi: âIma’ cumMarta, acueca’ lof’epa. ToxhueÆma juaiconapa, taihuejnyoxi. 42 Ticuicomma ma le’a anuli lof’eya. María i’huijf’epa xonca al c’a. Aimi’iya mixic’enyacu.