Maleko 6

1 Galili nuêuna Yesu ya lau afulen na ya fuyo ena nuêu wananahana, Nasaleta. Yo fede ana hewahewali sa lau watan. 2 Sabati yai ya lau faêata Diusi edi aba oiêoigogo lumana yai. Yo fede dodoga boludi sa noêo. Na tiyen, Libadi te sai lisina yai ya sana taluhidi? Sibasiba sai ya felen be noêo abiêabidi ya lau ginauli? 3 In luma tau laulau ginauli, yo Maliya natuna! Tatasina mate: Diyemsi, Diyosepa, Diuda yo Saimon. Lolofuna mate maidada te miyamiya. (Paisowa 15:13) Logena, ena nuêu dodogadi sa êwaiyoêoêen. 4 Yesu ya falibadi iyen, Peloweta nuêu mahudoêina yai sa faêatitiyen. In moho ena nuêu dodogadi yo afa efana yo ana boga mate sa êwaiyoêoêen. 5 Hige gonowana noêo abiêabidi laêi i ginauli ainiya. Tau lepalepa fisa moho nimana ya tole lawedi hewadi yai be sa loholoho. 6 Yo fede ya famala Yesu ena tauhiti paêana hige edi sunuma. Yesu Tau Faêona Wasawasa 12 ya Duidi Maleko 6:6b-13 (Matiu 10:5-15; Luka 9:1-6) Yesu ya taêiêili nuêu hesa - hesa be dodoga ya faêatadi. 7 Tau faêona wasawasa 12 ya yoga gogonidima be dudulai ya feledi bena yaluwa heyaheyayadi sa liba duidi. Yo fede luwaga - luwaga ya fatamalidi. 8 Ya laugagayodi iyen, Ami lau, tabu somo hesa au abi. Tuêe moho, tabu kalahe, tobo e moni. 9 Sendolo au awai na tabu luhuluhu hesa au abi. 10 Ya falibadi hinaga iyen, Somo yai sa yoga hitinimiu, ai lumana ami gogo eeâ, ami aulaha boda. 11 Yena ami mahano ai taon hesa na dodoga hige ti yoga hitinimiu e emi liba hige ti atahiyen nuêuna ni au lau afulen. Ahemiu afusadi au oi luhiluhidi, haba ya famala edi heyaya aba ita lobahina. 12 Habahim ya falibadi be sa lau dodoga sa guguyaidi na bena sa nuwabui. 13 Yaluwa heyaheyayadi sa liba duidi yo tau asiêasiyebo oliwe masina yai sa famaêidi be sa loholoho. 14 Kin Heloda liba te ya atahiyen paêana Yesu hesana ya tadada nuêu ouêouli yai yo fede haisa tiyen, Diyon Babasito ya mwahuli fuyo logena gigibwali te ya abi be fafaêilala ya lau ginauli. 15 Haisa hinaga tiyen, In Ilaidiya. Na haisa tiyen, In doha peloweta haisa bwaêibwaêidi. 16 Kin Heloda wasa ya atahiyen yo fede iyen, Diyon Babasito gadona haêa E ibo, mate ya mwahuli fuyo! 17 Ena fafatubu doha ite: Diyon Babasito Heloda ya fafaliba iyen, Hige i dudulai bena hidam lahuna Helodiya u kamofahi! Yo fede, Kin Heloda ya liba be Diyon sa faseni be sa falau deli. 19 Helodiya ya manabala Diyon lisina yai be bena ya wunui, in moho hige gonowana. 20 Kin wa Diyon ya êwasabuwen be ya bobodiyen. Ya sibai mate in doga dudulaina yo fatabu dogana. Diyon ena liba ya fanuha wananahaidi. In moho nuwana ya faiêabi paêana ponoli haêa ya ginauli. 21 Fuya hesa lahuna Helodiya ena solasola ya lobahi mate Heloda ena fuya tubu nawalahina yai. Yo fede anêangogo ya ginauli be gabeman laêilaêidi, hiyala babaêisadi yo Galili tefadi babadadi ya yoga gogoidima. 22 Helodiya natuna waihin ya laoma edi ya leêi, be Heloda yo ana taumana nuwadi sa amna. Yo fede baêisa wa tineêeu ya faliba iyen, Somo wa fanuha haba E felem. 23 Ya liba dudulai tineêeu lisina yai iyen, E angwala mate yena em fanuha somo wa libaen haba E felem. Yena uwen, em nuêu tefana u daili be u felegu, mate gonowana! 24 Yo fede tineêeu wa ya lau tinana ya fatiêoi iyen, Tinagu somo haba E anêetai? Tinana alinana ya bui iyen, Diyon Babasito kuluna u anêetai. 25 Tineêeu wa ya fabelele ya fuyo baêisa lisina be iyen, E fanuha bena aho te, Diyon Babasito kuluna ai gaeba wa felegu! 26 Kin nuwana ya heyaya, in moho hige gonowana ena nuwatuhu i êwaiyoêoêen paêana ena angwala haêa ya ginaulidi ana taumana matadi yai. 27 Yo fede gati hesa ya fatamali ya lau deli yai be Diyon gadona ya ibo motu, 28 habahim gaeba yai kuluna ya abiyama be tineêeu ya felen. Na ya lawen be tinana ya felen. 29 Wasana sa atahiyen be ana hewahewali sa lau silanna sa abi be sa boêusai. 30 Tau faêona wasawasa sa fuyoma be maêedi Yesu sa faêoigogo be somo sa ginaulidi yo edi lau faêata wasadi ena sa liba. 31 Yesu maêana hewahewali hige edi solasola haba ti kalahe paêana dodoga boludi sa lau yo sa laoma. Yo fede iyebom, Ta lau nuêu laulau gesa yai, be ainiya au anyawasi. 32 Yo fede waga yai sa awa modigafu na sa lau atiêatipu hesa yai. 33 In moho dodoga boludi sa ita lobahidi be taon mahudoêidi yai sa tafo bwaêibwaêi be sa mahano bwaêi. 34 Waga ya mahano Yesu ya tulubeêu yo fede baiwa ya itadi be ya nuwatohatohaedi. Paêana itaêitadi doha sipi hige tau ita watanidi na sa laulau koko. Logena ginauli boludi ya fatubu ya fatalahadi. 35 Ya maimailafi yo fede tau famuli watanina sa laoma lisina be tiyen, Ita itete balabala gaibu yai. 36 Dodoga te u duidi ti lau nuêu mulimulina yai kalahe adi ti unedi. 37 Na Yesu alinadi ya bui iyebom, Umi kalahe au feledi. Tiyen, Wa fanuha bena siluba handele luwaga êe abidi be fwalawa êe unedi na êe fakalahedi? 38 Yo fede Yesu ya fatiêoidi iyen, Fwalawa fisa? Haga au lau au yoêo. Sa yoêo be sa fuyoma tiyen, Fwalawa faligigi yo hama luwaga. 39 Yesu ya libalau tau famuli watanina lisidi iyen Dodoga au falibadi, be ti taêai pwalupwaluidi ai hawahawa. 40 Yo fede haisa oulidi 100 sa taêai, na haisa oulidi 50. 41 Habahim Yesu fwalawa faligigi yo hama luwaga ya abidi na ya itaêita hasa galewa na ya faloholohodi. Fwalawa ya ifidi, na hama luwaga ya kampwaidi be tau famuli watanina ya feledi sa soiyedi dodoga mahudoêidi lisidi yai. 42 Mahudoêidi sa kalahe be bogadi sa yahayaha. 43 Habahim tau famuli watanina fwalawa yo hama antoledi sa tano gogoidi be noho 12 sa famohafudi. 44 Tatau sa fakalahedi ouêoulidi 5,000. 45 Yesu tau famuli watanina ya duidi be feula waga yai sa awa na sa dohe Betesaida. Na muli yai baiwa ya duidi. 46 Ya lautoêiyedi mulina yai, ya finahe hasa tuêa yai be ya lauêuêula. 47 Toutou bulu yai mate waga haêa gabogabo atipuna yai, na Yesu mate iyabona fote yai. 48 Tau famuli watanina ya itadi mate sa fulufuluga afuledi bena waga sa lefaêen paêana hwayau sa tulu matai. Hola hige i ifi tatatali, gabogabo hewana yai ya lau lisidi. Bena ya bayawaidi, 49 na sa itaêita lau be sa ita gabogabo hewana yai ya laulau. Edi nuwatuhu bena haga onaêonaha, be sa êwalaêwalaui. 50 Mahudoêidi sa ita be sa êwasabu wananaha. Yo fede Yesu ya libalau lisidi iyebom, Nuwamiu ti adidili! Tabu au êwasabu, Yau! 51 Yo fede ya awalau waga yai na hwayahwayau ya towa motu. Tau famuli watanina edi noêo sa ofi. 52 Nuwadi sa lau fabui homodi, paêana 5,000 ya fakalahedi aniyona wananahana hige ti nuwatu lobahi. 53 Sa dohe Genesaleta nuêuna yai, amainiya edi waga sa ankai. 54 Sa tulubeêu, yo fede dodoga Yesu sa ita lobahi. 55 Wasana sa atahiyen in somo yai, mate feula sa lau nuêu ouêouli yai be tau asiêasiyebo edi aba laulau eno yai sa baheidima lisina. 56 Yena Yesu ya lau luma yai e taon yai e nuêu mulimulidi yai, tau asiêasiyebo sa lawedi maketi yai be sa anêetai bena ena leli duduna moho sa abiêina. Salumadi ena leli sa abiêina mate sa loholoho.