Paisowa 21

1 êE lau aiyoniyedi ma nuwa heyayamai, na êe lau afuledi. Waga yai êe awa be êe dudulai, êe lau Kosi. Bobonna Lodesi bonabonaluwana êe mahano be amainiya êe lau Patala. 2 Waga hesa êe lobahi ya laulau Fonisiya, yo fede, amainiya êe awa êe lau. 3 êE lau eeâ, Saipelesi bonabonaluwana tefa seuseulimai yai êe ita. Amainiya êe dudulai êe lau Siliya Nuêuna. Waga ana husahusa Taila taonna yai haba sa lau fapesa, be Amainiya êe tulubeêu, 4 na êe lau Yesu tau famuli watanina haisa êe yoêoyoêoidi eeâ, êe lobahidi be ma afa haidamai êe miya lahai faligigi luwaga. Yaluwa Tabuna ena gigibwali yai Paulo sa faliba, tabu i lau Yelusalem. 5 Ema fuya awa lahaina yai, dubu dodogadi mahudoêidi, ma afa lalahudi yo nanatudi, sa lau watanimai êe lau taon ganamulina. êE lau gelegele yai be amainiya êe tuli bono, na êe lauêuêula. 6 Esega - esega êe lautoêiyen, habahim waga êe awa boda, na iti sa fuyo edi luma. 7 Taila êe lau afulen, na êe lau Pitolemaisi. Amainiya afa haidamai êe lautoêiyedi, be lisidi yai êe miya lahai esega. 8 Bobonna êe awa boda eeâ, êe mahano Sesaliya taonna yai. Be amainiya tau laulauguguya hesana Pilipi lebena yai êe miya. Tau faisagusagu faligigi luwaga beyabeyana sa fasinabodi Yelusalem yai, maêedi. (Au italau Paisowa 6:5; 8:5; 8:35) 9 Nanatuna fati hasahasaladi mate tau liba peloweta. (Paisowa 2:17) 10 Lahai fisa amainiya êe miya, mulina yai mate peloweta hesa hesana Agabusi Diudeya yai ya lidima lebemai. 11 Paulo ana bwaêulu, Agabusi ya abi na ibona nimana yo ahena ya audi na iyen, Yaluwa Tabuna alinana doha ite: bwaêulu tanuwagana te, haba Diusi sa auêaui ai Yelusalem doha itete na haba sa fele lawen taêowawa lisidi. 12 Ai yo nuêu ni dodogadi, liba te êe atahiyen mate Paulo êe liba buluhi, tabu i lau Yelusalem. 13 Na Paulo alinadi ya bui iyebom, Somo ami ginauli? Tabu au tantan! Nuwagu ami fafaheyaya. Ai Yelusalem ibe sa augu be sa wunuigu Guyau Yesu debana yai, mate gonowana. 14 Hige gonowana ai nuwa liuêi, yo fede nuwamai ya toma, be aiyawa, “I otawa! Yaubada ena nuwatuhu moho i ginauli." 15 Lahai fisa amainiya êe miya, mulidi yai, ema êe nonoha na êe lau Yelusalem. 16 Sesaliya dodogadi haisa, iti Yesu tau famuli watanina, ma afa haidamai êe lau gogo be sa lawemai Minason lebena. In Saipelesi dogana yo Yesu tau famuli watanina hesa bwaêibwaêina. (Paisowa 13:4-12) 17 Yelusalem êe mahano mate afa haidamai sa yoga hitinimai ma kwadedi. 18 Bobonna Paulo maêemai êe lau Diyemsi lebena; na dubu babadadi mahudoêidi, sa laoma. 19 Paulo ya lautoêiyedi na habahim, ena paisowa ganahewana yai somo Yaubada ya ginauli taêowawa lisidi yai, wasadi edi ya dede. 20 Sa atahiyen, yo fede mahudoêidi Yaubada sa fadebasae. Na dodoga haisa Paulo sa faliba tiyebom, Hidamai, wa siba mate amaiteêi, Diusi tausan boludi Yesu haêa sa kawa wananahaêen yo hinaga ma adidilidi Mose ena Laugagayo sa abi didin. 21 Yelusalem yai sa atahiyen, mate Diusi sa miyamiya taêowawa nuêudi yai wa lau faêatadi, uwen, “Tabu Mose ena Laugagayo au lau watanidi, Tabu nanatumiu mwagisadi dududi êwapidi au ibodi, Yo tabu ada ulu tubu laulaudi ti lau watanidi." 22 Haêa sa atahiyen mate um haêa wa mahanoma. Be haba sidohana eda libaliba? 23 Somo êe falibam u ginauli be dodoga fati edi angwala haêa sa ginauli ma afa haidamiu au lau, 24 be au faêaêa fuyoimiu, yo edi antalasam u famaisadi. Mulina habahim kuludi sa holidi. Be haba dodoga sa ita lobahi, mate wananaha, Mose ena laugagayo wa laulau watan. Na somo - somo sa libalibaedi, fede bwalabwala. 25 Tau kawawananaha iti taêowawa dodogadi, haêa êe uliêuli lau lebedi, be ema nuwatuhu êe falibadi, aiyawa, “Somo oitau lebedi yai sa antalasamedi, tabu ti anidi. Tabu êwasiêwasina ti anidi, yo suisui gadodi filifilisidi hinaga tabu ti anidi. Yo luma gwaêu hudoêi - hudoêi hige Yaubada ena laugagayo yai, tabu ti ginaulidi.” (Paisowa 15:20 yo 29; Lewitikusi 10:10-21; yo 1 Kolinto 10:7) 26 Bobonna dodoga wa Paulo ya auledi, be maêedi sa faêaêa fuyoêidi. Habahim ya lau Dubu Tabuna dobidobina yai be antalasam tau ita watandi ya falibadi, haba lahaina somo edi faêaêa ya ofi, yo atasi haba esega - esega ena ainauya tau antalasam ya gabu. 27 Edi lau faêaêa lahaidi faligigi luwaga begana haba sa ofi, na Diusi haisa Eisiya Nuêuna yai tau laoma sa laoma Paulo sa ita Dubu Tabuna dobidobina yai. Yo fede, dodoga boludi sa eli fasifasinadi, be Paulo sa tohai. 28 Na sa yogayoga tiyen, Isalaela dodogamiu! Au saguhimai! Doga te, Mose ena Laugagayo yo Dubu Tabuna te ya liba faheyayadi yo ita hinaga. Yo hesauna, eda laugagayo ya utusi, mate Giliki dodogadi haisa ya foyahi lawedi dobidobi yai te. 29 Paulo, maêena Efeso dogana hesana Tofimu taon yai sa itadi be edi nuwatuhu bena haga Paulo ya foya lawen amainiya. 30 Dodoga haisa taon yai sa eli fasifasinadi be tefa hesa - hesa yai sa leêo fahima, be Paulo haêa sa tohai wa, sa solu kwakikwaki lawen Dubu Tabuna dobidobina fafaluwagana ganana mulina yai. Hige walolona na edaêeda sa gududi. 31 Bena sa tala funuhi na wasa ya lau Loma tau hiyala edi baêisa lebena, mate bobohalahala laêilaêi Yelusalem yai. 32 Yo fede, feula na, hiyala tau lau kulukuluwenna yo ena tau hiyala ya foyahidi be sa lautafo lidi baiwa lisidi. Baiwa wa tau hiyala sa itadi yo fede Paulo talaina sa fatautau. 33 Tau hiyala edi baêisa ya lau Paulo ya au, yo ya liba be seni luwaga yai sa faseni. Habahim ya fatiêo iyen, Sai itete? Ena ponoli somo? 34 Pwaludi yai mate dodoga sa fatala yogayoga. Hesa - hesa ena liba ya laulau hudoêi. Bobohalahala ya laêi be hiyala baêisana hige gonowana Paulo ana mata paêana wananahana i lobahi. Yo fede tau hiyala ya falibadi be Paulo sa lawen edi baleki. 35 Tau hiyala Paulo sa famahano pampeêo yai, yo fede sa bahei, paêana dodogadi boludi sa manabala. 36 Dodoga boludi sa laulau watan, sa halahalabo, tiyen, Au tala funuhi! 37 Tau hiyala begana haba Paulo sa lawen edi baleki ganahewana. Na Paulo ya fatiêo lau komanda lisina iyen, Ibe gonowana somo hola E falibam? Baêisa iyen, Giliki alinadi fede wa siba! 38 Um Idipi dogam? Logena, nahalidi yai ite, gabeman bena wa hiyalaidi yo dodoga 4,000 wa lawedi nuêu pitapitalina yai. 39 Paulo iyen, Higeêe! Yau Diusi dogana. Na, Tasusi taonna yai sa yosigu, Sisiliya nuêuna yai, nuêu fafahesana yau dogana wananahana. Aeeâ, ibe gonowana dodoga somo E falibadi? 40 Tau hiyala edi baêisa ya tauêulu, yo fede Paulo pampeêo yai ya mwaito, nimana ya lau hitiêi be sa famakano, na Hebelu alinadi yai ya libalau lisidi.