Paisowa 20

1 Bobohalahala ya ofi na habahim Paulo liba ya fatamali lawen Guyau tau famuli watanina lisidi be sa laoma lebena. Ena liba faêadidili ya libaen lebedi yai, habahim ya lau aiyoniyedi na ya aulaha ya lau Masedoniya. 2 Ena aba lau yai nuêudi ya bayawaidi ni mate liba faêadidili boludi dodoga edi ya liba, habahim ya mahano lau Giliki Nuêuna yai. 3 Amainiya ya miya nawalahi faihona. Hanahanau haba ya lau Siliya, na ya siba mate Diusi nuwatuhu heyaheyayana sa oiêoilibaen bena sa ginauli ai lisina, yo fede, nuwana ya bui be ya fuyo Masedoniya. 4 Timoti, Pilusi natuna Sopata, Beleya dogana, Alisitaku yo Sekundu, Tesalonika dodogadi, Gaiyu, Debi dogana, Tisiku yo Tofimu, Eisiya dodogadi. Dodoga te maêedi Paulo sa lau. 5 Waga yai sa bwaêi sa lau Tolasi be amainiya yau yo Paulo sa bagibagiyemai. 6 Na tataumai luwaga êe lau fote êe lau Filipi nuêuna. Fwalawa Fafayisti Gesana Mataêasina mulina yai, waga hudoêi yai êe awa, êe lau eeâ, lahai faligigi mulina yai êe mahano Tolasi Nuêuna yai be tau bwaêi maidamai êe faêoigogo esegahimai. Amainiya e miya lahai faligigi luwaga. 7 Lahai bwaêibwaêina wiki ganahewana yai êe falau esegahimai bena êe anêangogo. Paulo dodoga ya fafalibadi eeâ, iêipa atipuna paêana bobonna haba ya lau afuledi. 8 Ema aba oiêoigogo bilina, hewa yai mate lampa boludi amainiya. 9 Hewali hesa hesana Yutikasi mate bilitun yai ya taêataêai. Paulo ena libaliba ya lofa eeâ, hewali te matana ya enoêeno. Ya eno tau êwafuêwafu yo fede luma hitina fafa faihonana yai ya eno beêu be ya lidi tanohi yai. Sa abi hitin mate peêipeêina. 10 Paulo ya lidi, ya hoba tawan be ya laba. Na ya falibadi iyen, Tabu au mode, ma mwahumwahulina! 11 Habahim ya finahe fuyo hewa be fwalawa ya ifi, be sa an. Ya libaliba eeâ, maihala ya kepama na mulina yai ya lau afuledi. 12 Dodoga ma nuwa loholohodi hewali te ma mwahumwahulina sa lawen luma. 13 êE bwaêi êe lau waga, be êe awa êe lau Asosi. Ainiya haba Paulo ya awa, paêana in ya falibamai mate ya lau fote. 14 Asosi yai êe failobahi fuyo be waga yai maêemai êe lau Mitilene. 15 Bobonna êe awa boda eeâ, êe mahano Kiyosi bonabonaluwana. Bobonna êe dohe Samosi bonabonaluwana, na lahai fafaihonana yai êe mahano lau Miletu taonna. 16 Paulo ena nuwatuhu bena Efeso êe bayawai, tabu maihala ai pei ai Eisiya Nuêuna. Ibe sidohana na yena gonowana ai Pentekosi lahaina êe mahano Yelusalem. 17 Miletu nuêuna yai, Paulo liba ya fatamali lawen Efeso dubu tanutanuwagadi lebedi bena sa laoma sa failobahi. 18 Sa mahano ya falibadi iyen, Fuya ouêouli yau maêemiu na egu miyamiya haêa ami sibai. Lahai bwaêibwaêina E mahanoma Eisiya Nuêuna yai, ya laoma eeâ, aho te. 19 Diusi edi nuwatuhu heyaheyayadi lebegu yai ya famala egu pilipili, In moho, E nuwa lidilidi yo ma matasulugu Guyau ena paisowa E ginaulidi. 20 Ginaulidi somo E laulauguguyaêedi, aba saguhimiu mate E lau faêataen luma hesa - hesa yai. Hige laêi ya nuhafi. 21 Diusi yo Giliki dodogadi E liba fanuwa tagudi, bena sa nuwa bui Yaubada ai lisina yo Yesu eda Guyau bena sa kawawananahaêen. 22 Yaluwa Tabuna ena dudu yai, aho te E lau Yelusalem. Somo haba ainiya ya tubu lisigu yai, hige ya sibai. 23 Taon mahudoêidi yai, Yaluwa Tabuna ya liba fanuwa tagugu mate deli, pilipili yo heyaheyaya sa bagibagiyegu. 24 Yau hige ya mode wananaha lisigu yai. Ibe moho failako te E faêofi yo Guyau Yesu paisowa ya felegu mate bena Yaubada ena ainauya, wasana loholohona, liba famahatana hinaga bena E faêofi. (2 Timoti 4:7) 25 E laulau asiêasi, Yaubada ena Aba Baêisa Nuêuna E laulauguguyaêen lisimiu yai. Aho te E sibai, ibege au ita fuyoêigu. 26 Lisina yai aho ite, E liba famahata lisimiu yai mate, yena sai laêi ya fuyo mulina, ena heyaheyaya giluna ibege ya bahei. 27 Paêana Yaubada ena nuwatuhu mahudoêidi mate E fafalibamiu, hige ya nuhafidi. 28 Be ibomiu au ita watan fuyoêimiu, yo safalumadi mahudoêidi Yaluwa Tabuna nimamiu yai ya tole afuledi hinaga au ita watanidi. Iti logedi, Yaubada ena dubu dodogadi, Natuna êwasinana yai ya unedi. 29 Egu siba gonowana mate yena E lau afulemiu, êwayoêwayowa anêannalidi haba sa laoma ganahewamiu yai, be sipi sa fadabalaladi. 30 Dodoga haisa ganahewamiu yai, liba dudulaidi haba sa fakampiledi, be bwalabwala. Bena haba Guyau tau famuli watanna haisa sa foya hudoêiyedi. 31 Au ita komakoman, yo au nuwatuhui! Ma matasulugu, iêipa yo lahai, bolima faihona liba fanuwa tagu lisimiu yai hige ya fatautau. 32 Be aho te, E tole afulemiu Yaubada lisina yai. Ena ainauya ya duwai libana au nuwatuhui! Gonowana ya faêadidilimiu, be dodogadi fafagabidi mahudoêidi maêedi haba ainauya ami abidi, aiêemiu. 33 Hige sai laêi ena siluba, gole o leli ginaulidi ya fanuhadi. (Auêaulaha 20:17) 34 Umi haêa ami siba mate nimagu luwaga E fapaisowadi be yau yo haidagu ema fanufanuha E ginaulidi. (Paisowa 18:3 yo 2 Tesaloniya 3:10) 35 Abiêabi mahudoêina haêa E faêitamiu. Bena te paisowa adidili be tau belubelu te saguhidi. Yesu Keliso alinana doha ite, Wa ansoi mate kwadena ya laêi, na sa felem mate kwadena ya kiu. (Au itaêita lau Matiu 5:3-12) Libadi te bena nuwamiu yai sa ota esegahidi. 36 Paulo ya libaliba ofi, sa tuli bono gogo be ya lauêuêula. 37 Mahudoêidi sa fagado bainewaêen, sa falafu yo sa tan. 38 Nuwadi sa heyaya wananaha, paêana iye, Ibege au ita fuyoêigu. Yo fede, sa lau watan be maêedi sa lau waga.