Paisowa 22

1 Falegu Diusi, hola au ataêatahi, na egu E tona galagala. 2 Hebelu dodogadi alinadi yai ya fafalibadi sa atahi mate sa famakano; habahim Paulo iyen, 3 “Yau Diusi dogana, Tasusi yai sa yosigu Sisiliya nuêuna yai na Yelusalem yai E laêilaêi. Gamaliyeli mate agu tanuwaga yo in ada ulu tubu edi laugagayo ya fatalaha komakomaniêigu. Yau hinaga E fele fuyoêigu Yaubada ena paisowa yai, gonogonowana doha aho, umi te. 4 ‘Yesu ena Edaêeda” tau lau watanina mate E faêankamkamnadi. Haisa E falau delidi yo haisa E wunuidi. 5 “Tau Antalasam Baêisana yo Sanhedeli Konisela sa sibai mate E liba dudulai, paêana beyabeyana pepa sa uli be sa felegu, be E lawen faleda Diusi haisa Damaseko yai E feledi, be Yesu tau kawawananahaêenna E ledima Yelusalem yai be E faêankamnadi." 6 Edaêeda yai E laulau eeâ, begana haba lahai laêi, mate Damaseko E hanahanaui, yo fede, mala namanamalina galewa yai ya sina fataêiêiligu. 7 E beêu lidi tanohi yai, na alina ya libama lisigu E atahi iyen, “Saulo, Saulo! Paêana somo wa fakamkamnagu?" 8 Alinana E bui yawa, “Guyau, um sai?” Na ya libama iyen, “Yau Yesu, Nasaleta dogana, logegu, wa fakamkamnagu." 9 Afa haidagu mala sa ita na doga ya libalibama hige ti atahi lobahi. 10 E fatiêo yawa, “Guyau, somo haba E ginauli?” Na iyen, “U mwaito na u lau Damaseko. Ainiya somo bena wa ginaulidi haba sa falibam." 11 Mala namanamalina matagu ya an, be sa tou, yo fede afa haidagu sa abi nimaigu be sa foya lawegu Damaseko. 12 Taumoho hesa amainiya ya miyamiya hesana Ananiya ya laoma lebegu. In Yaubada ena laugagayo ya famuli watan komakomaniêidi be Diusi mahudoêidi amainiya sa fafaêatitiyen. 13 Ya laoma lisigu be sadaigu yai ya obiyo na iyen, “Hidagu Saulo, matam ti loholoho fuyo!” Yo fede, matagu sa loholoho be gonowana E ita. 14 Ananiya iyen, “Afa wahawahada edi Yaubada haêa ya fasinabom, bena haba ena fanufanuha wa sibai, Tau Laulau Dudulai Dogana haba wa ita, yo alinana wa atahi. 15 Somo wa ita yo wa atahiyen haba wasana wa fatadada dodoga mahudoêidi ai lebedi. 16 Somo wa bagibagiyen? U obiyo, be ti fababasitom! Guyau hesana yai u anêeta be em heyaheyaya i kaisudi!" 17 Fuyanna E fuyo Yelusalem, Dubu Tabuna dobidobina yai E laulauêuêula na tautau E ita. (Paisowa 9:26; Galeisiya 1:17-18) 18 Tautau ni ganahewana yai Guyau ya libama lisigu iyen, “Feula! Yelusalem u lau afulen paêana dodoga te hige gonowana wasagu wa libalibaen ti abi." 19 Alinana E bui yawa, “Guyau! Dodoga te haêa sa sibaigu. Beyabeyana E lau edi aba oiêoigogo lumadi yai be safalumadi sa kawawananahaêem E antalainidi yo E falau delidi. 20 Na wasam tau fatadadana Sitiwin, sa lau umeêehui, mate yau amainiya. Ena peêi yau E ehe watan, yo tau wunuina adi luhuluhu E itaêita watanidi." 21 Habahim Guyau ya falibagu iyen, “U lau! Yau E fatamalim be wa lau edaêeda lofalofa, be wa lau taêowawa lisidi." 22 Paulo, taêowawa wasadi ya libalibaedi, yo fede sa sagasagali ma alina laêilaêidi tiyen, Au wunui! Hige ena dudulai bena i mwahuli. 23 Edi manabala sa famahata be sa halahalabo, luhuluhu sa kamfahidi yo gegebula sa tepa be sa fafapei hasa. 24 Tau hiyala edi baêisa laêilaêi ya liba be Paulo sa lawen edi baleki. Ena tau hiyala ya falibadi bena sa pidili, yo sa fatiêoi, sidohana be sa halahalabo lau lebena. 25 Paulo sa au fapatu bena sa talai, na ya libalau hiyala tau lau kulukuluwenna ya obiêobiyo lisina, iyen, Wananaha laugagayo ya libaen bena Loma dogana hola hige ti sadi, ami tala gaibui? 26 Hiyala tau lau kulukuluwenna ya atahi mate ya lau ena baêisa laêilaêi ya fatiêoi iyen, Somo wa ginaginauli? Doga ni Loma dogana! 27 Yo fede tau hiyala edi baêisa ya lau Paulo ya fatiêoi iyen, Haga u falibagu. Wananaha um Loma dogana? Paulo iyen, “Iiâ, Yau Loma Dogana." 28 Habahim hiyala tau lau kulukuluwenna baêisana iyen, Yau E laoma mate moni laêilaêi E pei be E famala Loma dogana. Paulo alinana ya bui iyen, Tinagu ya yosigu, yau Loma dogana. 29 Haisa bena sa fatiêoi mate sa suha afulen. Paêana hiyala tau lau kulukuluwenna edi baêisa ya siba mate Paulo in Loma dogana, na sa seni napai, yo fede, ya êwasabu. 30 Bobonna hiyala tau lau kulukuluwenna edi baêisa ya fanuha bena Paulo ana mata ya yoêoi. Yo fede ya liba, be senina sa kamfahidi, na tau antalasam babaêisadi yo Sanhedeli pelena mahudoêidi ya faêoigogodi. Habahim Paulo ya leyama be matadi yai ya faêobiyo.