ZABURA 98
SIM1 À lɛ̀ dufu sí Dikirinɛ, zaakũ à yãbonsarɛnↄ kɛ̀, à zĩ̀i blè kũ a ↄpla kũ à kú adona gbãnao.
2 Dikiri tò ò a surabanaa dↄ̃̀, à a manakɛnaa mↄ̀ burinↄnɛ.
3 Gbɛ̃kɛ kũ náani kũ à vĩ kũ Isarailanↄo dↄ̀n, andunia lɛ́zɛkidenↄ ó Luda surabanaa è ń pínki.
4 Andunia pínki, à pↄnna wiki lɛ́ Dikiria, à kakũn kũ ayuwiikɛnaao.
5 À mↄrↄlɛna ũ dↄ Dikirinɛ, à mↄrↄ lɛ́nɛ kũ lɛ̀sinaao
6 kũ kãkãkipɛnaao kũ kuru yĩsãmpanaao. À pↄnna wiki lɛ́ Dikiri ó Kínanɛ.
7 Ísira kũ pↄ́ kũ ò kunnↄ kĩni kɛ, andunia kũ gbɛ̃ kũ ò kunnↄ ń pínki.
8 Swanↄ ↄkpa lɛ́ Dikiri arɛ, kpinↄ ayuwii kɛ lɛɛlɛ,
9 zaakũ àtɛn su yãkpatɛ kɛ zĩtɛmɛ, ani yãkpatɛ kɛ kũ anduniao a zɛ́a, ani yã gↄ̃gↄ̃ gbɛ̃nↄnɛ kũ yãpurao.