ZABURA 97

SIM

¹ Dikiri mɛ́ àtɛn kí ble, zĩtɛdenↄ pↄnna kɛ, ísirabaradenↄ gↄ̃ kú pↄnna gũn.

² Legũ luku kũ gusira níkinikio likai, manakɛ kũ yãzɛdeoomɛ a kpata zĩni ũ.

³ Tɛ́ dìgↄ̃ kũ a arɛ, àdi ibɛrɛ kũ ò likainↄ kpata.

⁴ A legũpinaa dì zĩtɛ pu, tó andunia è, àdi luka.

⁵ Kpinↄ dì yↄ́ lán zↄ́saa bà Dikiri arɛ, andunia pínki Dikiri arɛ.

⁶ Musudenↄ dì a manakɛ kpàkpa kɛ, buri sĩnda pínki dì a gakuri e.

⁷ Wé'i dì tãnagbagbarinↄ kũ ń pínki, gbɛ̃ kũ òdi ĩa dã kũ pↄ́ ginanↄ. Tãnanↄ ni donyĩ kɛnɛ ń pínki.

⁸ Zaiↄ̃denↄ mà ò pↄnna kɛ̀, Yuda wɛ̃tɛdenↄn kú pↄnna gũn n yãkpatɛkɛnanↄ yãi, Dikiri.

⁹ Zaakũ ń kú musu de andunia pínkila, Dikiri, ń de tãnanↄla ń pínki.

¹⁰ Dikiri ye gbɛ̃ kũ ò zã̀ yã vãninnↄi, àdigↄ̃ a yãmarinↄ wɛ̃̀ndi dãkpã, àdi ń bo yãvãnikɛrinↄ ↄĩ.

¹¹ Gu dì dↄ gbɛ̃ mananↄa, nɛ̀sɛpuradenↄn pↄnna vĩ.

¹² Gbɛ̃ mananↄ, à pↄnna kɛ Dikiri gũn, à a tↄ́ kũ à kú adona bo.