Rom 7

1 O ijo was, niÅgi dal anjam qalie unub deqa e na endegsi merÅgwai. NiÅgi qalie, tamo a moiyosaisoqnimqa dal anjam na a taqatoqnqas. A moiyimqa dal anjam na a olo taqatqasai. 2 Deqa uÅa bei a tamo ti soqnimqa aqa tamo a moiyosaisoqnim a tamo bei ombla sqa keresai. Dal anjam na getentejunu. Aqa tamo moiyimqa di a na olo tamo bei oqa kere. Dal anjam na getentosai. 3 Deqa aqa tamo soqnim a tamo bei ombla sqas di iga endegsi marqom, a sambala uÅa. Aqa tamo moiyimqa a na olo tamo bei oqa kere. Dal anjam na getentosai. Deqa a na tamo bei oqas di a sambala uÅa sqasai. 4 Deqa ijo was niÅgi quiy. NiÅgi Kristus aqa jejamu beteryosib a ombla moreÅeb deqa niÅgi olo dal anjam aqa sorgomq di sosai. NiÅgi tamo bei agi Kristus subq na tigelej qaji aqa segi tamo uÅgasari unub. Deqa iga kumbra bole bole Qotei a tulaÅ areareteqnu qaji di yoqnqom. 5 Nami iga areqalo namij aqa kumbra dauryoqnem. Bati deqa dal anjam na gago baÅq di gago siÅgaq di gago jejamuq di areqalo uge uge tigelteqnaqa iga une atoqnem. Osim kumbra dena iga moiyo gam turoqnem. 6 Dal anjam na iga tonto talq di breigobulonaq soqnem. Ariya bini iga Kristus ombla moiyobulejunum deqa iga olo dal anjam aqa kaÅgal tamo bul sosai. Iga Qotei waueteqnum. Iga dal anjam nami neÅgreÅyeb qaji deqa are qalsim Qotei wauetosaieqnum. Mondor na kumbra bunuj iga osorgej deqa iga Qotei waueteqnum. 7 E maronum, dal anjam a gago areqalo uge uge tigelteqnaqa iga une atoqnem. Deqa iga kiyersi marqom? Dal anjam a une tamo bulej e? Sai bole sai. Dal anjam na ijo une e osorbeqnu. Osorbosai qamu e une poibosai qamu. Dal anjam a marej, “Ni ino was aqa iÅgi iÅgi qa mamaulmaiq.” Degsi marosai qamu mamaul kumbra di uge e degsi poibosai qamu. 8 Ariya dal anjam bej dena une a gam itosiqa ijo are miligiq di mamaul kumbra gargekoba babteleÅoqnej. Dal anjam bosai qamu une a moiyo bulosiq uliejunu qamu. 9 Nami e Qotei aqa dal anjam qalieosaisosimqa bati deqa e Åambile soqnem. Ariya bunuqna Qotei aqa dal anjam ijoq bonaqa ijo une a Åambile so bulosiq tigelej. 10 Onaqa dena e moiyem. Dal anjam aqa wau utru agi tamo naÅgi Åambile enjrqajqa. Ariya e dal anjam dena Åambile osai. Dal anjam na e moiyotbej. 11 Di kiyaqa? Dal anjam bej dena une a gam itosiqa e gisaÅbej. Kumbra dena une na e moiyotbej. 12 Deqa iga dal anjam qa kiyersi marqom? Iga endegsi marqom. Dal anjam a bole. A Qotei aqa segi dal anjam. A Qotei aqaq na bej. Dal anjam mutu kalil di Qotei aqa segi anjam. Anjam di bole tiÅtiÅ kalil. 13 Deqa e kiyersi marqai? Dal anjam bole dena e lubsiq moiyotbej degsi marqai e? Sai bole sai. Une na e moiyotbej. Dal anjam bej dena une a gam itosiqa e moiyotbej. Dal anjam na une aqa kumbra boleq atnaqa iga unsim qalieem, bole, une a tulaÅ ugedamu. 14 Iga qalie, dal anjam a Qotei aqa Mondor aqaq na bej. Ariya e areqalo namijq di unum deqa une na e tonto talq di waibobulej unum. 15 Kumbra e yeqnum qaji di aqa utru e poibosai. Kumbra bole e yqajqa arearetbeqnu qaji di e olo yosaieqnum. Ariya kumbra uge e yqajqa arearetbosaieqnu qaji di e olo yeqnum. 16 Kumbra uge e yeqnum qaji di e yqajqa arearetbosaieqnu. Ijo kumbra dena ijo areqalo babteqnu. Ijo areqalo agiende, Qotei aqa dal anjam a bolequja. 17 Deqa e qalieonum, e segi na kumbra uge di yosaieqnum. Une ijo miligiq di unu qaji a na kumbra uge di yobuleqnu. 18 E qalieonum, ijo miligiq di iÅgi bole bei sosai. E ijo areqalo namij qa maronum. Bole, e kumbra bole yqajqa arearetbeqnu. Ariya e kumbra bole di yosaieqnum. 19 Kumbra bole e yqajqa arearetbeqnu qaji di e yosaieqnum. Kumbra uge e yqajqa arearetbosaieqnu qaji di e olo yeqnum. 20 Kumbra uge e yqajqa arearetbosaieqnu qaji di e olo yeqnum deqa e qalieonum, e segi na kumbra uge di yosaieqnum. Une ijo miligiq di unu qaji a na kumbra uge di yeqnu. 21 Deqa e kumbra endeqaji uneqnum. E kumbra bole yqajqa arearetbeqnaqa kumbra uge na olo gam getentetbeqnu. 22 Bole, ijo miligiq di e Qotei aqa dal anjam qa tulaÅ arearetbeqnu. 23 Ariya e kumbra endeqaji uneqnum. Une a ijo baÅq di ijo siÅgaq di ijo jejamuq di wauoqnsiqa Qotei aqa dal anjam ijo areqaloq di unu qaji di qoto iteqnu. Une di siÅgila koba. Deqa a na e tonto talq di waibobuloqnsiqa ijo baÅ ti ijo siÅga ti ijo jejamu ti di siÅgila na taqateqnu. 24 Gulbe dena e tulaÅ ugetbeqnu! Deqa tamo yai na aqaryaibimqa e ijo jejamu moiqas qaji endi olo uratqai? 25 Od, e qalieonum. Gago Tamo Koba Yesus Kristus aqa wau na Qotei na aqaryaibimqa e ijo jejamu endi uratqai. Deqa e Qotei tulaÅ biÅiyoqnsiy sqai. Bole, e ijo segi areqalo na Qotei aqa dal anjam dauryeqnum. Ariya e ijo areqalo namij na une aqa kumbra dauryeqnum.