Rom 8

PNG

‹ Chapter 7 Rom — All Chapters Chapter 9 ›

1 O ijo was kalil, iga Kristus Yesus beteryejunum deqa Qotei na gago jejamuq di olo une qametgwasai. Deqa iga awai uge oqasai. 2 �ambile qa Mondor a Kristus Yesus aqa wau na ni�gi aqaryai�gej deqa une ti moiyo ti na ni�gi olo taqat�gwa keresai. 3 Qotei na aqa segi �iri Yesus qari�yonaqa a une tamo bulosiqa gago une kobotqa bonaqa aqa segi jejamuq di Qotei a gago une aqa awai uge atsiqa dena une aqa si�gila kobotej. Iga gago areqalo namij na dal anjam dauryqa keresai deqa Qotei na iga degsi aqaryaigej. 4 Deqa bini iga gago jejamu qa areqalo namij na walwelosaieqnum. Iga Qotei aqa Mondor aqa kumbra na walweleqnum. Osim dena iga dal anjam aqa kumbra bole geregere dauryoqnsim kereteqnum. 5 Tamo na�gi areqalo namij aqa kumbra na walweleqnub qaji na�gi areqalo namij dauryeqnub. Ariya tamo na�gi Mondor aqa kumbra na walweleqnub qaji na�gi Mondor aqa areqalo dauryeqnub. 6 Tamo na�gi areqalo namij dauryoqnqab di na�gi more�qab. Ariya tamo na�gi Mondor aqa areqalo dauryoqnqab di na�gi lawo na �ambile sqab. 7 Tamo na�gi areqalo namij dauryeqnub qaji na�gi Qotei ti jeu atoqnsib unub. Di kiyaqa? Na�gi Qotei aqa dal anjam aqa sorgomq di sosai deqa. Na�gi dal anjam dauryqa keresai bole sai. 8 Tamo na�gi areqalo namij na walweleqnub qaji na�gi kumbra Qotei a areareteqnu qaji di dauryqa keresai. 9 Ariya ni�gi areqalo namij aqa kumbra na walwelosaieqnub. Qotei aqa Mondor a nu�go are miligiq di unu deqa ni�gi Mondor aqa kumbra na walweleqnub. Tamo a Kristus aqa Mondor ti sqasai di a Kristus aqa tamo sqa keresai. 10 Ni�gi une ti unub deqa nu�go jejamu moiqas. Ariya Kristus a nu�go are miligiq di unu deqa ni�gi Qotei aqa �amgalaq di tamo bole une saiqoji unub. Deqa Mondor na ni�gi �ambile e�gwas. 11 Qotei na aqa �iri Kristus Yesus subq na tigeltej. Qotei aqa Mondor a nu�go are miligiq di unu deqa Qotei na nu�go jejamu moiqas qaji di dego subq na tigeltosim ni�gi �ambile e�gwas. Di Mondor aqa si�gila na ni�gi �ambile e�gwas. 12 Deqa ijo was, iga areqalo namij aqa kumbra na walwelqasai. 13 Ni�gi areqalo namij aqa kumbra na walwelqab di ni�gi more�qab. Ariya ni�gi Mondor aqa si�gila na nu�go jejamu aqa kumbra moiyotqab di ni�gi �ambile sqab. 14 Tamo u�gasari kalil Qotei aqa Mondor na gam osornjreqnaq walweleqnub qaji na�gi Qotei aqa a�gro ti�ti� unub. 15 Qotei na ni�gi la�a ka�gal tamo sqajqa marsiq aqa Mondor ni�gi e�gosai. Ni�gi la�a ka�gal tamo sqab di ni�gi ulaqab. Qotei na ni�gi aqa segi a�gro ti�ti� sqajqa marsiq aqa Mondor ni�gi e�gej. Deqa ni�gi endegsib Qotei meteqnub, “O ni gago Abu." 16 Mondor a segi gago are miligiq di waueqnu deqa iga endegsi boleq di mareqnum, “Bole, iga Qotei aqa a�gro unum." 17 Iga Qotei aqa a�gro unum deqa mondo� i�gi bole bole Qotei a nami iga egwa marej qaji di egwas. I�gi di gago was Kristus a ejunu. Kristus a i�gi di osaisosiqa jaqati� qoboiyej. Deqa iga dego jaqati� qoboiyoqnqom. Qoboiyosim mondo� iga a ombla i�gi di osim so bole gaigai sqom. 18 Mondo� Qotei na so bole di babtosim iga egwas. E are qalonum, so bole de ti jaqati� iga bini eqnum qaji de ti ombla kerekere sai. So bole dena gago jaqati� kalil tula� bu�yesqas. 19 Mondo� Qotei na aqa segi a�gro na�gi babtele�qas. Na�gi babtqajqa bati di Qotei a nami atej. I�gi i�gi kalil Qotei a gereiyele�ej qaji na�gi na bati di unqajqa deqa tari�oqnsib �am atoqnsib endegsib nenemeqnub, “Bati gembu bati di brantqas?" 20 Bini i�gi i�gi kalil na�gi di ugeosib unub. Na�go segi areqalo na na�gi ugeosai. Qotei a segi na na�gi ugetnjrej. Deqa kumbra bole bole Qotei na mondo� na�gi enjrqas qaji deqa tari�oqnsib unub. 21 Qotei na i�gi i�gi kalil di na�gi ugetnjrsiq tonto talq di breinjrobulej unub. Ariya mondo� bati Qotei a nami atej qaji di brantimqa a na i�gi i�gi kalil di olo boletnjrimqa na�gi aqa a�gro na�gi ti koba na tula� bole sqab. 22 Iga qalie, i�gi i�gi kalil Qotei a gereiyele�ej qaji na�gi jaqati� koba obuloqnsib akam ti unub. Na�gi nami jaqati� oqneb agi bini oqnsib unub. U�a a a�grotqa osiq jaqati� eqnu dego kere. 23 I�gi i�gi kalil di na�gi segi akamosai. Iga Qotei aqa Mondor ejunum qaji iga dego jaqati� oqnsim akamoqnsim unum. Qotei na aqa Mondor iga egej deqa iga qalieonum, a olo so tula� boledamu dego iga egwas. Osim mondo� a boleq di mergwas, “Ni�gi ijo a�gro kalil.” Iga bati di brantqajqa deqa tari�oqnsim unum. Bati di brantimqa Qotei na gago jejamu bulyetgosim jejamu bunuj egwas. 24 Qotei a iga ele�ej deqa bini iga jejamu bunuj di oqajqa tari�oqnsim unum. Iga degyeqnum. Di kiyaqa? Iga jejamu bunuj di osaiunum deqa. Tamo bei a i�gi bole bei oqas di a kiyaqa i�gi deqa olo tari�qas? 25 Iga qalie, iga jejamu bunuj di osaiunum deqa iga mondo� oqom. Deqa bini iga gulbe qoboiyoqnsim tari�oqnsim unum. 26 Iga si�gila saiqoji unum deqa Qotei aqa Mondor na iga aqaryaigeqnu. Iga i�gi kiye qa pailyqajqa di iga geregere qaliesai. Iga pailyqajqa medabu gulbeigeqnaqa gago are miligiq na akamoqnsim pailyeqnum. Deqa Mondor a segi na iga aqaryaigwa osiqa iga qa pailyeqnu. 27 Qotei agi tamo na�go are miligi uneqnu qaji a Mondor aqa areqalo qalieeqnu. Deqa a na Mondor minjeqnaq quoqnsiq aqa segi tamo u�gasari na�gi qa pailyeqnu. 28 Iga qalieonum, tamo kalil Qotei qalaqalaiyeqnub qaji na�gi Qotei na geregereinjreqnu. A nami na�gi ele�qa osiq metnjrej deqa kumbra bei na na�gi ugetnjrqa keresai. Kumbra kalil na�goq di branteqnu qaji dena na�gi olo boletnjreqnu. 29 Tamo kalil Qotei a nami na�gi qa qalieej qaji na�gi di a na giltnjrej dego. Na�gi aqa �iri Yesus a bulosib aqa segi kumbra bole dauryqajqa deqa osiq na�gi giltnjrej. Gam dena Yesus a Qotei aqa a�gro gargekoba na�go was matu sqas. 30 Ariya tamo kalil Qotei na giltnjrej qaji na�gi di a na metnjrej dego. Tamo kalil a na metnjrej qaji na�gi di a na tamo bole une saiqoji qa minjrej dego. Tamo kalil a na tamo bole une saiqoji qa minjrej qaji na�gi di a na aqa segi so bole enjrej dego. 31 O ijo was, Qotei na kumbra bole kalil di babteqnu deqa iga kiyersi marqom? Qotei na iga areigeqnu deqa tamo yai na iga olo jeutgwas? Tamo dego bei sosai. 32 Qotei na aqa segi �iri Yesus getentosai. A na Yesus qari�yonaq iga kalil qa bosiq moiyej. A na aqa segi �iri iga egej deqa iga qalieonum, a na i�gi bole kalil dego iga egoqnqas. 33 Qotei na iga giltgej deqa tamo yai na gago jejamuq di olo une qametgwas? Tamo dego bei sosai. Qotei a segi na iga tamo bole une saiqoji qa mergej. 34 Deqa tamo yai na mergimqa iga gago une aqa awai uge olo oqom? Tamo dego bei sosai. Kristus Yesus a moisiq olo subq na tigelej. Deqa bini a Qotei aqa ba� woq di awesosiqa iga qa Qotei pailyeqnu. 35 Kristus a segi na iga tula� qalaqalaigeqnu. Deqa tamo yai na Kristus aqa qalaqalaiyo kumbra di olo getentimqa a na iga qalaqalaigwasai? Tamo dego bei sosai. O ijo was, iga gulbe osimqa kiyo, jaqati� osimqa kiyo, tamo qudei na iga ugeugeigibqa kiyo, iga mam koba osimqa kiyo, gara saigimqa kiyo, kumbra uge bei na ugetgimqa kiyo, qoto bei gagoq di brantimqa kiyo Kristus a deqa iga qalaqalaigwasai e? Sai. 36 Bole, i�gi uge uge di gagoq di brantoqnqab. Agi Qotei aqa anjam bei nami endegsib ne�gre�yeb unu, “O Qotei, iga ino segi tamo u�gasari unum deqa bati gaigai jeu tamo na�gi na iga lugoqnsib moiyotgeqnub. Na�gi iga kaja du du bul edegosib iga lugwajqa laqnub." 37 Kristus na iga qalaqalaigej deqa i�gi uge uge kalil di gagoq di brantoqnqas di u�gum. A na gaigai iga si�gilatgeqnaqa iga qoto bu�yoqnsim tigelejunum. 38 Od, Qotei na iga tula� qalaqalaigeqnu. Deqa e endegsi ijo are si�gilatosim qalieonum, i�gi bei na Qotei getentqa keresai. Yim a na iga qalaqalaigwasai. Moiyo ti �ambile ti la� a�gro na�gi ti mondor si�gila na�gi ti i�gi i�gi bini unub qaji na�gi ti i�gi i�gi bunuqna brantele�qab qaji na�gi ti i�gi i�gi si�gila ejunub qaji na�gi ti i�gi i�gi la� goge di unub qaji na�gi ti i�gi i�gi mandam sorgomq di unub qaji na�gi ti i�gi i�gi Qotei na gereiyele�ej qaji na�gi ti kalil dena Qotei getentqa keresai. Yim a na iga qalaqalaigwasai. Gago Tamo Koba Kristus Yesus aqa si�gila na Qotei na gaigai iga qalaqalaigoqnsim sqas.

‹ Chapter 7 Rom — All Chapters Chapter 9 ›

Rom 8

Cite / Share This Page