Luk 4

PNG

‹ Chapter 3 Luk — All Chapters Chapter 5 ›

1 Mondor Bole a Yesus aqa jejamuq di awoonaqa a Jordan yaq dena olo pulueqnaqa Mondor na a wadau sawaq osi gilej. Osi gilsiq uratonaqa bati 40 a di laqnej. Di laqnaqa Satan bosiqa Yesus a une bei atqa marsiqa walawalaiyoqnej. Bati deqa Yesus a i�gi uratoqnsiqa qurie� ti soqnej. Bati 40 koboonaqa a mamyej. 3 Onaqa Satan na minjej, “Ni Qotei aqa �iriamqa meni� kalil endi minjrim bem bulyibqa ni uye." 4 Degsi minjnaqa Yesus na kamba minjej, “Qotei aqa anjam bei nami endegsib ne�gre�yeb unu, ‘Tamo na�gi i�gi uyo na segi �ambile sqasai.’" 5 Onaqa Satan a Yesus olo osiqa mana goge kobaq oqsiq dia Yesus tigeltosiqa sawa sawa kalil mandor kokba na�gi na taqatejunub qaji di Yesus osoryej. 6 Osoryosiqa minjej, “Sawa sawa kalil di na�go si�gila ti ñoro ti ni emqai. Sawa sawa kalil di ijo. Qotei na nami ebej. Deqa e na tamo bei yqa are soqnim yqai. 7 Deqa ni ijo ulatamuq endi si�ga pulutosim e qa louimqa sawa sawa kalil di ni emqai." 8 Onaqa Yesus na minjej, “Nami Qotei aqa anjam bei endegsib ne�gre�yeb unu, ‘Ino Tamo Koba Qotei a segi qa louoqnsimqa aqa sorgomq di soqne.’" 9 Onaqa Satan na Yesus olo osiqa Jerusalem gilsiq atra tal quraq oqsiq goge dia Yesus atsiqa minjej, “Ni Qotei aqa �iriamqa endena prugosim mandamq aiye. 10 Agi Qotei aqa anjam bei nami endegsib ne�gre�yeb unu, ‘Qotei na aqa la� a�gro na�gi minjrimqa bosib ni taqatmqab.’ 11 Anjam bei dego ne�gre�q di unu. Anjam agiende, ‘La� a�gro na�gi bosib ba� na ni soqtmibqa ino si�ga meni� na qalqasai.’" 12 Onaqa Yesus na kamba Satan minjej, “Qotei aqa anjam bei dego ne�gre�q di unu. Anjam agiende, ‘Ni ino Tamo Koba Qotei aqa si�gila la�a tenemtqa osim a gisa�yaim.’" 13 Satan a kumbra kalil dena Yesus uneq waiyqa yonaq ugeiyonaqa a uratosiq ula�ej. Bunuqna a na olo Yesus walawalaiyqa marsiqa tari�osiq soqnej. 14 Qotei aqa Mondor aqa si�gila Yesus aqaq di soqnej deqa a olo puluosiqa Galili sawaq aiyej. Aisiq di sonaqa qure kalilq di tamo u�gasari na�gi a qa saoqnsib laqneb. 15 A bati gaigai Juda na�go Qotei tal miligiq giloqnsiqa tamo u�gasari na�gi Qotei aqa anjam minjreqnaqa na�gi quoqnsib aqa ñam soqtoqneb. 16 Onaqa Yesus a dena walwelosiq Nasaret qureq aiyej. Di aqa qure utru. A dia boleej. Aisiq di sosiqa yori bationaqa aqa kumbra gaigai yoqnej qaji di dauryosiqa Juda na�go Qotei tal miligiq gilsiqa Qotei aqa anjam sisiyqa osiq tigelej. 17 Onaqa buk Baibel yonabqa a na waqtosiqa Qotei aqa medabu o tamo Aisaia aqa anjam nami ne�gre�yej qaji mutu bei itosiq endegsi sisiyej, 18 “Tamo Koba aqa Mondor ijoq di unu deqa a na e giltbosiqa merbej, ‘Ni na tamo u�gasari sougetejunub qaji na�gi ijo anjam bole minjroqne.’ Osiqa a na e qari�bosiq merbej, ‘Ni na tamo u�gasari �am qandimo unub qaji na�gi boletnjroqne. Osim tamo u�gasari na�go segi une na ojejunu qaji na�gi gereinjroqne. Osim tamo u�gasari jeu tamo na�gi na ugeugeinjreqnub qaji na�gi aqaryainjroqne. 19 Osim anjam endegsi palontoqne, “Tamo Koba a na tamo u�gasari na�gi boletnjrqajqa bati brantqo.” ‘" 20 Yesus a anjam degsi sisiyosiq koboonaqa buk Baibel kabutosiqa Qotei tal taqato tamo yosiq a olo awoej. Onaqa tamo u�gasari kalil Qotei tal miligiq di soqneb qaji na�gi Yesus koqyesoqneb. 21 Onaqa Yesus na na�gi minjrej, “Qotei aqa anjam e endego sisiyonum ni�gi quonub qaji di aqa damu agi bini brantqo." 22 Degsi minjrnaqa na�gi kalil aqa anjam di qusib mareb, “Yesus aqa anjam di bolequja.” Osib olo areqalo kobaiyoqnsib maroqneb, “Yesus a Josep aqa �iri. Deqa a powo qabe na osiqa anjam bole endeqaji palontosiq mergeqnu?" 23 Onaqa Yesus na minjrej, “Ni�gi yawo anjam endegsib merbqab kiyo, ‘O yu qa�gra tamo, ni ino segi jejamu gereiye.’ Osib ni�gi endegsib merbqab, ‘Kaperneam qureq di ni ma�wa babteqnam iga deqa queqnum. Ma�wa kere dego ni ino segi qure utruq endi babtim iga unqom.’" 24 Osiqa Yesus a olo endegsi minjrej, “E bole mer�gwai. Qotei aqa medabu o tamo bei aqa segi qure utruq gilsim anjam minjroqnqas di na�gi aqa anjam quetqa asginjrqas. Deqa a ñam saiqoji sqas. 25 E bole mer�gwai. Elaija aqa bati qa la� gete�esonaqa wausau qalub bai 6 gilsiq awa bosaioqnej. Deqa sawa sawa kalilq di na�gi mam koba eb. Bati deqa Israel sawaq di u�a qobul gargekoba soqneb. 26 Sonabqa Qotei na Elaija na�goq qari�yosai. A na Elaija qari�yonaqa Saidon sawaq gilsiq Sarefat qureq di u�a qobul bei aqaq di segi brantosiq aqaryaiyej. 27 Qotei aqa medabu o tamo Elisa dego aqa bati qa tamo gargekoba na�go jejamu yu na ugeele�ej qaji na�gi Israel sawaq di soqneb. Ariya Elisa a na�gi boletnjrosai. A Siria sawaq gilsiq dia tamo bei yu na aqa jejamu ugeele�ej qaji aqa ñam Naman a segi boletej." 28 Yesus na tamo u�gasari Qotei tal miligiq di soqneb qaji na�gi anjam degsi minjrnaqa na�gi kalil qusibqa minji� ani oqetnjrnaqa tigelosib Yesus ojsib tututosib qure qalaq osi gileb. Na�go qure mana goge di soqnej deqa na�gi Yesus mana goge dena waiyqa mareb. 30 Onaqa a na�go ambleq na loumosiq ula�ej. 31 Onaqa Yesus a Kaperneam qureq gilej. Qure di Galili sawaq di unu. Gilsiq di sosiqa yori batieqnaqa tamo u�gasari na�gi Qotei aqa anjam plaltoqnsiq minjroqnej. 32 Yesus aqa anjam maroqnej di si�gila ti. A segi anjam di aqa Abu. Deqa tamo u�gasari kalil na�gi aqa anjam di quoqnsib tula� prugugetoqneb. 33 Yori bati bei tamo mondor uge na ojej qaji a Qotei tal miligiq di soqnej. Deqa a tula� lele�osiqa Yesus minjej, 34 “O Yesus Nasaret qaji tamo, ni iga kiyergwajqa bonum? Ni iga padaltgwa bonum e? E ni qalie. Ni Qotei aqa segi �iri bolequja. Ino jejamuq di une bei saiqoji." 35 Mondor uge dena Yesus degsi minjnaqa a si�gila na �iri�tosiq minjej, “Ni medabu getentosim tamo di uratosim ula�.” Onaqa mondor uge dena tamo di uratqa osiqa tamo u�gasari na�go ambleq di a waiyonaq mandamq di �eiesonaqa uratosiq ula�ej. Tamo di aqa jejamu yala ugetosai. A bole soqnej. 36 Onaqa tamo u�gasari kalil na�gi Yesus aqa ma�wa di unsibqa na�gi tula� prugugetosib segi segi maroqneb, “Yesus a anjam bunuj mareqnu. Aqa anjam bunuj di si�gila ti mareqnu. Agi a na mondor uge na�gi anjam minjreqnaqa na�gi aqa anjam dauryoqnsib jaraiyeqnub." 37 Tamo u�gasari na�gi degsib maroqnsib olo walwelosib sawa sawa kalilq di Yesus aqa ma�wa deqa saoqnsib laqneb. 38 Onaqa Yesus a tigelosiqa Qotei tal uratosiq Saimon aqa ñam bei Pita aqa tal gogetej. Tal gogetosiqa Saimon aqa mimibe makobaiyonaqa jejamu ka�ka�yonaq unej. Deqa Yesus aqa a�gro na�gi na minjeb, “Ni a boletime." 39 Onaqa Yesus a gilsiq u�a maiyej qaji aqa areq di tigelosiqa anjam segi minjnaqa aqa jejamu ka�ka� di koboej. Onaqa u�a a tigelosiqa na�gi i�gi goiyetnjrej. 40 Se� aiqa laqnaqa tamo u�gasari ma utru segi segi so qaji na�go was na�gi na joqoqnsib Yesus aqa areq boqneb. Beqnabqa Yesus na aqa ba� na�go gateq di ateqnaqa na�go ma koboeqnaqa na�gi jaraiyoqneb. 41 Mondor uge gargekoba dego Yesus na winjreqnaqa na�gi olo tamo u�gasari na�gi uratnjroqnsib jaraiyoqneb. Jaraiyoqnsib tula� lele�oqnsib Yesus minjoqneb, “Ni Qotei aqa �iri.” Yeqnabqa Yesus a si�gila na saidnjroqnej, “Ni�gi ijo ñam ubtosib maraib.” Degsi saidnjroqnej. Di kiyaqa? Na�gi qalie, Yesus a Kristus. 42 Onaqa nobqolo ambru Yesus na tamo u�gasari na�gi alelnjrsiqa qure di uratosiq wadau sawaq gilej. Gilsiq di sonaqa na�gi a qa �amosib gilsib itosib minjeb, “Ni iga uratgaim." 43 Onaqa Yesus na minjrej, “E qure bei beiq dego giloqnsiyqa Qotei aqa anjam bole endegsi minjroqnqai, ‘Ni�gi are bulyibqa Qotei a nu�go Mandor Koba sosim ni�gi taqat�gwas.’ Degsi minjroqnqai. Qotei a deqa e qari�bonaq mandamq aiyem." 44 Yesus na tamo u�gasari na�gi degsi minjrsiqa na�gi uratnjrsiq gilsiq Judia sawaq di walweloqnsiqa Juda na�go Qotei tal miligiq giloqnsiqa Qotei aqa anjam palontoqnej.

‹ Chapter 3 Luk — All Chapters Chapter 5 ›

Luk 4

Cite / Share This Page