Luk 5

PNG

‹ Chapter 4 Luk — All Chapters Chapter 6 ›

1 Bati bei Yesus a Genesaret ya agu kobaqujaq gilsiqa alile dia tigelesonaqa tamo u�gasari tula� gargekoba na�gi Qotei aqa anjam quqwajqa are qalsibqa Yesus aqa areq bosib koroeb. 2 Koroesonabqa Yesus a �am atsiqa qobu� aiyel alile di tiryosib sonab unjrej. Qe o qaji tamo na�gi qobu� dena mandamq aisib na�go kaka� yansoqneb. 3 Qobu� bei Saimon aqa qobu�. Yesus a Saimon aqa qobu� gogetosiq di awoosiqa Saimon minjej, “Qobu� tututim kiñala sasalem.” Onaqa Saimon na qobu� tututonaq sasalonaqa Yesus a qobu� miligiq di awoosiqa tamo u�gasari kalil na�gi alile di sonabqa Qotei aqa anjam plaltosiq minjroqnej. 4 Anjam minjrsiq koboonaqa a na Saimon minjej, “Ni�gi qobu� oyoosib ya robuq oqsib nu�go kaka� waiyqab qe oqab." 5 Onaqa Saimon na kamba minjej, “O Tamo Koba, iga qolo waukobaonum gilsiq nebeqo. Iga qe bei yala osai. Di u�gum. Ni maronum deqa e kaka� olo waiyqai." 6 Onaqa qe o qaji tamo na�gi ya robuq oqsib kaka� olo waiyosib qe tula� ani eb. Qe ani onabqa na�go kaka� qe na maqej deqa bra�qa laqnaqa titqa keresaiinjrej. Deqa na�gi na na�go was qudei qobu� beiq di soqneb qaji na�gi metnjrnab bosib koba na kaka� titosib qe osib qobu� aiyel miligiq di jugonab maqosib tugwa laqneb. 8 Onaqa Saimon aqa ñam bei Pita a Yesus aqa ma�wa di unsiqa aqa si�gaq di si�ga pulutosiq minjej, “O Tamo Koba, e une tamo. Deqa ni e uratbosim gile." 9 Saimon na Yesus degsi minjej. Di kiyaqa? Aqa was na�gi ti qe tula� koba ele�osib prugugeteb deqa. 10 Sebedi aqa �iri aiyel Jems Jon wo na�gi Saimon ombla wau qujai. Na�gi dego Yesus aqa ma�wa di unsibqa tula� prugeb. Onaqa Yesus na Saimon minjej, “Ni ulaaim. Ni qe o tamo unum deqa ni qe eqnum. Bunuqna ni degsim olo tamo oqnqam." 11 Onaqa na�gi na�go qobu� alile dia atsib na�go ai abu na�gi uratnjrsib na�go ñoro ti i�gi i�gi kalil ti uratosib Yesus dauryeb. 12 Na�gi Yesus dauryosib bati bei na�gi koba na qure beiq gileb. Dia tamo bei yu na aqa jejamu ugeele�ej qaji a Yesus unsiqa aqa areq bosiqa si�ga pulutosiqa mandamq di �am quosiqa Yesus pailyosiq minjej, “O Tamo Koba, ni e boletbqa are soqnim e boletbe. E qalie, ni e boletbqa kere." 13 Degsi minjnaqa Yesus a ba� waiyosiq tamo di aqa jejamu ojej. Ojsiqa minjej, “E ni boletmqa are unu. Deqa ino jejamu olo boleeme.” Onaqa bati qujai deqa aqa yu uge kalil mosoosiq aqa jejamu boleej. 14 Onaqa Yesus na minjej, “Ino jejamu boleqo deqa ni tigelosim gile. Ni tamo qudei na�gi ijo ñam ubtosim minjraim. Ni gilsim ino jejamu atra tamo osoryosim atraiyqajqa i�gi i�gi Moses a nami marej qaji di osim Qotei atraiyime. Yimqa tamo u�gasari na�gi ni numsib marqab, ‘Bole, ino jejamu boleqo.’" 15 Onaqa a gilsiqa ariya a Yesus aqa anjam di dauryosai. Yesus na a boletej deqa mare mare laqnaqa aqa anjam tula� kobaosiqa sawa sawa kalil keretej. Deqa tamo u�gasari tula� gargekoba na�gi Yesus aqa anjam quqwajqa ti a na na�go ma boletetnjrqajqa ti are qalsibqa boqnsib aqa areq di korooqneb. 16 Ariya bati gargekoba Yesus a tamo u�gasari na�gi alelnjroqnsiq wadau sawaq giloqnsiqa dia a segi sosiq Qotei pailyoqnej. 17 Bati bei tamo u�gasari na�gi olo koroesonabqa Yesus a Qotei aqa anjam palontoqnsiq minjroqnej. Minjreqnaqa bati di Farisi na�gi ti dal anjam qalie tamo na�gi ti bosib Yesus aqa areq di awesoqneb. Na�gi Galili sawa ti Judia sawa ti na�go qure qureq dena bele�eb. Na�gi Jerusalem dena dego bele�eb. Tamo Koba Qotei aqa si�gila Yesus aqaq di soqnej deqa a na tamo u�gasari na�go ma boletetnjrqajqa wauoqnej. Onaqa tamo qudei na�gi tamo bei jejamu laiyej qaji a saperaq di �eiotosib Yesus aqa areq di atqa marsibqa qoboiyosib beb. 19 Bosib �am ateb di tamo tula� gargekoba sira�meq di juju�eb. Deqa na�gi Yesus aqa areq gilqa keresaiinjrnaqa tal quraq oqsib goge na waqtosibqa tamo sapera qoji gulaintosib ura uratonab Yesus aqa areq aiyej. 20 Onaqa Yesus a na�go areqalo unej di na�go areqalo qujai Yesus na tamo jejamu laiyej qaji di boletqa kere. Deqa a na tamo di minjej, “O ijo was, ino une kalil e na kobotetmonum." 21 Onaqa dal anjam qalie tamo na�gi ti Farisi na�gi ti tal dia awesoqneb qaji na�gi Yesus aqa anjam di qusibqa na�go areqalo na mareb, “Yesus a Qotei misili�yqo. Yai na tamo na�go une kobotqa kere? Qotei a segi qujai." 22 Na�gi degsib are qaleqnabqa Yesus a na�go areqalo di qalieosiqa minjrej, “Ni�gi kiyaqa degsib are qaleqnub? 23 Anjam kiye e na tamo jejamu laiyqo qaji di minjit ni�gi qusib e qa poi�gwas? ‘Ino une kalil e na kobotetmonum,’ anjam de kiyo, ‘Ni tigelosim walwel,’ anjam de kiyo? 24 E segi Tamo A�gro. E mandamq endi si�gila ti unum deqa e na tamo na�go une kobotetnjrqa kere. Ni�gi degsi poi�gwajqa deqa e na tamo di boletqai.” Yesus a na�gi degsi minjrsiqa tamo jejamu laiyej qaji di koqyosiqa minjej, “E ni mermqai. Ni tigelosim ino sapera osim ino talq gile." 25 Degsi minjnaqa a tamo u�gasari kalil na�go �amdamuq di tigelosiqa aqa sapera �eiesoqnej qaji di qoboiyosiqa Qotei aqa ñam soqtosiqa walwelosiq aqa talq gilej. 26 Onaqa tamo u�gasari kalil na�gi Qotei aqa ma�wa di unsibqa na�gi tula� prugugetosib Qotei aqa ñam soqtosib a bi�iyeb. Osib na�gi ulaosib mareb, “Ma�wa iga endego unonum di kumbra bei. Tamo qudei na ma�wa deqaji yeqnab iga nami unosaioqnem." 27 Yesus a dena walwelosiqa takis o qaji tamo bei aqa ñam Livai a takis o talq di awesonaq gilsiq itej. Itosiqa minjej, “Ni e daurbe." 28 Onaqa a na aqa i�gi i�gi kalil uratosiqa tigelosiq Yesus dauryej. 29 Osiqa bati bei Livai a maruro atsiqa takis o qaji tamo tula� gargekoba na�gi ti Yesus aqa segi a�gro na�gi ti tamo la�a la�aj na�gi ti metnjrnaq bosib koba na awoosib i�gi uyoqneb. 30 Onaqa Farisi na�gi ti dal anjam qalie tamo na�gi ti bosib kumbra di unsibqa Yesus aqa a�gro na�gi �iri�tnjrsib minjreb, “Ni�gi kiyaqa takis o qaji tamo ti une tamo ti na�gi koba na awoosib i�gi ti ya ti uyeqnub?" 31 Onaqa Yesus a na�go anjam di qusiqa minjrej, “Tamo ma saiqoji na�gi yu qa�gra tamo aqaq gilosaieqnub. Tamo ma ti na�gi segi yu qa�gra tamo aqaq gileqnub. 32 Tamo bei a marqas, ‘E tamo bole. E une saiqoji.’ E tamo deqaji na�gi metnjrit ijoq bqajqa deqa mandamq aiyosai. Tamo a marqas, ‘E une ti.’ E tamo deqaji na�gi metnjrit ijoq bqajqa deqa mandamq aiyem." 33 Onaqa Farisi na�gi na olo Yesus minjeb, “Jon aqa a�gro na�gi bati gaigai i�gi uratoqnsib qurie�oqnsib Qotei pailyoqnsib unub. Farisi na�go a�gro na�gi dego kumbra degyeqnub. Ariya ino a�gro na�gi kiyaqa qurie�osaieqnub? Agi na�gi bati gaigai i�gi ti ya ti uyoqnsib unub." 34 Onaqa Yesus a na�go anjam di qusiqa a kamba yawo anjam bei endegsi minjrej, “Tamo bei a u�a ba� ojqa bati qa aqa was na�gi ti soqnibqa na�gi qurie�qab e? Sai. 35 Bunuqna na�go was a na�gi uratnjrimqa bati deqa na�gi qurie�oqnsib sqab." 36 Osiqa Yesus a olo yawo anjam bei endegsi minjrej, “Tamo bei a gara jugo bunuj osim dena mutu gentosim gara jugo sari bra�oq di qandimqa keresai. Degsi qandimqas di a na gara jugo bunuj di ugeugeiyqas. Amqa gara sari aqa uno bolesaiqas. Di kiyaqa? Gara sari ti gara bunuj ti kerekereqasai. 37 Tamo bei a wain bunuj osim ya nobu sariq di qamqa keresai. Ya nobu sari di nami ka�gra�osiq si�gilaej. Deqa a wain bunuj qamimqa wain a didiqosim ya nobu sari paratosimqa wain bile�osim mandamq aiqas. Ya nobu a dego ugeqas. 38 A ya nobu bunujq di wain bunuj qamimqa ombla bole sqab. 39 Tamo bei a wain namij uysimqa a olo wain bunuj uyqasai. Di kiyaqa? A marqas, ‘Namij di bole.’"

‹ Chapter 4 Luk — All Chapters Chapter 6 ›

Luk 5

Cite / Share This Page