Luk 3
PNG1 Bunuqna Sekaraia aqa Ćiri Jon a wadau sawaq di sonaqa Qotei na aqa anjam minjnaq quej. Bati deqa Sisar Taiberius a wausau 15 Rom naĆgo mandor koba soqnej. Pontius Pailat a Judia sawa naĆgo gate soqnej. Herot a Galili sawa taqatoqnej. Herot aqa was Filip a Ituria sawa ti Trakonitis sawa ti taqatoqnej. Lisanias a Abilene sawa taqatoqnej. Anas Kaiafas wo naĆgi aiyel atra tamo gate soqneb. 3 Jon a sawa kalil Jordan ya qalaq di soqneb qaji deq giloqnsiqa Qotei aqa anjam palontoqnsiq tamo uĆgasari naĆgi endegsi minjroqnej, “NiĆgi are bulyibqa e na niĆgi yansĆgwai. Amqa Qotei a nuĆgo une kalil kobotetĆgwas." 4 Jon a kumbra degyej deqa anjam bei Qotei aqa medabu o tamo Aisaia nami neĆgreĆyej qaji di aqa damu brantej. A Jon qa anjam endegsi neĆgreĆyej, “Tamo bei a wadau sawaq di tigelosimqa a tulaĆ leleĆoqnsim tamo uĆgasari naĆgi endegsim minjroqnqas, ‘Tamo Koba a bqajqa gam gereiyetiy. Gam tingitetiy. 5 Botau kalil mororyiy. Mana kokba ti mana kiñilala ti kalil giĆgeĆnjrsib taqal atiy. Gam kaneĆo kalil tingitiy. Gam niñaqejunub qaji kalil di dego gereiyiy. 6 Yimqa tamo uĆgasari sawa sawa kalilq di unub qaji naĆgi Qotei na padalo sawaq dena eleĆam unqab.’" 7 Tamo uĆgasari tulaĆ gargekoba naĆgi Jon na yansnjrqa marsibqa aqa areq beqnabqa siĆgila na endegsi minjroqnej, “NiĆgi kumbra uge yo qaji tamo. NiĆgi amal uge bul. NiĆgi yai na merĆgwoqa mondoĆ Qotei aqa minjiĆ nuĆgoq aiyaim deqa ulaosib ijoq bonub? 8 NiĆgi are bulyiy. Osib nuĆgo kumbra uge kalil uratosib kumbra bole bole yoqniy. Yim e unsiy marqai, ‘Bole, niĆgi are bulyonub.’ Osiy niĆgi yansĆgwai. NiĆgi endegsib are qalaib, ‘Abraham a gago moma utru unu deqa iga Qotei aqa Ćamgalaq di tamo bole.’ NiĆgi degsib are qalaib. NiĆgi quiy. Qotei na marimqa meniĆ kalil endi dego tamo bulyosib tigelosib Abraham aqa moma brantqab. 9 Qotei na tapor qalat ojsiqa Ćam qomqajqa utruq di atej unu. Deqa Ćam kalil gei bole atosaieqnub qaji di Qotei na tapor dena qomeleĆosim Ćamyuwoq di breinjrqas." 10 Jon a tamo uĆgasari naĆgi anjam degsi minjrnaqa naĆgi na kamba nenemyeb, “Ni anjam degsi mergonum deqa iga kumbra kiyeryqom?" 11 Onaqa Jon na minjrej, “Ni gara aiyel soqnimqa bei osim tamo gara saiqoji di ye. Ni iĆgi uyo soqnimqa qudei osim tamo iĆgi saiqoji di anaiye." 12 Onaqa takis o qaji tamo qudei naĆgi Jon na yansnjrqa marsibqa aqa areq bosib nenemyeb, “O Qalie Tamo, ni mare. Iga takis o qaji tamo. Deqa iga kumbra kiyeryqom?" 13 Onaqa Jon na minjrej, “NuĆgo gate kokba naĆgi takis silali gembub niĆgi oqajqa merĆgonub kere dego oqniy. Silali bei laĆa goge ataib." 14 Onaqa qaja tamo qudei naĆgi Jon aqa areq gilsib nenemyeb, “Ni mare. Iga kumbra kiyeryqom?” Onaqa Jon na minjrej, “NiĆgi tamo naĆgi ugeugeinjraib. Osib naĆgo silali bajiĆoqnaib. NiĆgi tamo qudei gisaĆ na naĆgo jejamuq di une qametnjraib. NiĆgi endegsib are qaloqniy, ‘Gago awai iga eqnum di iga qa kere.’" 15 Bati di tamo uĆgasari naĆgi Kristus bqajqa tariĆoqnsib soqneb. Deqa naĆgi Jon aqa anjam quoqnsib are qaloqneb, “Jon a Kristus kiyo?" 16 Onaqa Jon a naĆgo areqalo di qalieosiqa minjrej, “Tamo Koba a bunuqna ijo qoreq na bqas. A tamo siĆgila koba. Ijo siĆgila aqa siĆgila ti keresai. Deqa e a kaĆgalyqajqa e tamo bolesai. E ya na laĆa yansĆgeqnum. Ariya Tamo Koba a bosimqa Mondor Bole aqa siĆgila na ti Ćamyuwo na ti niĆgi yansĆgwas. 17 A bem sum ñoqoryosim damu eleĆosim aqa talq di atqas. Osim a bem sum aqa suwi breinjrim Ćamyuwo gaigai yuejunu qaji dia yuekritqab." 18 Jon na tamo uĆgasari naĆgo are qametnjrqa osiq deqa anjam gargekoba naĆgi minjroqnej. A Qotei aqa anjam bole naĆgi minjroqnej. 19 Bati bei Jon na mandor Herot aqa une qa ĆiriĆtej. Aqa une agi a na aqa segi was aqa ĆauĆ Herodias yaiyosiq ej. Une deqa ti kumbra uge uge kalil Herot a yoqnej qaji deqa ti Jon na ĆiriĆtej. 20 Deqa Herot a olo kumbra uge bei dego yej. Aqa kumbra uge bei agiende. A Jon ojsiqa tonto talq di waiyej. 21 Ariya tamo uĆgasari kalil naĆgi yanso eqnabqa Yesus a dego yanso ej. Yanso osiqa bati deqa a tarosiq laĆ goge koqyosiq Qotei pailyeqnaqa laĆ waqej. 22 LaĆ waqonaqa Mondor Bole a binoĆ bulosiq aisiqa Yesus aqa jejamuq di awoej. Awoonaqa laĆ goge na Qotei aqa anjam bei endegsi brantej, “Ni ijo segi aĆgro qujai. E ni tulaĆ qalaqalaimeqnum. E ni qa tulaĆ areboleboleibeqnu." 23 Yesus aqa wausau 30 kereonaqa aqa wau utru atej. NaĆgi Yesus qa endegsib maroqneb, “A Josep aqa Ćiri.” Yesus aqa moma naĆgo ñam kalil agi marqai. Josep a Heli aqa Ćiri. 24 Heli a Matat aqa Ćiri. Matat a Livai aqa Ćiri. Livai a Melki aqa Ćiri. Melki a Janai aqa Ćiri. Janai a Josep aqa Ćiri. 25 Josep a Matatias aqa Ćiri. Matatias a Amos aqa Ćiri. Amos a Nahum aqa Ćiri. Nahum a Esli aqa Ćiri. Esli a Nagai aqa Ćiri. 26 Nagai a Mat aqa Ćiri. Mat a Matatias aqa Ćiri. Matatias a Semen aqa Ćiri. Semen a Josek aqa Ćiri. Josek a Joda aqa Ćiri. 27 Joda a Joanan aqa Ćiri. Joanan a Resa aqa Ćiri. Resa a Serubabel aqa Ćiri. Serubabel a Sealtiel aqa Ćiri. Sealtiel a Neri aqa Ćiri. 28 Neri a Melki aqa Ćiri. Melki a Adi aqa Ćiri. Adi a Kosam aqa Ćiri. Kosam a Elmadam aqa Ćiri. Elmadam a Er aqa Ćiri. 29 Er a Josua aqa Ćiri. Josua a Elieser aqa Ćiri. Elieser a Jorim aqa Ćiri. Jorim a Matat aqa Ćiri. Matat a Livai aqa Ćiri. 30 Livai a Simeon aqa Ćiri. Simeon a Juda aqa Ćiri. Juda a Josep aqa Ćiri. Josep a Jonam aqa Ćiri. Jonam a Eliakim aqa Ćiri. 31 Eliakim a Melea aqa Ćiri. Melea a Mena aqa Ćiri. Mena a Matata aqa Ćiri. Matata a Natan aqa Ćiri. Natan a Devit aqa Ćiri. 32 Devit a Jesi aqa Ćiri. Jesi a Obet aqa Ćiri. Obet a Boas aqa Ćiri. Boas a Salmon aqa Ćiri. Salmon a Nason aqa Ćiri. 33 Nason a Aminadap aqa Ćiri. Aminadap a Atmin aqa Ćiri. Atmin a Arni aqa Ćiri. Arni a Hesron aqa Ćiri. Hesron a Peres aqa Ćiri. Peres a Juda aqa Ćiri. 34 Juda a Jekop aqa Ćiri. Jekop a Aisak aqa Ćiri. Aisak a Abraham aqa Ćiri. Abraham a Tera aqa Ćiri. Tera a Nahor aqa Ćiri. 35 Nahor a Seruk aqa Ćiri. Seruk a Reu aqa Ćiri. Reu a Pelek aqa Ćiri. Pelek a Eber aqa Ćiri. Eber a Sela aqa Ćiri. 36 Sela a Kainan aqa Ćiri. Kainan a Arpaksat aqa Ćiri. Arpaksat a Siem aqa Ćiri. Siem a Noa aqa Ćiri. Noa a Lamek aqa Ćiri. 37 Lamek a Metusela aqa Ćiri. Metusela a Enok aqa Ćiri. Enok a Jaret aqa Ćiri. Jaret a Mahalalel aqa Ćiri. Mahalalel a Kenan aqa Ćiri. 38 Kenan a Enos aqa Ćiri. Enos a Set aqa Ćiri. Set a Adam aqa Ćiri. Adam a Qotei aqa Ćiri.