Luk 15
PNG1 Bati bei takis o qaji tamo naĆgi ti une tamo naĆgi ti kalil Yesus aqa anjam quqwa marsibqa aqa areq bosib koroeb. 2 Koroonabqa Farisi naĆgi ti dal anjam qalie tamo naĆgi ti Yesus yomuiyosib mareb, “Yesus a une tamo naĆgi joqoqnsiqa koba na iĆgi uyeqnub." 3 Degsib marnabqa Yesus a naĆgo anjam di qusiqa yawo anjam endegsi minjrej, 4 “Tamo bei aqa kaja 100 naĆgi ñiĆ uyoqnibqa qujai bei alelamqa a na kaja 99 naĆgi uratnjrsim qujai alelqo qaji di Ćamosim gilsim itqas. 5 Itosim areboleboleiyim soqtosim qoboiyqas. 6 Qoboiyosim aisim aqa qureq di brantosim aqa was naĆgi ti aqa qure qujai naĆgi ti kalil koroinjrsimqa minjrqas, ‘NiĆgi uniy. Ijo kaja alelqo qaji agi olo itonum! Deqa niĆgi e ombla areboleboleigim sqom!’" 7 Osiqa Yesus a olo marej, “Dego kere une tamo qujai a are bulyqas di laĆ goge dia naĆgi a qa tulaĆ areboleboleinjrqas. Tamo 99 naĆgi mareqnub, ‘Iga tamo bole une saiqoji. Deqa iga are bulyqasai.’ NaĆgi qa laĆ goge dia naĆgi areboleboleinjrqasai. Ariya une tamo qujai a are bulyqas di naĆgi a qa tulaĆ areboleboleinjrqas." 8 Osiqa Yesus a olo marej, “UĆa bei aqa meniĆ silali 10 soqnimqa meniĆ silali qujai loumimqa a waĆal qatrentosim aqa talq di maĆ solsim Ćamosim itqas. 9 Itosim gilsim aqa was naĆgi ti aqa qure qujai naĆgi ti kalil koroinjrsimqa minjrqas, ‘Ijo meniĆ silali qujai loumqo qaji agi olo itonum! Deqa niĆgi e ombla areboleboleigim sqom!’" 10 Osiqa Yesus a olo marej, “Dego kere une tamo qujai a are bulyqas di Qotei aqa laĆ aĆgro naĆgi a qa tulaĆ areboleboleinjrqas." 11 Osiqa Yesus a olo marej, “Tamo bei aqa Ćiri aiyel soqneb. 12 Bati bei Ćiri yala na aqa abu minjej, ‘O Abu, ni ino ñoro kalil ambleq na potosim taqal bei e ebe.’ Degsi minjnaqa abu na aqa ñoro ambleq na potosiqa taqal bei aqa Ćiri yala yej. Taqal bei aqa Ćiri koba yej. 13 Onaqa bati bei Ćiri yala na aqa ñoro kalil qariĆyosiqa silali osiq tigelosiqa sawa beiq gilej. Gilsiq dia diqosi laqnsiqa aqa silali kalil uyekritej. 14 Onaqa sawa dia mam koba aiyej deqa Ćiri yala a iĆgi tulaĆ saiiyej. 15 Deqa a sawa deqaji tamo bei aqaq gilnaqa minjej, ‘Ni ijo bel taqatnjroqnsim iĆgi anainjroqne.’ 16 Onaqa a bel naĆgi taqatnjroqnsiqa iĆgi anainjroqnej. Osiqa are qaloqnej, ‘E mam koba unum. Deqa e endegyqai. Bel naĆgi iĆgi oto uratoqnibqa di oqnsiy uyoqnitqa dena e kereoqnqas.’ A degsi are qalsiq soqnej. Di kiyaqa? Tamo bei na iĆgi anaiyosaioqnej deqa. 17 “Osiqa olo are qalej, ‘E kumbra grotonum deqa e mam na moiqa laqnum. Ijo abu aqa wau tamo naĆgi iĆgi koba uyeqnub. E segi qujai mam na moiqa laqnum. 18 Deqa e olo puluosiy ijo abu aqaq aisiy minjqai, “O Abu, e Qotei aqa Ćamgalaq di une kobaquja atonum. Ino Ćamgalaq di dego e une kobaquja atonum. 19 Deqa e ino aĆgro sqa keresai. Deqa ni marimqa e ino wau tamo sosiy ni wauetmoqnqai.” ‘ 20 Degsi are qalsiqa tigelosiq aqa abu aqaq olo aiyej. “Aiyeqnaqa aqa abu Ćam atsiqa isaq di unsiq a qa tulaĆ dulosiqa urur ti gilsiq a soqoĆyosiqa qalaqalaiyoqnsiqa kundoqyoqnej. 21 Onaqa minjej, ‘O Abu, e Qotei aqa Ćamgalaq di une kobaquja atonum. Ino Ćamgalaq di dego e une kobaquja atonum. Deqa e ino aĆgro sqa keresai.’ 22 Degsi minjnaqa aqa abu na aqa kaĆgal tamo qudei naĆgi minjrej, ‘NiĆgi urur ti gilsib gara jugo tulaĆ boledamu olekoba di osi bosib jigetiy. BaĆriĆ dego osi bosib aqa baĆ duq di jigetiy. SiĆga tatal dego osib aqa siĆgaq di jigeleĆetiy. 23 Makau meli bunuj didiqo di qalsib goiyiy. Goisib osib babqa iga koba na uysim areboleboleigim sqom. 24 Iga degyqom. Di kiyaqa? Ijo aĆgro yala a moiyobulosiq olo Ćambile sosiq bqo deqa. A loumej agi gagoq di olo brantqo.’ Degsi minjrnaqa naĆgi aqa anjam kalil di dauryosib makau goisib koba na awoosib areboleboleinjrnaq soqneb. 25 “Ariya Ćiri koba a wauq di sosiq dena puluosi bosiq tal jojomyosiqa naĆgi areboleboleinjreqnaq lou tueqnab qusiqa kaĆgal aĆgro bei metonaq aqa areq bonaqa nenemyej, ‘NaĆgi kiyaqa lou tueqnub?’ 27 Degsi nenemyonaqa kaĆgal aĆgro dena minjej, ‘Ino was yala a olo bqo. Deqa ino abu na makau meli bunuj didiqo di qalqo naĆgi uyoqnsib areboleboleinjreqnaq lou tueqnub. Aqa aĆgro a bole sosiq olo brantqo deqa lou tueqnub.’ 28 Degsi minjnaq qusiqa ĆiriĆosiq qudalej. Osiqa tal miligiq gilqa uratej. Deqa aqa abu a talq dena oqedosiqa minjej, ‘O ijo aĆgro, ni tal miligiq au. Bamqa iga koba na awoosim iĆgi uysim areboleboleigim sqom.’ 29 Onaqa Ćiri koba a na kamba aqa abu minjej, ‘O Abu, ni que. E wausau gargekoba ino anjam dauryosim ni wauetmoqnem. E ino anjam bei gotraĆyosaioqnem. Ni deqa e qa are qalsim kaja du bei qalsim goiyosaieqnum. E ijo kadoi naĆgi ti koba na areboleboleigosaieqnu. 30 Ariya ino aĆgro yala a na ino ñoro osiqa gam qaji uĆa naĆgi ombla sambalaoqnsiq silali kalil uyekritej. Osiq olo bqoqa ni a qa tulaĆ areboleboleimqoqa makau meli bunuj didiqo di agi qaletonum.’ 31 “Degsi minjnaqa aqa abu na kamba minjej, ‘O ijo aĆgro, ni gaigai e ombla unum. Ijo iĆgi iĆgi kalil di ino dego. 32 Ariya bini iga maruro atsimqa areboleboleigeqnu. Di kiyaqa? Ino was a moiyobulosiq olo Ćambile sosiq bqo. A loumej agi gagoq di olo brantqo.’"