Luk 14

PNG

‹ Chapter 13 Luk — All Chapters Chapter 15 ›

1 Yori bati bei Yesus a Farisi gate bei aqa talq gilsiqa a ombla i�gi uyoqneb. I�gi uyeqnabqa tamo qudei tal dia soqneb qaji na�gi Yesus koqyoqneb. 2 Yesus aqa areq di tamo bei jejamu su�yele�ej qaji a awesoqnej. 3 Deqa Yesus na tamo di unsiqa dal anjam qalie tamo na�gi ti Farisi na�gi ti endegsi nenemnjrej, “Ni�gi mariy. Yori bati qa tamo boletqajqa di kere kiyo? Dal anjam a kiyersi marqo?" 4 Onaqa na�gi na kamba anjam bei Yesus minjosai. Na�gi mequmesoqneb. Deqa Yesus na tamo di aqa jejamu ojsiqa aqa ma boletej. Osiqa qari�yonaq gilej. 5 Onaqa Yesus na Farisi na�gi olo nenemnjrej, “Nu�go a�gro kiyo nu�go makau kiyo yori bati qa ulo�osim subq aiyimqa ni�gi na aqaryaiyosib subq dena osib goge atqab e? Ni�gi na merbiy." 6 Onaqa na�gi na kamba olo anjam bei Yesus minjqa yonab keresaiinjrej. 7 Bati deqa Yesus a �am atej di tamo qudei na�gi i�gi uyo qa marsib talq bosib tamo ñam ti na�go awo jaramq di awoosib i�gi uyeqnab unjrej. Deqa a na na�gi yawo anjam endegsi minjrej, 8 “Tamo bei na maruro atsim ni metmimqa ni tamo ñam ti na�go awo jaramq di namo awoaim. Ni tamo ñam ti na�go awo jaramq di awoqam di goiyo lanja na tamo ñam ti bei metim bam ni mermqas, ‘Ni awo jaram di uratosim tamo endi yim awoqas.’ Yim ni jemaimim tamo la�aj na�go awo jaramq di awoqam. 10 Deqa tamo bei na maruro atsim metmimqa ni tamo la�aj na�go awo jaramq di awo. Yimqa goiyo lanja na bosim mermqas, ‘O was, ni bosim tamo ñam ti na�go awo jaramq endi awo.’ Yim tamo kalil i�gi uyeqnub qaji na�go �amgalaq di ni ñam ti sqam. 11 Tamo kalil na�go segi ñam soqteqnub qaji na�gi Qotei na olo ñam aguq atetnjrqas. Ariya tamo na�go segi ñam aguq ateqnub qaji na�gi Qotei na olo ñam soqtetnjrqas." 12 Osiqa Yesus na goiyo lanja minjej, “Ni maruro atsimqa ino segi was na�gi ti ino segi kadoi na�gi ti tamo u�gasari ñoro koba ejunub qaji na�gi ti metnjraim. Ni degyqam di ni endegsi are qalqam, ‘Na�gi na kamba maruro atsib e metbib gilit i�gi anaibqab.’ 13 Ni degyaim. Ni maruro atsimqa tamo ñoro saiqoji na�gi ti tamo jejamu lainjro qaji na�gi ti tamo si�ga uge na�gi ti tamo �am qandimo na�gi ti metnjrim bab i�gi anainjre. 14 Amqa ni tula� areboleboleimqas. Di kiyaqa? Na�gi ni kamba i�gi anaimqa keresai. Deqa mondo� tamo bole bole na�gi olo subq na tigelo batiamqa Qotei na kamba awai tula� boledamu ni emqas." 15 Yesus a anjam degsi marnaqa tamo bei Yesus ombla awoosib i�gi uyoqneb qaji a qusiqa minjej, “Mondo� Qotei na aqa segi tamo u�gasari na�gi taqatnjrsim na�go Mandor Koba sqas. Sosimqa a na na�gi i�gi anainjrim awoosib koba na i�gi uyoqnqab. Deqa na�gi tula� areboleboleinjrim sqab." 16 Onaqa Yesus na kamba yawo anjam bei endegsi minjej, “Tamo bei a maruro atqa osiqa tamo gargekoba na�gi aqa maruro unqa metnjrej. 17 Aqa maruro bati brantonaqa a na aqa ka�gal tamo bei qari�yonaq gilsiqa tamo na�gi di minjrej, ‘Ni�gi boiy. I�gi i�gi kalil gereiyosib atonub unu.’ 18 Degsi minjrnaqa na�gi kalil bqa urateb. Osib minjoqneb, ‘Iga bqa keresai.’ Bei na minjej, ‘E mandam bunuj awaiyonum. Di unqajqa aiqai. Deqa ni goiyo lanja minje, “E bqa keresai.” ‘ 19 Bei na minjej, ‘E makau bunuj 10 awaiyem. Deqa bini e na�gi wau enjrqai. Deqa ni goiyo lanja minje, “E bqa keresai.” ‘ 20 Bei na minjej, ‘E bini u�a bunuj onum. Deqa e dego bqa keresai.’ 21 “Onaqa ka�gal tamo a olo puluosiq aisiq anjam kalil na�gi na minjeb qaji di aqa tamo koba minjnaqa a minji� oqetonaqa olo qari�yosiqa minjej, ‘Ni urur gilsimqa gam kokbaq di gam kiñilalaq di tamo i�gi i�gi saiqoji na�gi ti tamo jejamu lainjro qaji na�gi ti tamo �am qandimnjro qaji na�gi ti tamo si�ga ugeinjro qaji na�gi ti itnjrsimqa joqsim ijo talq boiy.’ 22 Onaqa ka�gal tamo a olo gilsiqa tamo na�gi di kalil joqsi bosiqa aqa tamo koba minjej, ‘O Tamo Koba, e ino anjam dauryosim agi na�gi kalil joqsi bonum. Ariya ino tal tamo na maqosai unu.’ 23 “Onaqa goiyo lanja na olo aqa ka�gal tamo qari�yosiqa minjej, ‘Ni gilsim gam kalilq dena ti nañuq dena ti tamo na�gi joqsim boiy. Na�gi kalil babqa ijo tal magwas. 24 E ni mermqai. Tamo na�gi e nami metnjronum bqa uratonub qaji na�gi ijo maruro unqasai.’" 25 Yesus a dena tigelosiqa walwelosiq aiyeqnaqa tamo u�gasari tula� gargekoba na�gi a dauryosib aiyoqneb. Deqa a bulosiqa na�gi endegsi minjrej, 26 “Tamo bei a e daurbqa osimqa aqa abu, aqa ai, aqa �au�, aqa a�gro na�gi, aqa was na�gi, aqa jaja na�gi, aqa segi jejamu dego jeutnjrqasai di a ijo a�gro sqa keresai. 27 Tamo bei na aqa segi �amburbas qoboiyosim e daurbqasai di a ijo a�gro sqa keresai." 28 Osiqa na�gi endegsi minjrej, “Tamo bei a tal atqa osimqa a mati awoosim tal kobotqajqa aqa awai geregere are qalsim aqa silali sisiyqas. Aqa silali kereqas kiyo sai kiyo degsi are qalqas. 29 A mati degsi are qalqasai di a tal aqa utru atsim bati amble di aqa silali saiamqa tal kobotqa keresaiiyimqa tamo na�gi unsib a kikiyosib minjqab, ‘Ni tal aqa utru atem di ni kobotqa keresai.’ Yim a jemaiyqas. 31 “Mandor bei na mandor bei qoto itqa marsimqa a mati awoosim geregere endegsi are qalqas, ‘Ijo qaja tamo 10 tausen na�gi na mandor di aqa qaja tamo 20 tausen na�gi ñumsib winjrqa kere kiyo?’ 32 A degsi are qalsim marqas, ‘E na mandor di qoto bu�yqa keresai.’ Degsi marsimqa aqa wau tamo qudei na�gi qari�njrim gilsib mandor di minjqab, ‘U�gum, iga qotqa uratonum.’ 33 “Dego kere tamo bei na e daurbqa osimqa a mati aqa segi i�gi i�gi kalil uratqasai di a ijo a�gro sqa keresai." 34 Osiqa Yesus a olo marej, “Bar a bole. I�giq di bar atoqnib aqa uyo boledamuqas. Ariya bar aqa qajarara koboqas di i�gi kiye na olo qajararatqas? Di keresai. 35 Bar aqa qajarara koboqas di a ugeqas. Iga bar di mandam ti bulyonamqa mandam namuryqa keresai. Deqa iga bar di uratosim waiyqom. Tamo a dabkala ti sqas di a ijo anjam endi geregere quem."

‹ Chapter 13 Luk — All Chapters Chapter 15 ›

Luk 14

Cite / Share This Page