Aposel 24

1 Bati 5 koboonaqa atra tamo gate Ananaias a ti Juda gate qudei ti naÅgo anjam taqyo tamo bei aqa ñam Tertulus a ti Sisaria qureq gileb. Gilsib Feliks aqa ulatamuq di tigelosibqa Pol aqa jejamuq di une qametoqneb. 2 Onaqa Feliks na Pol metonaq warum miligiq bosiqa aqa ulatamuq di tigelesonaqa Tertulus a Pol aqa jejamuq di une qametqa osiqa Feliks minjej, “O Gate Koba Feliks, ni gago sawa endi geregere taqateqnum deqa bini iga bole unum. Iga qoto saiqoji. Ni iga geregere aqaryaigoqnsimqa gago gulbe kalil kobotetgeqnum. 3 Deqa iga ni qa tulaÅ areboleboleigeqnaqa ino ñam soqteqnum. 4 “E anjam olekoba ni mermqasai. Ni asgimo uge. Deqa ni gago anjam truquyala endi que. 5 Iga tamo endi uneqnum, a tamo uge. A kumbra uge uge yoqnsiqa Juda tamo uÅgasari sawa sawa kalilq di unub qaji naÅgo ambleq di qoto tigelteqnu. Osiqa naÅgi pupoinjroqnsiqa minjreqnu, ‘NiÅgi gago Juda kumbra uratosib olo Nasaret tamo a dauryiy.’ 6 A na gago atra tal dego ugeteqnu. Deqa iga a ojsim gago segi dal anjam na aqa une qa pegiyqa laqnamqa qaja tamo naÅgo gate koba Lisias a bosiqa gago anjam gentosiqa gago baÅq dena Pol siÅgila na yaigej. 8 Yaigosiqa mergej, ‘NiÅgi Pol qa anjam bei soqnimqa gilsib Rom naÅgo gate Feliks aqa ulatamuq di mariy.’ Deqa iga bosim ino ulatamuq endi Pol aqa une agi mermonum. Deqa Gate Koba Feliks, ni segi na Pol nenemyimqa une kalil iga aqa jejamuq di qameqnum qaji di bole kiyo sai kiyo di a segi na mermimqa ni quqwam.” Tertulus a anjam degsiqa Feliks minjej. 9 Onaqa Juda tamo kalil naÅgi tigelosib Tertulus aqa anjam di siÅgilatosib mareb, “Aqa anjam di bole." 10 Onaqa Feliks a Pol aqa anjam quqwajqa osiq aqa baÅ soqtosiq Pol metonaqa a kamba tigelosiqa Feliks minjej, “E qalieonum, ni wausau gargekoba sawa endi taqatesoqnem agi bini taqatejunum. Deqa e kamba ijo anjam mermqai. 11 Ya ya endi e Qotei louqajqa Jerusalem aiyem. E aiyem bati 12 gilqo. Ni segi na Juda naÅgi nenemnjrimqa degsib mermqab. 12 E Jerusalem aisim di sosimqa e anjam na qotosaioqnem. Qoto tigeltosaioqnem dego. E qoto bei tigelteqnam Juda naÅgi e nubosai. E atra talq di, Juda naÅgo Qotei talq di, qure ambleq di dego lawo na soqnem. E kumbra uge bei yosaioqnem. 13 Deqa une kalil Juda naÅgi ijo jejamuq di qameqnub qaji di bolesai. NaÅgi ijo une bei ubtosib marqa keresai. 14 “Ijo une qujai agiende. E Yesus aqa gam dauryeqnum. Juda naÅgi endegsib mareqnub, ‘Yesus aqa gam bunuj dena tamo uÅgasari naÅgi poeleÅeqnub.’ O Gate Feliks, gam di qujai e dauryoqnsimqa gago moma naÅgo Qotei qa loueqnum. Osim Moses aqa dal anjam kalil qa ti Qotei aqa medabu o tamo naÅgo anjam kalil nami neÅgreÅyoqneb qaji deqa ti ijo areqalo siÅgilateqnum. 15 MondoÅ Qotei na tamo bole ti tamo uge ti naÅgi olo subq na tigeltnjrqas. Qotei qujai deqa e ijo areqalo siÅgilatoqnsim subq na tigelo bati qa tariÅoqnsim unum. Juda naÅgi dego degyeqnub. 16 E subq na tigelo bati qa tariÅeqnum deqa e bati gaigai Qotei aqa Åamgalaq di, tamo uÅgasari kalil naÅgo Åamgalaq di kumbra bole bole yoqnsim laqnum. Deqa e are gulbe saiqoji unum. 17 “E sawa bei beiq di Qotei aqa wau yoqnsim wausau qudei koboonaqa agi ya ya endi e Jerusalem aiyem. E silali qudei osi aisim Juda Kristen naÅgi mam soqneb deqa enjrem. Silali qudei dego osim Qotei atraiyem. 18 Bati deqa e atra tal miligiq gilsim dia une kobotqajqa kumbra Moses a nami marej qaji di dauryosim yeqnamqa Juda naÅgi na e nubeb. E tamo uÅgasari gargekoba joqsim atra tal miligiq gilosai. Osim qoto bei tigeltosai dego. 19 Ariya Juda tamo qudei Esia sawaq dena Jerusalem aiyeb qaji naÅgi na e ojeb. Deqa tamo naÅgi di e qa anjam bei soqnimqa bosib ino ulatamuq endi tigelosib ijo une marqab. 20 NaÅgi bqasai di ni na Juda tamo agi endia tigelejunub qaji naÅgi nenemnjre. Nenemnjrimqa e Jerusalem dia Juda tamo kokba naÅgo ulatamuq di tigelesonam une kiye ijo jejamuq di iteb di ni mermqab. 21 Bole, ijo anjam qujai endeqa naÅgi na ijo jejamuq di une qametbeb. E naÅgo ulatamuq di tigelosim leleÅosim endegsi minjrem, ‘Tamo kalil moreÅo qaji naÅgi mondoÅ olo subq na tigelqab. Anjam deqa qujai niÅgi na e tigeltbonub.’” Pol a Feliks degsi minjej. 22 Feliks a nami tamo uÅgasari Yesus aqa gam dauryoqneb qaji naÅgo kumbra qalieej. Deqa a na Juda naÅgi endegsi minjrej, “NuÅgo anjam di mati soqnem. Qaja tamo naÅgo gate koba Lisias a bamqa niÅgi olo anjam di maribqa e qusiy gereiyqai." 23 Osiqa qaja tamo gate bei minjej, “Ni na Pol osim tonto talq di waiyosim taqatesoqne. A gulbe bei yaim. Aqa was naÅgi a unqa bosib iÅgi iÅgi qa aqaryaiyqa maroqnibqa ni na saidnjraim." 24 Bati qudei koboonaqa Feliks aqa ÅauÅ Drusila wo tonto talq di brantosibqa Feliks na Pol metonaq aqa areq bej. Drusila a Juda uÅa. Pol a bosiqa tamo naÅgi Kristus Yesus qa naÅgo areqalo siÅgilatqajqa kumbra qa Feliks minjnaq quej. 25 Kumbra bole tiÅtiÅ dauryqajqa ti tamo naÅgo segi segi so geregere taqatqajqa ti Qotei na mondoÅ tamo naÅgo une qa peginjrqajqa ti Pol na Feliks minjnaq quej. Qusiqa ulaosiq Pol minjej, “Ni mati aisim ino warumq di soqne. Bunuqna e bati atsiy ni metmit bosim anjam di olo plaltim e quqwai." 26 Feliks a bati gargekoba Pol aqa anjam quqwajqa metoqnej. Aqa anjam quqwajqa deqa segi metosaioqnej. A endegsi are qaloqnej, “E Pol metit a bosim silali ebimqa e tonto talq dena a uratqajqa deqa kiyo merbqas?” Osiq deqa metoqnej. 27 Wausau aiyel koboonaqa Feliks a Judia sawa taqato wau di uratonaqa tamo bei aqa ñam Porsius Festus a kamba Feliks aqa wau osiqa Judia sawa taqatesoqnej. Feliks na Juda naÅgo are boletetnjrqajqa deqa a Pol tonto talq di uratonaq soqnej.