Aposel 25

1 Festus a Judia sawaq aisiq Sisaria qureq di soqnej. Bati qalub koboonaqa a dena tigelosiqa Jerusalem aiyej. 2 Aisiq di sonaqa atra tamo kokba ti Juda tamo kokba ti naÅgi bosib Festus aqa ulatamuq di tigelosib Pol aqa jejamuq di olo une qamoqneb. Osib Festus minjeb, “Ni anjam qariÅyim qaja tamo naÅgi Sisaria qureq dena Pol osib Jerusalem osi beb. Osbab gago are boleqas.” NaÅgi degsib Festus minjeb. Di kiyaqa? NaÅgi nami anjam endegsib qoseb, “Qaja tamo naÅgi Pol osi boqnibqa gamq di iga Pol qalsim moiyotqom." 4 Onaqa Festus na kamba minjrej, “Pol a Sisaria dia tonto talq di unu. Bati qudei koboamqa e segi olo Sisaria gilqai. 5 Deqa niÅgi Pol qa anjam bei soqnimqa niÅgi na tamo ñam ti qudei giltnjrib naÅgi e daurbosib koba na Sisaria gilqom. Gilsim dia naÅgi ijo ulatamuq di tigelosib Pol aqa une bei ubtosib merbib e quqwai." 6 Festus a bati 8 o 10 Jerusalem di sosiqa olo puluosiq Sisaria gilej. Juda tamo qudei naÅgi a dauryosib gileb. Nebeonaqa Festus a aqa awo jaram kobaq di awoosiqa aqa qaja tamo naÅgi minjrej, “NiÅgi Pol osi boiy.” Minjrnaqa naÅgi na Pol osi bosib Festus aqa ulatamuq di tigelteb. 7 Onaqa Juda tamo Festus dauryosib Jerusalem dena beb qaji naÅgi Pol kalilyosib Festus aqa ulatamuq di tigelosib une gargekoba Pol aqa jejamuq di qameleÅoqneb. NaÅgo anjam di utru saiqoji. 8 Onaqa Pol a kamba marej, “E Juda gago dal anjam bei gotraÅyosaioqnem. E gago atra tal qa anjam uge bei marosaioqnem. E Rom naÅgo mandor koba Sisar a dego kumbra uge bei yosaioqnem. Deqa e une saiqoji." 9 Pol a degsi marnaqa Festus a Juda naÅgo are boletetnjrqajqa deqa Pol endegsi nenemyej, “Ni Jerusalem aisim dia ijo ulatamuq di tigelosim ino anjam olo marqa kere e?" 10 Onaqa Pol na minjej, “E bini Sisar aqa awo jaram namoq endi tigelejunum. Endia ijo anjam marqai. Ni qalie, e Juda naÅgi qa une bei yosai. 11 Une kobaquja bei ijo jejamuq di soqnimqa uÅgum e moiqai. Ariya une kalil Juda naÅgi ijo jejamuq di qameqnub qaji di bolesaiamqa tamo bei na e laÅa osim naÅgo baÅq di atqa keresai. Deqa e Sisar aqa ulatamuq di tigelitqa a ijo anjam qusim gereiyetbqas." 12 Pol na Festus degsi minjnaqa a warumq dena oqedosiqa Rom tamo kokba qudei naÅgi koba na anjam qairosib olo warum miligiq gilsiqa Pol minjej, “Ni Sisar aqa ulatamuq di tigelqa maronum deqa e ni qariÅmitqa Sisar aqaq gilqam." 13 Onaqa bati qudei koboonaqa Rom naÅgo mandor bei aqa ñam Agripa aqa jaja Bernaisi wo Festus unqajqa marsib Sisaria aiyeb. 14 Aisib bati gargekoba yala Sisaria di sonabqa Festus na Agripa minjej, “Tamo bei aqa ñam Pol a nami Feliks na tonto talq di waiyej unu. 15 Deqa e Jerusalem di sonamqa Juda gate naÅgi ti atra tamo kokba ti naÅgi na Pol aqa jejamuq di une qamsib endegsib merbeb, ‘Ni Pol aqa une qa marsim ojsim ino qaja tamo naÅgo baÅq di atimqa naÅgi na qalib moiyem.’ 16 Onaqa e na kamba endegsi minjrem, ‘Iga tamo bei laÅa ojsim qaja tamo naÅgo baÅq di atqa keresai. Rom gago kumbra degsi sosai. Tamo qudei naÅgi tamo bei qa anjam soqnimqa naÅgi mati aqa une ubtib qusimqa a kamba aqa anjam marqas di kere.’ 17 “E na Juda naÅgi degsi minjrnamqa naÅgi e daurbosib Sisaria beb. E tariÅosai. Nebeonaqa naÅgi koroesonabqa e ijo awo jaramq di awoosim ijo qaja tamo naÅgi minjrnamqa naÅgi Pol osi bosib ijo ulatamuq di tigelteb. 18 Onaqa Juda naÅgi tigelosib Pol aqa jejamuq di une gargekoba qameleÅoqneb. E nami are qalem, naÅgi une kokba Pol aqa jejamuq di qamqab. NaÅgi degyosai. 19 NaÅgi naÅgo segi louqa kumbra qa ÅiriÅoqnsib Pol ombla anjam titoqneb. Osib tamo bei qa dego anjam titoqneb. Pol a maroqnej, ‘Tamo di a moiyej olo Åambile unu. Aqa ñam Yesus.’ 20 Onaqa e naÅgo anjam deqa utru itqa yonam keresaiibonaqa Pol nenemyem, ‘Ni Jerusalem aisim dia ijo ulatamuq di tigelosim ino anjam olo marqa kere e?’ 21 E degsi Pol nenemyonamqa a saidosiq merbej, ‘E mati tonto talq endi sqai. Sosiy bunuqna e Mandor Koba Sisar aqa ulatamuq di tigelitqa a ijo anjam qusim gereiyetbqas.’ Pol na e degsi merbonaqa e ijo qaja tamo naÅgi minjrem, ‘NiÅgi Pol osib tonto talq di waiyosib taqatesoqniy. Bunuqna e Pol qariÅyitqa Sisar aqaq gilqas.’" 22 Festus a Agripa degsi minjnaqa Agripa na minjej, “E dego Pol aqa anjam quqwai.” Onaqa Festus na minjej, “Nebe ni aqa anjam quqwam." 23 Nebeonaqa Agripa Bernaisi wo gara wala boledamu jigsib koro sawaq beb. Qaja tamo naÅgo gate kokba ti tamo ñam ti kalil naÅgi dego bosib koro sawaq di koroeb. Onaqa Festus na aqa qaja tamo naÅgi minjrnaqa naÅgi Pol osi bosib Agripa aqa ulatamuq di tigelteb. 24 Tigeltonab Festus na Agripa minjej, “O Mandor Agripa, Pol agi osi bonub. Ni unime. NiÅgi koroonub qaji dego Pol uniy. E Jerusalem di sonamqa Juda kalil naÅgi murqumyoqnsib endegsib merboqneb, ‘Pol a moiyem. A olo mandamq endi saiq.’ NaÅgi bosib Sisaria endia dego anjam degsib merboqneb. 25 E Pol aqa jejamuq di une kobaquja bei unosai deqa e a laÅa moiyotqa keresai. Ariya Pol na merbej, ‘E Mandor Koba Sisar aqa ulatamuq di tigelitqa a ijo anjam qusim gereiyetbqas.’ Onaqa e na Pol minjem, ‘Di kere. E ni qariÅmitqa Rom gilqam.’ 26 O Mandor Agripa, e Pol aqa jejamuq di une bei unosai. Deqa e a qa anjam kiye neÅgreÅyit gago Tamo Koba Sisar aqaq gilqas? LaÅa qariÅyqai di Sisar a ÅiriÅqas. Deqa e Pol osi bosim ino ulatamuq endi tigeltonum. Ni segi na Pol nenemyimqa aqa une bei babtim niÅgi kalil qusib merbibqa une deqa neÅgreÅyit Sisar aqaq gilqas. 27 E are qalonum, tamo a une saiqoji soqnimqa e laÅa qariÅyit Sisar aqaq gilqas di kumbra bolesai."