Toho Wojo Honajo Hungkuno 18
PNG1 Oso hohosohonta uhwonɨmentoheso aêamu ahwomomjo nomêne sohwo kako ahwomomo ulɨkoêmanto pmmentisofoho. Kakoe yokumpohnênyo engoênji noponto kako olo hwaho lopo pomponaho engo hopa lahumentisofoho. 2 Kako mango engoênji ole lɨmento, Pone engo Mpapilounɨso weêenepi nɨhuênahone wopɨwahuêmontonoho. Olohonta Setenɨye angoso nɨhuênahone wonyo umoênɨmontonoho. Olohonta kakoe towahuno wonyo sohwanji hofɨko osopo humalofo. Yoêmayo wonyo pisakinoênjo kihoênjo nakwo nakwolaho lɨwoênɨngkuhwone osomo humalofo. 3 Hwapɨngoso aêamu oso hopo sopo humamotofoso hofɨko honɨngkano wonyomo aêamu piênɨngo engo hwaho ayo yawojoêmtaêango somo kompemotawowoênɨngkohofofoho. Hwe engo hwaho mokosyohumayo huhwo sohwanji oso honɨngkano wonyo homo somo inɨngkamentohofofoho. Aêamu hwaho engo mtaêango hamniyoho syoho iwoênɨngkohofoso hofɨko oso ango ponjo aêamu somtaêni hamniyoho mɨkunɨmposo tɨpemaêmentohofofoho. Hwapɨngoso oso angoponjo aêamu hofɨko hamniyoho engoênjo nohumantɨfi yoêmayo hoêyango soêno hi umoênɨmentisofoho. 4 Ose lahonɨngki mampaho nomêne ahwomo mtaêni ole hoênɨmento, Nje hwe moyaêmi soku sekwo osopo nulɨkoêmafɨkuji olo mempo lohohntaêni fusyolɨkofaopmno. U sekwo hofɨkoênji honɨngkano wonyo jwoênɨlohopitnnoho. Oso hisoêno sekwo tohino mapitnnoho. 5 Hofɨkoe wonyo engoso aêamu huêmeehumosontɨfi ahwomomo sɨêmofɨhwonesohilo. Oseso hofɨkoe wonyo soêno Anɨtu kako inɨngo mamofonehoho. 6 Hofɨko Anɨtuye aêamu somo wonyo ulohoêmentohofo hopaso Anɨtu hofɨkoe wonyo somneêno tohino engo uyɨmontonoho. I Anɨtu oso wonyo ulohoêmentohofo soêno kako aku ikwesaloku ulohofonefoho. 7 Oso aêmusi kako kakoe yofe hoênomaênonto kakoe huno yoêmayo umo lonte somo inɨngkamojofoho. Kako oso wonyo imojo soêno Anɨtu kako aku tohino uyɨmontonoho. Aku tohino afapo uyonefoho. Oso tohino uhwosoêno kako humotaho engo walono. Kakoe sɨmeho moêmo ole nto hnnɨmento, Ngko ape yofe engoênjɨênyoho. Ngko aêamu somo yokumpohnênyo mokosyohumaleno. Ngko aêmoyawoso paênyoênɨêmaho. Osoêno yoêmayo tangoso monɨêmanehoho. Oêo, ngko sɨmeho wopɨngoênji neêno humantɨêmnefoho. Osoêno ngko humotaho malɨmnehono. Ose hnnɨmentisofoho. 8 Sɨkuno angaênohino somo kako oso hopa kakoe yofe hoênomaênyo soêno yoêmayo tohino aku uyoso komoêno uêmanefoho. Nakwoe Hwe Engo Anɨtu kakoe yokumpohnênyo hwofiloênnyoênjo sohwo Mpapilounɨye wonyomneêno kako yano ilofɨhwosoêno mijoho engo iêmofapɨhwosi mnokino engo iêmofapɨhwosoêno hwe moyaêmi humotaho lɨfitnnefoho. Osohonta Mpapiloun toho nonefoho. 9 Oso hwe yofe engoênjo hwaho mokosyohumayo sohwanji oso ape wonyosiênji honɨngkano wonyo imofontɨfi yoêmayo yahino wonyo imentohofo sohwa hofɨko oso ango pone engo Mpapiloun soponjo toho engoso nontanɨngkuhwosi uhwonɨfijoso oso hwe engo sohwa tɨkayomo uhwonɨngkuji humotaho hwaho lalɨfehiênɨfitnnefoho. 10 Ape wonyosi kako tohino engo mentanɨngkuhwosi oso hwe engo huhwo sohwa hofɨko iyoho unɨngkuhwosoêno ikanopo lohofɨkuji pisopisaho lɨkuji ole lɨfitnnefoho. U, nakwoe ango Mpapilounneêno hitoho nalokwoho. Kɨko ango engo yokumpohnênyo sohwosi mofehiênyo weêenepi (wan aua) posahonɨngki jɨje tohino aku komoêno mahino. Ose lɨfitnnefoho. 11 Nomêne aêamu hamniyoho syohoênjoso oso tɨkayo somo nuhwonɨngkuji sɨmeho tango uyonefoho. Oso sɨmeho tango uyo hwapɨngoso olenoho. Ole wosyofɨsyantɨfeho, Nakwoe hoêyangoso tɨhwo wonemaêmontolɨkeno. Sɨmeho tango engo uyɨhwosoêno humotaho engo sulɨfitnnefoho. 12 Oso hoêyango engoso olenoho. Yoêmayo wokoso naênohino, nɨkuyoho wonyoangkafoênji, hwapɨfe wopɨngo honɨjwo, halojo, miyoênohino osoênji, iyo akino wopɨngoênjo yoêmayo mtɨêmokumentohofosoênji yahu sɨhwano mtaêni yoêmayo mtɨêmokumentohofo soênji ahwomo yokino, sojo oso mtaêni wokoso wonyoangkafo mtɨêmokumentohofofoho. 13 Hoêyango nomêneso olenoho. Yoêmayo kaênyo, nalofe, tofoyo, yoêmayo akino wopɨngo wopɨngoênjo, hwone mijo aêapahomo ehalohoênyoêne, ipisayo mijo, yahwo-afofoênji wosopayoênji yahuênji yahu aêamu hnênomokomɨwoênɨngkiso osoênji hano emoyoênji oso yoêmayoso hofɨkintaêni aêamu mpe imentohofofoho. Osoênji aêamu yahu mpe yɨwoênɨngkohofo hopaso aêamu fehohnjoso hofɨko nomêne aêamu siki syoho ulohofiyoêne mpe imentohofofoho. 14 Aêamu hamniyoho syohoênjoso ole ulɨfitnnefoho, Yoêmayo hoêyango sekwo hi semoênɨwoênɨngkisoso noselɨkoêmanto nto mtnênaoêmaho. Yoêmayo wosopayo meêwampeênjo yoêmayo wokoso wonyoangkafo soênji sekwoe yofe engo soênji nto mtnênaoêmaho. Ose ulɨfitnnefoho. 15 Oso aêamu hoêyango syohoênjo sohwa oso ango somtaêni hamniyoho engo maêmentohofo sohwa hofɨko oso ango hopo sopo tango engo iêmofopɨhwosoêno iyoho unɨngkuhwosoêno hofɨko ikano nompo ntaêni uhwonɨhwojapɨkuji humotaho engo jongkuso mapitnnefoho. 16 Ole ulɨfitnnefoho, Sekwoe ango engo somneêno hitoho nalokwoho. Hohonta sekwo manjiêmofo, hwapɨfe wopɨngoênohini yontɨfi wokoso naênohino wopɨngo soênji nɨkuyoho, hamniyoho engoênjo soênji inontɨfi wopɨngo humamentohofofoho. 17 I mofehiênyo weêenepi (wan aua) posahonɨngki sekwoe hamniyoho wokoso wopɨngoso yoêmayoso nɨhuênahone imoênamokwoho. Ose ulɨfitnnefoho. Aêamu yofayokino syohoênjo hoêyangoênji yofayokinomo nohnnawe mojɨmotofo sohwa hofɨko kengopo lohofɨkuji 18 tɨkayo ango Mpapiloun ntaêni uhwonɨhwojakuji ole ulɨfitnnefoho. Youwo youwo. Pone engo olo paênyoso nomêne ntɨpolo. Oêo, awonoho. 19 Ose lɨkuji humotaho hwaho ole lalɨfehiênɨfitnnefoho. Youwo youwo. Pone engo hopo sopo nakwo mijo ayopo emoiwoênɨngkuhwone hnênwi osopo ntaêni hamniyoho engo maêmotohwonefoho. Mofehiênyo weêenepi posolohofahonɨngki yoêmayoso nɨhuênahone moiêwo imoênɨmaho. Oso aêamu yofayokino syohoênjo sohwa ose ulɨfitnnefoho. 20 Sekwo aêamu ahwomomjo sohwasi oso pone engo moiêwo imoênyo soêno sekwoe sɨmeho wopɨngo wasemoênono. Sekwo aêamu Anɨtuye sɨkunonji sekwo Anɨtuye hungkuno uyohojɨkuêmofo (apousel) syohoênjo sohwa hnnonji sekwo aêamu Anɨtu hungkuno sejopahonɨngki lɨmotofo sɨkunonji sekwoe sɨmehoso wopɨngo wasemoênono. Oso pone engo sekumo wonyo selohoêmentiso soêno Anɨtu kako oso pone engo sohumo aku tohino uyohoho. 21 Oso hungkuno moiêwo losojwaofahonɨngki aêamu ahwomomjo yokumpohnênyo sohwo kako sojo mɨkunɨmposo nomanto mijo ayomo mehoênaofonto ulɨmento, Oso sojo hoênaofohe hopaso oso pone engo Mpapiloun sopo nomafɨkuji sojo hopa mohmêno nɨhuênahone mehoênaopitnnefoho. Oseso aêamu hofɨko apaêno muhwonɨfitnnefoho. Oseso Mpapiloun nɨhuênahone moiêwo imoênonefoho. 22 Oseso yoêmayo tompuyo hwomeyoka mpompulompuyoênji kounoho yokaênji oso ango sopo ntaêni apaêno mupaênyoênefoho. Aêamu syoho iwoênɨngkohofo sohwamo oso ango sopo aêamu muhwonyoênefoho. Oseso aêamu hofɨko hofɨkoe syoho ikuji mtopmtopiêyoka peeloku lokuêyoka pomɨêyoka apaêno mupaênyoênefoho. Wosopayo fiji fijiêyoka sojo ekawojiyo singki singkiêyoka apaêno mupaênyoênefoho. 23 Oso ango hopo sopo sikiloho apaêno momongkujahufitnnefoho. Hwe moyaêmi ape songo maênɨngkuji sɨmeho wopɨngo inɨngkuji tɨkafo jahonɨngkujoso mupaênɨfitnnehofo. Hohonta sekwoe aêamu hamniyoho syohoênjo sohwa hamniyoho engoênji imoênɨmotofoso hofɨkoe yofe engo hwaho ayo yawojoêmo ihuloêmentisofoho. I olohonta moiêwonoho. Sekwoe peefo soênji kiênyo soênji aêamu piênɨngo engo hwaho ayo yawojoêmo hwasyo honɨngkanomo ipemotapmmentohofofoho. 24 Anɨtu oso pone engo somo uhwonɨmentisoso kakoe aêamu ne somo fonjasyontɨfi aêamu kakoe hungkuno lɨmotofo sohwamo fonjasyontɨfi hofɨkoe honɨyoso osoêmo wentanɨngki uhwonɨmentisofoho. I Anɨtuye aêamu hopiênonohino somo hwaho ayo yawojoêmo aêamu nomêne hofɨkimo poyo umokumentohofo osohwafe honɨyoso osoêmo wentanɨngki Anɨtu uhwonɨmentisofoho. Oso wonyo hwapɨngoso osoho hwafoho.