Toho Wojo Honajo Hungkuno 19
PNG1 Oso hohosohonta ahwomo mtaêni mango engo hoênɨngkahonɨngki ngko huno ole syafɨhuêmentoho, aêamu ahwomomo hopiênonohino humalofoso hungkuno lalokwofo. Ole upaênɨmentoho, Nakwo Anɨtuye yofe engo wohoênomano. Nakwoe Anɨtu sohwo kako nakumo kakoênohini nefoêmawoênɨngkiso hweho. Kakoe yofe engo kako yokumpohnênyo engoênjo hweho. 2 Anɨtu kako aêamufe wonyomneêno yano ilofɨhwajiyoso hopoenohinoho. Oso ape wonyosi hwe moyaêmi piênɨngo engomo honɨngkano wonyomo ipemotamentisofoho. Oso aêmusi kako Anɨtuye syoho ulohofiyo sohwamo fonjahumentisoso osoêno Anɨtu kako oso aêmu simo aku tohino uyɨmentisofoho. 3 Ose lontɨfi apaêno lɨmentohofi, Nakwo nakwoe Anɨtuye yofe wohoênomano. Oso pone Mpapiloun sopontaêango tɨkayoso engolopohamo neêno syonefoho. 4 Hwe engo sɨfe aho hopiênonohino nomêne mtaêni osofosofahuênohino sohwanji oso songo humalofo osofosofahuênohino sohwanji hofɨko Anɨtu kako aêamumo mokosyohumayoêne kakoe epohumayopo humaso sohuneêno hwomtame ehumantɨfi ulɨmentohofi, Ou nehopeho. Nakwo nakwoe Anɨtuye yofe engoso wohoênomano. 5 Ose ulahonɨngkofi Anɨtuye epohumayo sopo ntaêni joho ole hoênɨmento, Sekwo nakwoe Anɨtuye syoho ulohofiyo soku, sekwo Anɨtuye hungkunomo tɨfi inɨngkawoênɨngkohofo soku sekwo aêamu yofe engoênjo soku yofe weêeênjo hopiênono kakoe yofe wohoênomano. Ose hoênɨmentisofoho. 6 Osohonta mampaho engo apaêno hoênɨngkahonɨngki ngko apaêno syafɨhuêmentoho, aêamu piênɨngo engoso ahwomomo humantɨfi lalokwofo. Mampaho hiso mijo sapmpoyo mtaêni mtitoêyoka hopa ahwomo yoka hopaênji hoênɨngkahonɨngki upaênɨmentohefoho. Ole hoênɨmento, Nakwoe Hwe Engo Anɨtu sohwoe yofe wohoênomano. Nakwoe Hwe Engo Anɨtu nemokosyohumayo sohwoe yokumpohnênyoso hwofiloênnyoênjo hweho. Kako nakumo yokumpohnênyo nemokosyohumaho. 7 Oso Hwe nakwoe Wonyoêne Poyo Peênɨmentiso sohwoe sɨkuno kakoe ape womaêmte sɨkunoso mofoneponoho. Oso kakoe apesi kako wokoso hwapɨfe oso yoêmayoso ntoêno esyohumaho. Osoêno nakwo sɨmonyo uyano. Nakwo nakwoe Anɨtu yokumpohnênyo hwofiloênnyo sohuneêno yofe engo wohoênomano. 8 Anɨtu kako oso ape simo manjiêmofo sawemo halojo wonyoangkafo kiho aneso uyahonɨngki kako nto yohoho. Ose hoênɨmentisofoho. Oso manjiêmofo sawemo halojoso Anɨtuye hwe moyaêmife honɨngkano wopɨngo somo uhwonɨmentohefoho. 9 Oso hiso nuhwonɨngkahonɨngko hwe ahwomo mtaêango sohwo ntɨmento, Kɨko olo hungkuno hiloso nomahoji ifalifaliyo mtɨêmojo. Oso Hwe nakwoe Wonyoêne Poyo Peênɨmentiso sohwoe ape mayoêne wosopayo iloho engo wenantɨfeho. Anɨtu oso aêamu wosopayo elɨjwanyo sopo neêno fɨpmno nto uloso sofe sɨmehoso wopɨngo umoênalofoho. Ose ntonto ntɨmento, Olo Anɨtuye hungkuno loso nehopeho. 10 Ose ntahonɨngki ngko oso hwe ahwomomjo sohwoe sɨfɨkiênyoêmo hwomtame yɨhumentanɨngko ntɨmento, Oêo, filɨkaho. Kɨko ngkimo ose enɨhumahotoho. Ngko kɨko paênyo Anɨtuye syoho ulohofiyo hwoênyoho. Osoêno kɨko Anɨtumnohini hwomtame fehumamno. Ngkoênji sekwo aêamu hwahoponjo Jisasɨmo sɨmeho hiêntnnono uyontɨfi kakoe hungkuno lutɨhwawoênɨngkohofo sohwa hnnonji nakwo aêamu ahwomomjo sohwonaênnonji nakwoe syohoso afaênohinoênjo hwoênyoho. Aêamu Anɨtu kakoe hungkuno uyahonɨngki lɨmotofo sohwamo Anɨtuye Towahuno Wopɨngo ufoêmaêmojo hopaso olohonta sekwo Jisasɨye hungkuno lɨjwaofɨwoênɨngkohofo sohwasimo sefoêmalofoho. Ose ntɨmentisofoho. 11 Ngko ahwomo nomtompeehonɨngki uhwonɨmentoheso yahu aêamu hnênɨwoênɨngkiso halojo sohwo nohumentanɨngki uhwonɨmentohefoho. Oso aêamu yahu sopo kehumunyo sohwoe yofe hufaêuyoso olenoho. Anɨtuye hungkunomo ntoêno inɨngkawowoênɨngkiso hweho. Hungkuno nehopiênohino lɨwoênɨngkiso hweho. Kako hwe moyaêmife yahinomneêno yano ilofo soênji aêamumo tango uyo soênji kako yahino hopoeno iwoênɨngkiso hweho. 12 Kakoe tɨmoso toho sɨjɨso paênyoênjo hweho. Kakoe mnokino sopo hwe hwaho mokosyohumawoênɨngkohofo sohwafe mnokino manjiêmofoso kakoe mnokinopo piênɨngo engoênjo hweho. Kakoe yofe kakoe mnokino manjiêmofo sopo mtɨêmokinyoso kakoênohino hwapɨngo neso huno uyohoho. Aêamu nomêneso hofɨko hwapɨngo neso huno muyofoho. 13 Kakoe manjiêmofo sawemoso honɨmijo somo yomanto nto imentisofoho. Oso hisoêno aêamu kakoe yofeso ole mɨlɨmentohofi, Anɨtuye hungkuno hweho. 14 Aêamu ahwomomjo itokusoênjo hwapɨfe halojo wopɨngoênjo sohwa hofɨko yahu halojo sopo kehumantɨfi tɨfi inɨngkamentohofofoho. 15 Hofɨkoe Hwe Engo Jisas sohwo kakoe mango somtaêni hwakuhwajo sɨhumampoênyo yohosiyohosi lojinyo swapɨwoênɨngkisofoho. Oso hwakuhwajo sɨhumampoênyo neso olenoho. Kakoe hungkunofoho. Oso sɨhumampoênyo soênji kakoe mango sohwamo iwofitoêmeefoênefoho. Aêamu huhwo sohwamo yokumpohnênyo mokosyohumentanɨngkuhwosi hofɨko kakoe hungkunomo haloho maposoênjo ikuji minɨngkayoênjo ikujoêno tango engo uyɨmontonoho. Anɨtu oso aêamu somneêno sɨmeho tohino umnɨmentiso soêno Jisas kako hofɨkimo hwotoho wahmmontonoho. Kakoe yokumpohnênyoso hwofiloênnyo hweho. 16 Oso Hwe Engo sohwoe manjiêmofo sawemo somo popasoponjo somo kakoe yofe mtɨêmokinyoso olenoho. Kako hwaho hopiênonohinoso mokosyohumayo hweho. Hwe engo hopiênonohino sohwafe Hwe Engo hweho. 17 Ose uhwononji uhwonɨmentoheso, aêamu ahwomomjo sohwo kako mofehiênyoênjo mofone sopo lohofonto yɨhufo yokintahopo fekwowentanɨngkofo sohwamo mango engo ulɨmento, Sekwo olopono fɨpmno. Anɨtu kako sekumo wosopayo wosejapmmontonoho. 18 Oseso sekwo hwe engo sohwafe aêapahoênji hofɨkoe aêamu itokuso mokosyohumawoênɨngkohofo sohwafe aêapaho soênji aêamu yokumpohnênyo yahupo kehumawoênɨngkohofo sohwafe aêapahoênji hofɨkoe yahufe aêapaho soênji hmnaopmno. Sekwo hwe yofe engo aneênjo yofe engoênjo, aêamu syoho ulohofiyo soênji aêamu siki humawoênɨngkohofo oso aêamu hopiênonohino somo wonantɨfeho. 19 Ose ulahonɨngki uhwononji ole uhwonɨmentoho, Oso aêamu sikisɨwojo paênyo sohwoênji hwe yofe engoênjo hwaho mokosyohumawoênɨngkohofo sohwanji hofɨkoe aêamu itokusoênjo sohwanji hofɨko oso aêamu hwe yahu halojo sopo kehumamentiso sohwoe aêamuênji hofɨko ikujoho fongkiênyoêne uhuêmokumentohofofoho. 20 Oso aêamu Anɨtuye hungkuno hwasyo lɨmojo sohwo kako aêamu sikisɨwojo paênyo tɨfinjo hweho. Kako oso hwe sɨwojo paênyo sɨmoêmjo sohwoênji kako nolohofɨwoênonto yoêmayo engo aêamu miyɨwoênɨngkiyohofo itɨhwahonɨngki aêamu hofɨko aêamu sikisɨwojo paênyo sohwoe yofe hofɨkoe aêapahopo mtɨêmokinontɨfi kakoe huyoêmangomneêno hwomtame ehumamotofo somo hwasyo honɨngkanomo ipemotapmmentisofoho. Jisas kakoe aêamu soênji hofɨkoe oso aêamu sɨwojo paênyo sohwoênji oso aêamu Anɨtuye hungkuno hwasyo lɨmojo sohwoênjimo impe intofontɨfi hofɨko intofahumentohofofoho. Aêamu ahwomomjoso hofɨko oso aêamu sɨwojo paênyo sohwoênji Anɨtuye hungkuno hwasyo lɨmojo sohwoênji songo nohumentanɨngki hofɨko toho engo mitɨfongo paênyo sijontanjo somo mehoênaoêmentohofofoho. Oso toho homo somo tɨkayo hwosɨmijo akino wonyoênjo sɨwoênɨngkisofoho. 21 Oso aêamu yahupo kehumawoênɨngkiso Jisas oso hwoe mango mtaêni hwakuhwajo sɨhumampoênyo swahopɨwoênɨngkiso soênji aêamu nomêne somo fonjahumentisofoho. Nofonjosyahonɨngki yɨhufo sohwa oso aêamu sohwafe aêapaho nontɨfi sɨmeho nahnnɨmentohofofoho.