Mak 9
PNG1 Jisas kako oso aêamu somo ulɨmento, Ngko hungkuno nehopi waselɨmonneêno yohono. Aêamu olo hwaho lopo nakwoênji olohonta humalofo fehohnjoso mapeênontanɨngkuji Anɨtu kakoe yokumpohnênyoênji aêamumo wopɨngo wonyoangkafo mokosyohumayo somo uhwonantɨfeho. Ose ulɨmentisofoho. 2 Sɨkuno aho fehohnjo hopiênono fehohntaêni angaêno memjaofahonɨngki Jisas kako Pitaênji Jemɨsɨênji Jounja oso hwamo nutɨmanto hofɨko hwofɨkiênyo sawemo engo sopono nokotasontɨfi hofɨkoênohini nohumentanɨngkofi Jisasɨye aêapaho nomêne kengo imoênɨngkahonɨngki hofɨko uhwonɨmentohofofoho. 3 Jisasɨye manjiêmofo nɨhuêno halojo imoênonto mofehiênyo paênyo imoênɨmentisofoho. Oso manjiêmofo halojoso aêamu olo hwaho lopo oso halojo paênyoso mamtɨêmokufitnnehofo. 4 Inomokomoyo sohwa uhwonɨmentohofoso Ilaijaênji Mousesɨênji ahwomo mtaêango sohwaêu Jisasɨmo uêmanji hungkuno hnnɨmentohofofoho. 5 Pita kako huno piênɨngo syofɨsikaofonto Jisasɨmo ulɨmento, Nakwoe Lonetɨhwayohwosi, nakwo olopo humentani sehonɨngkuhwoneso wopɨngofoho. Olo hilo soêno syafɨsiyoêneso ango hufaêu sɨhune womolantaneêno yɨhwono. Angaêno kɨkoênefoho. Angaêno Mousesɨmnefoho. Nomêneso Ilaijamnefoho. 6 Pita kako oso hisoêno huno itoêno muyahonɨngki ose ulɨmentisofoho. Inomokomoyo sohwa iyoho weêe unɨmentisoêmaho. 7 Osohonta himo hofɨkimo ifeehuêmokosyahonɨngki mampaho himo mtaêango ole hoênɨmento, Olohwo nje Hwomufoho. Ngko sɨmeho uyɨwoênɨngkohe hweho. Kakoe hungkunomo sekwo upaênɨmno. 8 Ose upaênontɨfi feênɨhwonɨmentohofoso hwe ahwomo mtaêango sohwaêu neêno anepo uhwonɨmentohofofoho. Jisasɨênohini humentanɨngki uhwonɨmentohofofoho. 9 Jisasɨênji inomokomoyo sohwanji hwofɨkiênyo hopo sopo nokotapontɨfi Jisas ulɨmento, Olo sekwo uhwonɨngkohofo losoêno olohonta aêamumo nulɨkutoho. I, hwangku ngko Aêamufe Hwomu sohwoêni poyo imoênɨêmeêno Anɨtu apaêno ntokafoso sohonta sekwo aêamumo olo uhwonɨngkohofo losoêno ulɨfijo. 10 Ose ulahonɨngki hofɨko aêamu nomêne somo ulɨmentohofoêmaho. I, osoêno ole hnnɨmentohofi, Kako poyo peênɨngkuhwosi apaêno songo lɨkafoêne hungkuno hwapɨngoso pipilo. 11 Aêamu honɨngkano hungkuno lutɨhwamotofo sohwa ole lɨwoênɨngkohofi, Ilaija kakiêno wapmmontonoho. Tɨfi sohonta Kɨlais hwe Anɨtu uhwosopoêmentiso sohwo wapmmontonoho. Oso hiso pehoêno lalokwofo. 12 Ose ulahonɨngkofi Jisas ulɨmento, Ou, hungkuno nehopi lalokwofo. Ilaija kako sɨmoêmo nopɨhwosi yoêmayo hopiênono itoêno wesyohumamtonoho. Hungkuno nomêne mtɨêmokumentohofoso ole, Hwe Anɨtu uhwosopoêmentiso sohwo olo hwaho lopo tohino engo tɨpemanefoho. Aêamu sohwa oso hwe sohumo nakwolaho ulɨfitnnefoho. Osoêno sekwo huno fɨsyafɨhupmno. Ole selalokweno Hwe Ilaija kako pmmentisofoho. Nopahonɨngki aêamu hofɨkoe huno hwahoponjo tɨpemantɨfi hwe huhwo sohumo wonyo umokumentohofofoho. Aêamu Anɨtuye hungkuno mtɨêmokumentohofoso oso hisoêno hohonta mtɨêmokumentohofoso olohonta ne imoênɨmentisofoho. 14 Hofɨko nomêne inomokomoyo sohwamo uêmantɨfi uhwonɨmentohofoso aêamu piênɨngo engo nohumentanɨngkofi aêamu honɨngkano hungkuno lutɨhwamotofo sohwanji inomokomoyo sohwanji yoka hnnɨmentohofofoho. 15 Aêamu piênɨngo engoso Jisas nopontanɨngki uhwonontɨfi yomo yontɨfi hano komoêno wentɨfi Jisasɨmo uêmantɨfi, Nakwoe hwe engo hwosoho ulɨmentohofofoho. 16 Jisas inomokomoyo sohwamo ulɨmento, Sekwo yoka pehoêno hnnalokwofo. 17 Ose ulahonɨngki hwe fihwo aêamuênji ajwo soêmo humohumatiso sohwo ulɨmento, Nje Lontɨhwayo sohwosi, towahuno wonyo nje hwomumo mango mampiênyo mesimokinyo. Osoêno kikiyepono ipemotapohono. 18 Towahuno wonyo sohwo nje hwomumo humanto wonyo kimokuwoênɨngkisofoho. Kako hwomumo hwahopo kumokwojahonɨngki hwomu sohwo makutotafo sapɨwoênɨngkisofoho. Saponto mango kilompusyɨwoênɨngkisofoho. Kako aêapaho melohofafɨwoênɨngkiso hweho. Oseso ngko jɨje inomokomoyo sohwamo ulohonɨngko, Towahuno wonyo lohumo wae feeopmno. I hofɨko hopoêmaho. 19 Jisas ose nupaênonto inomokomoyo sohwamo ulɨmento, Hwe moyaêmi olohonta humalofo soku, sekwo Anɨtumo sɨmeho hiêntnnono muyo kuyoho. Ngko sekwoênji humayoso sɨkuno alale womemjanɨmoêmontolɨkeno. Ngko sekwoe tango ngkimo nɨêmaneso sɨkunoso alale womemjanɨmoêmontolɨkeno. Hwomu huhwo sohwo ngkiye poneêno utɨmotapmno. 20 Ose ulahonɨngki hofɨko hwomu ipemotopahonɨngkofi towahuno wonyo sohwo Jisasɨmo uhwononto kako hwomumo yomo yomo yokumpohnênyo umokahonɨngki hwomu hwahopo pɨwasyonto, yɨwoloêmo yɨwoloêmɨngo lohofonto makutotafo halojoênohino swapmmentisofoho. 21 Jisas kanɨngkwohumo ulohonɨmento, Sɨkuno alale yɨwoênɨngkisoto. Ose ulahonɨngki ulɨmento hwomu weêe sohwo imentisofoho. 22 Fehonta tohomo kehwofitofasyonto fehonta mijomo kehwofitofasyonto wofonjahumonto iwoênɨngkisofoho. Kɨko hopoêmanji kɨko nakumo hitoho kilofɨhwosoêno, Fonefoêmaho. 23 Ose ulahonɨngki Jisas ulɨmento, Ou, nehopi, jɨje sɨmeho hiêntnnonohinoso hopoêmanji yoêmayoso kɨko womaêmonnoho. 24 Ose ulahonɨngki kanɨngkwohwo komoêno ulɨmento, Sɨmeho hiêntnnono kijopalokweno. Oseso nje sɨmeho hiêntnnonohinoso weêefoho. Nɨfoêmaho. 25 Ose ulahonɨngki Jisas aêamu piênɨngo engo uhuêmokontanɨngkofi uhwononto, towahuno wonyo sohumo yoka ulonto ulɨmento, Towahuno wonyo sohwosi hwomu lohumo mampiênyo imokuwoênɨngkino hwosoho. Olo hwomu lohumo nɨhuênahone ulɨkoêmaho. Apaêno nopaswohotoho. 26 Ose ulahonɨngki towahuno huhwo sohwo joho mohmêno lonto, hwomumo hwahopo kumokwajonto yomo yomo yokumpohnênyo imokonto nɨhuênahone ulɨkoêmaêmentisoso hwomu sohwo poyo paênyo imoênɨngkahonɨngki aêamu fiso ulɨmentohofi, Poyo peênɨngkohoho. 27 Oseso Jisas hwomu sohwoe aho nomanto ulɨkofahonɨngki hwomu sohwo lɨkaêmentisofoho. 28 Jisas kakoe inomokomoyo sohwanji angomo noswontɨfi hofɨkoênohini nohumantɨfi Jisasɨmo ulɨmentohofi, Pipilo. Nakwo towahuno wonyo wae meeofesofo. 29 Ose ulahonɨngkofi Jisas ulɨmento, Sekwo Anɨtumo jomo ulɨfijoso sekwo oso towahuno huhwo sohwo wae yaopitnnehofo. Nomêne honɨngkano awonoho. 30 Oso ango hopo sopo ulɨkoêmantɨfi hofɨko hwaho Ngkalili ajwo sopo umentohofofoho. Jisas kako aêamu yofe manɨhwo soênjo uyɨfe lonto imentisofoho. 31 Hwapɨngoso ole, kakoe inomokomoyo sohwamo lutɨhwamneêento imentisofoho. Kako ulɨmento, Ngko Aêamufe Hwomu sohwoênɨmo nje mango sohwafe aho somo hoênonɨsyahonɨngkuji hofɨko wofonjonɨsyantɨfeho. Poyo imoênɨmo sɨkuno hufaêu sɨhune memjanɨfɨhwosoêno Anɨtu apaêno ntokafonefoho. 32 Ose lutɨhwahonɨngki inomokomoyo sohwa hofɨko huno itoêno syafɨhuêmentohofoêmaho. I osoêno Jisasɨmo ulohonyo soêno hofɨko iyoho imentohofofoho. 33 Hofɨko pone Koponeyam iêmofapontɨfi osopo Jisas angomo nohumanto ulohonɨmento, Sekwo honɨngkanopo pehofo hnnɨngkohofo. 34 Inomokomoyo sohwa hofɨko wonɨmango unɨngkahonɨngki mampiênyo humamentohofofoho. Hwapɨngoso honɨngkanopo ole hnnɨmentohofi, Nakwo sohwonaêni nakwoe hwe yofeênjo sɨmoêmjo tɨhwolo. Ose hnnɨmentohofofoho. 35 Jisas ampo humanto inomokomoyo sohwamo joho lutɨmanto ulɨmento, Sekwo hinjo hwasoho oyonɨmno. Upaênɨmo. Hwe fihwo kako Anɨtuye tɨmopo hwe engo umoênɨmo loso sohwo kako aêamufe tɨmopo hwe yofe ane paênyo imoênoso sohwo aêamumneêno momayo ulohofiyo hweho. Osohwo kako yofe engoênjo imoênone hweho. 36 Ose ulonto, mehomi fihwo utɨmanto, kakoe popapo momokosyohumanto inomokomoyo sohwamo ulɨmento, 37 Aêamu fihwo kako olo mehomi lopaênyo sohumo nje yofe hoênonɨmayoêne ufoêmaso sohwo kako ngkimo nɨfoêmantofoho. Aêamu fihwo ngkimo nɨfoêmayo oso paênɨngoso nje mpohwo ngkimo nɨhwatɨmentiso sohwo huhumo ufoêmakwoho. 38 Ose ulahonɨngki Joun ulɨmento, Nakwoe Lonetɨhwayo sohwosi, nakwo uhwonɨmalohwoneso hwe fihwo kako jɨje yofe lonto, towahuno wonyo wae yaofontanɨngki uhwonɨmalohwonefoho. I osoêno kako nakwo kikimo tɨfi mokinɨngkowaloku yɨhwone soêno nakwo kakimo ulɨmalohwono, Kɨko Jisasɨye yofeênji towahuno wonyo wae yaofohotoho. 39 Ose ulahonɨngkofi Jisas ulɨmento, Sekwo ose ulohoêmalofoso wonyofoho. Sekwo kakoe honɨngkanomo nopɨjumofɨkutoho. Aêamu nje yofe lososo yoêmayo wonyoangkafo yososo kako ngkimo sitofo komoêno mantonehoho. 40 Aêamu nakwoe syoho somo mohwempenamofehwoêmanji nakwoe aêamu hweho. 41 Hungkuno nehopi selalokweno, Hwe fihwo sehonasoso huno ole wosyafɨhuêmontono, Anɨtuye aêamu hwafoho. Ose syafɨsyɨhwosi mijo nyoêne sejapososo, oso hwe sohumo Anɨtu wopɨngo ulohoêmtonoho. 42 Olo mehomi sɨmeho hiêntnnono ntapɨwoênyo sohumo aêamu huno wonyoênjo fihwo ulososo, Jisasɨmo hohujo fɨkinjaofo. Honɨngkano wonyo lomo tɨfi finɨngkayo. Ose uloso sohwo mehomi huhwo sohwo honɨngkano wonyomo inɨngkayo soêno oso hwe huno wonyoênjo huhwo sohumo Anɨtu tohino mɨkunɨmposo uyonefoho. Oso aêamu huhwo sohumo sojo mɨkunɨmposo engo soênji kakoe tɨêwangomo impe ifakojujɨkuji mijomo hoênaofontɨfijontentesi wopɨngoênesohilo. 43 Jisas ose ulonto pahnnɨmo hungkuno ulɨmento, Osoêno jɨje aho honɨngkano wonyo imofonoho lohoji ahoso hwempeemo lohofohoji aho angaênohonoênji honɨngkano wopɨngomo inɨngkahuji Anɨtuye angopo sohoji wopɨngo wohumamonnoho. Ou kɨko aho hufaêuênjo honɨngkano wonyo imojoso toho neêno sijalokunjo somo uhnnefoho. Wonyo wohumamonnoho. 44 [Oso hopo sopo pihnnyo mapeênyofoho. Tohino neêno woênnyoponoho. Toho hiso masɨmpeênyofoho.] 45 Jɨje sɨfe honɨngkano wonyo imofonoho lohoji sɨfeso hwempeemo lohofohoji sɨfe angaênohinoênji honɨngkano wopɨngomo inɨngkahuji Anɨtuye angopo sohoji wopɨngo wohumamonnoho. Ou kɨko sɨfe hufaêuênjo honɨngkano wonyo imojoso toho neêno sijalokusomo uhnnefoho. Oso wonyofoho. 46 [Oso hopo sopo pihnnyo mapeênyofoho. Tohino neêno woênnyoponoho. Toho hiso masɨmpeênyofoho.] 47 Jɨje tɨmo honɨngkano wonyo imofonoho lohoji tɨhwotofamo lohofohoji tɨmo angaênohinoênjo honɨngkano wopɨngomo inɨngkahuji Anɨtuye angopo sisoso wopɨngofoho. Ou kɨko tɨmo hufaêuênjo honɨngkano wonyo imojoso toho neêno sijalokunjo somo uhnnefoho. Oso wonyofoho. 48 Oso hopo sopo pihnnyo mapeênyofoho. Tohino neêno woênnyoponoho. Toho hiso masɨmpeênyofoho. 49 Aêamu wopayopo sa mofɨkuji nɨfijoso me-eso wopɨngo uyɨmtonoho. Oso paênyo tohino yoêmayo tango neêmahwosoêno yamofo nalohofonefoho. Yamofo hiso wopɨngo namokonefoho. 50 Nakwo wosopayo saênji nɨwoênɨngkuhwoneso wopɨngofoho. I osoêno sa fosyo mijoênohino imoênɨngkuhwosi kakoe yokumpohnênyo nonto wonyo imoênososo apaêno sa hiso wopɨngo imoênyoso pipi uyantanto. Awonoho. I osoêno sa wopɨngo paênyo hmmoênɨmno. Sekwo aêamu nomêne soênji pompenjiyomo fohumantokuno.