Mak 10
PNG1 Osopo ntaêni Jisas nowento hwaho Jutiya uyakolofonto Mijo Joutan sohumo nongkihntaêni wakoêmentisofoho. Osopo aêamu piênɨngo engo apaêno uêmahonɨngkofi kako hungkuno lutɨhwamojo paênyo lutɨhwamentisofoho. 2 Aêamu Falisi fihwa hofɨko Jisasɨmo nuêmantɨfi kakimo yamofo ulohofono lontɨfi ulɨmentohofi, Nakwoe honɨngkano hungkunoso ape hoênasiyo soêno pehofo nalɨmotofo. Hwe fihwo kako kakoe ape hoênasiyoso oso wopɨngotaho. 3 Ose ulohonɨngkofi Jisas ulɨmento, Mouses seyakwosamo olo soêno pehofo ulɨmojoto. 4 Ose ulahonɨngki hofɨko ulɨmentohofi, Mouses ole ulɨmento, Hwe kako nje ape wohoênahumo lososo sohwo kako oso hungkuno hiso ifalifaliyo wamtɨêmokono. Oseso kako kakoe apemo nɨhuênahone wohoênasyono. 5 Ose ulahonɨngkofi Jisas ulɨmento, Mouses kako sekwoe yokumpohnênyo soêno oso hungkuno hiso mtɨêmokumentisofoho. 6 I osoêno sɨmoêmo neêmo Anɨtu yoêmayo hopiênono mtɨêmokumentiso sohonta hweênji apeênji mtɨêmokumentisofoho. Oso hungkuno hiso Mouses mtɨêmokumentisofoho. 7 Olo hilo soêno hwe fihwo kanɨngkwohwo konaêwohimo ulɨkoêmahwosi kakoe apeênji nemêno makotoku wolohoênanjiyoho. 8 Sikoêyaêu angaênohino umoênanjiyoho. Oseso siko aêamu hufaêu umoênanjiêmaho. Oêo, sikoe aêapahoso angaênohino umoênanjiyoho. 9 Osoêno Anɨtu osiyaêumo nto mokotɨjwohumasofoho. U, oloso nomtɨhuposoêeno. 10 Oso hungkunoso ulahonɨngki Jisas kakoe inomokomoyo sohwanji angomo noswontɨfi hofɨko Jisasɨmo ape hoênasiyo hungkuno hisoêno ulohonɨmentohofofoho. 11 Jisas ulɨmento, Hwe fihwo kako kakoe ape hoênasyoso sohwo kako nomêne ape masoso oso hwe huhwo sohwo ape hufo iyo honɨngkano imokwoho. Olo hwe huhwo sohwo kakoe ape sɨmoêmjo simo honɨngkano wonyo imokiyofoho. 12 Oseso ape kakoe hwehumo nulɨkoêmahwosi nomênehumo umaênyoso kako honɨngkano wonyo imokonefoho. Ose ulɨmentisofoho. 13 Aêamu piênɨngoso hofɨkoe mehomi Jisas mnokinopo aho ulonjimokonontɨfi motopahonɨngkofi Jisasɨye inomokomoyo sohwa hofɨkimo yoka ulɨmentohofofoho. 14 Jisas nupaênonto kakoe sɨmeho tohino umnɨngkahonɨngki ulɨmento, Sekwo mehomi somo nopɨjumofɨkutoho. Oêo, hofɨko ngkiyepono wapɨfe. Aêamu olo mehomi lohwa paênyo imoênɨfijoêmanji hofɨko Anɨtumo enjwaêmo itoêno wohumantɨfeho. 15 I, hungkuno nehopiênohini waselɨmonneêno yohono. Aêamu olo mehomi lohwa paênyo mmoênyonjoêmanji hofɨko Anɨtumo enjwaêmo humayoso hopaêmaho. Nɨhuêno awonoho. 16 Ose ulonto kako mehomi somo huêmema lohofonto kakoe huyoêmo memokosyohumanto kako aho mnokinopo kisasyonto Anɨtumo jomo ulɨmentisofoho. Mehomi itoêno mokosyohumayoêneêento ulɨmentisofoho. 17 Jisas honɨngkanomo nowentanɨngki hwe nomênehwo Jisas nohumentanjopo komoêno iêmofawento hwomtame ulohoêmentisofoho. Kako Jisasɨmo yokumpohnênyo ulɨmento, Kɨko Anɨtuye yahino wopɨngo netɨhwawoênɨngkohino hwosoho. Ngko engolopohamo songo neêno humayoso pipi tɨpemaêmnehono. 18 Ose ulahonɨngki Jisas ulɨmento, Kɨko wopɨngo hwosoho eso pehoêne ntohino Anɨtu kakoênohino wopɨngo hweho. 19 Kɨko honɨngkano hungkuno huno moiêwonoho. Kɨko nomênihumo nofonjasiyoêeno. Kɨko ape itoêno mayoêne yahino somo nomtɨhuposoêeno. Kɨko yoêmayoso hufo iyoêeno. Nomênehumo hwasyo hungkuno ujoêeno. Kɨko jɨje mpohwoênji naêuênjiye hungkunomo tɨfi finɨngkayo. 20 Ose ulahonɨngki hwe huhwo sohwo Jisasɨmo ulɨmento, Hwe Engofo, ngko hungkuno homo somo upaênɨmopmmote sohwoêni olohonta neêno oseênohini inɨngkowalokweno. 21 Ose ulahonɨngki Jisas kakoe sɨmoêmangopo tɨmo uhwononto sɨmeho uyonto ulɨmento, Nomêne syoho angaêno fiyo. Jɨje hoêyango yoêmayo hopiênonohinoso aêamu mpe wakilohopɨfe. U, kɨko hamniyoho matnneêeno oso hiso nomahoji aêamu yoêmayoso umofonyo iwoênɨngkohofo somo uyo. 22 Ose ulahonɨngki kako sɨmano pento sɨmeho tango uyahonɨngki kakoe angopono umentisofoho. Hwapɨngoso kakoe hoêyango yoêmayoso piênɨngoênjo hweho. Aêamu somo muyɨmnehono lonto umentisofoho. 23 Jisas tɨmo feênɨhwononto inomokomoyo sohwamo ulɨmento, Hwe kako hoêyango engoênjo yokumpohnênyo mokosyohumaso sohwo kako Anɨtuye yokumpohnênyo mokosyohumayo sopo pipi swonehwolo. Hamniyoho hoêyangoso hofɨkoe hunomo wonyo umokuwoênɨngkisofoho. 24 Ose ulahonɨngki inomokomoyo sohwa hofɨko yomo imentohofofoho. Jisas apaêno ulɨmento, Hwomo lohwafo hwe kakoe hoêyango hwaho loponjoêno neênohini syafɨsyɨwoênɨngkiso sohwo kako Anɨtuye yokumpohnênyo mokosyohumayo sopo pipi swoneto. 25 Yahu fihwo kako yongo imo paênyo soêmo wahumo lɨhwasi yososo wonyopi umontonoho. Oso paênyo hwe hoêyango hamniyoho yoêmayoso aho yokumpohnênyo kemokosyohumunyo sohwo Anɨtumo enjwaêmo wohumamo lɨhwosi yososo hopoêmaho. Oêo, kako yahu yongo imo paênyo soêmo wahumo lɨhwasi ijijo wonyopi yoso hopaso oso hwe hoêyango engoênjo sohwo ose yonefoho. 26 Ose ulahonɨngki inomokomoyo sohwa hofɨko yomo engo mɨkunɨmposo yontɨfi ulɨmentohofi, Oseêmanji aêamu Anɨtuênji ango wopɨngo sopo songo neêno humayoêneso tɨhwo womaêmontolo. 27 Ose ulahonɨngkofi Jisas hofɨkimo uhwononto ulɨmento, Aêamu Anɨtuye yokumpohnênyo mokosyohumayo sopo aêamufe yokumpohnênyoênji wahumo loso sohwo kako hopoêmaho. I osoêno Anɨtu yoêmayo hopiênono hwapɨngo sohwo iyoso hoponoho. 28 Pita Jisasɨmo ulɨmento, Ihwoni nakwo yoêmayo hopiênono hoênasyontani kikimo tɨfi kinɨngkopalokuhwono. 29 Ose ulahonɨngki Jisas ulɨmento, Ngko hungkuno nehopiênohini waselɨmonneêno yohono. Aêamu fihwo kako kakoe angoênjo konɨngkwaêwehwo kolaêwehwo, kaisi, konaêwohi, mehomi kakoe hwahoênji yoêmayo hopiênono ngkineêno nje hungkunomneêno hoênasyososo 30 osohwo kako umofonyo miyonehoho. Oêo, yoêmayo piênɨngo engo nomane hweho. Yoêmayo hoênasiyoêne aêamu kakimo sitofo ulɨwoênɨfitnnefoho. I osoêno kako ango songo neênohini humayoêneso nomane hweho. 31 Hwe fihwo kako olo hwaho lopo nohumanto hwe engo hwoênyoho syofɨsyalokusoso oso hwe huhwo sohwo Anɨtuye ponemo soso sohwo kako hwe engoêmaho. Weêe hweho. Hwe nomênihwo kako olo hwaho lopo nohumanto hwe engo hwoênɨêmaho. Weêe hwoênyoho syofɨsyalokuso sohwo oso hwe huhwo sohwo kako Anɨtuye ponemo soso sohwo kako hwe engo imoênone hweho. 32 Jelusalem honɨngkanomo nosontɨfi Jisas kako sɨmoêmo kuntoêno sahonɨngki kakoe inomokomoyo sohwo poyo imoênyo soêno ulɨmentiso soêno huno piênɨngo engo syafɨsyontɨfi tɨfi inɨngkasɨmentohofofoho. Aêamu nomêneso hofɨkimo inɨngkasɨmentohofo hiênji imentohofofoho. Jisas kakoe inomokomoyo sohwamneêento hontohumentanɨngki hofɨko nuêmahonɨngkofi kakimo yoêmayo uêmane soêno hungkuno ulɨmentisofoho. 33 Hungkuno ole, Upaênɨmno. Olohonta nakwo Jelusalemneêno wosontaneêno yɨhwono. Osopo Aêamufe Hwomu sohumo aêamu yofe engoênjo tajo ango syohoênjo sohwanji aêamu honɨngkano hungkuno lutɨhwamotofo sohwanji hofɨkoe ahomo hofɨko hoênasyɨkuji kakineêno hungkuno lɨkuji kako poyo umoênono lɨkuji nano wamtitofantɨfeho. Oseso aêamu hofɨko nomêne aêamu sohwamo uyahonɨngkuji 34 hofɨko kakimo sitofo ulɨkuji memijo nɨyatɨêmofɨkuji impe yongoênjo fonjɨkuji wofonjosyantɨfeho. I osoêno sɨkuno hufaêu sɨhune mjaofɨhwosoêno kako apaêno songo wolɨkaêmontonoho. Ose ulɨmentisofoho. 35 Sepetiye hwomu sohwaêu Jemɨsɨênji Jounênji siko Jisasɨmo uêmanji ulɨmentisiyo, Nekwo kikimo jomo wokilohonontayoêne yɨhwayo. Kɨko welohoêmtaho. 36 Ose ulahonɨngki Jisas ulɨmento, Ngko pipi selohoêmneêno njisiyo. Nohonjinyo. 37 Ose ulahonɨngki siko ulɨmentisiyo, Hwangku sohonta jɨje pone mtaêni aêamu hopiênono mokosyohumuso sohonta nekwo kɨkoênji hwe engo imoênɨngkuhwosi aêamu hopiênohinomo mokosyohumasoso wopɨngotaho. 38 Ose ulahonɨngki Jisas ulɨmento, Oso hungkuno ntɨsiye neso siko huno moseyohoyohoho. Tohino ngkimo nɨmnoso hopaso masɨsoso siko hopolaho. Nje aêapahomo tohino ifeehuêmo yanisyoso hopaso sikoe aêapahomo ifeehuêmo yasesyososo siko hopolaho. 39 Ose ulahonɨngki siko ulɨmentisiyo, Ou, nekwo hoponoho. Ose ulahonɨngki Jisas ulɨmento, Tohino ngko maême paênɨngoso siko nomasihnnefoho. Tohino ngkimo ifeehuêmokonisyoso paênyoso sikoe aêapahomo ifehuêmokasyosonefoho. 40 I oso hisoêno ngko aêamumo mokosyohumayo soêno nje aho angahohntaêni nje aho hwonamonyo hohntani fosyohumayo soêno aêamu nomêne somo muhwosopoêmnehono. Oêo, Anɨtu kakoênohino oso itoêno esyohumaho. Kakoe hunofoho. 41 Ose ulɨmentisoso inomokomoyo nomêne sohwa oso hungkuno hiso upaênontɨfi hofɨko Jemɨsɨênji Jounênjineêno sɨmeho tohino umnɨmentisofoho. 42 Jisas hofɨkimo joho ulɨmento, Sekwo huno seyohoho. Hwe engo hofɨko aêamumo mokosyohumayo sohwa hofɨko hofɨkoe aêamu enjwaêmjo somo syoho tangoênji uyontɨfeso aêamu enjwaêmjoso syoho hiso itoêno miyoênjo ifijoêmanji hwe mokosyohumayo sohwa ikujoho woposantɨfeho. 43 I osoêno sekwo oso hopa ikutoho. Sekwoe aêamu fihwo yofe engo womaêmo loso sohwo kako aêamufe syoho ulohofiyo umoênono. 44 Sekwoe aêamu fihwo ngko nomêne somo womokosyohumamo loso sohwo kako nomêne hopiênonohino somneêno siki syoho ulohofiyo paênyo umoênono. 45 Oseso Aêamufe Hwomu sohwo kako aêamu nomêneso kakimo syoho ufoêmayoêne pmmentiso hwoêmaho. Oêo, hofɨkoe syoho somo ulohofiyoêne pmmentiso hweho. Kako aêamu sɨkwoêmjohohosi humentanɨngkofo somo uhwononto asomo utɨmayoêne kakoe honɨyo usɨhumaêmneêento pmmentiso hweho. Ose ulɨmentisofoho. 46 Hofɨko Jelikou iêmofapontɨfi Jisas kakoe inomokomoyo sohwanji aêamu nomêne piênɨngo engo soênji Jelikou ulɨkoêmantɨfi wentanɨngkofi hwe tɨmpiênyo sohwo honɨngkanopo humohumantisofoho. Oso hwe huhwo sohwoe yofe Mpatimeyosɨyoho, Timeyosɨye hwomufoho. Mpatimeyos kako wosopayoênji hamniyohoêntnneêno jomo lɨmojo hweho. 47 Mpatimeyos nohumanto Jisas ango Nasaletnntaêango sohwo palofoho upaênonto joho ulɨmento, Jisas, Ntefitɨye Imu sohwosi, kɨko ngkineêno hitoho wakilofono. 48 Ose ulahonɨngki aêamu nomêneso yoka ulɨmentohofi, Mampiênyo fosyohumaho. Ose ko ulahonɨngkofi oso huhwo sohwo joho engo lonto apaêno ulɨmento, Ntefitɨye Imu sohwosi ngkineêno hitoho wakilofono. 49 Ose ulahonɨngki Jisas kako nolohofaponto ulɨmento, Oso hwe huhwo sohumo joho filutɨmapmno. Wapono. Ose ulahonɨngki hwe huhwo sohumo ulɨmentohofi, Kɨko sɨmonyo fiyo. Filɨkaho. Kikineêno joho kilalofoho. 50 Ose ulahonɨngkofi kako upaênonto kakoe manjiêmofo yojamo lohofonto, nolɨkafonto Jisasɨmo uêmaêmentisofoho. 51 Jisas ulɨmento, Ngko kikimo pipi wantohofono kinɨngkohoho. Ose ulahonɨngki hwe tɨmpiênyo sohwo ulɨmento. Hwe Engofo, ngko apaêno tɨmo wahonɨmo. 52 Ose ulahonɨngki Jisas ulɨmento, Kɨko mpano. Jɨje sɨmeho hiêntnnonohinoso wopɨngo wakumoênono. Jisas ose ulahonɨngki hwe huhwo sohwo tɨmo komoêno hononto kako honɨngkanopo Jisasɨmo aêamu soênji tɨfi inɨngkapmmentisofoho.