Mak 8
PNG1 Nomêne sɨkuno somo aêamu piênɨngo engo apaêno Jisas nohumentanjopo uhuêmokumentohofofoho. Hofɨko nohumantɨfi hwe moyaêmi wosopayo moiêwo imoênɨngkahonɨngki Jisas kakoe inomokomoyo sohwamneêno joho ulonto, ulɨmento, 2 Ngko olo hwe moyaêmi lomneêno hitoho ntokwoho. Sɨkuno hufaêu sɨhune ngkoênji humantohofofoho. Hofɨko wosopayo anefoho. 3 Mijohoênohino hofɨkoe ango poneêno lɨhwatɨmeso hofɨko honɨngkanopo tɨmo sɨkunoêno ulohofontɨfeho. Aêamu fiso ikanopo ntaêni pmmalofofoho. 4 Ose ulahonɨngki kakoe inonokomayo sohwa ulɨmentohofi, Olopo aêamu mohumunyoponoho. Wosopayo hwe moyaêmi somneêno ntɨêmtaêni tɨpemanehwono. Awonoho. 5 Ose ulahonɨngkofi Jisas ulohonɨmento, Sekwo wopayo alale weho. Ose ulahonɨngki ulɨmentohofi, Wopayo aho hopiênono nomêne mtaêni hufaêu weho. 6 Ose ulahonɨngkofi Jisas hwe moyaêmi somo ulɨmento, Sekwo hwaho lopo fosyohumamno. Ose ulonto, kako wopayo aho fehohnjo hopiênono fehohntaêni hufaêuyoso nomanto Anɨtumo isamoyoka ulonto wopayoso kutɨkujo lohofonto, kakoe inomokomoyo sohwamo uyahonɨngki hofɨko aêamumo huêmuyɨmentohofofoho. 7 Inanɨku weêe tɨpemaêmentohofoso Jisas nomanto Anɨtumo isamoyoka ulonto inomokomoyo sohwamo ulɨmento, Oloênji aêamumo fohuêmuyɨmno. 8 Hofɨko wopayo nonontɨfi sɨmeho uhnnɨngkahonɨngki wopayo nɨlɨfeeoêmentohofoso inomokomoyo sohwa sohwo hoêyo aho fehohnjo hopiênono nomêne ntaêni hufaêuyo somo mehuêmemeehumentohofofoho. 9 Aêamu hiso weêe humamentohofoêmaho. Aêamu foua tausen (4000) humamentohofofoho. 10 Jisas aêamu homo somo wopayo moiêwo uyonto hofɨkoe angopo neêno lɨhwatɨmentisofoho. Kako kakoe inomokomoyo sohwanji yofayokinopo kotasontɨfi hwaho Ntalɨmanutaêno wakoêmentohofofoho. 11 Osopo aêamu Falisi sohwa Jisasɨmo uêmantɨfi kakimo yamofo ulohofoneêentɨfi yoka hnnomaêmentohofofoho. Kɨko yoêmayo wonyoangkafo aêamu miyɨwoênɨngkiyohofoso fonetɨhwaho. Ose uhwonɨngkuhwasi Anɨtu kɨkoênji humaho wolano. Ose lontɨfi huno syafɨhuêmentohofi, Olo hwe lohwo Anɨtuye Hwe Ne hwolɨkeno. 12 Ose ulahonɨngkofi Jisas sɨmeho tango uyahonɨngki sɨmano esyamo lohofonto, ulɨmento, Sekwo yoêmayo wonyoangkafo aêamu miyɨwoênɨngkiyohofoso pehoêno uhwonantɨfeêne lohofo. Hungkuno nehopi waselɨmo. Aêamu olo hwaho lopo olohonta humalofoso hofɨko oso yoêmayo hiso muhwonɨfitnnehofo. Nɨhuêno awonoho. 13 Ose ulonto oso aêamu somo ulɨkoêmanto Jisasɨênji kakoe inomokomoyo sohwaênji hofɨko yofayokinopo apaêno kotasontɨfi asomo wakoêmentohofofoho. 14 Nowakentɨfi inomokomoyo sohwa wopayoêno inɨngo mofontɨfi momasofoho. Wopayo kengaênohini yofayokinomo woênnyofoho. 15 Nowekontanɨngkofi Jisas sɨmano pento pahnnɨmo hungkuno ulɨmento, Upaênɨmo. Sekwo aêamu Falisi sohwanji Heloutɨênji hofɨkoe yahino somneêno iêwaho fiyɨmno. 16 Inomokomoyo sohwa nupaênontɨfi hnnɨmentohofi, Nakwo wopayo inɨngo mofɨhwone soêno hungkuno nalohoho. 17 Ose hnnɨngkahonɨngkofi olo hiloso Jisas huno uyahonɨngki hofɨkimo ulohonɨmento, Wopayo umofonyo iyo soêno pehoêno hnnalokwofo. Sekwo hunoêmaseyotaho. Sekwo huno mosyafɨsiyoênjo liyohofo. 18 Sekwo tɨmo hiênjo hwasoho. Muhwonalokuliyohofo. Sekwo haloho hiênjo hwasoho. Mupoênalokuliyohofo. Sekwo inɨngo loseyalofoho. 19 Ngko wopayo aho fehohnjo hopiênono kutɨkujo lohofonji aêamu faif tausen (5000) sohwamo umaleso oso wopayo nɨlɨfeeoêmalofoso sekwo hoêyo alale huêmemeehumalofo. Inomokomoyo sohwa ulɨmentohofi, Aho hopiênono sɨfe mtaêni hufaêuyoho. 20 Ose ulahonɨngkofi Jisas ulɨmento, Nomêne sohonta ngko wopayo aho fehohnjo hapiênono nomêne mtaêni hufaêu kutɨkujo lohofonji aêamu foua tausen (4000) sohwamo umaleso oso wosopayo nɨlɨfeeoêmalofoso sekwo hoêyo alale huêmemeehumalofo. Inomokomoyo sohwa ulɨmentohofi, Aho fehohnjo hopiênono nomêne mtaêni hufaêuyoho. 21 Ose ulahonɨngkofi Jisas ulɨmento, Oseso sekwo nje yokumpohnênyo soêno huno maseyoholiyohoho. Wosopayo soêno huno piênɨngo pehoêno syofɨsyalokwofo. Ose ulɨmentisofoho. 22 Jisas kakoe inomokomoyo sohwanji ango Mpetɨsaita iêmofopahonɨngkofi aêamuso hwe tɨmpiênyo sohumo ipemotapontɨfi Jisasɨmo jomo ulɨmentohofi, Olo hwe lohumo kɨko aho tɨmopo fɨkisyusyo. 23 Oseso Jisas kako hwe tɨpiênyo sohwoe aho nomanto angkuhwafopo mempo hohntaêni ipemotoswaponto kakoe tɨmomo memijo uyatɨêmofonto aho kisusyonto ulɨmento, Kɨko yoêmayoso nto lɨhwonɨngkino muhwonɨngkoho liyohino. 24 Ose ulahonɨngki hwe sohwo feênɨhwononto ulɨmento, Ngko aêamumo uhwonɨngkohono. Hofɨko iyo hopa pohotowalokwofo. 25 Ose ulahonɨngki Jisas hwe huhwo sohwoe tɨmomo aho apaêno kisusyahonɨngki kako tɨmo yokumpohnênyo uhwononto tɨmo wopɨngo imoênɨmentisoso, yoêmayo itoêno uhwonɨmentisofoho. 26 Itoêno uhwonɨngkahonɨngki Jisas ulɨmento, Jɨje angopono fɨwano. Olo angkuhwafo lopono asomo nopohotoho. Ose ulɨmentisofoho. 27 Jisas kakoe inomokomoyo sohwanji hwaho Ngkalili ulɨkoêmantɨfi hwaho Sisaliya Filipai nowentɨfi Jisas hofɨkimo ulohonɨmento, Aêamuso ngkineêno pehofo mjolɨmɨwalokwofo. 28 Ose ulahonɨngki hofɨko ulɨmentohofi, Aêamu fehohnjoso kikineêno ole lalokwofi, Joun Aêamumo Mijo Kiyomaêmojo sohwolɨkeno. Aêamu nomêne fehohnjoso ole lalokwofi, Ilaijakulɨkeno. Nomênehwa aêamumo Anɨtu hungkuno uyahonɨngki lɨmojo sohwolɨkeno. Kikineêno ose mjokilɨmɨwalokwofo. 29 Ose ulahonɨngkofi Jisas ulohonɨmento, Sekwo sohwasi ngkineêno pehofo ntɨwoênɨngkohofɨhwasilo. Ose ulahonɨngki Pita ulɨmento, Kɨko Kɨlais kiyoho. Anɨtu nakwo aêamu Jutasɨênɨmo nefoêmayoêne kuhwotɨmentiso hwosoho. 30 Ose ulahonɨngki Jisas ulɨmento, Oso hiso ntohinoso aêamumo nulohotoho. 31 Jisas kakoe inomokomoyo sohwamo lutɨhwomaêmento, Aêamufe Hwomu sohwoêni ngko tohino engo nomaêmne hwoênyoho. Aêamu Jutafe hwe engo sohwanji aêamu tajo ango syohoênjo sohwanji Jutafe honɨngkano hungkuno lutɨhwawoênɨngkohofo sohwanji hofɨko ngkineêno nakwolaho ntɨkuji hohujo ikenjanɨmofɨkuji nofonjanɨhufitnnefoho. Nofonjanisyɨkuji sɨkuno hufaêu sɨhune memjanɨmofɨhwosoêno ngko apaêno songo wolɨkaêmonnoho. 32 Ose ulonto olo hungkuno yoloho neso ulɨmentisofoho. Seten kako Pitamo huno ufohotofahonɨngki Pita kako Jisasɨmo weêenepi ipemotawento yoka ulomaêmento, Jisas, oso hungkunoso wopɨngoêmaho. Oso hunoso nosyafɨsyohotoho. 33 Ose ulahonɨngki Jisas ikinjamo lohofonto kakoe inomokomoyo nomêne sohwamo uhwononto Pitamo yoka ole ulɨmento, Pita, jɨje hungkunoso ngkilaho. Anɨtuyeêmaho. Oêo, Setenɨye hungkunofoho. Kɨko Seten sohwosi iêwaho ntohofo. Kɨko nje hohujo loêmo filohoênawofo. 34 Ose ulonto kako nomêne hwe moyaêmi soênji inomokomoyo sohwanjimo joho ulonto ulɨmento, U, aêamu fisoku ngkimo wonnɨngkopano lɨfijoêmanji sekwo sekwoe semoênɨwoênɨngkiso soênji sekwoe yofe soênji monje yahinɨngkuji sekwo nje yofeêno poyo peênyo soêno iyoho miyoênjo ifijoso ngkimo mofone sopo tɨfi nnɨngkapmno. 35 Aêamu fihwo kakoe songo humayoso yokumpohnênyo womokosyohumamo lososo, Kakoe songo neêno humayoso wopɨwahuêmtonoho. Osoêno aêamu fihwo ngkoênji nje hungkunoêntnneêno huno uyahonɨngkuhwosi kakoe humayoso pɨwasyososo hwangku kakoe humayoso wotɨpemaêmontonoho. 36 Aêamu fihwo kako Anɨtumneêno hohujo ikinjaofɨhwosi kako olo hwaho loponjo hoêyango hamniyoho yoêmayoso engo huêmeesyontoso sohwo kako tɨkanomo wesoêmanji oso hoêyango yoêmayoso pipi ufoêmaneto. Awonoho. 37 I, kakoe songo humayoso ne aneêmanji kako pipi yoneêelo. Awonoho. 38 Aêamu fihwo olo hwaho lopo aêamu honɨngkano wonyoênjo humaso sohwo kako nje hungkuno soênji ngkoêntnneêno hohujo ikinjanɨmofoso sohwo ngko oso huhwo sohumneêno tɨfi noêmo hohujo ikinjɨmoêmnefoho. Ou, osohonta ngko nje Mpohwoe yokumpohnênyo soênji aêamu ahwomomjo wopɨngoênohino sohwafe yokumpohnênyoênji olo hwaho lopo asomo pmme sohonta aêamu ngkineêno hohujo ikinjanɨmofoso sohuneêno ngko hohujo ukinjɨmoêmonnoho.