Luk 23

1 Oseso aêamu hopiênonohinoso nolɨkafontɨfi Pailotɨyepono Jisasɨmo ipemotawomentohofofoho. 2 Ipemotawentɨfi hofɨko Jisasɨmneêno olo hwasyo hungkuno lomantɨfi mjalomumentohofi, Nakwo olo hwe lohumo uhwonɨwoênɨngkuhwoneso kako nakwoe aêamu somo hwasyo honɨngkanomo ipemotawowoênɨngkiso hweho. Nakwoe hwe engo Sisa sohuneêno hamniyoho hoênasyɨwoênɨngkuhwone honɨngkano somo wopɨjwonaoêmto iwoênɨngkiso hweho. Kako ole hnnɨwoênɨngkiso hweho. Ngko Kɨlais hwoênyoho. Ngko aêamu Jutafe Hwe Engo hwoênyoho. 3 Ose ulahonɨngkofi Pailot Jisasɨmo ulohonɨmento, Kɨko aêamu Jutafe Hwe Engo hwosilaho. Ose ulahonɨngki Jisas ulɨmento, Hungkuno hiso kɨko nehopi lohino. 4 Ose ulahonɨngki Pailot kako aêamu tajo ango syohoênjo sohwafe hwe engo sohwanji hwe hwoyaêmi hopiênonohino soênjimo ole ulɨmento, Ngko olo hwe lohuntaêni honɨngkano wonyo motɨpemahoyohono. 5 Ose ulahonɨngki hofɨko mohmêno olo hwasyo hungkuno ulɨmentohofi, Olo hwe lohwo kako hwaho Jutiya soêmeemjo hwe moyaêmimo hungkuno ulahonɨngki hofɨko aêamu nakwoe hwaho mokosyohumayo sohwamo wae weeofantɨfeêno yalokwofo. Kako oso hungkunoso Ngkalilintaêangoso neêno hwasyo mjalɨmopmmojoso ae oloponoho. Hwasyo ose ulɨmentohofofoho. 6 Pailot kako oso hungkuno upaênonto hofɨkimo ulohonɨmento, Olo hwe lohwo Ngkalilintaêango hwolaho. 7 Ose ulahonɨngki hofɨko hungkuno ulɨmentohofoso Pailot kako huno ole uyɨmento, Jisas kako oso hwaho Helout mokosyohumamojo sopontaêango hweho. Huno ose uyahonɨngki kako Heloutɨyepono Jisasɨmo lɨhwatɨmentisofoho. Oso hohosohonta Helout huhwoênji ango Jelusalem humamentisofoho. 8 Helout kako Jisasɨmo uhwononto sɨmonyo imentisofoho. Hwapɨngoso kako Jisasɨmneêno yoêmayo hungkuno upaênonto kako Jisas yoêmayo wonyoangkafo aêamu miyɨwoênɨngkiyohofoso ihwosoêno uhwonɨmo lɨmojo hweho. 9 Oseso Helout kako yoêmayo hungkuno piênɨngo Jisasɨmo ko ulohonɨngkahonɨngki Jisas kako hungkuno mujofoho. 10 Aêamu tajo ango syohoênjo sohwafe hwe engo sohwanji aêamu honɨngkano hungkuno lutɨhwamotofo sohwanji hofɨko Jisasɨmneêno hungkuno yokumpohnênyo mjalɨmɨmentohofofoho. 11 Helout kakoe aêamu itokusoênjo sohwanji hofɨko Jisasɨmo wonyo umtɨêmokontɨfi sitofo ulɨmentohofofoho. Osoêno hofɨko hwe yofe engoênjo hwaho mokosyohumayo sohwafe manjiêmofo wonyoangkafoso aêamu oso homo somo uhwonɨngkuji tɨkafo ujiyoêne ulohofɨhwajontɨfi Pailotɨyepono asomo lɨhwatɨmentohofofoho. 12 Hohonta Heloutɨênji Pailotɨênji siko mangohwo paênyo humamojiyoso oso sɨkuno homo somo siko sɨmeho afa inonji nje aêamuhwe hnnɨmentisiyefoho. 13 Osoêno Pailot kako aêamu tajo ango syohoênjo sohwafe hwe engo sohwanji aêamu Jutafe hwe engo sohwanji hwe moyaêmi hopiênonohino somneêno lutɨmanto 14 ulɨmento, Sekwo olo hwe lohumo ngkiyepono ipemotapohofo lohuneêno sekwo ntohofi, Kako hwe moyaêmife hunomo wonyo umokalofoho. Ose ntohofo soêno ngko oso hungkuno soêneêno sekwoe tɨmopo ulohonɨngkeso ngko kakoe honɨngkano wonyoso motɨpemahoyohono. Oêo, sekwo upaênɨmno. Sekwoe hungkunoso ne anefoho. 15 Helout kako ngkiyepono olo hwe lohumo asomo lɨhwatɨmaso soêno ngko huno niyohoho. Kako huhwo olo hwe lohwoe honɨngkano wonyoso motɨpemuyonto lɨhwatɨmaso hweho. Upaênɨmno. Olo hwe lohwo peho wonyo imaso huneêno wofonjosyantanto. Awonoho. Wonyo ane hweho. 16 Osoêno ngko kakimo sohweênji ikujoho fonjiêmo usɨhutofɨhwatɨmonneêno yohono. Ose ulɨmentisofoho. 17 [Oso humamotofo sohonta yahino oleso woênnyoponoho. Oso Anɨtu Aêamu Isɨlael somo Uyakoloêmentiso somneêne Syafɨsiyo sɨkuno iyoho humayo engo uhwonɨmotofo homo somo Pailot kako aêamu impoêangomjo fihumo isɨhutofɨhwatɨmojofoho.] 18 Pailot kako Jisasɨmo usɨhutofɨhwatɨmo lɨmentiso soêno hwe moyaêmi hopiênonohino mango mohmêno ole ulɨmentohofi, Oso hwe sohumo fonjasyɨkuji Mpolapas nakuyepono fisɨhutofɨhwatɨmno. Ose ulɨmentohofofoho. 19 Oso hwe Mpolapas huhwo sohwo kako aêamu hwaho mokosyohumayo sohwanji ikujoho fongkiênontɨfi hwe fihumo fonjahumentiso soêno hofɨko impoêangomo uhumatɨêmentohofo hweho. 20 Pailot kako Jisasɨmo usɨhutofɨhwatɨmo lonto hungkuno apaêno ulɨmentisofoho. 21 I osoêno hofɨko mango mohmêno ulɨwoênɨmentohofi, Iyopo fonjintoêofahumno. Iyopo fonjintoêofahumno. 22 Ose ulahonɨngkofi Pailot kako hungkuno hufaêu sɨhune umoênono lonto ulɨmento, Pehoêneto. Olo hwe lohwo peho wonyo imaso hwolo. Ngko olo hwe lohwoe wonyoso motɨpemahoyohono. Kako poyoso pehoêno umoênɨmontolo. Oêo, ngko kakimo sohweênji ikujoho fonjiêmo usɨhutofɨhwatɨmonneêno yohono. 23 Ose ko ulahonɨngki hofɨko nɨhuêno yokumpohnênyo imoênontɨfi fonjintoêofasiyoêne apaêno mango mohmêno ulɨmentohofofoho. Osoêno hofɨkoe mangoso Pailotɨye mangomo hwotoho hmmentohofofoho. 24 Oseso Pailot hofɨkoe hungkunomo halohoêno yonto Jisasɨmo fonjasiyoêne hungkuno ulɨmentisofoho. 25 Oso hwe kako aêamu hwaho mokosyohumayo sohwanji ikujoho fongkiênontɨfi hwe fihumo fonjahumentiso soêno hofɨko impoêangomo uhumatɨêmentohofo sohumo Pailot kako isɨhutofɨhwatɨmentisofoho. I Jisas sohuneêno hofɨkoe hungkunomo inɨngkawento Pailot kako kakoe aêamu itokusoênjo sohwafe ahomo hoênahumentisofoho. 26 Hofɨko Jisasɨmo ipemotawentɨfi hwe fihwo Saimoun ango Sailinintaêango sohumo aho kaêmentohofofoho. Saimoun huhwo sohwo kako syoho mtaêango sohwo angopono pontanɨngki hofɨko Jisasɨye iyo hwojiyafɨkuênnyoso Saimounɨye sangopo nɨtofiyahonɨngkofi kako intofonto Jisasɨmo tɨfi intofɨmjɨmentisofoho. 27 Nto wahonɨngkofi hwe moyaêmi piênɨngo engo hofɨko Jisasɨmo inɨngkawentɨfi moyaêmi fifa hofɨko Jisasɨmneêno hitoho ulofahonɨngki humotaho lɨmentohofofoho. 28 Ose lontanɨngkofi Jisas kako ikinjamo lohofonto ulɨmento, Sekwo Jelusalemmjo moyaêmi sofasi sekwo ngkineêno humotaho pehoêno ntantɨkwofo. Oêo, sekwo sekwoêntnneêno sekwoe mehomiêntnneêno humotaho engo filɨmno. 29 Upaênɨmno. Hwangku sɨkuno wonyo iêmofapɨhwosoêno ole lɨfitnnefoho. Moyaêmi hwonjo sofanji, moyaêmi yawoso mmoênyoênjo sofanji, moyaêmi mehomi amno manyo sofanji, hofɨko sɨmonyo uyɨfe. 30 Oso sɨkuno homo somo hwe moyaêmi hwofɨkiênyo engo somo ole ulɨfitnnefoho. Sekwo nakumo fɨkilopenahumno. I hwofɨkiênyo weêe somo ole ulɨfitnnefoho. Sekwo nakumo fɨfehuêmokonesyohumamno. Ose ulɨfitnnefoho. 31 Hungkuno ole lɨwoênɨngkohofo, Aêamu olo wonyo loso iyo mijoênjo tɨpemapijo sohonta ifijoêmanji iyo yofoho imoênɨngkuhwosoêno pipi uyantɨfeto. Jisas kakineêno ose ulɨmentisofoho. 32 Hwe hufaêu honɨngkano wonyo imoêmojiyo sohwaêu Jisasɨênji fonjintoêofasiyoêne ipemotawomentohofofoho. 33 Oso hwofɨkiênyo weêe yofe ole, Aêmomnokino Yokino Huyoêmango Paênyoponoho lɨwoênɨngkohofo sopo iêmofawentɨfi osopo Jisasɨmo fonjintoêofahumentohofofoho. Oso hwe wonyo imojiyo sohwaêuênji angaênohino sohwo Jisasɨye aho angahohntaêni fonjintoêofasyontɨfi nomêne humo Jisasɨye aho hwonamonyo hohntaêni fonjintoêofahumentohofofoho. 34 Hofɨko Jisasɨmo fonjintoêofosyahonɨngkofi Jisas kako Anɨtumo ulɨmento, Mpohwo sohwosi olo wonyo ntohofantɨkwofo losoêno hofɨko huno itoêno muyo hwafoho. Osoêno kɨko hofɨkoe wonyoso wae yɨmofohoji hofɨkimo ufoêmaho. Ose ulɨmentisofoho. Hwe itokusoênjo sohwa hofɨko Jisasɨye manjiêmofo yoêmayoso tɨhwo tɨhwo manekiyohoho lontɨfi syohiênyo yontɨfi oso syohiênyo homo somo uyakoloêmentiso aêamu sohwo maêmentisofoho. 35 Hwe moyaêmi hopiênono hofɨko nolohofontɨfi humuhwontohumantohofofoho. Hwe yofe engoênjo sohwa hofɨko Jisasɨmneêno sitofo ole ulɨmentohofi, Kako aêamu nomênemo ufoêmawoênɨngkiso hweho. Osoêno kako Kɨlais Anɨtu uhwosopoêmentiso ne hwoêmanji kako ufoêmaênono. 36 Ose lahonɨngkofi aêamu itokusoênjo huhwa sitofo ulontɨfi hofɨko Jisasɨênjo mofone sopo wentɨfi mijo yokumpohnênyo mangkinyoênjo ifomokosyohumantɨfi, Mono. Mijo hmnyo, ulontɨfi 37 ulɨmentohofi, Kɨko aêamu Juta somo mokosyohumawoênɨngkino nehwosɨêmanji kɨko foêmaênyo. Sitofo ose ulɨmentohofofoho. 38 Jisasɨye iyo hwojiyafɨkuênnyo kakoe mnokinoênjo tojwa sopo iyoswo hofojahumentohofofoho. Oso iyoswo homo somjo ifalifaliyoso olenoho. OLO HWE LOHWO AêAMU JUTAFE HWE ENGO HWEHO. 39 Oso aêamu wonyo sohwaêu Jisasɨênji fonjintoêofahumentohofo sohwaêu nomênehwo Jisasɨmo sitofo ole ulɨmento, Kɨko Kɨlais nehwosɨêmanji kɨko foêmaênɨngkohoji nekumo fefoêmaho. 40 Ose ulahonɨngki nomênehwo upaênonto yoka ulɨmento, Kɨko peênɨngkino losoêno Anɨtumneêno iyoho makinɨngkoho liyohoho. Nekwoe yahino wonyo imotohwayo lomneêno tohino mahwoyo loso itoênohinofoho. Olo hwe lohwo kako honɨngkano wonyo ane hweho. I osoêno nekwo tohino mahwoyeso kakoênji afaêno mahwono. 42 Ose ulonto kako Jisasɨmo ulɨmento, Hwangku kɨko aêamumo mokosyohumayoêne yofe engo majo sohonta kɨko ngkineêno huno asyanɨfohujo. 43 Ose ulahonɨngki Jisas ulɨmento, Ngko hungkuno nehopiênohini wakilɨmonneêno yohono. Olo sɨkuno lomo kɨko ngkoênji ahwomomjo ango wopɨngo Palatais sopo wohumantayoho. Ose ulɨmentisofoho. 44 Hinjo ajwo kuntoliyopo sɨkuno mjaofonto mofehiênyomo hoholo yasyonto akupoênyoênji (3 kɨlouk) osoênji apaêno longkonɨngkahonɨngki mofehiênyo lɨmentisofoho. 45 Sɨkuno mjaoêmentiso hohosohonta Anɨtuye tajo ango engo somjo hwapɨfe engo oso ajwoponjo ango weêe Anɨtu humayoênefoho lɨmotofo sopo hokuêyopo pmpilɨpeehinyoso yokintahopo ntaêni tomonte sɨsɨmpo lohofonto hufaêu imoênɨmentisofoho. 46 Sɨsɨmpeehonɨngki Jisas kako mango mohmêno ole ulɨmento, Mpohwo, nje huyoêmangoso jɨje ahomo wohoênakohumneêno yohono. Ose ulonto kako poyo imoênɨmentisofoho. 47 Poyo imoênɨngkahonɨngki aêamu itokusoênjo sohwafe hwe engo sohwo oso homo somo uhwononto Anɨtuye yofe hoênomanto ulɨmento, Ou, nehopi. Olo hwe lohwo kako honɨngkano wonyo ane hweho. Kako itoênohino hweho. Ose lɨmentisofoho. 48 Hwe moyaêmi hopiênono oso hopo sopo lohofontɨfi yoêmayo imoênɨmentiso somo tɨmo humuhwontohumantohofoso sɨmeho tango mɨkunɨmposo uyahonɨngki hofɨkoe ango poneêno humpoêmentohofofoho. 49 Jisasɨye aêamu soênji moyaêmi Ngkalili ntaêni Jisasɨmo inɨngkamotofo sofanji kengo nompo lohofontɨfi yoêmayo imoênɨmentiso somo humuhwontohumantohofofoho. 50 Hwe fihwo kakoe yofe Jousepɨyoho. Oso hwe huhwo sohwo kako aêamu Jutafe ango Alimateyantaêango hweho. Kako hwe wopɨngoênohini hweho. Kako kaunɨsol syohoênjo ko huhwo 51 kako oso wonyo hofɨko Jisasɨmo ulohoêmentohofo soêno eno mujoênjo imentisofoho. Oêo, kako oso hwe Anɨtu uhwatɨmo lɨmentiso sohwoe pe-eêne sɨkuno soêno hontohumamojo hweho. 52 Oso hwe huhwo sohwo kako Pailotɨmo uêmanto Jisasɨye pijafo mayoêne ulohonɨmentisofoho. 53 Oseso kako Jisasɨye pijafoso iyopo ntaêni nomanto hwapɨfe halojo somo ifohumpo lohofonto sokimo aêamuhwa hofɨko mtɨêmokumentohofo somo hoênahumentisofoho. Oso sokimo homo somo nomêne aêamu poyo peênnyoso mohoênasiyomnoho. Oêo, songofoho. 54 Oso sɨkuno Fɨlaite somo hofɨko sɨkuno iyoho humayoêne yoêmayoso itoêno yasiyoêne sɨkunofoho. Sɨkuno iyoho humayoso umoênɨmonteêno yohoho. 55 Oso moyaêmi Ngkalili ntaêni Jisasɨmo inɨngkapmmentohofo sofa hofɨko Jousepɨênji nowentɨfi Jousep Jisasɨye pijafo sokimomo hoênosyahonɨngki humuhwontohumantohofofoho. 56 Osofa hofɨkoe ango poneêno humpoêmentohofofoho. Nowentɨfi yoêmayo yoêmayo akinoênjoso Jisasɨye pijafomo ehulohofaneêentɨfi itoêno esyohumamentohofofoho. Oso sɨkuno iyoho humayo somjo honɨngkano hungkuno lɨmotofo hopaso hofɨko iyoho humamentohofofoho.