Luk 24

1 Santemo nɨhuêno imɨngo neênji oso moyaêmi hofo sofa hofɨko Jisasɨye pijafomo hwone mijo yoêmayo akinoênjoso ehulohofoêne itoêno nto esyohumamentohofoso huêmemantɨfi sokimo Jisas wentanjo soponeêno umentohofofoho. 2 Oso sojo ewafoso sokimo mango sopo pɨjwahumentohofoso nohwosompoênowentanɨngki uhwonontɨfi 3 sokimomo swontɨfi uhwonɨmentohofoso Jisasɨye pijafoso motɨpɨhwonɨmmentohofofoho. 4 Oso hisoêno hofɨko huno piênɨngo engo syafɨsyontɨfi humentanɨngkofi hwe hufaêu hwaêu manjiêmofo mofehiênyo lawoênnyo sohwaêu hofɨkoênjopo lohofahonɨngki 5 moyaêmi sofa iyoho unɨngkahonɨngki hofɨko ingkuêni ingkuêni lohofontɨfi humamentohofofoho. Hwe huhwo sohwaêu ulɨmentisiyo, Sekwo aêamu songo humaso sohuneêno aêamu poyo peênɨmentohofo lohwafepono pehoêne tɨpmmopalokwofo. [Kako olopo mohumuyoho. Anɨtu nto ulɨkoêmaho.] 6 Kako hwaho Ngkalili humanto selɨmentiso hungkuno soêno huno apaêno fɨkwesyafɨhupmno. 7 Ole soêno selɨmento, Aêamufe Hwomu sohumo aêamu honɨngkano wonyoênjo sohwafe ahomo hoênasyɨkujoêno hofɨko iyo hwojiyafɨkuênnyo somo fonjintoêofasyɨkujoêno sɨkuno hufaêu sɨhune memjaofɨhwosoêno apaêno songo lɨkafone hweho. 8 Ose ulahonɨngki hofɨko Jisas hofɨkimo hohonta ulɨmentiso soêno syafɨsyontɨfi 9 oso sokimo homo somo ulɨkoêmaêmentohofofoho. Nulɨkoêmantɨfi hofɨko Jisasɨye inomokomoyo aho hufaêu hopiênono sɨfe mtaêni angaênohino sohwanji nomêne aêamu soênjimo yoêmayo soêno ulɨmentohofofoho. 10 Oso moyaêmi hofo sofa ole fafoho. Maliya ango Makɨtolantaêango siênji Jouanaênji Maliya Jemɨsɨye konaêwohisiênji nomêne moyaêmi sofanji oso hungkuno hiso aêamu apousel sohwamo ulɨmentohofofoho. 11 Oso aêamu apousel sohwa hofɨko moyaêmi sofafe hungkuno somo upaênontɨfi ifofo hungkuno lohapohofo ose syafɨsyontɨfi hofɨko sɨmeho hiêntnnono mummentohofofoho. 12 I osoêno Pita kako nolɨkafonto sokimomo uhwonɨmo lonto hano kunto kuntoêno ufeeloêmêmentisofoho. Iêmofawento mempo hohntaêni hwomtame ehumu lohofonto tɨmo sokimomoêmo monje syuhwonɨhwojahusyoso hwapɨfe halojo soênohini wentanɨngki syuhwonɨhwojawento kakoe ango poneêno asomo ponto yoêmayo imoênɨmentiso soêno huno piênɨngo engo humosyafɨsisofoho. 13 Oso sɨkuno homo somo hwe hufaêu hwaêu siko ango Emeyosɨneêno hano umentisiyefoho. Oso honɨngkano Jelusalem mtaêni ango ne sopo iêmofae soêno hano uyoso aho hufaêu hopiênono sɨfe mtaêni angaêno kiloumitafoho. 14 Siko hano nowenji yoêmayo imoênɨmentiso soêno humomjahnnɨmɨhusiyefoho. 15 Siko hungkuno mjohnnɨmɨwentanɨngki Jisas kako huhwo sikoênjo mofonepo ntaêni imoênoma lohofonto sikoênji humahwofofoho. 16 Jisas sikoênji ko wentɨfi siko Jisasɨmo yofe mɨhwofeênjo imentisiyefoho. 17 Jisas sikimo ulɨmento, Siko peho hungkuno mjolɨmɨwalokusiyo. Ose ulahonɨngki siko lohofu lohofonji sɨmeho tangoênjo sohwaêu sɨmano upoêmentisiyefoho. 18 Hwe nomênihwo kakoe yofe Kɨliyoupas sohwo kako Jisasɨmo ulɨmento, Aêamu ango kengo kengopontaêangoso Jelusalem uhuêmokumalofo sohonta humamahnno sohwosi yoêmayo imoênɨmaso soêno kɨko huno makiyoho liyohoho. 19 Ose ulahonɨngki Jisas ulɨmento, Peho imoênɨmasoto. Ose ulahonɨngki siko ulɨmentisi, Oso yoêmayo hopiênonohino imoênɨmaso soêno lalokuhwayoso Jisas ango Nasaletnntaêango sohumo imoênɨmasofoho. Anɨtu kakimo hungkuno uyahonɨngki nalɨmojo hweho. Yoêmayo imojo soênji hungkuno lɨmojo soênji wonyoangkafofoho. Nakwo aêamu huhwo sohwi uhwonɨmentɨhwone hnênnonji Anɨtu huhwoênji wopɨngo hweho lalokuhwono. 20 Nakwoe aêamu tajo ango syohoênjo sohwafe hwe engo sohwanji nakwoe hwe engo sohwanji hofɨko hwe engo nakwoe hwaho mokosyohumayo sohwafe ahomo hoênohumalofɨhweho. Nohoênosyahonɨngkofi hofɨko poyo umoênono lontɨfi kakimo iyopo fonjintoêofahumalofo hweho. 21 I osoêno nakwo huno ole: Oso hwe sohwo kako aêamu Juta hnênɨmo aêamu aho yokumpohnênyo nemokosyohumentanɨngkujo sohwa mtaêni isɨhutofonemayoêne hweho. I osohonta oso yoêmayo imoênɨmasoso sɨkuno hufaêu sɨhune memjaoêmasofoho. 22 Osoêno olo imɨngo loênji moyaêmi fehohnjo nakwoênji Jisasɨmo inɨngkamotofo sofa hungkuno nelahonɨngkofi nakwo yomo engo ihwonefoho. Hofɨko olo imɨngo loênji Jisasɨye pijafo hoênohumalofo sopo 23 huno uhwonawentɨfi asomo nopontɨfi ole nalohofi, Nakwo aêamu ahwomo mtaêango sohwaêumo uhwonɨngkahonɨngkuhwoni siko ole nalisiyo, Kako songo humaho. Ose nalohofo. 24 Aêamu fehohnjo nakwoênji humantɨhwone sohwa hofɨko Jisasɨye pijafo hoênohumalofo sopo uhwonowano lontɨfi umentohofoso moyaêmi sofa uhwonɨngkahwofo hopa hofɨko uhwonɨngkohofofoho. I osoêno hofɨko Jisas sohumo muhwonɨngkiyohofo. 25 Ose ulahonɨngki Jisas ulɨmento, Siko huno ane hwahusoho. Siko aêamu Anɨtu hungkuno uyahonɨngki lɨmotofo sohwafe hungkunomo sɨmeho hiêntnnono muyoênjo pehoêno imasiyoto. 26 Hofɨko ole nalɨmotofi, Kɨlais kako sɨmoêmo yoêmayo soêno tohino mahwosi tɨfi noêmo kako yofe engoênji yokumpohnênyo engoênji mane hweho. Ose nalɨmotofofoho. 27 Ose ulonto Jisas kako Mousesɨye hungkuno mtaêni lomanto aêamu Anɨtu hungkuno uyahonɨngki lɨmotofo sohwafe hungkuno soênji ulɨmentisofoho. Yoêmayo hungkuno kakineêno mtɨêmokumentohofoso Jisas sikimo lɨjumoêmentisofoho. Osoêno kako yoloho neso lutɨhwamentisofoho. 28 Jisas kako neêno lutɨhumuhwahonɨngki oso ango Emeyos siko wowanji imentisiyo sopo mofonepo iêmofawentɨfi Jisas kako hano neêno wamonto ko yahonɨngki 29 siko hungkuno yokumpohnênyo ulɨmentisi kɨko nekwoênji fosyohumaho. Mofehiênyo wanɨngkuênɨmonto isoso weêenepi sɨkuno wonammontonoho. Ose ulahonɨngki Jisas sikoênji ango fihumo noswontɨfi humamentohofofoho. 30 Oseso hofɨko wosopayo nyoêne epohumayo sopo humantɨfi Jisas kako wopayo nomanto Anɨtumo isamoyoka ulonto wosopayo hiso nokujonto sikimo uyɨmentisofoho. 31 Ose uyahonɨngki sikoe tɨmo ehohosɨsyahonɨngki Jisasɨmo yofe uhwoêmentisiyefoho. Yofe uhwofahonɨngki Jisas kako imoênaoêmentisofoho. Nto imoênaofahonɨngki siko kakimo apaêno muhwonɨmmentisiyefoho. 32 Ose yonji ole hnnɨmentisi, Nekwo kakoênji honɨngkanopo nopontani kako Anɨtuye hungkuno yoloho neso le-etɨhwamopiso soêno nekwoe sɨmeho wonyoangkafo emoênɨngkisofoho. 33 Ose hnnɨmentisiyo sohonta siko nolɨkafonji Jelusalemneêno asomo umentisiyefoho. Nowenji siko Jisasɨye inomokomoyo aho hufaêu hopiênono sɨfe mtaêni angaênohino sohwanji nomêne aêamu hofɨkoênji humamotofo soênjimo uêmahonɨngki 34 hofɨko sikimo ulɨmentohofi, Ou, nehopi. Nakwoe Hwe Engo nto lɨkoêmaho. Kako Saimounɨmo uêmahonɨngki Saimoun uhwonɨngkohoho. 35 Ose ulahonɨngkofi oso hwe hufaêu sohwaêu sikimo yoêmayo honɨngkanopo uêmaêmentiso soêno ulonji ole ulɨmentisi, Jisas kako wopayo kujonto ejopahonɨngki nekwo kakineêno huno eisofoho. 36 Hofɨko oso hungkunoso hnnontanɨngkofi Jisas kako ajwo lopo ntaêni imoênoma lohofonto hofɨkoênjo ajwo sopo lohofonto ulɨmento, Sɨmeho wopɨngoênjo fosyohumamno. 37 Ose ulahonɨngki hofɨko yomo yontɨfi iyoho unɨngkanɨngki hnnɨmentohofi, Pehotɨkeno. Mewosotɨkeno. 38 Ose hnnɨngkahonɨngkofi Jisas ulɨmento, Sekwo yomo pehoêno epemoênawehofo. Sekwoe sɨmeho moêmo huno piênɨngo pehoêno seyohoho. 39 Nje sɨfe aho nohonɨngkuji sekwo aho nɨpmmokumno. Ngkonoho. Ngko songo humaleno. Ihwoni. Mewoso sohwa hofɨko aêapahoênji yokino soênji ngkimo nohonɨngkohofo paênyoêmaho. Oêo, mewoso yokino soênji mɨkufo soênji anefoho. 40 Ose ulonto kako kakoe sɨfeênji ahoênji hofɨkimo utɨhwamentisofoho. 41 Ose uhwonontɨfi hofɨko kakimo sɨmeho hiêntnnono muyilohwono ko syofɨsyontɨfi hofɨko sɨmonyo yontɨfi pisopisaho mjalɨmɨhwanɨngkofi Jisas ulɨmento, Sekwo wosopayo fiso olopo woênnyo hwasilaho. 42 Ose ulahonɨngki hofɨko inanɨku iloho yahumentohofoso umosiyahonɨngkofi 43 nomanto nonɨngkahonɨngki hofɨko kakimo tɨmo uhwonɨmentohofofoho. 44 Ose uhwonɨngkahonɨngkofi kako hofɨkimo ulɨmento, Hohonta ngko sekwoênji humanji ole selɨmentoho, Yoêmayo hungkuno Mouses ngkineêno mtɨêmokumentiso soênji aêamu Anɨtu hungkuno uyahonɨngki ngkineêno lɨmotofo sohwafe hungkuno soênji aêamu ngkineêno Taênjo Iyoswomo mtɨêmokumentohofo soênji oso hungkuno hopiênonohino ngkineêno mtɨêmokumentohofoso ne imoênone soêno nto selɨmentohefoho. 45 Ose ulonto hofɨkoe hunomo ehohosɨsyahonɨngki hofɨko Anɨtuye hungkuno ne soêno huno itoêno umentisofoho. 46 Ole ulɨmento, Anɨtuye hungkunoso ole nalohi, Kɨlais oso hwe Anɨtu uhwatɨmentiso sohwo tohino engo nomahwosi sɨkuno hufaêu sɨhune memjaofɨhwosoêno kako poyo imoênyoso sohwo songo wolɨkaêmontonoho. 47 Oso hungkuno wopɨngoso aêamufe honɨngkano wonyo somtaêni isɨhutofomayoêne hungkuno loso ango Jelusalem sopo ntaêni angoêmeemo motahumpekuji wolutɨhwafɨkufe. Hungkuno hiso olenoho. Anɨtu kako aêamumo wopɨngo ulohoêmentiso soêno aêamu hofɨkoe honɨngkano wonyo somneêno nɨhuênahone hohujo ikinjaofɨkujoêno Anɨtu hofɨkoe wonyoso wae umoêmontonoho. 48 Sekwo yoêmayo homo somo uhwonɨmotofo sohwasi oso hisoêno sekwo aêamu nomênemo filutɨhwafɨkuno. 49 Upaênɨmno. Ngko sohwoêni oso nje Mpohwo wosejapmmonnoho selɨmentisoso sekuyepono wolɨhwatɨmonnoho. Sekwo olo ango Jelusalem lopo nohumentanɨngkuji ahwomomjo yokumpohnênyoso sekumo woseêmaêmontonoho. Noseêmahwosoêno oso hisoênji nakwo nomêne angopono wohumpehwano lɨfijoêmanji noho fohumpekuno. Ose ulɨmentisofoho. 50 Oseso Jisas kako hofɨkimo ipemotawento ango Mpetani sopo uhwojamentisofoho. Oso hopo sopo kakoe aêamu somo aho ulonjimokumentisofoho. 51 Ulonjimokukwato lohofonto hofɨkimo uhwotɨêmofahonɨngki Anɨtu Jisasɨmo ahwomomneêno motasɨmentisofoho. 52 Hofɨko Jisasɨmneêno hwomtame nto ulohofontɨfi hofɨkoe sɨmeho wonyoangkafoênjohwa Jelusalemneêno asomo pontɨfi sɨmonyo imentohofofoho. 53 Hofɨko sɨkuno huhwo huhwi Anɨtuye tajo ango engo somo humantɨfi Anɨtuye yofe hoênomaêmotofofoho. Lukɨye hungkunoso osohoponoho.