Joun 20

1 Sante imɨngo neênji sɨkwoêmjoho soêmo Maliya ango Makɨtolantaêangosi kako nolɨkafonto Jisasɨmo hoênahumentohofo soponeêno uhwonɨmentisoso piênɨmomjo sojoso hwosampoênnyo uhwonɨmentisofoho. 2 Ose uhwononto kako hano kunto kuntoêno nowento Saimoun Pitaênji ngko Jounênnonjimo tɨpehonɨmaênonto elɨmento, Nakwoe Hwe Engo sohumo sokimo mtaêni wae yaoêmalofofoho. Hofɨko ntɨêmo kohoênahumalofo. Ngko huno maniyohoyohoho. 3 Ose elahonɨngki Pitaênji nekwo sokimo somneêno hano kunto kuntoêno nowentai 4 ngko Pitamo uyakolofonji ngko sɨmoêmo sokimo somo iêmofapmmentohefoho. 5 Ngko iêmofaponji ikuênɨhwonɨngkoheso hwapɨfe yoêmayoso ko uhwononji ngko masyuyoênjo imentohefoho. 6 Saimoun Pita kako tɨfi nɨmjɨmentiso sohwo kako sokimo ne moêmo humentisofoho. Noswonto uhwonɨmentisoso hwapɨfeênohini nowentanɨngki uhwonɨmentisofoho. 7 Oso hwapɨfe nomêneso Jisasɨye mnokinomo popokuêmentisiyoso nomênepo kuêmokahinyo nowentanɨngki uhwonɨmentisofoho. 8 Ngko sɨmoêmo sokimomo iêmofapmmentohe huhwoêni noswonji yoêmayo somo uhwononji Jisas kako lɨkafone soêno ngko sɨmeho hiêntnnono uyɨmentohefoho. 9 Hohonta sohonta nakwo Anɨtuye hungkuno mtɨêmokumentohofo soêno yofe muhwofeênjo imentɨhwonefoho. Hungkuno mtɨêmokumentohofoso Jisas kako poyo imoênɨngkuhwosi apaêno songo lɨkafoneêno mtɨêmokumentohofofoho. 10 Oso hohosohonta yoêmayoso nuhwonontai oso hungkuno homo somo sɨmeho hiêntnnono uyontai nekwoe aêamuênjopo asomo umentɨhwayofoho. 11 Osohonta Maliya kako sokimoênjo mofone sopo lohofonto humotaho lɨmentisofoho. Humotaho lonto ikuênɨhwonɨmentisoso sokimo ajwomoêmo 12 aêamu ahwomo mtaêango nehmêno manjiêmofo sawemo halojoênjo sohwaêu uhwonɨmentisofoho. Siko Jisasɨye pijafo hoênahumentohofo sopo nohumanji angaêno kako mnokino hohntaêni humentanɨngki nomênihwo sɨfe hohntaêni humentanɨngki uhwonɨmentisofoho. 13 Siko Maliyamo ulɨmentisiyo, Aêmu losiyo, kɨko humotaho pehoêno lalokuno. Ose ulahonɨngki Maliya ulɨmento, Hofɨko nje Hwe Engo sohwoe pijafoso wae yanɨmoêmalofoêno ntɨêmo kohoênahumalofo lonji lotɨpeelokweno. 14 Ose ulonto Maliya ikinjaofonto uhwonɨmentisoso Jisasɨmo ko uhwononto kako Jisas sohumo yofe mɨhwofeênjo imentisofoho. 15 Jisas Maliyamo ulɨmento, Aêmu losiyo, kɨko humotaho pehoêno lalokuno. Hafɨhafe tɨhuneêno tɨpeelokuno. Ose ulahonɨngki Maliya ole syafɨhuêmento, Olo hwe lohwo kako iyo uyo syoho losomo mokosyohumawoênɨngkiso hweho. Ose syafɨsyonto ulɨmento, Hwe engofo, kɨko kakoe pijafoso nomanji kengopo hoênahumahnnoêmanji ngkimo njo. Ngko nomahmêmo womotawomo. 16 Ose ulahonɨngki Jisas kakoe yofe ulɨmento, Maliya. Ose ulahonɨngki Maliya ikinji lohofonto Jisasɨmo yofe uhwoêmentisofoho. Uhwofonto Jutafe hungkuno ulɨmento, Lapounai. Nakwoe hungkunoso ole: Lontɨhwayo hwosoho. 17 Ose ulahonɨngki Jisas ulɨmento, Kɨko ngkimo aho nonɨpmmakohotoho. Oêo, ngko nje Mpohwoepono masileno. Kɨko nuhuji nje aêamu sohwamo ole uso, Ngko nje Mpohwoepono wasɨmne hwoênyoho. Nje Mpohwo sohwo sekwo huhwa hnnonjiye Mpohweho. Nje Anɨtu sohwo sekwo huhwa hnnonjiye Anɨtuyoho. Ose uso. 18 Ose ulahonɨngki Maliya ango Makɨtolantaêangosi nowento Jisasɨye inomokomoyo sohwonaênɨmo tɨpenahononto nalɨmento, Ngko nakwoe Hwe Engo sohumo nto uhwonɨngkohono. Ose ulonto kako yoêmayo hungkuno Jisas ulɨmentiso soênji nalɨmentisofoho. 19 Oso sɨkuno Sante somo mofehiênyo nto ikwoêmokumentiso soênji Jisasɨye inomokomoyo sohwonaêni nakwo aêamu Juta somneêno iyoho nenɨngkahonɨngki nakwo oso ango humamentɨhwone homo somo hokuêyo yokumpohnênyo pɨjwasyontani humohumantɨhwonefoho. Nohumentanɨngkuhwoni Jisas kako nakwoênjo ajwo lopo ntaêni imoênomanto nalɨmento, Nɨngkwahwosafo, sekwo iyoho senɨngkuhwoloho. Sɨmeho wopɨngoênji fosyohumamno. 20 Ose nalonto kako kakoe ahomjo ime soênji hupeponjo ime soênji netɨhwamentisofoho. Nakwo nakwoe Hwe Engo Jisas sohumo uhwonontani sɨmonyo engo imentɨhwonefoho. 21 Jisas nomêne hungkuno nalɨmento, Sekwo sɨmeho wopɨngoênji fosyohumamno. Nje Mpohwo ngkimo nɨhwatɨmentiso hopaso ngko sekumo wosehwatɨmonnoho. 22 Ose nalonto kako kakoe mammtnno nafohusonto nalɨmento, Sekwo Anɨtuye Towahuno Wopɨngoênohinoso sekwoe sɨmeho moêmo wehuhnnosemafono. 23 Sekwo nomêne aêamufe wonyoso wae yamopijoso oso wonyo hiso moiêwo umoênɨmontonoho. Sɨmeho moêmo momnɨwenehoho. I sekwo nomêne aêamufe wonyoso wae mumopijoêmanji oso wonyo hiso sɨmeho moêmo neêno wamnɨwoêmontonoho. 24 Jisas kakoe inomokomoyo sohwonaênɨmo neêmaêmentiso sohonta Toumas sohwo kako mohumunyoponoho. Oso hwe huhwo sohune nomêne yofeso olenoho. Ntitimosɨyoho. Hufaêu mehomi hweho. 25 Oseso inomokomoyo nomêne sohwonaêni Toumasɨmo ulɨmentɨhwoni, Nakwo nakwoe Hwe Engo songo lɨkaêmaso sohumo nto uhwonɨmalohwone hwonaênyoho. Kako songo humaho. Ose ulahonɨngkuhwoni Toumas nalɨmento, Ngko Jisasɨye ahomjo ime soênji kakoe hupeponjo ime soênji uhwonɨêmo ngko ime homo somo nupmêmokuêmo ngko kakimo sɨmeho hiêntnnono uyɨmonnoho. Ngko kakimo muhwonyoêmanji sekwo hwasyo ntohofo waselɨmonnoho. Ose nalɨmentisofoho. 26 Tɨfi sohonta sɨkuno aho fehohnjo hopiênono nomêne mtaêni hufaêu sɨhune memjaofahonɨngki Jisasɨye inomokomoyo sohwonaêni nakwo angomo nohumentanɨngkuhwoni Toumas huhwo nakwoênji humamentisofoho. Nakwo hokuêyo yokumpohnênyo pɨjwasyontani nohumentanɨngkuhwoni Jisas nakwoênjo ajwo loêmtaêni imoênoma lohofonto nakumo nalɨmento, Sekwo sɨmeho wopɨngoênohino hwasi fohumamno. 27 Ose nalonto kako Toumasɨmo ulɨmento, Toumas, kɨko olopo fɨpe. Nje ahomjo ime somo nohonɨngkohoji nɨpmêmojo. Nje hupeponjo imesomo jɨje aho motapohoji nɨpmêmojo. Ngkonoho. Kɨko sɨmeho hiêntnnono ntapmmotnnoso nohoênaofohotoho. Oêo, sɨmeho hiêntnnono yokumpohnênyoênohini ntape. 28 Ose ulahonɨngki Toumas ulɨmento, Ou, ngko kikineêno huno niyohoho. Kɨko nje Hwe Engo hwosoho. Kɨko nje Anɨtu kiyoho. 29 Ose ulahonɨngki Jisas ulɨmento, Kɨko ngkimo nohonɨngkino soêno sɨmeho hiêntnnono ntopahino. Aêamu hofɨko ngkimo manohonyoênjo ko yontɨfi sɨmeho hiêntnnono ntopalokwofoso hofɨko sɨmonyo engo uyantɨfeho. Ose ulɨmentisofoho. 30 Jisas kako nakwo inomokomoyo sohwonaênnonji nohumanto yoêmayo wonyoangkafo aêamu miyɨwoênɨngkiyohofoso piênɨngo engo imentiso soêno hungkuno weêeêmaho. Ngko hungkuno fehohnjoso olo iyoswo lomo mamtɨêmokiyoênjo imentohefoho. 31 I osoêno ngko olo iyoswo mtɨêmokohe losoêno sekwo Jisas Kɨlaisɨmo sɨmeho hiêntnnono uyɨmno. Kako Anɨtuye Hwomu Ne hweho. Sekwo sɨmeho hiêntnnono uyɨfijoêmanji songo neêno humayoêneso wotɨpemantɨfeho.