Joun 19
PNG1 Oseso Pailot kako Jisasɨmo utɨmanto kakoe aêamu itokusoênjo sohwamo impeênji fongkupmno, ulɨmentisofoho. 2 Hofɨko Jisasɨmo nofonjontɨfi impe yongoênjoso nokikisontɨfi hnnɨmentohofi olo hwe yofe engoênjo hwaho mokosyohumayo sohwo mnokinoêmanjiêmofo paênyofoho. Ose lontɨfi Jisasɨye mnokinopo monjiêmofahumentohofofoho. Ose yontɨfi hofɨko manjiêmofo sawemo miyoênohinoso aêamu hwaho mokosyohumayo yofe engoênjo sohwa iwoênɨngkohofo hopaso Jisasɨmo ulohoêmentohofofoho. 3 Ose ulohofontɨfi kakimo uêmantɨfi sitofo ulontɨfi ulɨmentohofi, Ou, Hwe Engo sohwosi, kɨko aêamu Juta somo mokosyohumawoênɨngkino sohwosilaho. Ose ulontɨfi kakoe manjijohopo fongkuêmentohofofoho. 4 Osohonta Pailot apaêno mempono noswaponto aêamu Juta somo ulɨmento, Ihwoni. Ngko memponeêno ipemotoswapmme sohwo sekwo huno waseyono. Kako wonyo honɨngkano ane hweho. 5 Ose ulahonɨngki Jisas kako mempono swapmmentisofoho. Oso mnokino manjiêmofo yongoênjo mtɨêmokumentohofoso Jisasɨye mnokinopo monjimofahumentohofofoho. Oso manjiêmofo miyoênohinoso hiênjo hweho. Jisas osopo nohumentanɨngki Pailot aêamu somo ulɨmento, Ihwoni, olo hwe lohumo uhwonɨmno. 6 Ose ulahonɨngki aêamu yofe engoênjo tajo ango syohoênjo sohwanji aêamu hwapɨfe tɨfoênjo sohwanji hofɨko Jisasɨmo uhwonontɨfi joho mohmêno ulɨmentohofi, Iyomo fonjintoêofahumno. Iyomo fonjintoêofahumno. Ose ulahonɨngkofi Pailot ulɨmento, Olo hwe lohwoe honɨngkano wonyoso ngko motɨpɨhwonyoênjo yohono. Sekwo soku utɨmafɨkuji iyomo fonjintoêofahumno. 7 Ose ulahonɨngki aêamuso ulɨmentohofi, Olo hwe lohwo kako Anɨtumneêno sitofo nalɨmentisofoho. Ngko Anɨtuye Hwomu hwoênyoho nalɨmentisofoho. Osoêno nakwoe honɨngkano hungkuno olo yahino losoêno wapeênono nalɨwoênɨngkohoho. 8 Pailot oso hungkuno homo somo upaênonto iyoho engo mɨkunɨmposo unɨmentisofoho. 9 Pailot oso ango engo somo apaêno noswonto Jisasɨmo ulɨmento, Kɨko ntɨêmtaêni pmmentohino hwosilo. Ose ulahonɨngki Jisas oso hungkuno ulɨmentiso somo asomo mujoênjo yahonɨngki 10 Pailot ulɨmento, Pipilo. Kɨko ngkimo hungkuno manjoso mampiênyo pehoêno humahnno. Ngko kikimo kisɨhutofoêne yokumpohnênyoso hiênjo hwoênyoho. I ngko kikimo iyomo fonjintoêofakisiyoêne yokumpohnênyoso hiênjo hwoênyoho. Osoêno kɨko huno makiyoho liyohoho. 11 Ose ulahonɨngki Jisas ulɨmento, Oso yokumpohnênyo engo mokosyohumahnnoso Anɨtu ahwomomo humaso sohwo kako kikimo mokijapeênjo yontentesi kɨko ngkimo wonyo mantohofohotnnesohilo. Oso aêamu ngkimo jɨje ahomo hoênanɨhumalofo sohwa hofɨkoe wonyoso jɨje wonyo somo yakoloênnyofoho. Hofɨkoe wonyoso mɨkunɨmposofoho. 12 Pailot kako Jisasɨye hungkunomo upaênonto Jisasɨmo usɨhutoêmo lonto huno piênɨngo engo syafɨhuêmentisofoho. Aêamu Juta sohwa oso hisoêno upaênontɨfi hofɨko Pailotɨmo mango engo ulɨmentohofi, Kɨko olo hwe lohumo isɨhutofɨhwaji soêmanji kɨko Sisa hwe yofe engo hwofiloênnyo sohwoe aêamu hwosɨêmaho. Aêamu fihwo ngko aêamumo mokosyohumayo hwoênyoho lɨwoênɨngkiso sohwo kako Sisafe mango hweho. 13 Pailot kako oso hungkuno homo somo upaênonto kako Jisasɨmo mempono ipemotoswapmmentisofoho. Noswaponto Pailot kako hungkuno ntoêno mɨhwajiyoêne epohumayo sopo ampo humamentisofoho. Oso hopo sopo yofe ole lɨmotofofoho, Sokumnangoponoho. Aêamu Hipɨluso oso hisoêno hofɨkoe hungkunoso ole lɨmotofofoho, Ngkapatofoho lɨmotofofoho. 14 Oso hohosohonta aêamu Jutafe Anɨtu Aêamu Isɨlael somo Uyakoloêmentiso somneêne Syafɨsiyo Sɨkuno Engo iyoho moênɨngkanta humayoêne yoêmayo itoêno esyohumayoêne sɨkunomnoho. Oso homo somo mofehiênyo ajwo kuntoliyopo posahonɨngki Pailot aêamu Juta somo ulɨmento, Olo hwe lohwo sekumo semokosyohumayoêne hwe engo hweho. Sekwo uhwonɨmno. 15 Ose ulahonɨngki hofɨko joho mohmêno ulɨmentohofi, Wayo yafɨkuji fonjahumno. Iyomo fonjintoêofahumno. Ose ulahonɨngkofi Pailot ulɨmento, Ngko sekwoe hwe engo sohumo iyomo wofonjintoêofahumonntaho. Ose imneêno lasemoênɨngkohoho. Ose ulahonɨngki aêamu yofe engoênjo tajo ango syohoênjo sohwa ulɨmentohofi, Olo hwe lohwo nakwoe hwe engo hwoêmaho. Nakwoe hwe engo angaênohino sohwo Sisafoho. 16 Ose ulahonɨngkofi Pailot kako Jisasɨmo iyomo fonjintoêofasiyoêne aêamu huhwo sohwafe ahomo hoênahumentisofoho. 17 Oseso Jisasɨmo utɨmantɨfi iyo hwojiyafɨkuênnyoso nomantɨfi kakwoêyohumo utofimentohofofoho. Jisas kako itokwawento ango Jelusalem ulɨkoêmantɨfi Aêmomnokinoponoho lɨwoênɨngkohofo sopono kotasɨmentohofofoho. Hipɨlu hungkunoso oso hopo soponeêno ole lɨwoênɨngkohofo Ngkoulɨkotanoho lɨwoênɨngkohofofoho. 18 Oso hopo sopo hofɨko Jisasɨmo iyo hwojiyafɨkuênnyo sopo fonjintoêofahumentohofofoho. Oso Jisasɨênjo sopo hwe hufaêu sohwaêu yohosi yohosɨntaêni fonjintoêofasyontɨfi Jisas ajwoêmo fonjintoêofahumentohofofoho. 19 Pailot kako iyoswo nomanto Jisasɨye mijo kwaêofiyo tokwajo nohonje sopo mtɨêmokohofojahumentisofoho. Oso hungkuno hiso olenoho. JISAS NASALET NTAêANGO SOHWO AêAMU JUTAFE HWE ENGO HWEHO. Ose mtɨêmokumentisofoho. 20 Jisasɨmo fonjintoêofahumentohofo hopo sopo ango Jelusalem mofoneponoho. Oseso aêamu Juta piênɨngoso nosapontɨfi oso iyoswo mtɨêmokohofojahumentiso homo somo atofo lɨmentohofofoho. Oso hungkuno hiso Pailot kako hungkuno hufaêu sɨhuneênjo mtɨêmokumentisofoho. Aêamu Jutafe hungkunoênji aêamu Ngkɨlikɨfe hungkunoênji aêamu Loumɨfe hungkunoênji mtɨêmokohofojahumentisofoho. 21 Oseso aêamu yofe engoênjo tajo ango syohoênjo sohwa hofɨko oso iyoswomo uhwonontɨfi Pailotɨmo ulɨmentohofi, Aêamu Jutafe Hwe Engo hweho mtɨêmokinyoso hwasyofoho. Ole mtɨêmojo. Olo hwe lohwo ngko aêamu Jutafe hwe engo hwoênyoho lɨmojo hweho. Ose mtɨêmojo. 22 Ose ulahonɨngkofi Pailot ulɨmento, Hungkuno mtɨêmokohe loso olo hungkuno loênohini waweno. Ose ulɨmentisofoho. 23 Aêamu itokusoênjo osofosofahuênohino sohwa hofɨko Jisasɨmo iyo hwojiyafɨkuênnyo sopo nto fonjintoêofasyontɨfi hofɨko kakoe manjiêmofo yoêmayo soênji nomantɨfi yano ilofoso osofosofahuêno iloêmentohofofoho. Aêamu angaêno angaênohino sohwamnefoho. I kakoe nemêno manjiêmofoso ufohotofoso aneênjo uhwonontɨfi 24 ole hnnɨmentohofi, Oloso nosɨsɨmpehwaloho. Oêo nakwo syohiênyo ihwasi aêamu neyakolofoso sohwo kako olo hiloso hiênji womaêmonte hweho. Ose imentohofoso Anɨtuye hungkuno aêamu mtɨêmokumentohofoso ne imoênɨmentisofoho. Hungkuno hiso olenoho. Aêamu nje hwapɨfe yoêmayoso yano ilofontɨfi huêmemaêmentohofofoho. Nje manjiêmofo soêno hofɨko syohiênyo yontɨfi uyakoloêmentiso sohwo maêmentisofoho. Oso aêamu itokusoênjo sohwa oso hiso imentohofofoho. 25 Oso Jisasɨye iyo hwojiyafɨkuênnyoênjo mofone sopo Jisasɨye konaêwohiênji konosɨmaênji Kɨloupasɨye ape Maliyaênji nomêne Maliya ango Makɨtola ntaêangosɨênji humamentohofofoho. Oso moyaêmi hofosofa Jisasɨye iyo hwojiyafɨkuênnyoênjo tɨfo ne sopo lohoêmentohofofoho. 26 Ngko Joun Jisasɨye aêamu sohwoênnonji Jisasɨye konaêwohiênji afapo lohofontanɨngkuhwoi Jisas ehononto elɨmento, Naêuyo oso hwe sohwo jɨje hwomu hweho. 27 Ose ulonto ntɨmento, Olosi jɨje naêuyoho. Ose ntahonɨngki oso sɨkuno somo ngko Jisasɨye konaêwohihnêni nje angomo mokosyohumamotefoho. 28 Ose imoênɨmentiso sohonta Jisas kako huno ole umento, Nje yoêmayo syohoso moiêwonoho. Ose syafɨsyonto ole ulɨmento, Ngko mijoêno nɨmoênɨngkohoho. Ose ulɨmentisofoho. Ahwonte angaêno ipisayo mijo yokumpoynênyo mangkinyoênjo oso hopo sopo nowentanɨngki hofɨko hwapɨfe paênyo weêeso mijo homo somo yomantɨfi tokemo popojontɨfi nohoênomantɨfi Jisasɨye mangomo uyɨmentohofofoho. Ose imentohofo sohonta oso hungkuno Ntefit Jisasɨmneêno hohonta mtɨêmokumentisoso ne imoênɨmentisofoho. Mtɨêmokinyoso olenoho. Ngko mijoêno nɨmoênɨngkoho. 30 Ose ulahonɨngki Jisas mijo hiso nononto lɨmento, Nje syoho imoteso moiêwonoho. Ose ulonto kakoe mnokino iwaêwoêmentisofoho. Osohonta kakoe huyoêmango Anɨtuye poneêno uhwatɨmentisofoho. 31 Oso hohosohonta aêamu Jutaso hofɨkoe Sɨkuno Engo iyoho humayo soêne yoêmayo ntoêno esyohumayoêne sɨkunomnoho. Oseso aêamu Juta sohwa ole syafɨhuêmentohofi, Nakwoe Sɨkuno Engo iyoho humayo somo iyo hwojiyafɨkuênnyo sopo aêamufe pijafo neêno weso nakwolaho lontɨfi hofɨko Pailotɨmo aêamu huhwo sohwa poyo komoêno peênyoêne hungkuno ole ulɨmentohofi, Kɨko jɨje aêamu itokusoênjo sohwamo ulahonɨngkohoji hofɨko aêamu iyoponjo sohwafe sɨfe kutɨkujo lohofɨkuji hwahopo womehoênahufe. 32 Ose ulahonɨngkofi Pailot hungkuno ose ulahonɨngki aêamu itokusoênjo sohwa hofɨko oso hwe hufaêu Jisasɨênjo sopo yohosi yohohntaêni fonjintoêofahumentohofo sohwaêuye sɨfemo kutɨkujo lohoêmentohofofoho. 33 Nokujontɨfi Jisasɨmo uêmantɨfi kako poyo nto imoênɨmentiso uhwonɨmentohofofoho. Ose uhwonontɨfi Jisasɨye sɨfemo makujiyoênjo imentohofofoho. 34 I osoêno aêamu itokusoênjo fihwo kako Jisasɨmo hosɨmno hupepo honje hmmentisoso honɨyoênji mijoênji usɨhumaêmentisofoho. 35 Ngko Joun sohwoêni yoêmayo imoênɨmentiso somo uhwonɨmentohefoho. Hwasyo hungkuno moselalokuyohono. Yoêmayo uhwonɨmentoheso yoêmayo upaênɨmentoheso olo iyoswo lomo ifalifaliyo mtɨêmokalokweno. Sekwo hungkuno homo somo sɨmeho hiêntnnono uyɨfitnneêenji mtɨêmokalokweno. 36 Yoêmayo uhwonɨmentoheso imoênɨngkahonɨngki Anɨtuye hungkuno mtɨêmokumentohofoso ne imoênɨmentisofoho. Hungkuno angaêno mtɨêmokumentohofoso olenoho. Hofɨko kakoe yokinoso makujiyofoho. 37 Nomêne hungkuno mtɨêmokumentohofoso olenoho. Oso hwe sohumo hofɨko hosɨmno hmmentohofo sohumo uhwonantɨfeho. Hungkuno mtɨêmokumentohofo hiso oso sɨkuno homo somo ne imoênɨmentisofoho. 38 Oso hiso moiêwo imoênɨngkahonɨngki Jousep ango Alimateyantaêango sohwo kako Pailotɨmo uêmaêmentisofoho. Jousep huhwo sohwo kako Jisasɨmneêno sɨmeho ko uyonto kako aêamu Jutafe hwe engo somneêno iyoho unɨngkahonɨngki kako sɨmeho hiêntnnono unyo hungkuno soêno molɨjwafeênjo imentiso hweho. Jousep huhwo sohwo kako Pailotɨmo uêmanto ulɨmento, Ngko Jisasɨye pijafoso womaêmonneêno yohono. Ose ulahonɨngki Pailot eno ulahonɨngki Jousep Jisasɨye pijafoso iyopo ntaêni maêmentisofoho. 39 Jousep kakoênohinɨêmaho. Oêo, Nikoutemos kako hohonta Jisasɨmo sɨkwoêmiyomo uêmaêmentiso sohwoênji siko Jisasɨye pijafo maêmentisiyefoho. Nikoutemos huhwo sohwo kako iyo mijo akino wopɨngoênjo soênji iyoswo akino wopɨngoênjo soênji pijafo somo hoênasyiyoêne piênɨngo engo motapmmentisofoho. Kakoe tangoso teti-foua (34) kiloufoho. 40 Aêamu Jutaso hofɨko aêamu poyo peênyofe pijafoso ijopijisasyiyoêne esyohumamotofo hopaso siko Jisasɨye pijafo soênji yoêmayo akino wopɨngoênjo soênji hwapɨfemo popokuêmentisiyefoho. 41 Jisasɨmo iyopo fonjintoêofahumentohofo mofone sopo iyo uyo syoho woênnyoponoho. Oso hopo sopo aêamu hofɨko sokimo songo aêamufe pijafo hoênasiyoêneêentɨfi mtɨêmokumentohofofoho. Hofɨko oso sokimo homo somo nomêne aêmopijafoso mohoênasiyoponoho. 42 Oso sɨkuno yoêmayo ntoêno esyohumayoêne sɨkuno moiêwo imoênyoêne mofone soponeêno hofɨko Jisasɨye pijafoso ikanopo momotaweênjo yontɨfi oso sokimo mofone soponjo somo hoênahumentisiyefoho.