Joun 21

1 Hwangku sohonta Jisas kako apaêno kakoe inomokomoyo sohwonaênɨmo mijo ayo Taipeliyas sopo nohumentanɨngkuhwoni neêmaêmentisofoho. Kako neêmaêmentisoso olenoho. 2 Nakwo aêamu aho fehohnjo hopiênonohino nomêne mtaêni angaêno sohwonaêni oso hopo sopo humamentɨhwoneso olenoho. Saimoun Pitaênji Toumas aêamu hufaêu mehomi sohwoênji Notaniyel hwaho Ngkalili ango Kanantaêango sohwoênji nekwo Sepetiye hwomu sohwoyaêinonji inomokomoyo nomêne sohwaêuênji nakwo hwonaêni osopo humamentɨhwonefoho. 3 Nohumentanɨngkuhwoni Pita kako nalɨmento, Ngko inanɨku ufomeemonne hwoênyoho. Ose nelahonɨngki nakwo ulɨmentɨhwoni, Nakwo huhwonaênnonji wohwano. Ose ulontani nowentani yofayokinomo nokotosontani oso sɨkwoêmiyo sohumo inanɨku ufomeeno lontani wonyopi imentɨhwoneso inanɨku mɨfammentɨhwonefoho. 4 Mofehiênyo wosɨêmofapmmonto yahonjo soênji Jisas kako mitɨmomɨngo sopo lohofontanɨngki inomokomoyo sohwonaêni kakimo yofe muhwoêmmentɨhwonefoho. 5 Oseso Jisas nalɨmento, Oso aêamu sohwasi, sekwo inanɨku hiênjo hwasilaho. Ose nelahonɨngki nakwo ulɨmentɨhwoni, Ane hwonaênyoho. 6 Ose ulahonɨngkuhwoni kako nalɨmento, Sekwo inanɨku ifamiyo hoêyo yofayokino anga sohohntaêni hoênaopijoso inanɨku ufomeentɨfeho. Ose nelahonɨngki nakwo inanɨku hoêyo hoênaoêmentihwoneso inanɨku weêe piênɨngo ifammentɨhwoneêmaho. Inanɨku piênɨngo engo inanɨku ifamiyo hoêyo somo pohumpotahumentiso soêno nakwo yokino wemano lontani ko imentɨhwoneso wonyopi imentɨhwonefoho. 7 Ngko Jounêni ose uhwononji Pitamo ulɨmentoho, Nakwoe Hwe Engo hweho. Ose ulahonɨngko Pita kakoe syoho somneêno kakoe manjiêmofo yojasyonto humohumantiso sohwo nje hungkunomo upaênonto kako kakoe manjiêmofo komoêno miyonto Jisasɨmo komoêno uêmaêmo lonto mijomo hwofitohmêmoêmentisofoho. 8 Nakwo inomokomoyo nomêne sohwonaêni yofayokino somo neêno nohumentani inanɨku ifamiyo hoêyoso husɨmpemotowentani ifohohosahumentɨhwonefoho. Nakwo ikanopo ntaêni husɨmpemotamentɨhwoneêmaho. Oêo, mofone sopo ntaêni (nainti, 90, mita) husɨmpemotapmmentɨhwonefoho. 9 Nakwo ifohohososyontani uhwonɨmentɨhwoneso tɨkwolojoênohini imnontanɨngki uhwonontani oso hopo sopo wopayoênji inanɨkuênji wentanɨngki uhwonɨmentɨhwonefoho. 10 Ose uhwonɨngkahonɨngkuhwoni Jisas nalɨmento, Sekwo inanɨku olohonta ifomahofoso fehohnjoso nɨmotapmno. 11 Ose nelahonɨngki Saimoun Pita kako yofayokinopo nokotasonto inanɨku ifamiyo hoêyoso momɨngo soponeêno husɨmpemotapmmentisofoho. Inanɨku engoênohinoso wan hantɨlet fifɨti-tɨli (153) ko mnawoênnyo soêno inanɨku ifamiyo hoêyoso mamtɨhupoêmmentisofoho. 12 Jisas kako nalɨmento, Sekwo nopɨkuji wosopayo hmnɨmno. Ose nelahonɨngki aêamu angaêno angaêno Jisasɨmo tɨhwosilo mulɨmmentɨhwonefoho. Oêo, nakwo hopiênonohino sohwonaêni Jisas nakwoe Hwe Engo sohuneêno yofe uhwoêmentɨhwonefoho. 13 Jisas kako wosopayoênji inanɨkuênji nomanto nakumo nejapmmentisofoho. 14 Jisas poyo imoênonto apaêno songo lɨkaêmentiso somtaêangoso kakoe inomokomoyo sohwonaênɨmo osohonta nakumo neêmayoso hufaêu sɨhune imoênɨmentisofoho. 15 Nakwo wosopayo moiêwo nontani humentanɨngkuhwoni Jisas kako Saimoun Pitamo ulɨmento, Saimoun Jounɨye hwomu sohwosi, kɨko olo nomêne lohwafe sɨmeho ntopantokwofo somo uyakolofonji sɨmeho yokumpohnênyo engo lontopantokuno. Ose ulahonɨngki Pita ulɨmento, Ou, Hwe engofo kɨko huno kiyohoho. Ngko jɨje aêamu ne hwoênyoho. Ose ulahonɨngki Jisas ulɨmento, Kɨko nje yahu mehomi somo wopayo nuyo. 16 Jisas kako Pitamo ulohonyoso hufaêu umoênononto ulɨmento, Saimoun, Jounɨye hwomu sohwosi, kɨko ngkineêno sɨmeho kumoênalofoho. Ose ulahonɨngki Pita ulɨmento, Ou, Hwe Engofo, kɨko huno kiyohoho. Ngko jɨje aêamu nehopiênohino hwoênyoho. Ose ulahonɨngki Jisas ulɨmento, Nje yahu mehomi somo wopayo nuyo. 17 Jisas kako Pitamo ulohonyoso hufaêu sɨhune umoênononto ulɨmento, Saimoun, Jounɨye hwomu sohwosi, Kɨko nje aêamu nehopiênohinohwosi limoênalokuno. Ose ulahonɨngki Pita kako sɨmeho tango uyahonɨngki kako huno syafɨhuêmentono. Kako hungkuno hufaêu sɨhune hiloso pehoêno ntohonɨwoênantofoho. Ose syafɨsyonto kako Jisasɨmo ulɨmento, Hwe Engofo, kɨko yoêmayo hopiênonohino nje sɨmehomo mnawojo soêno huno kiyohoho. Ngko jɨje aêamu nehopiênohini hwoênyoho. Kɨko huno kiyohoho. Ose ulahonɨngki Jisas Pitamo ulɨmento, Kɨko nje yahu mehomi somo wosopayo uyohoji hofiyo mokosyohumaho. 18 Ngko hungkuno nehopiênohino wakilɨmonneêno yohono. Kɨko hwe songo nohumanji kɨko jɨje huno mtaêni wemoimo lontnne somneêno ahuloho hwapɨfe yoêmayoso itoêno yonji umotnno hwosoho. I osoêno hwangku kɨko aêmane imoênjo sohonta kɨko jɨje aho yɨhusosyohumentanɨngkiji aêamuso kikimo ahuloho kumtitofɨkuji kɨko ango ngkilaho kinoso soponeêno wokumotowantɨfeho. 19 Jisas ulɨmentisoso yoloho neso olenoho. Pita kako tɨfi poyo peênone soêno ulɨmentisofoho. Hwangku sohonta aêamu hofɨko Pitamo fonjahufijo sohonta Pita kako Anɨtuye hungkunomo yokumpohnênyo kemokosyohumamojo soêno aêamu nomênihwa Pitamneêno syafɨsyɨkuji hofɨko Anɨtuye yofe hoênomapitnnefoho. Jisas Pitamo oso hisoêno utɨhwanto ulɨmento, Kɨko ngkimo nnɨngkape. 20 Jisas ose ulahonɨngki Pita kako ikinjamo lohofonto ngko Jounêni kakoe hohujo hohntaêni lohofontanɨngko nohonɨmentisofoho. Ngko sohwoêni hohonta nakwo wopayo nontani ngko Jisasɨye huyo neêmo nohumanji ulɨmentoho, Kikineêno tokoyoêofo tɨhwo kilohofalofoho. 21 Ngko oso huhwo sohwoênɨmo Pita nonohononto Jisasɨmo ulɨmento, Hwe Engofo oso hwe huhwo sohumo pipi ulohoênoneto. 22 Ose ulahonɨngki Jisas ulɨmento, Oso huhwo sohwo ngko asomo pmme sohonta kako songo neêno humasoêmanji oso jɨje syohoêmaho. Oêo, nje syohofoho. Kɨko ngkimo tɨfinohini nnɨngkape. 23 Jisas ose ulɨmentiso soêno inomokomoyo nomêne sohwa huno ole syafɨhuêmentohofi, Oso inomokomoyo sohwo kako mapeênonehoho syafɨsyahonɨngkofi hungkuno hiso nonje nonje mjahoênɨmɨmentisofoho. I osoêno Jisas kako ose malɨmmentisofoho. Oêo, oleênohini lɨmento, Oso hwe sohwo ngko asomo pmme sohonta kako songo neêno humasoêmanji oso jɨje syohoêmaho. Oêo, nje syohofoho. Ose ulɨmentisofoho. 24 Oso inomokomoyo huhwo sohwo ngkonoho. Ngko yoêmayo yoêmayo homo somneêno uhwononji hungkuno lɨjwasemofonji ifalifaliyo mtɨêmokalokweno. Oseso sekwo nuhwonɨngkuji huno waseyono. Joun yoêmayo somo uhwonɨmentiso soêno mtɨêmokumentisoso nakwo huno nayohoho. Hungkuno neênjofoho nayohoho. Sekwo huno ose waseyono. 25 Yoêmayo yoêmayo hopiênonohinoso Jisas imentisoso nowentanɨngki ngko fehohnjoênohini semtɨêmokiyalokweno. I aêamu fihwo kako yoêmayo hopiênonohino Jisas imentiso soêno wamtɨêmokumo lɨhwosi ko yososo olo hwaho lopo nakwo humalohwone ayoêmo yoêmayo iyoswo huêmeesyiyoêneso hopaêmaho. Nɨhuêno awonoho. Ngko Jounêni nje hungkunoso osohopeho.