1 Koulin 15
PNG1 Nje aêamu soku, ngko Kɨlais Jisasɨye hungkuno wopɨngo selɨmentohe soêno sekwoe huno somo apaêno huno wasefohotoêmonneêno yohono. Oso hungkuno hiso sekwo nupaênontɨfi inɨngkawentɨfi olohonta sekwo yokumpohnênyo lohokwofo. 2 Oso hungkuno upaênɨmentohofo somo sekwo tɨfi neêno inɨngkakuji aho yokumpohnênyo kemokosyohumafɨkujoêno Anɨtu kako sekumo asomo setɨmahwosoêno sekwo ahwomomo wohumantɨfeho. I osoêno sekwo oso hungkuno homo somo sekwo sɨmeho hiêntnnono uyalokwofoso ne aneêmanji Anɨtu kako asomo mosetɨmanehoho. 3 Ngko oso hungkuno hiso nomêne hungkuno hopiênonohino somo hwofiloênnyoso nupaênonji sejapmmentohefoho. Oso hungkuno hiso olenoho. Hohonta aêamu Anɨtuye hungkuno mtɨêmokumentohofo sohwa hofɨko Kɨlais kako nakwoe wonyoêne poyo peênone soêno mtɨêmokontɨfi nalɨmentohofofoho. Oso mtɨêmokumentohofoso ne imoênɨmentisofoho. 4 Jisas kako poyo peênɨngkahonɨngki hofɨko sokimomo hoênahumentohofofoho. Hohonta aêamu Anɨtuye hungkuno mtɨêmokumentohofo sohwa ole mtɨêmokumentohofi, Kɨlais kako poyo peênɨngkuhwosi sɨkuno hufaêu sɨhune imoênɨngkuhwosoêno apaêno songo lɨkafonefoho lɨmentohofofoho. Oso lɨmentohofoso ne imoênɨngkahonɨngki Kɨlais kako nolɨkafonto 5 hwangku kako Pitamo uêmaêmentisofoho. Tɨfi sohonta kako kakoe inomokomoyo hopiênonohino sohwamo uêmaêmentisofoho. 6 Nomêne sohonta aêamu Kɨlais kakineêno inɨngkamontofoso hofɨko nuhuêmokontɨfi humentanɨngkofi Kɨlais kako hofɨkimo uêmaêmentisofoho. Oso aêamu piênɨngo engo hiso hofɨkoe faif hantɨlet (500) somo yakolonoho. Ngko olo iyoswo semtɨêmokiyalokwe loso olohonta oso aêamu homo somjo piênɨngoso songo humalofo. Fehohnjoso hofɨko poyo nto peênɨmentohofofoho. 7 Sɨkuno nomênemo Kɨlais kako Jemɨsɨmo uêmaêmentisofoho. Nomênehonta kako kakoe inomokomoyo (apousel) hopiênonohino sohwamo apaêno uêmaêmentisofoho. 8 I tɨfi sohonta ngko Poulɨênɨmo nɨêmaêmentisofoho. Kako ngkimo nɨhuêno hwotohonepo nɨêmahonɨngki ngko kakoe inomokomoyo aeêuyo hwoêni imoênɨmentohefoho. 9 Sɨmoêmo ngko Kɨlaisɨmo minɨngkayoênjo yonji kakoe aêamu ne somo ngko wonyo umokumentohefoho. I osoêno Anɨtu kako ngkimo kakoe hungkuno lɨkuêmofo (apousel) syohoso yoêmɨngohwoênɨmo hopa pehoêno ntapmmentisoto. Oêo, ngko nomêne inomokomoyo (apousel) sohwamo enjwaêmo humaleno. 10 I osoêno olo yahino ngko wopɨngo yalokwe loso hwapɨngoso Anɨtu kako ngkineêno hitoho ulofahonɨngki ntapmmentisofoho. Anɨtu kako ngko yoêmɨngohwoênɨmo hopa wopɨngo ntohoêmentisoso oso hiso neêmaso imoênɨmentisoêmaho. Oêo, kako ngkimo wopɨngo ntohofahonɨngki ngko kakoe syoho soêno yokumpohnênyo yohoênonji oso syoho hiso inomokomoyo nomêne sohwamo uyakoloêmentohefoho. I oso hiso ngko nje yokumpohnênyoênji miyalokuyohono. Oêo, Anɨtu kako ngkimo wopɨngo ntohofonto kakoe yokumpohnênyo ntopahonɨngki ngko kakoe syoho yokumpohnênyo yalokweno. 11 I sekwo huno ole syafɨsyɨkutoho. Poul kako syoho ntiso imaso hwolo. I inomokomoyo nomênehwa hofɨko syoho ntiso imalofɨhwalo. Ose lɨkutoho. Oêo, osoêneêmaho. Nakwo Kɨlaisɨye syoho ulohofiyo sohwonaêni oso hungkuno Kɨlais kako poyo peênonto apaêno songo lɨkaêmentiso soêno aêamu piênɨngo engo somo ulahonɨngkuhwoni sekwo oso hungkuno homo somo sɨmeho hiêntnnono uyontɨfi sekwo kakoe aêamu ne imoênɨmentohofofoho. 12 Ou, nakwo ole lɨwoênɨngkuhwono, Kɨlais kako nakwoe wonyoêne poyo peênɨmentiso sohumo Anɨtu kako piênɨmo mtaêni apaêno songo ulɨkaêmentono. I osoêno nomêne aêamu fehohnjoso hofɨko sekwoênji humalofoso hofɨko ole pehoêno lalokwofo. Aêamu poyo peênɨngkujoso apaêno songo molɨkapitnnefoho. Ose pehoêno lalokwofo. 13 I osoêno aêamu poyo peênyoso hofɨko molɨkafontɨfijontentesi Anɨtu kako kakoe hwomu Kɨlaisɨmo mulɨkafɨhwonesohilo. 14 Ou, nehopi. Anɨtu kako Kɨlaisɨmo mulɨkafeênjo yontentesi u hungkuno nakwo selɨmentɨhwoneso ne ane imoênɨngkuhwonesohilo. I oso hungkuno nakwo selɨmentɨhwone somo sekwo sɨmeho hiêntnnono siki uyɨkutnnesohilo. 15 Oso hofɨkoe hungkunoso nehopi lontɨfijontentesi nakwo Anɨtuneêno hungkuno losetɨhwawoênɨngkuhwone hnênwi nakwo Anɨtumneêno hwasyo hungkuno losetɨhwehwanesohilo. Hwapɨngoso Anɨtu kako Kɨlaisɨmo ulɨkaêmentiso osoêno yoloho selɨwoênɨngkuhwonefoho. I osoêno Anɨtu kako aêamu poyo somo songo mulɨkafonefohoeso hungkuno nehopi lontɨfijontentesi i kako Kɨlais huhumo mulɨkafɨhwonesohilo. Nakwo hwasyo hungkuno selɨhwanesohilo. 16 U, Anɨtu kako oso aêamu poyo somo mulɨkafeso neênjontontentesi Kɨlais huhumo ulɨkafoso ne aneênesohilo. 17 U Anɨtu kako Kɨlaisɨmo mulɨkafeênjo yontentesi sekwo kakineêno sɨmeho hiêntnnono uyalokwofoso kako sekumo mosefoêmahwonesohilo. Oêo, sekwoe honɨngkano wonyo somneêno tohino mentanɨngkutnnesohilo. 18 Oso hungkuno hiso neênjontentesi aêamu Kɨlaisɨmo sɨmeho hiêntnnono uyontɨfi peênɨmentohofoso hofɨko hofɨkoe honɨngkano wonyo somneêno tohino mafɨkuji tɨkanomo wentanɨngkutnnesohilo. 19 Nakwo olo hwaho lopo nohumentani Kɨlaisɨmo sɨmeho hiêntnnono uyalokuhwone hnênwi nakwo Kɨlais asomo netɨmayoêne hontohumalohwono. Nakwo poyo peênɨngkuhwasoêno kako asomo monetɨmasoêmanji aêamu hofɨko nakwo aêamu Anɨtumo sɨmeho hiêntnnono uyɨwoênɨngkuhwone hnênɨmneêno hitoho mɨkunɨmposo ulofɨhwonesohilo. 20 I osoêneêmaho. Oêo, Kɨlais kako poyo peênɨngkahonɨngki Anɨtu kako ulɨkaêmentisoso hungkuno nehopeho. Osoêno nakwo huno ole nayohi, Kako aêamu poyo peênɨmentohofoso lɨkapitnneêento sɨmoêmo Kɨlaisɨmo ulɨkaêmentisofoho. 21 Anɨtu kako hwe sɨmoêmjo mtɨêmokumentiso sohwo Atam, kako poyo peênyoêneso peênɨhwonɨmaênɨmentisofoho. I hwe nomênehwo Kɨlais kako songo lɨkafoêneso lɨkofɨhwonɨmaênɨmentisofoho. 22 Ihwoni. Oso paênyoso neyakwo Atam peênɨmentiso hopaso nakwo imusoêni peênalokuhwono. I aêamu hofɨko Kɨlaisɨye hungkunomo sɨmeho hiêntnnono uyontɨfi Anɨtu kakoe mehomi imoênɨngkahonɨngkofi Anɨtu kako oso mehomi homo somo Kɨlaisɨmo ulɨkaêmentiso oso hopa ulɨkafonefoho. 23 Nakwo aêamu angaêno angaênohino hnênwiye sɨkuno somo Anɨtu kako nelɨkafonefoho. Sɨmoêmjo sohwo Kɨlaisɨyoho. Tɨfi noêmo Kɨlais kako kakoe aêamuneêno asomo poso sohonta nakwo hopiênonohino hnênwi nelɨkafonefoho. 24 Kɨlais kako yoêmayoso moiêwo esojwaofonefoho. Oso hohosohonta kako yoêmayo hwahoponjo mokosyohumayo soênji hwe engo sohwanji yoêmayo towahuno wonyo soênji hofɨkoe yokumpohnênyoso moiêwo umokumontonoho. Oso hohosohonta Kɨlais kako yoêmayo hopiênonohinoso kanɨngkwohwoe ahopo hoênɨsyɨhwosi ulɨmontono, Kɨko yoêmayo hopiênonohinoso mokosyohumaho. Ose ulonefoho. 25 Osoêno Kɨlais kako yoêmayoso nomokosyohumahwosi kakoe mango sohwamo hwotoho wahmmontonoho. 26 Kakoe mango sohwamo wae yaofonefoho. Osoêno oso hohosohonta aêamu hnênwi apaêno mapeênanehwono. Nɨhuênahone songo nohumanefoho. 27 Oso hisoêno aêamu Anɨtuye hungkuno mtɨêmokumentohofo sohwa ole mtɨêmokumentohofi, Anɨtu kako yoêmayo hopiênonohinoso kakoe sɨfɨlakuênyoêmo hoênahumentisofoho. Ose mtɨêmokumentisofoho. I osoêno nakwo huno nayohoho. Anɨtu kako yoêmayo hopiênonohinoso kakoe hwomufe sɨfɨlakuênyoêmo hoênahumentisoso kako oso yoêmayo homo somo enjwaêmo mujokohumanehoho. Oêo, awonoho. 28 Tɨfi sohonta yoêmayo hopiênonohinoso Anɨtu kako kakoe hwomufe sɨfɨlakuênyoêmo hoênasyɨhwosoêno Kɨlais kako kanɨngkwohumo ulɨmontono. Ngko huhwoêni kikimo enjwaêmo wohumamo. Ose ulahonɨngkuhwosi Anɨtu kako oso yoêmayo hopiênonohino somo mokosyohumane hweho. 29 Oso hungkuno aêamu poyo peênɨngkujoso apaêno songo molɨkapitnnehofo eso nehopiêmanji aêamu fehohnjoso olo yahino hiloso pehoêno yɨwoênɨngkohofo. Aêamu fehohnjoso hofɨko Anɨtumo inɨngkawentɨfi mijo momasoênjo yontɨfi poyo peênɨmentohofofoho. Nopeênɨngkahonɨngkofi aêamu nomêne mijo mokiyomasoso hofɨko aêamu poyo peênɨmentohofo hiso songo lɨkafoêne soêno huno syafɨsyontɨfi ole lɨmentohofi, Nakwo aêamu songo humalohwone soênwi nakwo aêamu poyo peênɨmentohofo somneêno nakumo mijo apaêno wokiyonemantɨfeho. Ose lɨmentohofofoho. Ou, Anɨtu kako aêamu poyo peênyoso songo mulɨkafonefoho eso hungkuno nehopi lontɨfijontentesi hofɨkimo ufoêmayo soêno mijo pehoêno kiyomafɨkutnnesohilo. 30 Sɨkuno huhwo huhwi nakwo Anɨtuye hungkuno lɨkuêmofontanɨngkuhwoni nakwoe mango sohwa hofɨko nakumo poyo wosemokano nalɨwoênɨngkohofofoho. I oso aêamu poyoso molɨkapitnnefoho eso nehopi lontɨfijontentesi nakwo olo syoho loso ihwasi tohino engo nomehwasi olo yahino loso hwayohohnnesohilo. 31 U, nje aêamu soku, nakwoe Hwe Engo Kɨlais Jisasɨmo sekwo sɨmeho uyalokwofo soêno kako nakumo asomo songo nelɨkafoêne soêno huno neyahonɨngki nakwo sɨmonyo yalokuhwono. Oso hungkuno yokintahopo neêno nehopi selohono. I osoêno olo hungkuno hi neênjofoho. Sɨkuno huhwo huhwi nje mango sohwa hofɨko ngkimo poyo wonɨmokantɨfetɨkeno ntnneêno hontohumaleno. 32 Ngko ango Efesos sopo nohumentanɨngko nje mango sohwa hofɨko ngkimo siki sɨwojo hopa wolofonɨsyantɨfi inomokomanyɨmalofofoho. Osoêno aêamu poyo peênyo sohwa hofɨko molɨkapitnnefoho eso nehopi lontɨfijontentesi i ngko olo syoho loso imeso oso tango nɨêmantontentesi olo yahino loso hwayohohnnesohilo. Aêamu fehohnjoso hofɨko Jisas kako nakumo asomo songo nelɨkafoêne sohumo minɨngkayoênjoso ole lɨwoênɨngkohofi, Nakwo poyo peênɨngkuhwasi songo lɨkafoso miyanehwono. Oêo, nakwo nɨhuênahone wopeênantanoho. Osoêno nakwoe honɨngkano wonyo somneêno huno piênɨngo engo pehoêno wosyofɨsyantanto. Oêo, nakwo mijo nonyo wosopayo engo mehwasi syohiênyo niyontasɨhnênwi moênɨngkanta nakwo poyo wopeênano. 33 Aêamu oso hwasyo hungkuno lɨwoênɨngkohofoso hofɨkoe honɨngkano wonyo somo sekumo ipesemotawofitnnoho. Ose ifijoso hofɨko sekwoe honɨngkano yahino wopɨngo somo wonyo wosemokantɨfeho. Osoêno sekwo iêwaho ntoêno fiyɨmno. Hofɨkimo ujokohumafɨkutoho. 34 Sekwo sekwoe yahino hwayo hohnjo osomo hohujo ikinjaofɨkuji yahino wopɨngo osomneêno huno ntoêno fɨsyafɨhupmno. Honɨngkano wonyoso apaêno ikutoho. Sekwo upaênɨmno. Aêamu fehohnjo sekwoênji humalofoso hofɨko Anɨtumneêno huno ntoêno muyofoho. Oso hisoêno sekwo wonɨmango masenɨngkoho liyohoho. 35 Aêamu fehohnjoso hofɨko ole lohonɨwoênɨngkohofo. Anɨtu kako aêamu poyo peênyo somo pipi ulɨkafoneto. U aêamu poyo peênyo sohwo peho aêapahoênji hopa mufohiênɨngkuji lɨkapitnneto. 36 Aêamu hofɨko hungkuno ose lɨwoênɨngkohofoso hofɨko huno nɨhuêno anefoho. Sekwo aêamu yangkume topoyo oso yoêmayo uyo mofɨwoênɨngkohofo soku huno seyohoho. Oso yangkume topoyo oso kwefoho ihwosoêno iwofasyɨkuji apaêno uyo mopijoso hwaho moêm swo mafeênjo ihwosi tɨmoso mafokafonehoho. 37 Oso yangkume uyo mofontɨfeso swo yokino pmpongo oso uhwonɨwoênɨngkohofoso sekwo huno waseyono. Yokino swo pmpongo osoênji mamofefoho. Oêo, ne nɨhuêno weêe sohwo hwahomoêmo hoênahinyo somtaêangofoho. 38 Anɨtu kako hohonta pmpongo swo yokino ose ne kengo kengo imoênyoêneêento huno syafɨhuêmentiso soêno oso yangkume swo pmpongo yokino oso yoêmayo hopiênonohino wofokaêmontonoho. Oso paênyoso nakwo poyo peênɨngkuhwasi aêapaho nomêne songoênji nakwo lɨkofanefoho. 39 Ihwoni yoêmayo Anɨtu mtɨêmokumentisoso paho kengo kengofoho. Aêamufe aêapaho kengofoho. Tongofe kengofoho. Yɨhufofe kengofoho. Inanɨku mijomo emoyɨwoênɨngkiso oso pahoso kengofoho. 40 Yoêmayo ahwomomjoso hwahoponjo paênyoêmaho. Oêo, kengo kengo mtɨêmokumentisofoho. Aêamu ahwomomjo sohwafe aêapaho wonyoangkafoso tɨpomponaho paênyofoho. Nakwo hwahoponjo hnênwiye aêapahoso toho pijijo paênyofoho. 41 Nakwo ahwomomjo yoêmayo somo uhwonontaneso mofehiênyo joso kakoe kengofoho. Hamno joso kengofoho. Hntokwaliyo kengo kengo sohwa hofɨkoe joso kengo kengo woênnyofoho. 42 Oso paênyoso aêamu poyoso lɨkafoso hofɨko hofɨkoe aêapahoso kengo umoênantɨfeho. Oso pijafo nakwo piênɨmomo hoênosyontaneso wonyo imoênɨwoênɨngkohoho. Aêapaho songo lɨkafososo wonyo mmoênonehoho. Oêo, songo neêno humayoênefoho. 43 Pijafo nakwo piênɨmomo hoênosyɨwoênɨngkuhwoneso piso imoênɨwoênɨngkohoho. Kakoe yokumpohnênyoso anefoho. Oso aêapaho songo lɨkafososo oso wonyo angkafofoho. Yokumpohnênyo hiênjofoho. 44 Aêmopijafo nakwo piênɨmomo hoênasyɨwoênɨngkuhwoneso oso hwahoponjofoho. Aêapaho songo neêno humayoêne lɨkafoso oso ahwomomjofoho. Olo hwaho lopo humayoêne aêapahoso hwahoponjofoho. Ahwomomo humayoêne aêapahoso ahwomomjofoho. 45 Oso hisoêno aêamu Anɨtuye hungkuno mtɨêmokumentohofo sohwa hofɨko ole lɨmentohofi, Anɨtu kako hwe sɨmoêmjo mtɨêmokumentiso Atam osohwo kako nakwoe hwaho loponjo aêapaho hwapɨngo hweho. Ose mtɨêmokumentohofofoho. I tɨfi noêmo Kɨlais nakwoe hwaho lopo imoênɨmentiso osohwo kako songo neêno humayoêne ahwomomjo aêapahoso hwapɨngo hweho. 46 Ahwomomjo aêapahoso nakwo sɨmoêmo maêmentɨhwoneêmaho. Oêo, sɨmoêmo hwahoponjo aêapaho maêmentɨhwonefoho. Hwangku tɨfi noêmo nakwo aêapaho ahwomomjoso nomanefoho. 47 Hwe sɨmoêmjo sohumneêno Anɨtu kako hwaho nomanto aêamu mtɨêmokumentisofoho. Oso hwe huhwo sohwo kako hwahoponjo aêapaho hiênjo hweho. I tɨfinjo imoênɨmentiso Kɨlais osohwo kako ahwomo mtaêango hweho. 48 Nakwo aêamu hwahoponjo hnênwi nakwo Atamɨye imuênwoho. Osoêno Anɨtu kako hwe hwahopo ntaêni mtɨêmokumentiso oso mtaêangoênwoho. I aêamu hofɨko Anɨtumo inɨngkawowoênɨngkohofoso hofɨko oso hwe ahwomo mtaêni pmmentiso Kɨlais osohwo hopa imoênɨfitnnefoho. 49 Olohonta nakwo Atamɨye aêapaho hiênjɨênwoho. Hwangku sohonta nakwo Kɨlais ahwomo mtaêango sohwoe aêapaho hopa maneênwoho. 50 Nje aêamu soku, ngko olo hungkuno loso yoloho waselɨmonneêno yohono. Nakwoe aêapaho olo hwaho loponjoso mokosyohumalohwoneênjo hnênwi nakwo yoêmayo wopɨngo Anɨtu nakumneêno enesyohumasoso momanefoho. Oêo, nakwoe aêapaho piso imoênyoêneso Anɨtuye ango wopɨngo yoêmayo piso mmoênyo sopo mêmofawenefoho. 51 Sekwo upaênɨmno. Anɨtu kako hiyaso hungkuno ngkineêno ujo lɨjwanɨmoêmasoso ngko waselɨmonneêno yohono. Nakwo Anɨtumo inɨngkawowoênɨngkuhwone hnênwi nakwo fehohnjo hnênwi wopeênantanoho. Fehohnjo hnênwi mopeênanehwono. I osoêno nakwo hopiênono nakwo nomêne aêapaho songo womantanoho. 52 Ou, sɨkuno aeêuyo sohonta kounoho yoka ahwomo mtaêni hoênɨngkuhwosoêno nakwo nakwoe aêapaho songo tɨmo loêntnno komoêno imoênanefoho. I oso kounoho yoka hiso hoênɨngkuhwosoêno aêamu poyoso hofɨko nolɨkafɨkuji aêapaho songo piso mmoênyoso mapitnnefoho. Osohonta nakwo aêamu songo humalohwone hnênwi nakwo nakwoe aêapaho songoênji imoênanefoho. 53 Ihwoni. Anɨtu kako ole nalɨmento, Sekwoe hwahoponjo aêapaho piso imoênɨwoênɨngkisoso sekwo aêapaho nomêne songo piso mmoênyoênjo neêno wentɨhwone somneêno uyohopopitnnefoho. Sekwo poyo peênyo yahinoso nɨhuênahone hoênaofɨkuji aêapaho nomêne songo neêno humayoêneso nomapitnnefoho. 54 Oso sɨkuno homo somo nakwoe hwahoponjo aêapaho piso imoênyoso poyo peênɨwoênɨngkisoso hoênasyɨhwasi nomêne aêapaho songo piso mmoênyoênjo songo neêno humayoso nomehwasoêno oso hohosohonta oso hungkuno aêamu mtɨêmokumentohofoso ne umoênɨmontonoho. Hungkuno hiso olenoho. Anɨtu kako poyo peênyo somo nɨhuênahone hwotoho hmmentisofoho. Kakoe mango hopinonohino sohwamo nɨhuênahone uyakoloêmentisofoho. 55 Poyo peênyo yahino sohwosi jɨje yokumpohnênyoso ntɨêmo weho. Awonoho. Nɨhuênahone moiêwoênnyo hwosoho. 56 Aêamu poyo peênɨwoênɨngkohofo hwapɨngoso pehoto. Poyo namokiyoso olenoho. Nakwoe honɨngkano wonyo sohwo namokuwoênɨngkohoho. Nakwo Anɨtuye honɨngkano hungkuno somo hwotoho fentaneso nakwo huno nayohoho. Honɨngkano wonyo yalokuhwono. 57 I osoêno Anɨtu kako nakumo Hwe Engo Jisas Kɨlais nejapmmentiso sohwo kako nakwoe wonyo soêno peênonto kako oso wonyo huhwo sohwoe yokumpohnênyoso wae yaoêmentisofoho. Oso hisoêno Anɨtu kako poyo peênyo yahino somo nɨhuênahone hwotoho hmmentisofoho. Osoêno nakwo Anɨtuneêno isamoyoka ulɨwoênɨngkuhwonefoho. 58 Osoêno nje aêamu sokumo ngko Poulɨêni ngko sɨmeho sejopalokweno. Sekwo Anɨtuye hungkunomo aho yokumpohnênyo kemokosyohumafɨkuji osohonta pisoêmoênyo senɨngkuhwosoêno nusɨkwajɨkutoho. Oêo, sekwo yokumpohnênyo lohofɨkuji Anɨtu kakoe hungkuno homo somo neêno hmnɨngkamno. Anɨtu kako piênɨmo mtaêni nelɨkafone soêno nakwo huno ole nayohoho. Nakwo Anɨtu kakoe syoho homo somo yokumpohnênyo ihwosoêno syoho hiso ne ane mmoênonehoho. Oso hisoêno sekwo inɨngo mofɨkutoho.