1 Koulin 14
PNG1 Oseso sekwo nomêne aêamu somo sɨmeho uyo yahino somo womano lɨkuji yokumpohnênyo fiyohoênɨmno. Sekwo nomêne aêamu somo sɨmeho muyɨkuji sekwo yoêmayo syoho hopiênono Anɨtuye Towahuno Wopɨngo mtaêni mayoêne sekwo huno neêno syafɨsyɨkuji oso hisoêne Mpohumo jomo ulɨmno. I oso syoho hiso nomêne somo yakoloênnyoso olenoho. Anɨtu kakoe huno wopɨngo kijapososo kɨko nomênihumo filutɨhwaho. Oso syoho hisoêno sekwo womano lɨkuji syoho yokumpohnênyo fiyɨmno. 2 Hwapɨngoso aêamu fihwo kako hungkuno Anɨtuye huno mtaêango aêamumo ulahonɨngki aêamu huhwo sohwa hofɨkoe hungkuno neso upaênontɨfi oso hungkunoso aêamu hofɨkoe sɨmeho hiêntnnonohino Anɨtumo uyalokwofo somo yokumpohnênyo usosofitofalofoho. Kako oso aêamu somo yahino wopɨngo somo inɨngkayoêne hofɨkimo huno ufohotofalofoho. I osoênji aêamu sɨmeho tangoênjo somo wopɨngo umokalofoho. I osoêno aêamu fihwo kako Anɨtuye Towahuno mtaêni mampaho kengo kengo lɨwoênɨngkiso sohwo kako oso hungkuno hiso aêamu somo mulalofiyoho. Oêo, kako Anɨtumnohini ulalofoho. Hwapɨngoso aêamu sohwa hofɨko olo hungkuno Anɨtuye Towahuno mtaêango soêno huno muyofoho. Hungkuno hiso hiyasoêmjoso Anɨtuye Towahuno sohwo oso aêamu huhwo sohumo uyalofoho. 4 Aêamu kako mampaho kengo kengo kako huno muyoênjo lalokunjo sohwo kako kakoe sɨmehomnohini yokumpohnênyo itoênalofoho. I osoêno aêamu kako hungkuno Anɨtu mtaêango aêamufe hungkuno neênjoso ulalokunjo sohwo kako Anɨtuye aêamu ne somo yokumpohnênyo usosofitofalofoho. Osoêno sekwo Anɨtuye Towahuno mtaêni oso hungkuno kengo kengo aêamu huno muyosoêno hi semoênɨngkwoloho. Oêo sekwo oso hungkuno Anɨtuye huno mtaêango nomêne aêamumo ujoêne syoho soêno sekwo hi wasemoênono. 5 Sekwo hopiênonohino soku sekwo mampaho kengo kengo Anɨtuye Towahuno somtaêni mayoso oso wopɨngofoho. I osoêno ngko oso yahino homo somo nomêne yakoloênnyoso sekwo mayo soêno nɨmoênɨngkohoho. Olenoho. Sekwo hopiênono Anɨtuye Towahuno mtaêni Anɨtuye hungkuno sejapeso sekwo aêamu nomêne somo ujo soêno nɨmoênɨngkohoho. Aêamu kako Anɨtuye Towahuno mtaêni mampaho kengo kengo lɨhwosi nomêne aêamu oso hungkuno hiso aêamu Anɨtuye hungkuno uyɨwoênɨngkohofo somneêno mɨwoloêmoku losoêmanji kako oso aêamu homo somo yokumpohnênyo musosofitofonehoho. Osoêno oso aêamu sohwo kakoe yahinoso monjenoho. I aêamu kako Anɨtuye hungkuno aêamu hopiênonohino somo ulososo aêamu hopiênonohinoso hofɨko upaênɨfijoêmanji oso aêamu huhwo sohwoe yahinoso honjenoho. 6 Oseso, nje aêamu soku, ngko sekumo seêmahmêmo nomêne aêamufe hungkuno kengo kengo Anɨtuye Towahuno mtaêangoso selɨêmeêno sekwo oso hungkuno homo somo mupaênyoênjoêmanji ngko sekumo pipi sefoêmaêmnehono. Oêo, awonoho. I ngko sekwoe hungkuno soênji yoêmayo hungkuno Anɨtu ntɨhwasoso u hungkuno hiyasoêmo woêmojoso u hungkuno Anɨtuye huno mtaêangoso u Anɨtuye hungkuno losetɨhwayoso ose selɨmeêno sekwo hofiyo upoênantɨfeho. Oso hungkuno hiso wosefoêmaêmontonoho. 7 Oso paênyoso aêamu fihwo kako tompuyo ne ane lontanɨngkuhwosi aêamu hofɨko nupaênɨngkuji ole wolantɨfeho. U oso tompuyoso yoloho neso pehofo lalofoho wolantɨfeho. 8 Hohonta aêamu fihwa hofɨko ikujoho fongkiênyoêne yɨhufo towotowonnyo sofe mampaho paênyoso ntoêno mahoênyoêmanji ikujoho fongkiênyoêne ntoêno esyohumayo soêno huno pipi uyɨmontolo. Awonoho. 9 Oso paênyoso sekwo nomêne aêamufe hungkuno aêamu mupaênyoênjo iwoênɨngkohofoso ulɨfijoso oso sekwoe hungkunoso sikinjofoho. Oso hungkuno homo somjo ne hwapɨngoso hofɨko pipi wotɨpemantɨfito. Oêo, awonoho. Hungkuno hiso ne anefoho. Siki yokaênohinofoho. 10 U nehopi. Olo hwaho lopo hungkuno kengo kengo woênnyoponoho. Oso hungkuno hiso ne aneênjoêmaho. Oêo ne hiênjofoho. 11 I osoêno nakwo Anɨtumneêno uhuêmokuhwasi hwe fihwo kako ngkimo hungkuno ntoso somneêno hwapɨngo soêno huno manyoênjo ihwosoêno kako wantɨmontono, Oso aêamuso kengofoho. Ose ntɨhwosoêno ngko huhwoêni ulɨmonno, Oso aêamu sohwo kako kengo mtaêango hweho. Osoêno nekwo mofoêmoênahnnehwoyo. 12 Oseso, sekwo hoku sekwo Anɨtuye Towahuno somtaêni yoêmayo yahinoso womano lɨkuji sekwo syoho yokumpohnênyo ikuji mapmno. I osoêno sekwo Anɨtuye Towahuno somtaêni yoêmayo yahinoso Anɨtuye aêamu ne somo yokumpohnênyo usosofitofoêne mayosoêno sekwo syoho yokumpohnênyo yohoênɨngkuji Anɨtuye hungkuno aêamu ntoêno uyoêne oso yahino hiso mampaho kengo kengo ujoêne somo yakoloênnyofoho. 13 Oseso aêamu fihwo kako mampaho kengo kengo Anɨtuye Towahuno mtaêni lɨwoênɨngkisoêmanji oso hwe huhwo sohwo kako nomêne aêamu somneêno iwoloêmokujo yahino soêno Mpohumo jomo ulono. 14 Ihwoni. Ngko nomêne hungkuno kengo Anɨtuye Towahuno mtaêango soênji Anɨtumo jomo ulɨêmeêno nje huyoêmango sohwo kako hungkuno ulalofoho. I osoêno ngko nje hunoso monnyantonfiyoho. Nje hunoso siki weho. 15 Oseso nakwo pipi yanehwono. Olenoho. Anɨtuye Towahuno kako nomêne mampaho kengo nejapososo nakwoe huyoêmango oso mampaho soênji Anɨtumo jomo ulasoso nakwo nomêne sɨkunomo hungkuno nakwoe huno mtaêango Mpohumo jomo ulano. Anɨtuye Towahuno kako ta mampaho kengoênji nejapososo oso ta hiso Anɨtumneêno ulasoso ta nomêne nakwoe huno mtaêangoso Mpohumo jomo ulantanoho. 16 U nakwo Anɨtumneêno uhuêmokuhwasi oso hungkuno iwoloêmokujo yahino hiso nakwo miyoênjo yasoêmanji nakwo mampaho kengo Anɨtuye Towahuno mtaêni Anɨtumo isamoyoka ulasoso u hwe fihwo oso yahino huno muyo sohwo kako nohumahwosi nakwoe mampaho kengo upaênɨngkuhwosi ole malonehoho. Hungkuno nehopeho. Oêo, ose malonehoho. Kako nakwoe mampaho kengo upaênɨngkuhwosi ole wosyafɨhuêmontonoho. U oso mampahoso kengofoho. Ngko huno maniyohoyohoho. Ose wosyafɨhuêmontonoho. 17 Ihwoni. Kɨko mampaho kengoênji Anɨtumo isamoyoka ulalokunoso ntoênohinofoho. I angaênohinoso olenoho. Jɨje hungkuno kengoso oso hwe huhwo sohumo mufoêmanehoho. 18 Ihwoni. Ngko Anɨtuye Towahuno mtaêni mampaho kengo manji sɨkuno piênɨngo engo somo lonji oso mampaho joso noseyakolofontnneêno ngko Anɨtumo isamoyoka ulalokweno. 19 I osoêno nakwo Anɨtuye tajo ango somo uhuêmokuhwasi ngko Anɨtuye hungkuno tɨfo nakwoe hungkunoênji aêamumo lutɨhwameso hofɨko hungkuno homo somo itoêno upaênɨfijoso oso wopɨngofoho. I ngko nomêne mampaho kengoênji hungkuno sawemo engo aêamu homo somo ulɨmeso hofɨko mupaênɨfitnnehofo. Osoêno ngko aêamuênji nohumahmêmo hungkuno upaênɨfitnneêentnneêno walɨmonneêno yohono. 20 Nje aêamu soku, olo hungkuno mampaho kengo kengo joêne selalokwe losoêno sekwo mehomi weêeso ilofɨwoênɨngkohofo paênyoso sekwo ilofɨkutoho. I mehomi milongoso hofɨko honɨngkano wonyo soênji huno wonyo soênji miyɨwoênɨngkiyohofo. Sekwo oso mehomi honɨngkano wonyo miyɨwoênɨngkiyohofo hopa hmmoênɨmno. I osoêno olo hungkuno selalokwe soêno sekwo huno sokafo seyɨhwosoêno aho yokumpohnênyo fɨkesyohumamno. 21 Aêamu Anɨtuye hungkuno mtɨêmokumentohofo sohwa ole mtɨêmokumentohofi, Aêamu Jutaso hofɨko nje hungkunomo haloho mapewoênɨngkiyohofo soêno ngko nomêne aêamu kengo mtaêango mampaho kengoênjo sohwamo aêamu Jutafepono yokumpohnênyo mokosyohumayoêne wolɨhwajɨmonnoho. Hofɨko oso aêamu huhwo sohwafe hungkunomo enjwaêmo ko humafɨkuji hofɨko ngkimo moningkapɨfitnnehofo. Anɨtu ose ulɨmentisofoho. 22 Ose mtɨêmokumentohofo soêno nakwo huno ole nayohoho. Sɨkuno fehohnjoso Anɨtu kako mampaho kengo kengo uyɨwoênɨngkisoso aêamu kakineênohini inɨngkawowoênɨngkiso osoênohinɨêmaho. Oêo, aêamu Anɨtu kakineêno minɨngkayoênjo iwoênɨngkohofo oso huhwamo uyɨwoênɨngkisofoho. Osoêno kako kakoe yokumpohnênyo hofɨkimo itɨhwawoênɨngkisofoho. Aêamu Anɨtumo inɨngkawowoênɨngkohofoso hofɨko Anɨtuye hungkuno hofɨkoe hungkunoênji lutɨhwentanɨngkofi uhwonontɨfi ole lɨwoênɨngkohofi, Olo hungkuno loso wopɨngofoho. Anɨtu kako nelalofoho. Ou, Anɨtu kako hungkuno uyalokusoso hofɨkimo ufoêmayoênefoho. I aêamu Anɨtu kakimo sɨmeho muyoênjo somo oso hungkuno hiso hofɨkimo mufoêmanehoho. 23 Oseso aêamu kako Anɨtuye hungkunomo ntoêno minɨngkayoênjo sohwo kako sekwoe yahino Anɨtumo hungkuno kengo kengoênjo jomo ulontanɨngkuji noseêmahwosi nosehonɨngkuhwosi kako ole waselɨmontonoho, Sekwo huno ane hwayo hohnjo kuyoho. 24 I osoêno sekwo aêamumo sekwo hungkuno neênjo Anɨtu mtaêango hungkuno lutɨhwahonɨngkuji oso hwe sohwo kako nosehonɨngkuhwosi u nosepaênɨngkuhwosi oso hungkuno hiso oso hwe nongkwoe sɨmeho montɨmo me hopa wonahmmontonoho. 25 Yoêmayo hungkuno wonyo oso hwe sohwo kakoe sɨmeho moêmo mnawoênyo soêno huno syafɨsyɨhwosi kako ole walɨmontonoho, Anɨtu kako nje sɨmeho moêmo nohonalofoho. Ose lɨhwosi kako Anɨtumneêno hwomtame ulohofɨhwosi kako ole walɨmontonoho, Anɨtu kako sekwoênji nehopi humaho. Kako ose selɨhwosi kako Anɨtuye yofe wohoênomaêmontonoho. 26 Osoêno nje aêamu soku ngko sekumo oso hungkuno selohe soêno neso pipilo. Sekwo Anɨtuye yofe hoênomayoêne uhuêmɨngo sopo sekwo hopiênonohino soku ntoêno fesyohumafɨkuno. Aêamu fihwo kako ta walɨmontonoho. Nomêne aêamu fihwo kako Anɨtuye iyoswo mtaêango hungkuno yoloho wolosetɨhwamontonoho. Nomênihwo kako sekwoe hungkuno ne soênji hungkuno Anɨtu uyɨsoso waselɨmontonoho. Nomênehwo kako mampaho kengo Anɨtuye Towahuno mtaêangoso waselɨmontonoho. Oso hungkuno homo somjo aêamu hofɨko huno muyoênjo soêno Anɨtuye Towahuno hwe nomênehumo uyahonɨngki hungkuno homo somo hungkuno neso yoloho lɨjwaofoêne hweho. Osohwo kako oso hungkuno hiso neso waselɨmontonoho. Oso yoêmayo hopiênonohinoso ikuji sekwo Anɨtuye aêamu ne sokuneêno sefoêmayoêne yokumpohnênyo sesosofitofoênefoho. 27 U aêamu fihwa mampaho kengo kengoênji Anɨtuye Towahuno mtaêango wolano lɨkujɨêmanji u angaênohinotaho, hufaêutaho, hufaêu sɨhunetaho, oso hwa lohofoso ntaênoho. Oso hungkuno homo somo hwe sɨmoêmjo sohwo nto losojwaofɨhwosoêno osopo nomêne aêamuhwo kako kakoe hungkuno homo somo nto losojwaofɨhwosoêno osopo nomênehwo walɨmontonoho. Oso hungkuno aêamu mupaênyoênjo somo nomênihwo kako ne soêno uwoloêmokalɨmonte hweho. 28 Oso hungkuno homo somo aêamu fihwo iwoloêmokujoêne sohwo mohumentanɨngkuhwosɨêmanji ou, oso hopo sopo aêamu hungkuno kengo kengoênjo sohwa hofɨko hungkuno malɨfitnnehofo. Oêo, hofɨko mampiênyo wohumantɨfeho. Hofɨko mampiênyo humafɨkuji Anɨtuênji hunoênohini wosyofɨsyantɨfeho. 29 I aêamu nomêne somo Anɨtu kakoe huno mtaêni kako kakoe hungkuno aêamu ujoêne uyɨwoênɨngkisoso aêamu hufaêutaho, hufaêu sɨhunetaho, oso hwa hofɨko woselantɨfeho. Aêamu nomêneso hofɨko nohumafɨkuji Anɨtuye Towahuno sohwo kakoe yokumpohnênyo uyahonɨngkuhwosi hungkuno homo somo yano ulofantɨfeho. Huno ole wosyofɨsyantɨfe, Olo hungkuno loso Anɨtu mtaêangotaho. Kengo mtaêangotaho. Ose syafɨsyɨkuji yano ulofantɨfeho. 30 Hwe fihwo kako hungkuno Anɨtu mtaêango lontanɨngkuhwosi nomêne aêamu osohwo kako oso hungkuno homo somo upoênontohumentanɨngkuhwosi Anɨtu kako oso hwe sohumo kakoe hungkuno uyososo walɨmo lɨhwosi yahonɨngkuhwosi oso aêamu kɨko hungkuno sɨmoêmo lontijo oso hwosi kɨko mampiênyo fosyohumaho. Oso aêamu tɨfinjo huhwo sohwo kako Anɨtuye hungkuno waselono. 31 Oso yahino angaêno angaêno hisoêno Anɨtu kako kakoe yokumpohnênyo sejapɨhwosoêno sekwo angaêno angaênohino soku oso syoho hofiyo ikuji aêamu hopiênonohinoso Anɨtuye huno ntoêno nupaênɨngkuji sekwo yokumpohnênyo wososofitoênantɨfeho. 32 Aêamu Anɨtu kako hungkuno uyɨwoênɨngkiso oso hwa hofɨko oso hungkuno aêamu somo ujoêne yokumpohnênyo somo monje uyohohuêmo losoêmanji hofɨko oso hisoêno hoponoho. Oso yokumpohnênyo homo somo monje yasyɨhwosi hungkuno hiso komoêno moiêwo wesejwaoêmontonoho. Hofɨko oso syoho homo somo mokosyohumunyo hwafoho. 33 Anɨtu kako sɨmeho afa inyo yahinoso hwapɨngo hweho. Aêamu hungkuno lomtnnawe iwoênɨngkohofo oso yahinoso Anɨtu mtaêangoêmaho. Oêo awonoho. 34 Nakwo Anɨtuye hwe moyaêmi angoêmeemjo nakwo Anɨtuneêno uhuêmokuwoênɨngkuhwone hnênwiye uhuêmɨngo sopo moyaêmi sofa mampiênyo humawoênɨngkohofo paênyoso sekwo moyaêmi sofasi mampiênyo fosyohumamno. Sekwo hungkuno malɨfitnnehofo. Hwapɨngoso Anɨtuye hungkuno ole nalohoho. Moyaêmi sofa hofɨkoe hwehwamo enjwaêmo wohumafe. Osoêno hofɨko oso uhuêmɨngo homo somo momokosyohumafitnnehofo. 35 Hungkuno fehohnjo somo moyaêmi sofa nupaênontɨfi hungkuno neso huno muyoêmanji hofɨko oso uhuêmɨngo sopo oso hungkuno hisoêno nolohonɨngkutoho. Oêo, hwangku hofɨkoe angomo nohumafɨkuji hofɨkoe hwehwamo oso hungkuno hisoêno ulohonantɨfeho. Oso uhuêmɨngo sopo moyaêmi sofa hofɨko hungkuno lɨfijoso wonɨmango unɨmontonoho. 36 Sekwo oso yahino homo somo minɨngkayoênjo pehoêno yalokwofo. Sekwo huno pipi seyohoho. Sekwo Anɨtuye hungkuno hwapɨngoênjo kulaho. Sekwoênohini Anɨtuye hungkuno maêmentohofo kulaho. Nomêne aêamuso momasoênetaho. I sekwo hwahopo pawomno. 37 Aêamu fihwo kako ole loso, Ngko Anɨtuye hungkuno kakoe huno mtaêni aêamumo ulɨwoênɨngkohe hwoênyoho. Ou, nje hunoso Anɨtuye Towahuno mtaêangofoho. Ose loso sohwo kako huno ole wosyafɨsyono. Ngko Poulɨêni olo hungkuno semtɨêmokiyalokwe loso Anɨtuye honɨngkano hungkunofoho. Ose wosyafɨsyono. Oso hunoso mosyafɨsiyoêmanji kako mangoênohino hweho. 38 Aêamu fihwo kako olo nje hungkuno lomo hwotoho feso sohumo sekwo kakoe hungkunomo hwotoho hmhmno. 39 Oseso, nje aêamu soku, Anɨtu kako sekumo kakoe hungkuno sejopalokunjo soêno, sekwo kakoe yahwomehomi hopa emponawotofo soku, hungkuno Anɨtuye huno mtaêni ujoêneso hi wasemoênono. Sekwo aêamu Anɨtuye Towahuno mtaêango mampaho kengo kengo lɨwoênɨngkohofo somo nopɨjumofɨkutoho. 40 I osoêno ngko olo hungkuno selalokwe losoêno sekwo Anɨtumneêno uhuêmokuwoênɨngkohofo soponjo yahino ntoênohini fiyɨmno. Sekwo sɨhufisahufi hungkuno likaofɨkutoho.