1 Koulin 16
PNG1 Sekwo Anɨtuye aêamu nomêne Jelusalem humalofo soêntnneêno hamniyoho huêmeesiyoêne hungkuno ntohonɨmalofo soêno ngko olo hungkuno loso waselɨmneêno yohono. Ngko aêamu Ngkolesiya somo utɨhwamentohe hopaso sekumo wosetɨhwamneêno yohono. Sekwo ole fiyɨmno. 2 Sɨkuno iyoho humayo (Sante) huhwo huhwi sekwo yoêmayo syoho homo somneêno hamniyoho tɨpemawoênɨngkohofo soêno sekwo angaêno angaênohino soku sekwo oso hamniyoho hiso nomêne aêamu somneêno huno syafɨsyɨkuji fehohnjoso nomafɨkuji sekwoe ango somo kengopo fohoênahumno. Ose huêmesyontanɨngkuji ngko noseêmahmêmeêno oso hamniyoho hisoêno sekwo syoho engo mifitnnehofo. 3 Oseso hwangku ngko iêmofapmêmeêno sekwo nomêne aêamu somo oso hamniyoho uyohojaeêne uhwosopopmno. Oso aêamu huhwo sohwamo ngko hofɨkimo iyoswo honɨngkano imofoêneso uyɨêmo ngko hofɨkimo oso hamniyohoênjo iyoswoso pone Jelusalemno uyahotɨmonneêno yohono. 4 Hamniyoho huêmesyalokwofo somo ngko ole syafɨsyɨêmo, Ngko huhwoêni wamolɨmeêmanji u hofɨkoênji wowantanoho. 5 Nje hunoso ole syafɨhuêmalefoho. Ngko hwaho Masetouniya oso ajwo sopoe uêmo uêmaêmo. Ose mtitoêmalefoho. Osoêno sɨmoêmo ngko hwaho Masetouniya osopoe wekapmêmo woseêmaêmonnoho. 6 I osoêno ngko sekwoênji weêenehwo wohumamontɨkeno. Osoêno ngko huno maniyohoyohoho. Ngko sekwoênji humahmêmo oso ifoyo hamno soêno wohontohumamtɨkeno. Oseêmanji moiêwo imoênɨngkuhwosoêno ngko hano nomêne angopono ntɨêmo wamo lɨêmo yahonɨêmo sekwo ngkimo nonɨfoêmafɨkuji honɨngkanopo wonɨhwojowantɨfeho. 7 Sekwo huno seyohoho. Ngko sekwoênji weêenehwo humahmêmo komoêno selɨkoêmayoso ngkilaho. Oêo, Anɨtu kako ngkimo sekwoênji sɨkuno sawemo humayo soêno ntɨhwosoêno u ngko sekwoênji neêno wohumamonnoho. 8 Ngko olo ango Efesos lopo nohumentanɨêmo oso Sɨkuno Engo (Pentikous) Anɨtuye Towahuno nakwoe hwaho lopo pmmentiso sɨkuno somneêno syafɨsiyoêne sɨkuno osohwo nto iêmofapɨhwosoêno osohonta ngko olo aêamu lohwamo nulɨkoêmahmêmo sekwoe angopono wapmmonnoho. 9 Hwapɨngo neso olenoho. Anɨtu kako olo syoho lomneêno kako ngkineêno hokuêyo nohwosampoêmaso soêno ngko Anɨtu kakoe hungkunoso lutɨhwahonɨngko aêamu piênɨngo engoso hofɨko inɨngkowalokwofo. I osoênji aêamu piênɨngo engoso hofɨko olo hungkuno lomneêno mangohwa imoênalokwofo. 10 Weêenepi Timouti kako sekumo seêmasoêmanji sekwo kakimo hofiyoêno umokosyohumafijo soêno kako sekwoênji sɨmeho wopɨngoênji wohumamtonoho. Sekwo upaênɨmno. Timouti sohwo kako ngko paênyo Anɨtuye syoho engo yalofoho. 11 I osoêno aêamu fihwo huno ole syafɨsiyoêeno, olo hwe songo lohwo sohwo kako yoêmɨngohwoêmaho. Osoêno nakwo kakimo hohujo ukinjɨmofano. Huno ose syofɨsyɨhwaloho. Oêo, sekwo kakoe sɨmeho wopɨngo umokumno. Oseso hwangku sekwo kakimo kakoe honɨngkano somo uhwojapɨkujoêno kako ngkimo wonɨêmano. Ngko Timoutiênji aêamu nomêne soênji nɨêmayoêne hontohumaleno. 12 Nenɨngkwaêwehwo Apoulousɨye hungkunoso olenoho. Ngko nohumanji Apoulousɨmo ole ulɨwoênɨngkoho, Kɨko ango Koulin sopo uhwonamo lohojoso olo aêamu loênji uhuji uhwonae. Ose ulɨwoênɨngkohefoho. I kako olohonta sohonta uyoso ngkilaho lalofoho. I hwangku sohonta Anɨtu kakineêno honɨngkano umofihwosoêno wapmmontonoho. 13 Yoêmayo Anɨtuye syoho somo wonyo umoênɨmo lɨhwosi yososo sekwo iêwaho ntoêno fiyɨmno. Sekwo Anɨtuneêno sɨmeho hiêntnnono uyalokwofo osomo aho yokumpohnênyo fɨkemokosyohumamno. Sekwo hwe ne imoênɨngkuji yokumpohnênyo lohofɨkuji aho yokumpohnênyo fɨkemokosyohumamno. 14 Yoêmayo hopiênonohino sekwo iwoênɨngkohofoso osoênohini ikuji nomêne aêamu somo sɨmeho uyɨkuji sekwo hofɨkimo ntoêno femokosyohumamno. 15 Nje aêamu soku sekwo Sɨtefanosɨye aêamu osomneêno huno seyohoho. Hofɨko oso hwaho Ngkɨlik osopo humantɨfi Anɨtumo sɨmoêmo inɨngkamentohofofoho. Osoêno hofɨko hofɨkoe huno mtaêni hofɨko Anɨtuye aêamu ne somo hofiyoêno ufoêmawoênɨngkohofofoho. 16 Aêamu oso paênyo humawoênɨngkohofo somo sekwo hofɨkimo enjwaêmo fosyohumamno. Sekwo hofɨkoe hungkuno somo haloho popmno. I nomêne aêamu hofɨkimo ufoêmawoênɨngkohofo somo sekwo hofɨkimo tɨfi finɨngkamno. 17 Sɨkuno piênɨngo engo somo ngko sekwoe sɨmano masehonyoênjo nohumanji huno neêno syosefɨsyahonɨngko oso hwe hufaêu sɨhune sekwoe angopontaêango sohwa Sɨtefanosɨyo Foutiyunetasɨyo Akaikosɨyo hofɨko sekwoe sɨmano mafohiênontɨfi ngkimo nɨêmahonɨngkofi ngko sɨmonyo imalefoho. Hwapɨngoso sekwo hopiênono monɨêmapitnnohofo. I osoêno hofɨko nonɨêmahonɨngkofi ngko sekwoênji humentani hopa sɨmonyo yalokweno. 18 Hofɨko ngkimo nɨêmantɨfi sɨmeho wopɨngo nɨmokumalofofoho. Sekwoe sɨmeho hi osenohinoho. Osoêno sekwo oso aêamu huhwo sohwa hofɨko Anɨtuye syoho hofiyo yalokwofo sohwanji nomêne aêamu oso paênyo sohwanji hofɨkoe yofeso fohoênomapmno. 19 Oso hwaho Esiya loponjo Anɨtuye aêamu neso hofɨko Anɨtumneêno angoêmeemjo uhuêmokuwoênɨngkohofo hofɨko sekumo nje aêamuhwafo selalokwofo. Akwilaênji kakoe ape Pɨlisilaênji sikoe ango somo nomêne aêamuso hofɨko Anɨtuneêno uhuêmokuwoênɨngkohofo aêamu soênji hofɨko sekwo Anɨtumo inɨngkowalokwofo soêno hofɨko nakwoe aêamufo selalokwofo. 20 Anɨtuye aêamu ne ngkoênji humalofoso hofɨko nakwoe aêamufo selalokwofo. Nakwo Anɨtuye aêamu ne soênji swoênontani nakwo aho popotohumoênɨwoênɨngkuhwone hopaso sekwo aho popotohumoênɨmno. 21 Ngko Poulɨêni ngko oso aêamu olo iyoswo ngkineêno mtɨêmokalokuso sohumtaêni iyoswo nomanji ngko ahoênji ifalifaliyo mtɨêmokonji ole selalokweno, Nje aêamufo. 22 U aêamu fihwo kako Anɨtumo inɨngkayoso ngkilaho loso sohwo kako tɨkanomo wene hweho. U, nje Hwe Engo Jisas Kɨlais kako komoêno noho wapono nɨmoênɨngkohoho. 23 Nakwoe Hwe Engo Jisas kako sekumo wopɨngo neêno waselohofono. 24 Sekwo nakwoe Hwe Engo Kɨlais Jisasɨmo humalofo sokumo ngko sɨmeho sejopalokweno. Olo hungkuno loso ngko Poulɨêni mtɨêmokohono. Hungkuno osohopeho.