Lukas 20

1 Gubuê mangan Yisu rungê utusa i nan da garam da fisa i sisingê bini mingêa Ungar Mararam igi, da garam pumuêa Anutu gudzun rusan, da garam gudzupuê i nan faidagin, da garam gudzun mingêa wasaê i ampan iba da Arangan. 2 Da ribarangan ini da Yisu ibiani, “Wani da agai i u nang nam ani i manga nampanggan, da manga rim nan igi da agu?" 3 Da Yisu ini nan mungaê, “Dzi binigi bungê agut i agam mungê i nan mangan. Wani da dzi, 4 manga rim nampang i Yowanis ruruba garam in igi, Anutu ma garam gar?" 5 Da ribarangan ini nan da ruan ibiani, “Bida agi nida bida ani, ‘Iba imingê Anutu gin,’ da arangan bungê ani, ‘Da agam mada muaruts arangan?’ 6 Ma bida agi nida, ‘Iba imingê garam gar in,’ da garam santan bungê atapu agi funub i tauf, i ribarangan imuaruts i Yowanis igi profet mangan." 7 Ibinigi da ribarangan ini, “Aga anungê isruê gin i arangan nampanggan iba imingê anungê." 8 Da Yisu ini ibiani, “Ibinigi da dzi wasangê i nidan da agam i manga rim nampang da dzi i nanga nam ani." 9 Yisu ini nan raman ani da ampan, “Garam mangan intang guman wain mangan. Da irim ifa rib faingê banginggan i nanga gum yaba gin. Da itip nan i ribarangan uda nam igi nidzunggan marafaingê da rima faingê da arangan. Ida arangan ifa gamp bingibing mangan isangê gubuê guntiê bingan. 10 Da waêa gubuê wain nidzun dzuban da itangin mamaê guman mangan ifan da garam mpada tayangê gin igi i uda nam nidzun igi arangan gan faingê. Da bitsintaê garam mpada tayangê gum igi yis mamaê gum igi da iwat rai ifa bangi sasaê. 11 Da arangan itip itangin mamaê gum bits ifan. Da bitsintaê ribarangan irim ub in da yis arangan ibinigi da iwat rai ifa bangi sasaê. 12 Da itip itangin mamaê gum isu iruê da bits da ribarangan yis da irim biê rutin da itapu iwaê manaê. 13 Ida gum wain rinunggan ini, ‘Dzi nabu nang nabianungê? Dzi bungê atangin narunggangê marangê aridagin rururungan; dzi marangê ifur ibi ribarangan bungê atangê warangê gin.’ 14 “Da bitsintaê gubuê garam mpada gum wain igi tsanganda garam igi narunggan badan da ini da ruan, ‘Garam igi bungê asu wain i ramanggan nanggan santan; agi nais arangan funub da gum wain ani bungê asu agi gangê.’ 15 Ibinigi da ribarangan itapu arangan iwaê sinungê gum wain igi da yis funub. “Da gum wain rinunggan bungê anang nabianungê i ribarangan? 16 Arangan bungê aba da nais rib mpada tayangê gum wain igi funub da narim nafa da rib fain.” Gubuê ribarangan ringanta i nan igi da ini, “Nam igi anungê waêan u!" 17 Yisu irarab ribarangan da igutin, “Bida maêan da nan akaran ani wainggan ibianungê? ‘Tauf aru garam tipa ungar tapuda rai ugu isu tauf bini iyus tauf santan i antungêa ungar yaba gin.’ 18 Rib santan ruaêa ragun i tauf igi da bungê apuê fafarab. Da tauf igi ruaêa ragun i mangan da bungê arurumus ruan." 19 Da garam gudzupuê i nan faidagin da garam pumuêa Anutu gudzun rusan isau sanab i mpunga Arangan sung. I ribarangan isruê i nan raman nidan igi intuang ribarangan. Da bitsintaê ribarangan irat i garam santan igi. 20 Ibinigi da rungê itsanga Arangan ragun, da itangin garam i arangêa gin, inang runggan ibi garam nan nidzun. Tuasarangan maran ifur i mpunga Yisu yaba i nifun nan nidan da rima fada kiap tsiraê i raruda Arangan. 21 Ibinigi da garam arangêa gin igut i Arangan, “Kidungwaga tsiraê, aga sruê gin u ni nan da u santingê agai i nan rururungan. U watsarif garam mangan da u dzigin nan gin u, da bitsintaê u ni nan nidzun rururungan angu da santan i santingêa Anutu sanaban. 22 Garam Yuda nanggan faidagin ini wai, isangê agi rima takis fadan da Kaisar, ma imaê?" 23 Arangan itsanga tuasaranga uwayantan iyuêa Arangan igi da ini da ribarangan ibiani, 24 “Wasantingê dzi i moni mangan. Manga maraganunggan da binganggan imingê gin?" 25 Da tuasaranga ni ibiani, “Kaisar.” Da Arangan ini da ribarangan, “Ibinigi da warim Kaisar nanggan nafan da Kaisar da Anutu nanggan nafan da Anutu." 26 Da ribarangan irunt fafun i nan mungaê Aranga nidan, da impa frap nufan angu. I ribarangan wasangê i iyuêa Arangan i nida nan asub mingêa ampan tsiraê maran i raruda Arangan gin u. 27 Utup Sadusi, nida garam mampan mamida tipa muntida marataê ugu, fain iba da Yisu da igutin, 28 “Kidungwaga tsiraê, Moses yakar nan faidagin ani da agi ibiani, bida sagat mangan gabunggan mampan da mamida rima narun, da garam igi rainggan mangan bungê ayu sagat yaruf igi da narim narun i rainggan binganggan. 29 Ibinigi da garam mangan narun rusan marub 7. Miamun iyu sagat da anungê irim narun da imamp. 30 Da rain atsungêan itip iyu sagat yaruf igi da bitsintaê imamp sinungê sagat da narun imaê. Da rain ruas santan igi yatsungê ruan i sanab bida nigi da imamp sib ruta narun maêan. 32 Da sagat imamp bampan sib in. 33 Da gubuê buntun da garam mampan tipa muntida marataê da manga aru nigi bungê asu sagat igi gabunggan? I garam 7 igi iyu arangan." 34 Da Yisu ini da ribarangan, “Mingêa intap ani da garam da sagat iyu ruan. 35 Da bitsintaê waêa gubuê aga da rib Anutu tsanganda bini i tipa muntida marataê mingêa badzab gampan wasangê uda ruan. Imaê. 36 Da ribarangan anungê isangê tipa mampan, i ribarangan iwaê ibi angira, da isu Anutu narun rusan, i ribarangan imunti marataê imingê badzab gampan. 37 Da Moses isantingê wasi i garam mampan tipa muntida marataê igi imingê nan akaran yaba i dzaf gada gai maragagab, da gubuê faringêa Nifutsarif bida ani, ‘Abraham Anutu gan, da Isak Anutu gan, da Yakop Anutu gan.’ 38 Da Arangan anungê isu garam mampan Anutu gan. Imaê, isu garam mpada maran taêan Anutu gan, i mingêa Arangan maranggan da garam santan impa marataê." 39 Da garam gudzupuê i nan faidagin fain ini Arangan nanggan mungaê ibiani, “Kidungwaga tsiraê, u ni nan bini." 40 I ribarangan irat i rungê guta Arangan i nan fain. 41 Ida Yisu igut i ribarangan, “Ibubianungê ida rib ini Kristus igi Tafit narunggan? 42 Tafit runggan ini nan igi wasi imingê papiar nida Mint Tsarifa Anutu Gin, ‘Nifutsarif Yawe ini da dzi Nifutsarifangê ibiani, “Wampa dzi bangingê bini 43 nasangê dzi narasu u garam ipiapam nasu bintip i u rima fagam yaba gin.”’ 44 Tafit ifaringê Arangan ‘Nifutsarif’. Da ibubianungê da busuda Tafit narunggan?" 45 Rib santan rungê ringanta i nan da Yisu ini da gan riban atsungêa gin, 46 “Watsanga runggam sib i garam gudzupuê i nan faidagin. Maran yari i atsufa ngarukui tsiraê faga guntiê da yunga ampan maran mingêa mumai rantsa namin i garam tsarifan da rima bingan tsiraê rutin. Da maran yari i uda mumai miamun angu mingêa ungar mpruêa ruan gin da mingêa nam gadan tsiraê. 47 Da bitsintaê ribarangan yiyuê sagat yaruf i uda i nam bunumpan da ini runggan bini i udagin faga guntiê bingan. Garam bida nigi da bungê awaê da nam tsakia tsiraê nayus."