Lukas 11

1 Gubuê mangan da Yisu yugin, da gubuê Arangan udagin sib, da Arangan garaman atsungêa gin mangan ini da Arangan, “Nifutsarif, wasantingê agai i nan udagin, nabi Yowanis santingêan da garaman atsungêa gin." 2 Yisu ini da ribarangan ibiani, “Gubuê u nida udagin, da wani wabiani, ‘Ramangê, nifun natsarif u binganggam. U nanggam mpada tayangê garamam naba sung. 3 Warim aga nanggangê gadan da gubuê sib angu. 4 Wasiat aga nanggangê maisan rai i aga siata garam nanggan ntsuma i agai rai. U mauntap i agai nafa nam intsaêa agai maê.’" 5 Da Arangan ini da ribarangan, “Bida agamam mangan fada da rinunggan da pas wasaê da nuêa arangan da nidan, ‘Raingê, warim bret iruê da bits da dzi, 6 i dzi rinunggangê mangan iba sanab bingibing, da nam gadan imaê i dzi riman da arangan.’ 7 Da manga gingêa wasaê ini nan mungaê, ‘Anungê rima barabin da dzi u. I dzi tsungin muantsi sib, da dzi rut narungê rusangê igingê sib. Da dzi wasangê uriêan da rima nam mangan u.’ 8 Dzi ni guta i agam, agam maram ifur i arangan bungê auriê da narim bret, i wain arangan rinunggan igi? Imaê. Nam rima udzungê angu da arangan bungê auriê da narim nam aru aranga sauda runggan gin igi. 9 Ibinigi da dzi nani da agam: wagutin da agam bungê ayu; wasau da agam bungê awaê rutin; wadidinting muantsi da Arangan bungê atus muantsi i agam. 10 I rib santan aru guta gin da iyu mungaê; manga saudan da bungê awaê rutin; da manga didintinga muantsi da muantsi bungê atus ruan. 11 Agam raman ruas, bida mangan narunggan guta gin i yafas da bungê arim mur, ma? 12 Ma bida aranga guta i apu urubit mangan da u bungê arim nifumafai? Imaê, anungê isangê. 13 Agam garam maisan, da bida agam sruêa i rima nam bini da narum rusam, da Ramanggam mpada gunungun ibinigi rurim maran angu i rima Marapayam Mararam da rib guta gin." 14 Gubuê mangan da Yisu idaru marapayam maisan nifu mutut sinungê garam mangan, da garam arangan itip ini nan, da ampi tsiraê irunt fafun gin. 15 Da bitsintaê faingê ini, “Arangan iyu nampanggan imingê Bilsebul, marapayam maisan gudzun gan gin, i siata marapayam maisan rai." 16 Da rib faingê intsaê Arangan da igutin i santingêa nam maran mangan bida Arangan iba imingê Anutu gin. 17 Da Yisu isruê i ribarangan maran furan gan igi, ibinigi da ini da ribarangan, “Bida garam intap mangan branga ruan suda iruê da isa ruan da bungê asiat runggan rai, da utup bitsintaê branga ruan da bungê asiat runggan rai nabinigi. 18 Bida Sadang utupan mpada tayangê gin branga ruan suda iruê, da bumuntida babampaf bida anungê? Dzi ni nan igi, i agam ini dzi daruda marapayam maisan i Bilsebul nampanggan. 19 Da bida dzi siata marapayam maisan i Bilsebul nampanggan, da bida anungê i agam mamaê gam atsungêa i agam? Ribarangan isiat marapayam maisan rai ibinigi da ribarangan bungê araru agam i nan agam nidan. 20 Da bitsintaê bida dzi siata marapayam maisan waêa manaê i Anutu banginggan, da nigi isantingê Anutu nanggan mpada tayangê gan garaman ibawaê da agam sib. 21 “Da gubuê garam riniurun mangan ruta bangin nam muntida sib i gan ungaran, da gan nam bunumpan bungê amingê bini. 22 Da bitsintaê, gubuê garam mangan riniurun yusa arangan bada isa arangan, da bungê ampa riri gin, da nayu arangan bangi nam aru rima runggan sib in ugu sinungê, da nasu wain i gan nam bunumpan da nafab. 23 “Manga mamida rima dzi sib, da irim ipiap i dzi, da manga mamida ufuma ampan mpruêan da dzi, da idaru rai. 24 “Da gubuê marapayam maisan tanginda garam mangan rai, da ifa nam manaê dadauntan i sauda mumai mpada asap in. Da bitsintaê, gubuê sauda wasi da ini da runggan, ‘Dzi bungê atip afa ungar dzi tanginda rai ugu.’ 25 Da gubuê bawaêan da itsangan ungar igi isamur sib da iwaê bini da imingê utaê angu. 26 Ida arangan itip ifan da iyu marapayam maisan 7 maisa yusa arangan ugu, da ribarangan iba tip yatangê da impa ungar igi. Da garam arigi nanggan mpadan imais wasi iyus miamun ugu." 27 Da Yisu rungê nida nan aru nigi da sagat mangan mingêa wasaê i utup tsiraê igi inuê, “U rinanggam aru apingêa agu da mpada tayangê agu nugun natsiaê!" 28 Da Arangan ini nan mungaê, “Hai, da bitsintaê rib aru ringanta i Anutu sisingê bini gan da atangêa warangê gin nugun natsiaê nayus." 29 Da garam ampi tsiraê waêa sib da fain rungê waêa badan, da Yisu ini, “Utup gubuê aruani rib maisan. Ini tsanganda nam maran mangan i santingêa bida dzi ba imingê Anutu gin. Da bitsintaê, imaê, nam waêan da Yona ugu angu bungê asu nam santingêan da ribarangan i tsangandan. 30 Nam idzuwai waêan da Yona ugu isu nam santingêa garam Niniwe ibi arangan iba imingê Anutu gin, da nam idzuwai waêan da Garam Narunggan ibinigi bungê asu nam santingêan da utup gubuê aruani. 31 Da gubuê raruda garam da Kwin mingêa intap fiê bungê atip amunti marataê mpruêan da utup gubuê aruani, da bungê asantingê ribigi nanggan maisan wasi, i arangan iba imingê bingibing bingan i ringanta i Solomon uwayantan bini. Da garam bini bingan yusa Solomon ugu aruani. 32 Da gubuê raruda garam da garam Niniwe bungê atip amunti marataê mpruêan da utup gubuê aruani, da bungê asantingê i gan nanggan maisan wasi, i wain ibi rib Niniwe iparim i ruan i nan Yona fisagin, da garam bini bingan yusa Yona ugu aruani. 33 “Manga tanga rampi da anungê idzigin ma itangaf gur ragun gin u. Imaê; arangan yantungê iyab wagungê i rib atangêa ba ungar da tsanganda puatsadan. 34 U maram nidzun isu rampi i u nidzunggam. Gubuê u maram nidzun dauman da puatsadan isisungê u nidzunggam santan, da bitsintaê gubuê u maram nidzun maisan da nam mimin isisungê u nidzunggam. 35 Da u maram fura bida puatsadan mingêa wasaê i agu, da watsanga runggam sib i nigi anungê mimindan u. 36 Ibinigi da bida puatsadan sisungêa u wasaê gam santan da marafaingê anungê mimindan u, da santan bungê adzidziwan nabi rampi puatsadan arida sib i agu." 37 Da Yisu fisa i nan sib, da Farisai mangan igut i Arangan i ruta gada nam. Ibinigi da Arangan yatangê ifan da impai iga nam. 38 Da bitsintaê Farisai itsangan da irunt fafun i Yisu anungê yatsungê garam Farisai sanaban adzuêa bangin mungê i gada nam u. 39 Ida Nifutsarif ini da arangan, “Waringantin. Agam Farisai iti yadzuê kap da plet manaê angu, da bitsintaê agam wasaê gam ifungê angu i nam yafida un da nanga sasub. 40 Agam garam brabruêan! Anutu aru tipa nam manaê, itip nam wasaê impruê ibinigi. 41 Da bitsintaê warim nam mingêa wasaê da garam sauda runggan, da nam santan agam nangan bungê awaê bini i Anutu maranggan. 42 “O agam Farisai, watsauê i runggam! I agam irim bus mara maran rini gaunt mingêa gum ufuma suda 10 igi gan bits isu dangki da Anutu. Da agam anungê inang uwayant bini i garam fain ma maram yari i Anutu u. Da bitsintaê agam maram wari i Anutu da wanang bini i garam, nampruê da nam rima dangki igi. 43 O agam Farisai, watsauê i runggam! I agam maram yari i uda bintip miamun mingêa ungar mpruêa ruan gin da garam tsarifa agam mingêa maket. 44 Agam watsauê i runggam! I agam isangê garam badzab gampan mamida tirida tauf in da garam anungê isruê gin da iyung iyab in." 45 Da garam gudzupuê i nan faidagin mangan ini da Arangan, “Kidungwaga tsiraê, nan u nidan da arani irim barabin da agai impruê." 46 Yisu ini nan mungaê, “Agam garam gudzupuê i nan faidagin, watsauê i runggam! I agam nanggan faidagin ampi bingan irim barabin raragun da garam da ribarangan ibuaringê itsiri. Da agam warim bangi tsitsin gam mangan i rima sib u. 47 Watsauê i runggam! Ibiani, agam isara tauf i profet ruas agam tafam rusam miamun isa funub ugu ntsufan. 48 Ibinigi da agam isantingê rururungan i agam maram yari i tafam rusam miamun sanaban nangan; ribarangan yis profet ruas funub da agam isara tauf i ntsufan. 49 Ibinigi da Anutu nanggan mararuru ini, ‘Dzi bungê atangin profet da aposel nafan da ribarangan, da ribarangan bungê awaya profet da aposel ruas nanggan mpadan da bungê ais faingê funub.’ 50 Nabinigi da yangin tuas arani bungê asu wain i profet ruas santan biê gan aru yata rai da miamun Anutu tanginda gunungun da intap bawaêan da aruani, 51 mingêa Abel biê gan da bawaêa Tsekaria biê gan aru isa funub mingêa wasaê i Ungar Mararam da mumai tsarada nam in. Hai, dzi nani da agam, yangin tuas aruani bungê awaê da nam mungaê i asub santan ugu. 52 “Agam garam gudzupuê i nan faidagin, watsauê i runggam! I agam itsungin muantsi sib i garam uwayantan i sruêa i Anutu. Agam runggam watangê u, da agam imunti sib i rib nida atangêan." 53 Gubuê Yisu tanginda ungar igi rai, da garam Farisai da garam gudzupuê i nan faidagin nugun itsakia, da mingêa gubuê arigi da fadan da irim ipiap i Arangan i nan guta gin ampi bingan. 54 Ribarangan yintsaê Arangan i bida Arangan nida nan fain asub da mpungan.