Miamun 33

1 Yakop iraê i maran da itsangan Isau ruta garaman 400 badan. Da itangin narun rusan yatsungê rinan ruas, Lia, Retsel da gan sagat guman iruê igi. 2 Itangin sagat gum iruê igi impruê da narun rusan imungê miamun. Ida Lia da narun rusan yatsungê ifan. Da Retsel da narunggan Yosef imingê bampan gin. 3 Yakop runggan imungê ifan i riban santan, da yidzaê fagan da itauf maran iruê intap da yuriê, da inang ibinigi angu isangê 7 imingê sanab ifan da rainggan. 4 Da bitsintaê Isau irunt iba i waêa da rainggan da impung Yakop da itsutsuf arangan. Da rib iruê igi irang da ruan. 5 Da Isau iraê i maran da itsangan sagat da mamaê narun da igutin, “U rut rib idzuwai bingan aga ba?” Da Yakop ini, “Nigi mamaê narun Anutu maraampi gan riman da dzi, u garam gumam." 6 Da sagat gum iruê igi da narun rusan iba da yidzaê fagan da itauf maran iruê intap imingê Isau maran. 7 Ida Lia da narun rusan iba da itatapuangê iruê intap imingê Isau maran. Raiyi da Yosef da rinanggan Retsel iba da runang ibinigi angu. 8 Isau ini binaê, “Dzi mingêa naga badan da dzi tsanga apu utup utup, da nigi wainggan ibianungê?” Yakop ini arangan nanggan mungaê ibiani, “Nam dzi riman da agu igi da dzi rim i yafada u wangum i u tsanganda dzi bini." 9 Da bitsintaê Isau ini binaê, “Rainggan, dzi sangê inting angu. Nigi runamingê da agu." 10 Da Yakop ini, “Imaê. Dzi gampun runggangê da agu. Dzi yut apu ani ruta wangunggangê santan ibiaê da agu. Bida u maram arida i dzi da wayu. I dzi nugungê itsiaê nidzun angu i tipa tsanganda u maranggam ibi dzi tsanganda Anutu maran, i u yu dzi iyab. 11 Dzi gaib runggangê da agu i uda nam dzi riman da agu igi. Anutu isu maraampi da dzi, da dzi wasau runggangê i nam mangan u.” Yakop irim udzung da Isau isangê arangan itaga ruan i udan. 12 Da Isau ini da Yakop, “Agi mpruêa runggangê fadan." 13 Da bitsintaê Yakop ini da arangan, “Dzi garamang tsiraê, u tsangan mamaê narun narun aga anungê tsiraê tsiraê u. Da dzi nampa tayangê makau da dumpa rinan narun ruas rututan. Bida dzi usudan da yunga sanab guntiê da gubuê bitsintaê angu da apu santan bungê amamp sib i. 14 Ibinigi da garam tsiraê, wamungê wabiaê i dzi, u garam gumam. Dzi bungê ayung da nairab i apu santan da mamaê narun natsungê agu nabiaê nasangê waêa da agu mingêa intap Seir." 15 Isau ini, “Da nabinigi da dzi natangin garam fain da agu i rima agu sib.” Da Yakop ini arangan nifunggan mungaê ini binaê, “Dangki tsiraê. Da bitsintaê anungê nanga bida nigi u. Ma maram anungê fura sanab ampi bingan u. Aga sangê. Da bida u maram aridan da aga bungê amingê bampan i agu." 16 Ibinigi da gubuê arigi da Isau itangin arangan rai da itip iyung ifa Seir. 17 Da bitsintaê Yakop yuriê da intsungê ifa Sukot. Waêan nigi da arangan irim gan ungaran, da irim ungar tsaparangê fain i gan apu gan santan mpadan gin. I wain igi da ifaringê gamp igi binganggan Sukot, wainggan ibi ‘ungar tsaparangê’. 18 Impai nigi gubuê fain sib raiyi, da Yakop iyung iba da ibawaê bini angu imingê gamp Sekem imingê intap Kanan, da impa uts angu da gamp igi. Da arangan sanaban yunga mingêa Mesopotemia badan ibantsup imingê nigi. 19 Da arangan irim nam ntsuman isangê 100 silva ifan da Hamor narun rusan, Sekem da rain rusan, i intap marafain aru arangan arida ungar in igi. 20 Da yantungê tauf isu mumai mararam tsarada nam in i nigi da ifaringê i binganggan El-Elohi-Israil, wainggan ibiani, ‘El, Israil Anutu gan’.