Miamun 34

1 Gubuê mangan da Daina, Yakop narunggan finam riman da Lia ugu, iyung ifan i tsanganda sagat sagat gamp igi. 2 Da Hamor, nifutsarif gamp igi, aranga garam Hiwi da narunggan marub Sekem. Gubuê Sekem tsanganda Daina da iyafi un gin da yuntapin da inang asub in. 3 Da arangan nugunggan imais nidzun angu i Daina da nan isu madamin bingan i untapa i arangan wangunggan. 4 Arangan yaga ramanggan Hamor ini binaê, “Wau sagat aga da dzi i suda dzi fininggangê." 5 Gubuê Yakop uda sisingê i arangan narunggan finam igi waêa da sanab asub, da wanang nam mangan u, i narun ruas ifa sib i mpada tayangê apu santan, da impa ntras angu. 6 Da Sekem ramanggan Hamor ifa i ruta Yakop tipa nan igi. 7 Gubuê Yakop narun rusan mingêa gum bawaêan da ba ringanta i nan da nugun itsakia tsiraê bingan, i Sekem nanga sanab asub i ribarangan nafunggan da nigi isu miaê tsiraê bingan da Israil utupan. Uwayant bida nigi anungê sanab bini mangan u. 8 Hamor ini da Yakop da narun rusan ibiani, “Dzi narunggan Sekem wangungan iyu u narunggam finam aga nidzun angu. Dzi gaib runggangê da agam i agam rima Daina suda arangan fininggan. 9 Nam uda ruan namingê wasaê i agam da agai; warim narum rusam finam da agai da wau aga narungê rusangê finam nasu agamam nabinigi. 10 Da wampa wasaê i agai; intap rumingê da wampa gin da wanang gumam in nasangê maranggam furan da wayu intap fain nasu u nanggam." 11 Da Sekem ini da Daina nafun rusan da ramanggan ini binaê, “Dzi gaib runggangê da agam; dzi ni uda agam nafunggam suda dzi fininggangê. Dzi bungê arim nam ntsuman idzuwai agam gutagin. 12 Warim nam bunump gudzunggan. Bida agam maram fura i rima tsiraê bingan, da wani, da dzi bungê arim, bida agam rima mamaê finam arigi da dzi suda dzi fininggangê." 13 Da bitsintaê Yakop narun rusan yi-iyuê Sekem da Hamor i nam idzuwai Sekem nanga da ribarangan nafunggan Daina. 14 Da ini binaê, “Aga wasangê atsunga sanab bida arigi. Aga wasangê i rima nafunggangê da garam mangan mamida i safa riniubit u. Nigi bungê asu rinin miaêan tsiraê da agai. 15 Aga sangê i nida nifungê da agu i uda arangan bida u nanga nam bida aruani suda miamun: agu da garam gampam ani sib angu nasaf riniubit nabi agai. 16 Ida aga bungê arim narungê rusangê finam da agam, da nayu agamam. Da aga bungê ampa wasaê i agam da nasu garam utup bitsintaê. 17 Da bitsintaê bida agam buginda i safa riniubit, da aga bungê ayu nafunggangê da narut afan." 18 Hamor da narunggan Sekem itsanga ribarangan nanggan nidan igi iwaê bini angu. 19 Da Sekem nugun itsiaê i uda Yakop narun finam igi da iyu nan igi iyab sung angu. Da arangan ramanggan utupan itsarif arangan isarimp ramanggan Hamor. 20 Ibinigi da Hamor da narunggan Sekem ifa gan gampan igi mumai gan mpruêa maran gin da ini nan wasi da gan garaman sib angu ibiani, 21 “Garam utup igi isu agi rinungê rusangê nidzun. Agi natangin ribarangan nampa agi intapangê da nanang guman gin nasangê maranggan furan. Intap ani tsiraê bingan isangê agi da ribarangan. Da agi sangê i uda ribarangan narun rusan finam da ribarangan isangê i uda agi gangê. 22 Da bitsintaê ribigi bungê ani nifun i ruta agi mpruêa ruangê mpada suda garam utup bitsintaê bida agi nanga nam bitsintaê angu bida ani: garam sib angu nasaf riniubit nasangê ruan, nabi ribarangan nangan. 23 Bida agi nanga bida nigi da ribarangan makau gan da apu gan da nanggan santan bungê asu agi gangê. Ibinigi da agi nanang nam ribarangan nidan igi da ribarangan bungê ampa wasaê i agi." 24 Garam gamp igi santan iringant i nan igi, da sib angu irut Hamor da narun Sekem isaf riniubit. 25 Gubuê iruê da bits ntsupan da garam santan rungê mpadan da tsakia tsiraê da Yakop narun rusan iruê, Simion da Liwai, Daina nafun rusan igi, iyu bainatan da yatangê gamp isu nam runta fafun da yis garam da mamaê marub gamp igi sib angu funub. 26 Da yis Hamor da narunggan Sekem funub da iyu nafunggan Daina i Sekem ungaran da irut ifa gan arun. 27 Yakop narun rusan fain iba tsangan garam santan mampa sib da iyu nam santan mingêa gamp igi iyab i Sekem nanggan maisan nanga i ribarangan nafunggan. 28 Ribarangan iyu dumpa, nuning, makau da dongki impruê da nam mingêa gamp wasaê da mingêa manaê santan. 29 Ribarangan iyu ribigi nam bunumpan mara maran sib angu impruê da sagat da mamaê narun da nam idzuwai mingêa ungar wasaê santan. 30 Ntsupa sib da Yakop ini da Simion da Liwai ini binaê, “Aruani da agam irim barabin tsiraê bingan angu da dzi, da inang dzi binganggangê imais. Garam Kanan da Peris mpada intap ani bungê abugin dzi nidzun angu. Agi anungê ampi bingan u. Garam gamp ani bida mpruêa ruan da udzuda nan sib i waêa gamp da bungê ais agi sib." 31 Da bitsintaê Yakop narun rusan iruê igi ini i nanggan mungaê ibiani, “Aga tusa marangê i garam bida nigi i nanga sanab asub yaba i aga nafunggangê bida arangan sagat sanab mangan, a?"